Taw Thar Gyi - YawLand

31/05/2026

31/05/2026

တိုက်ပွဲသတင်းထုတ်ပြန်ချက်
၂၀၂၆ ခုနှစ်၊မေလ (၃၁) ရက် (တနင်္ဂနွေနေ့)

၁ ။ (၁၁.၅.၂၀၂၆) ရက်နေ့ ပေါက် ကပစ-၂၄ မှ ထွက်လာသော အင်အား (၄၀၀) ဝန်းကျင် ခန့်ပါ စစ်ကောင်စီ စစ်ကြောင်းနှင့်(၂၂.၅.၂၀၂၆) ရက်နေ့တွင် ကပစ -၂၄ မှထွက်လာသော အင်အား(၉၀၀) ဝန်းကျင်နှင့် စစ်ယာဉ်တန်းများအပါအဝင် စုပေါင်းအင်အား ထောင်ချီဖြင့် ယောဒေသ ပုံတောင်နတ်ထိပ်သို့ စစ်ကြောင်းထိုးဝင်ရောက်လာချိန် (၁၃.၅.၂၀၂၆) ရက်နေ့ တွင် မိမိတို့ မဟာမိတ်တပ်ပေါင်းစုများနှင့် ထိတွေ့တိုက်ပွဲစတင်ဖြစ်ပွားကာ တိုက်ပွဲပေါင်း အကြိမ် (၁၀၀) ထက်မနည်း ရှိခဲ့ပြီး ယနေ့အချိန်ထိ ဆက်လက်၍တိုက်ပွဲဖြစ်ပွားနေဆဲဖြစ်သည်။
၂ ။ (၁၃.၅.၂၀၂၆) ရက်နေ့မှစ၍ ယနေ့အချိန်ထိ တိုက်ပွဲများအတွင်း မိမိတို့ မဟာမိတ်တပ်ပေါင်းစုဘက်မှ ထိခိုက်ဒဏ်ရာရရှိသူများနှင့် မြင့်မြတ်စွာဖြင့် အသက်စွန့်လွှတ်သွားကြသော အာဇာနည်သူရဲကောင်းများ လည်းရှိခဲ့ပါသည်။ ရန်သူ့ဘက်မှ ထိခိုက်ဒဏ်ရာရရှိသူ (၁၀၀) ကျော်၊ သေဆုံးသူ (၈၀) ကျော်ရှိပြီး ဖမ်းဆီးရမိ စစ်သုံ့ပန်းများ နှင့် လက်နက်ခဲယမ်းများလည်း သိမ်းဆည်းရရှိခဲ့ပါသည်။
၃။ တိုက်ပွဲများဖြစ်ပွားနေစဉ် ကာလတစ်လျှောက်တွင် စကစ စစ်ကြောင်းများမှ အပြစ်မဲ့အရပ်သားပြည်သူများအား လူသားဒိုင်းအဖြစ် ဖမ်းဆီးခေါ်ဆောင်၍ ညှင်းပန်းနှိပ်စက်သတ်ဖြတ်ခြင်း ၊ ကျေးရွာများအတွင်းရှိ ပြည်သူပိုင်ပစ္စည်းများအား ခိုးယူခြင်း ၊ နေအိမ်များအားမီးရှို့ဖျက်ဆီးခြင်း ၊ လေကြောင်းဖြင့် စစ်ဘေးရှောင်နေရာများသို့ အကြိမ်ကြိမ်ဗုံးကျဲတိုက်ခိုက်ခြင်း စသည့်လူမဆန်သောလုပ်ရပ်များနှင့်အတူ ယုတ်မာရိုင်းစိုင်းစွာ စစ်ရာဇဝတ်မှုများအား ပြောင်ပြောင်တင်းတင်း ပြုလုပ်ခဲ့ကြပါသည်။
၄ ။ မိမိတို့ယောတပ်တော်(YA)သည် စစ်အာဏာရှင်စနစ် အပြီးတိုင်ချုပ်ငြိမ်းရေး ၊
ယောဒေသနှင့်မြန်မာတစ်နိုင်ငံလုံးလွတ်မြောက်ရေးအတွက် ရွပ်ရွပ်ချွံချွံဖြင့်အစွမ်းကုန် တိုက်ပွဲဝင်သွားမည်ဖြစ်သည်။ တိုက်ပွဲများဆက်လက်၍ ပြင်းထန်လာနိုင်သည့်အတွက် တော်လှန်ပြည်သူလူထုများအနေဖြင့် ကြိုတင်ပြင်ဆင်ထားကြရန်၊ မိမိတို့ဘေးကင်းလုံခြုံရေးအတွက် သက်ဆိုင်ရာတာဝန်ရှိသူများနှင့် ချိတ်ဆက်ပူးပေါင်း ဆောင်ရွက်ကြရန် တိုက်တွန်းနှိုးဆော်အပ်ပါသည်။

