Free Belarus Museum

Free Belarus Museum ⚪️музей барацьбы беларусаў за свабоду
🔴культурная прастора ў цэнтры Варшавы
⚪️месца дыялогу і яднання
(1)

❗️Гэта не мой выбар❗️Беларусы не ёсць рэжым дыктатуры і мы не прымаем бязвыбараў, катаванняў якія знішчаюць нашу краіну,...
21/01/2025

❗️Гэта не мой выбар❗️

Беларусы не ёсць рэжым дыктатуры і мы не прымаем бязвыбараў, катаванняў якія знішчаюць нашу краіну, незалежнасць і правы чалавека.

Але зараз беларусы на сваёй зямлі з'яўляюцца закладнікамі пануючага лукашызма і таму кожны з нас гэта:
🩸 Голас палітвязняў, якія пацярпелі за нашу агульную будучыню.
🩸 Голас за сваякоў, пазбаўленых свабоды.
🩸 Голас які мы выкажам міжнароднаму грамацтву сітуацыю ў нашым доме!

Гэта не мой голас, але гэта мой абавязак – змагацца за свабоду і незалежнасць нашай радзімы.

Выходзім за палонных!

Мы – грамада, і нашая годнасць мацней за рэжым.

🛑 26 студзеня 2025 года, Варшава. Пачатак а 12 гадзіне.

Вялізны марш з удзелам былых кандыдатаў у прэзідэнты і вядомых палітыкаў, а таксама выбітных беларусаў: Святланы Ціханозскай, Паўла Латушкі, Анжэлікі Мельнікавай, Стасі Гліннік, Вячаслава Сіўчыка, Паўла Баркоўскага, Вячаслава Барка, Кацярыны Ваданосавай, Піта Паўлава, Алеся Дзянісава!
💢 Маршрут:
Plac Trzech Krzyży → Pomnik Kopernika → Plac Zamkowy.

Жыве Беларусь!

21 студзеня Музей Вольнай Беларусі запрашае на адкрыццё выставы «30 год дыктатуры ў 30 постарах» знакамітага беларускага...
16/01/2025

21 студзеня Музей Вольнай Беларусі запрашае на адкрыццё выставы «30 год дыктатуры ў 30 постарах» знакамітага беларускага дызайнера Артура Вакарава.
У дзень, калі на нашай радзіме стартуе фарс - пачынаецца датэрміновае галасаванне на “бязвыбарах”, мы ў чарговы раз нагадваем усяму свету – Беларусь знаходзіцца пад уладай узурпатара ўжо больш за 30 год.

У трыццаці мастацкіх працах на выставе абыгрываюцца значныя вехі беларускага шляху апошніх трох дзесяцігоддзяў: кайданкі ў выглядзе лічбы 30, герб з іржавымі падцёкамі, расійскія танкі з цыбульным купалам замест вежы, школьны фартух на турэмнай робе, рукі з трыццаццю сінімі пальцамі. Так вобразна мастак паказвае ”дасягненні” беларускай рэчаіснасці пры лукашэнка.

«Я не генерал з войскам, не палітык з рычагамі ўплыву, я нават не валодаю навыкамі баявога мастацтва манахаў Шааліня. Супраць чаго я магу пазмагацца як дызайнер — дык гэта супраць хлусні лукашысцкай прапаганды. У часы грамадскай депрэсіі і безнадзейнасці дагрукацца, вярнуць павестку можна толькі адметнымі, крэатыўнымі праектамі», — так гаворыць пра выставу сам аўтар.

Артур Вакараў — заснавальнік вядомай мінскай студыі дызайну «Адліга», больш за 20 год супрацоўнічае з вядомымі нацыянальна арыентаванымі беларускімі праектамі. Як графічны дызайнер прывёз у Беларусь некалькі міжнародных узнагарод у галіне дызайну, у тым ліку першыя месцы і Гран-пры Біенале дызайну. Праз пераслед рэжыму быў эвакуяваны з Беларусі ў 2022 годзе.

