Martes 11:00 - 19:30 Miércoles 11:00 - 18:00 Jueves 11:00 - 18:00 Viernes 11:00 - 19:30 Sábado 11:00 - 19:30 Domingo 11:00 - 14:00

Museo do Pobo Galego

Name: Museo do Pobo Galego
Address: San Domingos de Bonaval s/n, Galiza, Santiago de Compostela, 15703, ES
Telephone: +34981583620
Price range: £
Rating: 4.6

Casa
España
Santiago de Compostela
Museo do Pobo Galego

MUSEO DO POBO GALEGO Dispón tamén de seccións de arqueoloxía e de arte.
(438)

A EXPOSICIÓN PERMANENTE

O Museo conta con salas permanentes dedicadas ao mar, aos oficios, ao campo, ao traxe, á música, ao hábitat e a arquitectura, á sociedade e á prensa e a imprenta. O criterio seguido na súa montaxe pretende conxugar nunha visión de síntese as distintas facetas que definen a cultura de Galicia. Lonxe de encerrar no ámbito físico do museo todo o complexo fenómeno cultural, té

ntase proporcionar un compendio da diversidade de Galicia, que sirva como referencia para a valoración das distintas manifestacións dentro do conxunto e para impulsar o interese polo coñecemento directo e a procura de alternativas de futuro para a tradición.

01/09/2026

🏛️🗣️ O martes, 8 de setembro, terá lugar no Museo do Pobo Galego 𝑨𝒎𝒊𝒛𝒂𝒅𝒆 𝒆𝒏 𝒕𝒐𝒓𝒏𝒐 𝒂 𝑩𝒂𝒍𝒕𝒂𝒓, unha xornada de diálogo e conversa entorno á figura do que foi presidente da Xunta Xestora desta casa. Trátase dunha xornada aberta ao público, na que profesionais de diversos ámbitos conversarán arredor da obra e o legado do arquitecto compostelán.

🗓️ 8 de setembro
🕓 16:15 horas
📍 Museo do Pobo Galego
🎟️ Entrada gratuíta

👉 Esta é unha das actividades propostas para este derradeiro mes arredor da exposición 𝑹𝒂𝒇𝒂𝒆𝒍 𝑩𝒂𝒍𝒕𝒂𝒓. 𝑻𝒆𝒔𝒕𝒆𝒎𝒖𝒏̃𝒂 𝒅𝒖𝒏 𝒕𝒆𝒎𝒑𝒐, que pode visitarse no claustro alto do Museo do Pobo Galego até o 27 de setembro.

ℹ️ Consulta o programa da xornada: https://www.museodopobo.gal/gl/evento/xornada-amizade-en-torno-baltar

Colexio Oficial de Arquitectos de Galicia Arquitectos de Santiago ETSAC · UDC Universidade da Coruña Cultura de Galicia

31/08/2026

🎭 Este venres, o claustro do Museo do Pobo Galego será o escenario da performance poética 𝑴𝒆𝒅𝒓𝒐, 𝒎𝒆𝒅𝒓𝒐 𝒆 𝒏𝒐𝒏 𝒔𝒆𝒊 𝒐𝒏𝒅𝒆 𝒑𝒂𝒓𝒂𝒓, de 𝐈𝐬𝐦𝐚𝐞𝐥 𝐑𝐚𝐦𝐨𝐬, no marco do Plataforma. Festival de artes performativas.

🗓️ 4 de setembro
🕔 17:00 h
📍 Claustro do Museo do Pobo Galego
🎟️ Entrada gratuíta

🗣️ Unha acción de poesía performativa que reivindica a palabra como espazo de encontro, resistencia e acción colectiva. A través de panfletos poéticos, intervención gráfica e un recital performativo arredor do verso de María Mariño, a proposta recupera a forza da poesía como ferramenta de mobilización e resistencia.

📷 Foto © P. Souto - Plataforma. Festival de artes performativas

27/08/2026

🗣️ Hai moitísimas maneiras de rematar unha foliada! Nós quedamos con esta, recollida por Dolores Presedo a Consuelo, Florentina e Florinda en Frades no 1984 e gardada no fondo de Baldomero Iglesias no Arquivo do Patrimonio Oral da Identidade (APOI) do Museo do Pobo Galego.

