31/05/2026
Ayon sa mga matagal nang residente ng reserbasyon, nagmula ito sa klasipikasyon ng mga pabahay na ibinibigay noon sa mga empleyado ng kulungan (at ng mga kolonya nito). Ang housing privilege na ito, na nakadepende rin sa kanilang ranggo at laki ng pamilya, ay bahagi ng kanilang mga pribilehiyong natatanggap kapalit ng paglilingkod nila sa pamahalaan. Binabawi ito ng gobyerno at ibinibigay sa ibang empleyado kung sakaling mamatay, matanggal, o mag-retiro ang empleyadong unang pinaglaanan ng bahay. Nagsimula rin ang pagbuo ng mga baryong ito matapos ang World War II dahil hindi na kasya ang community population sa orihinal na residential area, na kinatitirikan ngayon ng NBP Sunken Garden.
Ang Director's Quarter ang nagsisilbing Type A house na kabilang sa mga itinuturing na local historical landmarks ng Lungsod ng Muntinlupa ngayon.
Samantala, ang Type B naman ay tumutukoy sa bahay sa kaliwa ng Jamboree Lake papunta ng Bilibid na ibinibigay sa mga matataas na administrador ng kulungan gaya ng Assistant Director, Superintendent, at mga pinuno ng mga opisina. Ang Type C naman, na nasa kanan ng Jamboree Lake, ay tumutukoy sa mga kabahayan na ibinibigay sa mga section heads, prison inspectors, at iba pang mid-level officials ng kulungan.
Nakalaan naman ang mala-dormitoryong building sa tabi ng Maximum Security Compound na kung tawagin ay Guardsโ Quarters para sa mga empleyadong walang asawa, at ang Old Compound para sa mga empleyadong mayroong pamilya. Nang payagan ang mga g**o ng Itaas Elementary School (IES) at Muntinlupa High School (ngayoโy Muntinlupa National High School) na tumira sa reserbasyon, inilaan sa kanila ang Teacherโs Village na nasa Type C para maging tirahan nila.
Upang tugunan ang lumalaking bilang ng populasyon sa reserbasyon, ipinatayo ng nooโy Prisons Director Vicente Raval ang Vicar Village (na hango sa pangalan nilang mag-asawa, Vicente at Caridad Raval) upang gawing pabahay sa mga empleyado. Kalaunan, pinayagan na rin ang pagtira sa dating tibagan ng bato ng mga bilanggo na ngayoโy tinatawag nang Barrio Quarry.
Sinasabi ng mga matagal nang residente ng reserbasyon na itinigil ng pamunuan ng Bilibid ang pagbibigay ng libreng bahay nang dumami ang residente sa lugar; pinayagan na lamang na bigyan sila ng lupa ngunit sila na ang magpapatayo ng bahay. Kalaunan, hindi na rin sinunod ang classification na ito, ngunit nanatili ito bilang pangalan ng mga barrio sa loob ng NBP Reservation.
โ
#๐๐ถ๐ฏ๐ต๐ช๐ฏ๐ญ๐ถ๐ฑ๐ข๐๐ฏ๐ค๐ฐ๐ท๐ฆ๐ณ๐ฆ๐ฅ ๐ฎ๐จ๐ข ๐ฌ๐ข๐ข๐ญ๐ข๐ฎ๐ข๐ฏ ๐ข๐ต ๐ช๐ฎ๐ฑ๐ฐ๐ณ๐ฎ๐ข๐ด๐บ๐ฐ๐ฏ ๐ต๐ถ๐ฏ๐จ๐ฌ๐ฐ๐ญ ๐ด๐ข ๐ฌ๐ข๐ด๐ข๐บ๐ด๐ข๐บ๐ข๐ฏ, ๐ฌ๐ถ๐ญ๐ต๐ถ๐ณ๐ข, ๐ข๐ต ๐ฌ๐ช๐ญ๐ข๐ฏ๐ญ๐ข๐ฏ ๐ฏ๐จ ๐๐ถ๐ฏ๐ต๐ช๐ฏ๐ญ๐ถ๐ฑ๐ข.
Photo and story by Michael Anjielo Tabuyan