Запрашаем на адкрыццё выставы, якое адбудзецца 21.01.25, у аўторак, а 18:30.

Выстава будзе доўжыцца з 21 студзеня па 5 лютага 2025 года.
Музей Вольнай Беларусі, Foksal 11, Варшава
Час працы Музея:
аўторак-пятніца: 16:00 – 20:00
субота-нядзеля: 12:00 – 20:00
Панядзелак – выходны.

Дарагія сябры!Працягваем знаёміць вас з экспанатамі Музея Вольнай Беларусі, і сёння пра свой артэфакт расказвае прызёр ч...
15/01/2025

Дарагія сябры!
Працягваем знаёміць вас з экспанатамі Музея Вольнай Беларусі, і сёння пра свой артэфакт расказвае прызёр чэмпіянатаў свету па кікбоксінгу, шматразовы чэмпіён Беларусі Іван Ганін .
Гэты экспанат адным з першых быў прыняты ў калекцыю Музея Вольнай Беларусі. Срэбраны медаль з чэмпіянату свету Іван Ганін выставіў на дабрачынны аўкцыён “World Sports For Ukraine” пасля пачатку поўнамаштабнай расійскай агрэсіі супраць Украіны. Ананімны ўдзельнік аўкцыёна выкупіў медаль за 7 100 даляраў і пажадаў перадаць яго ў фонды Музея Вольнай Беларусі. На ўрачыстай цырымоніі адкрыцця нашага музея 27 ліпеня 2022 года Іван Ганін выканаў просьбу пераможцы аўкцыёна. Срэбраная ўзнагарода была заваявана спартсменам на чэмпіянаце свету па кікбоксінгу, што праходзіў у 2017 годзе ў Будапешце, Венгрыя. Гэтыя спаборніцтвы сабралі каля 1 400 спартсменаў з 60 краін свету, а беларуская зборная заваявала на чэмпіянаце 11 медалёў – пяць срэбраных і шэсць бронзавых.

#Экспанатымузея

Пры падтрымцы Амбасады Каралеўства Нідэрландаў у Варшаве

У нядзелю, 12 студзеня, у Музеі Вольнай Беларусі прайшоў незвычайны музычны вечар з удзелам Alex Clover of Fram ( ) і ду...
14/01/2025

У нядзелю, 12 студзеня, у Музеі Вольнай Беларусі прайшоў незвычайны музычны вечар з удзелам Alex Clover of Fram ( ) і дудароў школы

Падзея адбывалася ў межах выставы "Строй" Кацярыны Ваданосавай ( ) і была натхнёная яе ідэямі. Музыка ахоплівала шырокі спектр стыляў — ад сярэднявечных мелодый да сучасных фолкавых і рокавых рытмаў. Гукі дуды арганічна спалучаліся з самымі рознымі музычнымі стылямі, ствараючы цікавы і непаўторны досвед для ўсіх, хто прыйшоў.

Дзякуем усім, хто далучыўся! Было прыемна правесці гэты вечар разам з вамі.
Падпішыцеся на наш Instagram, каб мець магчымасць першымі даведацца пра цікавыя падзеі ў Музеі Вольнай Беларусі!

Гэтыя выходныя ў Музеі Вольнай Беларусі былі багатыя на яскравыя падзеі!11 студзеня студыя «Купалінка»  правяла калядны ...
14/01/2025

Гэтыя выходныя ў Музеі Вольнай Беларусі былі багатыя на яскравыя падзеі!
11 студзеня студыя «Купалінка» правяла калядны фестываль з Батлейкай ад Аляксандра Ждановіча, каляднымі персанажамі і абрадавымі спевамі адразу на трох мовах.

Дзякуй усім удзельнікам — ад 4 да 40 гадоў — за тое, што падарылі добры настрой, натхненне і... начаравалі напярэдадні Новага года сапраўдны снег!