𝐸𝑠𝑡𝑎 𝑣𝑎𝑖 𝑝𝑜𝑟 𝑑𝑒𝑠𝑝𝑒𝑑𝑖𝑑𝑎,
𝑒𝑠𝑡𝑎 𝑣𝑎𝑖 𝑝𝑜𝑟 𝑑𝑒𝑟𝑟𝑎𝑑𝑒𝑖𝑟𝑎,
𝑒 𝑎𝑐𝑎𝑏𝑜𝑢𝑠𝑒 𝑜 𝑐ℎ𝑜𝑐𝑜𝑙𝑎𝑡𝑒,
𝑟𝑜𝑒 𝑑𝑎 𝑐ℎ𝑜𝑐𝑜𝑙𝑎𝑡𝑒𝑖𝑟𝑎.

🔗 Ligazón á cantiga: https://apoi.museodopobo.gal/197/

Grazas por participar nestes seráns, nos que quixemos facer dialogar a tradición gardada nos arquivos (no APOI do Museo do Pobo Galego) coa que vai dentro de todas e todos nós ❤️ Xa volveremos !

🤗🎶 Convidámosvos a darlle o pespunte a este encontro coas vosas coplas de despedida. Lémosvos nos comentarios!

🎧🗄️ E lembrade que podedes visitar o APOI para explorar, aprender e descubrir o noso patrimonio oral popular en https://apoi.museodopobo.gal

Cultura de Galicia Deputación da Coruña Pazo de Raxoi

26/08/2026

🎼 E con esta cantiga finalizamos a nosa foliada de verán. Aí vos vai a derradeira copla. Atención! 📢

👋
𝐸𝑠𝑡𝑎 𝑣𝑎𝑖 𝑝𝑜𝑟 𝑑𝑒𝑠𝑝𝑒𝑑𝑖𝑑𝑎,
𝑒𝑠𝑡𝑎 𝑣𝑎𝑖 𝑝𝑜𝑟 𝑑𝑒𝑟𝑟𝑎𝑑𝑒𝑖𝑟𝑎...

Como remata? 😉 Agora é a vosa quenda! 🙌

Cultura de Galicia Deputación da Coruña Pazo de Raxoi

25/08/2026

👉 Coñeciades estas pezas que se atopan polos corredores do Museo do Pobo Galego?

🌾 Trátase de muíños circulares utilizados no período galaico-romano (ss. 1 a.C - 1 d.C) para moer os cereais e obter fariña. A parte superior móbil denomínase 𝘤𝘢𝘵𝘪𝘭𝘭𝘪 e a interior, fixa, 𝘮𝘦𝘵𝘢𝘦. O seu uso foi introducido en Galicia por vía marítima desde o sur, espallándose dende a costa ao interior.

Cultura de Galicia Deputación da Coruña Pazo de Raxoi

24/08/2026

🧳🌍 Cada día achéganse ao Museo do Pobo Galego visitantes desde diversos puntos do mundo para coñecer a cultura galega.

🤲 Pois un dos obxectivos fundamentais desta casa é precisamente divulgar e promover a cultura do noso pobo de cara ao exterior.

💬 Esta visitante de Londres cóntanos que é o que lle pareceu máis interesante do Museo. E vós, viñestes algunha vez? Que é o que máis vos gustou?

***

🧳🌍 Every day, visitors from all over the world come to the Museo do Pobo Galego to learn about Galician culture.

🤲 One of our main goals is precisely to share and promote the culture of our people beyond our borders.

💬 This visitor from London told us what she found most interesting about the Museum. And you, have you ever visited us? What did you like the most?

Cultura de Galicia Deputación da Coruña Pazo de Raxoi

21/08/2026

🟦🤔 Sabías que, aínda que o pareza, o claustro do Museo do Pobo Galego non é un cadrado?

🏛️✍️ En realidade, dous dos catro lados son un chisco máis longos, mais o arquitecto Domingo de Andrade (1639-1712), que tamén proxectou a coñecida escaleira tripla helicoidal de Bonaval, deseñouno usando efectos ópticos para que pareza un cadrado perfecto e disimular a planta irregular do edificio.