ယောတပ်တော်(YA)
ယောဒေသ

#ယောတပ်တော်

#တိုက်ပွဲသတင်း
#ယောဒေသယောနယ်

26/05/2026

17/04/2026

" ကျွန်တော်တို့ ယောနယ်ထဲက ရွာတစ်ရွာ လေကြောင်းအချက်ပြ ကျွဲချိုမှုတ်ကြတာတဲ့... "
(အသံလည်းမထွက်ဘူး😁)

Camera - Myo Htet Hla Thaw

#ယော
#တောသားကြီးယောမြေ

21/03/2026

😍

16/03/2026

" ယောသားမှန်ရင် အဲ့လိုသောက်ဖူးရမယ်😁 ..."

Photo By Myo Htet Hla Thaw thanks bro

#တောသားကြီးယောမြေ
#ယော
#ယောမြေ
#ယောဓလေ့

17/02/2026

စစ်ကောင်စီလေကြောင်းကို မိုဘိုင်းဖုန်းမှတစ်ဆင့် အလိုအလျောက်အချက်ပေးသံမြည်စေမည့် "ဝေဟင် ကင်းထောက်"စနစ်ကို စတင်အသုံးပြုနိုင်
----------------------------------------------------------
YAW Media (Yaw Assiduity Waves)
ဖေဖော်ဝါရီ၊ ၁၇၊ ၂၀၂၆

စစ်ကောင်စီလေကြောင်းကို မိုဘိုင်းဖုန်းမှတစ်ဆင့် အလိုအလျောက်အချက်ပေးသံမြည်စေမည့် "ဝေဟင် ကင်းထောက်"စနစ်ကို စတင်အသုံးပြုနိုင်ပြီဟု ဝေဟင်ကင်းထောက် အဖွဲ့က ထုတ်ပြန်သည်။

မြန်မာနိုင်ငံတစ်ဝန်း လေကြောင်းအန္တရာယ်များပြားလာနေသည့်အတွက် မိမိရှိရာ မြို့နယ်အနီးသို့ လေယာဉ်များ ချဉ်းကပ်လာပါက ဖုန်းမှတစ်ဆင့် အလိုအလျောက် အချက်ပေးအသံမြည်မည့် “ဝေဟင် ကင်းထောက် Warning System” သစ်တစ်ခုဖြစ်သည်ဟု သိရသည်။

အဆိုပါစနစ်သည် မိမိနေထိုင်ရာ မြို့နယ်၏ ပတ်လည် ၈၀ ကီလိုမီတာမှ ၁၀၀ ကီလိုမီတာအတွင်း လေယာဉ်ဝင်ရောက်လာသည်နှင့်တစ်ပြိုင်နက် ဖုန်းမှတစ်ဆင့် Alarm မြည်ကာ အသိပေးမည်ဖြစ်သောကြောင့် လေယာဉ်မရောက်ရှိမီ မိနစ်အနည်းငယ်ခန့် ကြိုတင်ပြင်ဆင်ချိန်ရရှိကာ ဘေးလွတ်ရာသို့ အချိန်မီ ရှောင်တိမ်းနိုင်မည်ဖြစ်သည့် စနစ်ဖြစ်သည်။