Фота:

Музей Вольнай Беларусі разам з Бюро культуры Варшаўскай мэрыі арганізавалі экскурсійны візіт у музей кіраўнікоў польскіх...
12/01/2025

Музей Вольнай Беларусі разам з Бюро культуры Варшаўскай мэрыі арганізавалі экскурсійны візіт у музей кіраўнікоў польскіх арганізацый культуры і адукацыі, а таксама выкладчыкаў Варшаўскага ўніверсітэта.

Госці азнаёміліся з назапашанымі музеем артэфактамі беларускага пратэсту і сталі ўдзельнікамі размовы аб сучасным стане палітычных рэпрэсій ў Беларусі.

Выказваем шчырую падзяку Пятру М., ( ) што распавёў гасцям гісторыі беларускіх палітзняволеных.

За арганізацыю візіта таксама дзякуем асабіста кіраўніку Бюро культуры мэрыі Артуру Юзвіку (Artur Jóźwik).

Такія сустрэчы даюць нам новыя магчымасці для супрацоўніцтва і падтрымкі з боку польскіх партнёраў, якія падзяляюць памкненні беларусаў да свабоды і дэмакратыі.

Музей Вольнай Беларусі зрабіў важны крок для захавання памяці: выпусціў каталог, які праз нашыя артэфакты распавядае пра...
10/01/2025

Музей Вольнай Беларусі зрабіў важны крок для захавання памяці: выпусціў каталог, які праз нашыя артэфакты распавядае пра сучасную Беларусь.

Выданне складаецца з чатырох раздзелаў: першы прысвечаны непасрэдным падзеям 2020 года, другі — беларускім палітвязням, трэці — салідарнасці беларусаў з Украінай і нашым Ваярам, а чацвёрты — супрацьстаянню і барацьбе, што працягваюцца дагэтуль.

Тыраж каталога складае 300 экзэмпляраў, якія бескаштоўна перадаюцца беларускім і польскім партнёрам музея — тым, хто дапамагае захоўваць сапраўдную гісторыю, хто шануе свабоду і каштоўнасці, якія мы абараняем.

Учора адзін з экзэмпляраў каталога быў перададзены ў падарунак Прэзідэнту Польшчы Анджэю Дудзе.

Музей працягвае збіраць артэфакты і заклікае прыносіць да нас свае асабістыя рэчы і асабістыя гісторыі, звязаныя з шляхам Беларусі да дэмакратычных пераўтварэнняў.

Больш пра артэфакты барацьбы і пра тое, чым жыве Музей Вольнай Беларусі, можна даведацца ў сюжэце на . Спасылка на сюжэт:
https://m.youtube.com/watch?v=KuSPc_abw3o&fbclid=PAY2xjawHuVr5leHRuA2FlbQIxMAABpkNZz3ETo2rnOuPtLoqk_6zCS8QTLXoF6hnNy4DWJJJQI11Kz6nZEbVhLg_aem_2s2h1nAyCpaMOxHsr56zQA

#Экспанатымузея

Віншуем з узнагародай! Музей Вольнай Беларусі з радасцю далучаецца да віншаванняў шаноўнага спадара, князя Мацея Радзіві...
09/01/2025

Віншуем з узнагародай!

Музей Вольнай Беларусі з радасцю далучаецца да віншаванняў шаноўнага спадара, князя Мацея Радзівіла з узнагародай медалём «За плённую працу на карысць Беларусі»!

Шаноўны Мацей Радзівіл - вядомы мецэнат беларускай культуры. Ён зрабіў свой унёсак у рэстаўрацыю Нясвіжскага палацава-замкавага комплексу — аб’екта Сусветнай культурнай спадчыны ЮНЕСКА. Пасля грамадска-палітычных падзей у Беларусі ў 2020 годзе аказвае вялікую дапамогу дзеячам беларускай культуры і навукі, якія знаходзяцца ў вымушанай палітычнай эміграцыі ў Польшчы.

Каманда Музея Вольнай Беларусі лічыць за гонар супрацу са спадаром Maciej Radziwill, шчыра дзякуе яго за падтрымку і віншуе з узнагародай Аб’яднанага Пераходнага Кабінета Беларусі.