Cales son os lados máis longos? A próxima vez que pasedes polo Museo, podedes comprobalo 😉

Cultura de Galicia Deputación da Coruña Pazo de Raxoi

20/08/2026

🗣️🎶 A copla que compartimos onte forma parte dun desafío gravado no 1979 a Antonio e a Dolores na Picota, Mazaricos, por Dorothé Schubarth. Así aparece recollida no APOI do Museo do Pobo Galego:

𝐶𝑜𝑟𝑎𝑠𝑜́𝑛 𝑎𝑙𝑒𝑜𝑛𝑎𝑑𝑜,
𝑒𝑢 𝑛𝑜𝑛 𝑐ℎ𝑜 𝑎𝑙𝑒𝑜𝑛𝑒𝑖,
𝑎𝑙𝑒𝑜𝑛𝑎́𝑟𝑜𝑛𝑐ℎ𝑜 𝑜𝑢𝑡𝑟𝑜𝑠,
𝑎𝑔𝑜𝑟𝑎 𝑞𝑢𝑒 𝑐ℎ𝑒 𝑒𝑢 𝑓𝑎𝑟𝑒𝑖.

🎻 Unha copla semellante a esta foi transformada e reutilizada nos tempos de hoxe por grupos que se basean na nosa tradición popular para facer a súa música, como moitas outras que se conservan no APOI. Coñecíadela? Coñecedes algunha máis que se recuperase na música actual?

🔗 Ligazón á cantiga: https://apoi.museodopobo.gal/1867/

🤗 Para a semana que vén, unha nova cantiga!

Cultura de Galicia Deputación da Coruña Pazo de Raxoi

19/08/2026

🗣️🎶 E vós, vides á foliada?

🎧🗄️ No Arquivo do Patrimonio Oral da Identidade (APOI) do Museo do Pobo Galego atesouramos cantigas e coplas da nosa tradición musical e este verán estamos a facer un xogo de remuda con elas: nós poñemos os dous primeiros versos e vós os dous seguintes.

Velaquí unha máis:

𝐶𝑜𝑟𝑎𝑠𝑜́𝑛 𝑎𝑙𝑒𝑜𝑛𝑎𝑑𝑜,
𝑒𝑢 𝑛𝑜𝑛 𝑐ℎ𝑜 𝑎𝑙𝑒𝑜𝑛𝑒𝑖...

Agora é a vosa quenda! 🤗 Sabedes como continúa esta copla?

Cultura de Galicia Deputación da Coruña Pazo de Raxoi

18/08/2026

🏫 Un dos labores máis importantes do Seminario de Estudos Galegos foi o pedagóxico, como nolo revela este documento que se atopa no Arquivo do Museo do Pobo Galego.

🗄️ Trátase do programa do 1º curso de extensión escolar organizado polo Seminario de Estudos Galegos, un curso de verán que tivo lugar entre xullo e agosto do 1935 e no marco do cal se celebraron conferencias por Castelao, Risco ou López Cuevillas.

✍️ Entre os docentes que aparecen no programa, impartindo clases de historia e etnografía, tamén podemos atopar figuras vinculadas ao Museo do Pobo Galego, como Filgueira Valverde, Antonio Fraguas ou Xaquín Lorenzo, demostrando os lazos que unen ao Seminario de Estudos Galegos coa fundación desta casa, que o ano que vén cumprirá o seu 50 aniversario.

Cultura de Galicia Deputación da Coruña Pazo de Raxoi

Dirección

San Domingos De Bonaval S/n, Galiza
Santiago De Compostela
15703

Horario de Apertura

Martes	11:00 - 19:30
Miércoles	11:00 - 18:00
Jueves	11:00 - 18:00
Viernes	11:00 - 19:30
Sábado	11:00 - 19:30
Domingo	11:00 - 14:00

Teléfono

+34981583620

Página web

http://www.museodopobo.gal/

Notificaciones

Sé el primero en enterarse y déjanos enviarle un correo electrónico cuando Museo do Pobo Galego publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.