လက်ရှိရရှိထားသည့် သတင်းအချက်အလက် Data များအရ မကွေး၊ မန္တလေး၊ စစ်ကိုင်း၊ ချင်းနှင့် ကချင်ဒေသများတွင် အကျိုးပြုမှု အားကောင်းမည်ဖြစ်သော်လည်း သတင်းပေးပို့မှု အားနည်းသေးသည့် ရခိုင်၊ ကရင်၊ ဧရာဝတီ၊ ရှမ်း၊ ပဲခူး၊ ကရင်နီနှင့် တောင်ပိုင်းဒေသများတွင်မူ ထိရောက်မှု အားနည်းနိုင်သေးကြောင်း သိရသည်။

ယင်းစနစ်သည် ပြည်သူအချင်းချင်း ပေးပို့သည့် သတင်းအချက်အလက်များအပေါ် အခြေခံတွက်ချက်ခြင်းဖြစ်၍ လေယာဉ်ဖြတ်သန်းမှု သတင်းများကို ဝေဟင် ကင်းထောက်၏ Telegram Bot မှတစ်ဆင့် ပြန်လည်မျှဝေပေးခြင်းဖြင့်လည်း အပြန်အလှန် ကူညီစောင့်ရှောက်နိုင်မည်ဖြစ်ကြောင်း သိရသည်။

မြန်မာနိုင်ငံတွင် ပြီးခဲ့သည့် ဒီဇင်ဘာနှင့် ဇန်နဝါရီ နှစ်လအတွင်း လေကြောင်းတိုက်ခိုက်မှုများကြောင့် အရပ်သားပြည်သူ ၁၇၀ ကျော်အထိ သေဆုံးခဲ့ရသည့် ဖြစ်စဉ်များ ရှိခဲ့ပြီး
ထိုကဲ့သို့ အသက်အန္တရာယ် ထိခိုက်မှုများကို လျှော့ချနိုင်ရန်အတွက် ယခုကဲ့သို့ နည်းပညာအခြေခံ ကြိုတင်သတိပေးစနစ်များကို ဖော်ဆောင်လာခြင်း ဖြစ်ကြောင်း သိရသည်။

လေကြောင်းအန္တရာယ် Warning System အသုံးပြုနည်းလမ်းညွှန်များအား ပူးတွဲဖော်ပြထားသည်။

၁။ ဖုန်းထဲတွင် Firefox Browser ကို အသုံးပြု၍ www.waihinscout.com သို့ ဝင်ရောက်ပါ။

၂။ Website Menu ရှိ Alert Settings ကို နှိပ်ပြီး မိမိလက်ရှိနေထိုင်သည့် တိုင်းဒေသကြီးနှင့် မြို့နယ် ကို ရွေးချယ်ပါ။

၃။ Alert Distance တွင် မိမိအချက်ပေးစေလိုသည့် အကွာအဝေး (ဥပမာ - 80 km သို့မဟုတ် 100 km) ကို သတ်မှတ်ပါ။

၄။ "SOS Alarm" နှင့် "Browser Notification" တို့ကို အမှန်ခြစ် (On) ပေးထားပြီး Browser မှ Audio Permission တောင်းခံပါက Allow (ခွင့်ပြုသည်) ကို နှိပ်ပါ။

၅။ အချက်ပေးစနစ် အမြဲတမ်း အလုပ်လုပ်နေစေရန် Browser Tab ကို ပိတ်မပစ်ဘဲ နောက်ကွယ် (Background) တွင် ဖွင့်ထားပေးရန် လိုအပ်ပါသည်။

ပုံစာ - ဖေဖော်ဝါရီ ၅ရက်နေ့တွင် စစ်ကောင်စီ၏ လေကြောင်းတိုက်ခိုက်မှုကို ခံခဲ့ရသည့် မိအယ်ကျေးရွာ မြင်ကွင်း ဖြစ်သည်။

16/02/2026

😍

09/02/2026

ဘောင်ခတ်မထားနဲ့အတွေးတွေ
( Music Video )

Vocal & Composer & Music By
Taw Thar Gyi _ YAWLAND
Studio - Ipad (GarageBand)
Camera & edit - Thet Mg (Yaw)

👇youtube
https://youtu.be/f1thVg2dZ-Y?si=b9z1YWZjDli9GqzD
👇Tiktok

https://vt.tiktok.com/ZSme8xtQa/

#ဘောင်ခတ်မထားနဲ့အတွေးတွေ
#တောသားကြီးယောမြေ
#ယောမြေ
#ယော