фота - прэс-служба Офіса Святланы Ціханоўскай

Gratulacje z okazji nagrody!

Muzeum Wolnej Białorusi z radością dołącza do gratulacji dla szanownego pana, księcia Macieja Radziwiłła, z okazji otrzymania medalu “Za owocną pracę na rzecz Białorusi”!

Szanowny Maciej Radziwiłł – znany mecenas kultury białoruskiej. Wniósł swój wkład w restaurację kompleksu pałacowo-zamkowego w Nieświeżu – obiektu wpisanego na Listę Światowego Dziedzictwa UNESCO. Po wydarzeniach społeczno-politycznych na Białorusi w 2020 roku udziela wielkiego wsparcia działaczom białoruskiej kultury i nauki, którzy znaleźli się w wymuszonej politycznej emigracji w Polsce.

Zespół Muzeum Wolnej Białorusi uważa za zaszczyt współpracować z panem Maciejem Radziwiłłem, serdecznie dziękujemy mu za wsparcie i składamy gratulacje z okazji otrzymania nagrody Zjednoczonego Gabinetu Przejściowego Białorusi.

zdjęcie: biuro prasowe Swiatłany Cichanouskiej

Шаноўныя сябры!Каб быць да вас бліжэй, Музей Вольнай Беларусі ў мінулым годзе вывучаў патрэбы і запыты сваіх наведвальні...
09/01/2025

Шаноўныя сябры!

Каб быць да вас бліжэй, Музей Вольнай Беларусі ў мінулым годзе вывучаў патрэбы і запыты сваіх наведвальнікаў. Па нашай замове Беларуская Аналітычная Майстэрня правяла даследаванне запытаў рэальнай і патэнцыйнай аўдыторыі музея сярод беларускай і польскай супольнасцяў. Агульная колькасць рэспандэнтаў склала звыш 100 чалавек, большая частка з якіх узяла ўдзел у анкетаванні, а другая частка (14 чалавек) дала грунтоўныя інтэрв'ю экспертам.

Вялікі дзякуй усім, хто далучыўся да даследавання! Мы абавязкова апублікуем усе яго вынікі ў сацыяльных сетках музея.

Сёння прапануем даведацца аб тым, чым дзяліліся рэспандэнты з экспертамі падчас ананімных інтэрв'ю. Якія былі іх чаканні ад музея і якія ўражанні? Як беларусы бачаць місію музея? Што падабаецца ў нашай працы, а што трэба палепшыць?

Глядзіце прыклады цікавых адказаў і рэкамендацый удзельнікаў інтэрв'ю ў далучаных матэрыялах на картках. Ці згодныя вы з прапановамі і меркаваннямі? Напішыце ў каментарах! Мы будзем удзячныя за зваротную сувязь!

Даследаванне арганізавана ў рамках праекта «Музей Вольнай Беларусі ў культурнай палітры польскай сталіцы» пры падтрымцы Мэрыі Варшавы .

11 студзеня, а 15-й гадзіне, запрашаем у Музей Вольнай Беларусі на Калядны фэст Купалінкі!Цуд Калядаў. Моц успамінаў. Ве...
05/01/2025

11 студзеня, а 15-й гадзіне, запрашаем у Музей Вольнай Беларусі на Калядны фэст Купалінкі!

Цуд Калядаў. Моц успамінаў. Вернасць традыцыі. Як распавесці пра гэта дзецям у эміграцыі, знешняй ці ўнутранай? Адказ просты: завітаць да нас на фэст з дзецьмі, бацькамі, сябрамі — і адпачыць душой. Чакаем усіх!

_______

11 stycznia, o godzinie 15:00, zapraszamy na imprezę świąteczną Kupalinki w Muzeum Wolnej Białorusi!

