26/07/2026
VOLG DIE 🟩 EN ERVAAR KUNS!
Het jy geweet die KunsKuber-projek is deel van die Kalfiefees? Dis 'n unieke kunsprojek wat kreatiwiteit vier én fondse insamel vir kunsontwikkeling onder kinders en jongmense.
🎨 In 2025 het kunstenaars van Hermanus en omgewing hul talent op houtblokkies uitgeleef. Cecile Walters, wat die projek dryf, het daarna elke blokkie verder verryk met 'n skryfuitdaging. Die blokkies is tydens Kalfiefees uitgestal, en die opbrengs van die stilveiling is aan Creative Space geskenk.
✨ Nou is dit jou b***t om deel te neem!
🧩 Só werk dit:
🔍 1. VIND DIE BLOKKIES
Volg die kunsroetes en ontdek soveel moontlik blokkies by galerye en kunsuitstallings tydens die Kalfiefees.
✍️ 2. KIES 'N UITDAGING
Beskryf elke blokkie:
Kies unieke uitdrukkings, idiome, gesegdes en/of saamgestelde woorde wat die blokkie die beste beskryf. Voorbeelde:
• Hondelewe
• Elke hond kry sy dag
• Balhorig
• Die blaf is erger as die byt
📚 WEN PRAGTIGE AFRIKAANSE BOEKE!
🏆 Pryse word toegeken vir:
• Die meeste inskrywings per persoon
• Die meeste woorde, idiome of gesegdes per blokkie
• Die mees oorspronklike inskrywing
📸 Deel ook jou foto's op sosiale media en neem ander saam op die avontuur!
📝 Inskrywingsvorms is beskikbaar:
• Op die Kalfiefees-webwerf
• By deelnemende galerye
• By die Hermanus Biblioteek
🛍️ Ná die fees kan die unieke blokkies ook teen gemerkte pryse gekoop word.
🌐 Meer inligting en die Kalfiefees-feesgids:
https://bit.ly/Kalfiefees-Feesgids-2026
Vier die kunste. Vier kreatiwiteit. Vier die wonder van woorde en verbeelding. 🎨
Sien ons in die voorportaal... en oral waar die blokkies jou op 'n verrassende kunsavontuur neem. 🌼
🎟️ Kaartjie-navrae:
📞 012 880 2635
📱 WhatsApp 061 520 9041
📧 [email protected]
📚 Kaartjies ook beskikbaar by die Hermanus Biblioteek.