Czar Świąt. Moc wspomnień. Wierność tradycji. Jak opowiedzieć o tym dzieciom w emigracji, zewnętrznej i wewnętrznej? Odpowiedź jest prosta: przyjść do nas na imprezę świąteczną z dziećmi, rodzicami, przyjaciółmi — i zabawić razem! Czekamy na Was!

Дарагія сябры!Вашай увазе працяг нашай рубрыкі – навіны пра папаўненне музейных фондаў, і сёння вас чакае цікавы эксклюз...
27/12/2024

Дарагія сябры!
Вашай увазе працяг нашай рубрыкі – навіны пра папаўненне музейных фондаў, і сёння вас чакае цікавы эксклюзіў!
Камандзір палка Каліноўскага Павал “Дзядзька” Шурмей падпісаў і перадаў у фонды музея сцяг падраздзялення.
А мы знайшлі чалавека, які стварыў афіцыйную эмблему Палка Кастуся Каліноўскага () і ўзялі ў яго невялікае інтэрв’ю пра гісторыю і спецыфіку гэтай эмблемы.
Такім чынам, знаёмцеся, Канстанцін “Кос” Сушчык (.rar ), які сам пра сябе кажа – “дызайнер на вайне”. Вось што ён распавёў нам пра гісторыю эмблемы Палка:
“Насамрэч, гэта быў вельмі хуткі працэс, 1-га сакавіка 2022 года мы абвясцілі пра стварэнне беларускай роты, а 8-га, я памятаю, проста на парце ў калідоры на базе палка “Азоў” мы малявалі гэтую эмблему. І ўжо 9-га сакавіка абвясцілі аб стварэнні Батальёна Каліноўскага і выкарыстоўвалі яе.
“Мы” – тут я маю на ўвазе ўсіх тых, хто былі тады першымі. Маляваў менавіта я.
Сімволіка, якой мы карысталіся – гістарычная. Гэта “Пагоня”, у цэнтры, а ўсё астатняе, гэта ўжо палёт фантазіі. Тут у нас “Пагоня” ўпісана ўнутры, шчытом у шчыце, па-сутнасці, а вакол яе меч і каса. Гэта адсылка да паўстання Каліноўскага, да касінераў. Ну, і беларускі і ўкраінскі сцягі, якія ахутваюць гэтую эмблему. Знешні контур, гэта адначасова і шчыт. У нас атрымалася больш рэзкая, вуглаватая форма шэўрона, якая ў прынцыпе таксама была прыдуманая і ніадкуль не бралася.
Я б не сказаў, што гэта нейкая кананічная форма, хутчэй наадварот, штосьці сучаснае. Па-сутнасці, у нас атрымалася сумесь чагосьці з адсылкай да мінуўшчыны, але пад новы манер. Ніякімі геральдычнымі гайдамі я не карыстаўся, бо трэба было рабіць усё вельмі хутка.”
Створаная Канстанцінам Сушчыкам эмблема першапачаткова выкарыстоўвалася як шэўрон і перажыла сваю эвалюцыю. Спачатку гэта быў шэўрон Батальёна імя Каліноўскага, прычым надпіс рабіўся кірылічны, а ўжо затым выява набыла новыя рысы – з надпісам лацінкай “Połk Kalinoŭskaha”. Менавіта гэтая эмблема і займае цэнтральнае месца на бел-чырвона-белым палотнішчы афіцыйнага сцяга падраздзялення.

#Экспанатымузея

Пры падтрымцы Амбасады Каралеўства Нідэрландаў у Варшаве.

Напярэдадні Раства мы ўзгадваем найбольш цёплыя і кранальныя сустрэчы. Адна з такіх сустрэч – Навагодняя ялінка для дзет...
24/12/2024

Напярэдадні Раства мы ўзгадваем найбольш цёплыя і кранальныя сустрэчы. Адна з такіх сустрэч – Навагодняя ялінка для дзетак беларускіх палітвязняў, якая адбылася ў Музеі Вольнай Беларусі.

Юным гасцям падрыхтавалі салодкі стол і гасцінцы, а каб весела і з карысцю бавіць час, запрасілі тэатр “Прыехалі” са спектаклем “Сумны суп”. За тым, каб дакладна ніхто не сумаваў, сачылі Зюзя і Дамавушка з калектыву .druhaja.

Арганізатары мерапрыемства – Музей Вольнай Беларусі і Народнае антыкрызіснае ўпраўленне – дзякуюць за дапамогу і падтрымку Навагодняй ялінкі Генеральнае прадстаўніцтва Фландрыі ў Польшчы і краінах Балтыі , Беларускую асацыяцыю палітвязняў “Да Волі” і фундацыю “Тутака” .

Дзіцячае свята на фотаздымках Генадзя Верацінскага!

Дзякуй усім, хто далучыўся да нас на вернісажы выставы “Строй” 21-га снежня ў Музеі Вольнай Беларусі!Чаруючыя канцэрт і ...
23/12/2024

Дзякуй усім, хто далучыўся да нас на вернісажы выставы “Строй” 21-га снежня ў Музеі Вольнай Беларусі!

Чаруючыя канцэрт і пескаграфія, аўтарская экскурсія – разам мы стварылі атмасферу сапраўднага свята.

Асаблівая падзяка ўсім, хто дапамог зрабіць гэты вечар магчымым.
Кацярыне і Стэфаніі Ваданосавым, мастачцы Аляксандры Канафальскай , гітарысту Ігару Палынскаму .

Выстава была створана пры падтрымцы Музея сельскай гаспадаркі ў Ціханоўцы. Арганізатары выставы ў Варшаве - Музей Вольнай Беларусі, Цэнтр беларускай культуры ў Беластоку , Народнае антыкрызіснае ўпраўленне .belarus.

Выстава “Строй” працягнецца па 19 студзеня ўключна. Запрашаем!

Музей працуе:
аўторак–пятніца: з 16:00 да 20:00
субота–нядзеля: з 12:00 да 20:00

25, 30, 31-га снежня, і 1-га студзеня – выходныя.

За фота дзякуй Генадзю Верацінскаму!

20 снежня 2024 г. у Музеі Вольнай Беларусі прайшоў Калядны беларуска-польскі творчы вечар.Гэта быў вечар-спатканне белар...
22/12/2024

20 снежня 2024 г. у Музеі Вольнай Беларусі прайшоў Калядны беларуска-польскі творчы вечар.
Гэта быў вечар-спатканне беларускіх і польскіх сябраў музея — кіраўнікоў і ўдзельнікаў культурніцкіх арганізацый і ініцыятыў, прадстаўнікоў беларускіх дэмакратычных сілаў і іх еўрапейскіх партнёраў.
Сярод гасцей вечара — Амбасадар Аўстрыі ў Польшы Андрэас Стадлер, прадстаўнікі амбасад Канады, Каралеўства Нідэрландаў і Славеніі, а таксама Міністэрства замежных спраў Польшчы.
Падчас мерапрыемства быў прадстаўлены першы Каталог артэфактаў Музея Вольнай Беларусі, адбылася прэзентацыя беларускай гістарычнай і нацыянальнай вопраткі з выставы “Строй” Кацярыны Ваданосавай, і выступ беларуска-польскага музычнага дуэта Канстанціна Гарачага і Міхала Солтана.

Мерапрыемства “Калядны беларуска-польскі творчы вечар” было зладжана ў рамках праекта “Музей Вольнай Беларусі ў культурнай палітры польскай сталіцы” пры падтрымцы мэрыі Варшавы.

Якая цёплая атмасфера атрымалася — глядзіце на фота.

,

21 снежня а 17-ай Музей Вольнай Беларусі і Цэнтр беларускай культуры ў Беластоку запрашаюць на адкрыццё выставы «Строй» ...
16/12/2024

21 снежня а 17-ай Музей Вольнай Беларусі і Цэнтр беларускай культуры ў Беластоку запрашаюць на адкрыццё выставы «Строй» Кацярыны Ваданосавай.

Выстава прадставіць 14 рэканструкцый строяў з перыяду ад ХІ да пачатку XX стагоддзя. Сярод іх — і адзенне полацкай княгіні, і юнай каралевы Боны, і шляхцянкі часоў паўстання 1863-1864 гадоў, і строі беларускіх сялян. Усе строі створаны ўручную з выкарыстаннем аўтэнтычных тэхнік і матэрыялаў: залататканых стужак, вязанага карунку, вышытых кашуль, гарсэтаў і крыналінаў.

Вернісаж уключае аўтарскую экскурсію Кацярыны Ваданосавай і канцэрт, у праграме якога — яе музыка і песні, натхнёныя беларускай гісторыяй.

Удзельнікі канцэрту:

Кацярына Ваданосава — вакал, духавыя;
Стэфанія Ваданосава — вакал, скрыпка;
Ігар Палынскі — гітара;
Аляксандра Канафальская — пескаграфія.

Выстава будзе адкрыта з 21 снежня 2024 г. да 19 студзеня 2025 г.

Музей Вольнай Беларусі, вул. Foksal 11, Варшава.
Уваход вольны.

Сёння ў Музеі Вольнай Беларусі апошні дзень працы выставы "Пачуцці". Шчыра дзякуем усім, хто ўжо завітаў на выставу і за...
15/12/2024

Сёння ў Музеі Вольнай Беларусі апошні дзень працы выставы "Пачуцці".

Шчыра дзякуем усім, хто ўжо завітаў на выставу і запрашаем тых, хто яшчэ не паспеў наведаць экспазіцыю, што складзена з прац, створаных палітвязнямі ва ўмовах турэмнага зняволення.

Асаблівая падзяка куратару Арцёму Задруцкаму і праваабарончаму цэнтру "Вясна" за збор і падрыхтоўку прац, а таксама за арганізацыю адкрыцця выставы.

Час працы: 12:00 - 20:00

Szanowne Państwo!Dla wielu z nas grudzień to czas podsumowań. Dla Muzeum Wolnej Białorusi najważniejszym osiągnięciem są...
13/12/2024

Szanowne Państwo!

Dla wielu z nas grudzień to czas podsumowań. Dla Muzeum Wolnej Białorusi najważniejszym osiągnięciem są Wasze zainteresowanie naszymi wydarzeniami, wizyty w naszej przestrzeni oraz zaangażowanie w życie muzealne.

Dążymy do tego, aby nasza współpraca była jeszcze bliższa, relacje bardziej trwałe, a wizyty bardziej komfortowe. Dlatego szczególnie zależy nam na Waszych opiniach i sugestiach.

Muzeum Wolnej Białorusi organizuje ankietę i zaprasza do udziału wszystkich przyjaciół! Podzielcie się swoimi myślami. Wypełnijcie formularz, przechodząc do linku https://research.oraculum.io/pl – zajmie to mniej niż 10 minut i jest całkowicie anonimowe. Ankietę można wypełnić po białorusku lub po polsku.

Badanie jest realizowane w ramach projektu „Muzeum Wolnej Białorusi na mapie kulturalnej Warszawy” przy wsparciu warszawskiego magistratu .

Adres

Ulica FoksAleja 11
Warsaw
00-327

Godziny Otwarcia

Wtorek 16:00 - 20:00
Środa 16:00 - 20:00
Czwartek 16:00 - 20:00
Piątek 16:00 - 20:00
Sobota 12:00 - 20:00
Niedziela 12:00 - 20:00

Telefon

+48530532621

Strona Internetowa

Ostrzeżenia

Bądź na bieżąco i daj nam wysłać e-mail, gdy Free Belarus Museum umieści wiadomości i promocje. Twój adres e-mail nie zostanie wykorzystany do żadnego innego celu i możesz zrezygnować z subskrypcji w dowolnym momencie.

Skontaktuj Się Z Firmę

Wyślij wiadomość do Free Belarus Museum:

Widea

Udostępnij

Kategoria