Furlan in Comun

Furlan in Comun Furlan in Comun – Ufici pe lenghe furlane dal Comun di Udin Parcè?

Il Furlan al è une lenghe che e je “in Comun”: e ven doprade dal Comun di Udin tai siei rapuarts cui citadins e e ven metude “in comun” cun dute la citât, tant che mieç di comunicazion, imprest di informazion e strument di dialic e partecipazion civiche. Par fâ dut chest il Comun di Udin al à inviât il progjet “Furlan in Comun – Sportel pe lenghe furlane dal Comun di Udin”. Chê dal Sportel lingui

stic e je une des tipologjiis di intervent proviodudis de Leç n. 482 dai 15 di Dicembar dal 1999, Normis in materie di tutele des minorancis linguistichis storichis, par garantî l’ûs de lenghe furlane, dongje di chê taliane, tes aministrazions publichis, soredut tes lôr ativitâts di informazion, di comunicazion e di relazion cui citadins, e plui in gjenerâl cun chê di promovi l’ûs public e sociâl dal furlan. Tal teritori dal Comun di Udin la presince de comunitât linguistiche furlane e je rilevante e ricognossude. La diversitât linguistiche – e tal specific la presince de lenghe furlane – e je un valôr, un dirit e une oportunitât pe societât. Il progjet “Furlan in Comun” al è stât inviât par garantî l’ûs de lenghe furlane, daûr di ce che al è previodût dal articul 6 de Costituzion taliane e de Leç 482/1999, e al dopre lis risorsis finanziariis di pueste pe sô metude in vore.

Dai 10 ai 13 di Setembar al torne Friuli DOC! ☀🤩 Ancje chest an, in Marcjât Vieri, o sarìn ancje nô cun 𝐅𝐔𝐑𝐋𝐀𝐍 𝐃𝐎𝐂 - 𝐋𝐚 ...
03/09/2026

Dai 10 ai 13 di Setembar al torne Friuli DOC! ☀
🤩 Ancje chest an, in Marcjât Vieri, o sarìn ancje nô cun 𝐅𝐔𝐑𝐋𝐀𝐍 𝐃𝐎𝐂 - 𝐋𝐚 𝐯𝐞𝐭𝐫𝐢𝐧𝐞 𝐝𝐞 𝐥𝐞𝐧𝐠𝐡𝐞 𝐟𝐮𝐫𝐥𝐚𝐧𝐞 𝐚 𝐅𝐫𝐢𝐮𝐥𝐢 𝐃𝐨𝐜. Un spazi che al met adun ents, associazions e editôrs dal teritori che a promovin la lenghe e la culture furlane (e slovene). 💙🦅

📣 Ma a son des novitâts: la prime e je che o vin un spazi plui grant, e la seconde che o vin preparât un program di events ad hoc!

👉 Dait un cuc chi sot e... passait a cjatânus, us spietìn 😉

Cun: ARLeF, Associazion Culturâl Colonos, ASF Associazion Sportive Furlane, CIRF UniUd par Furlan, Glesie Furlane, Informazione Friulana Radio Onde Furlane, Istitût Ladin Furlan "Pre Checo Placerean", KAPPA VU edizioni, L'Orto della Cultura, La Patrie dal Friûl, Nota, Serling, Società Filologica Friulana, Societât Sientifiche e Tecnologjiche Furlane, Teatristabilfurlan, Združenje/Associazione don Blanchini, Gruppo Folcloristico Stelutis di Udin

📆 Ultin apontament de rassegne “Poesia e filosofia in Friuli nel secondo Novecento”, sabide ai 5 di Setembar aes 9 sore ...
31/08/2026

📆 Ultin apontament de rassegne “Poesia e filosofia in Friuli nel secondo Novecento”, sabide ai 5 di Setembar aes 9 sore sere li dal Circolo Nuovi Orizzonti.

📖 Dal poeme di Voltaire sul taramot di Lisbone ai tescj dal poete Leonardo Zanier, ispirâts al Orcolat dal 1976. Riflessions, leturis e improvisazions freestyle cun Daniele Bertacco, Beatrice Bonato, Stefano Rizzardi e DJ Tubet.

👉 Par cure di Società Filosofica Italiana - Sezione FVG. Par informazions: www.sfifvg.eu

🎭 Une serade di teatri dedicade aes feminis, ae memorie e ae storie dal nestri teritori: il spetacul “LE LEVATRICI DELLA...
27/08/2026

🎭 Une serade di teatri dedicade aes feminis, ae memorie e ae storie dal nestri teritori: il spetacul “LE LEVATRICI DELLA CARNIA” al rive a Udin!

📖 Ispirât cun libertât al libri “Nascere nella cenere” di Barbara Vuano, il spetacul al travierse la memorie des feminis de Cjargne e des comaris, custodis dal savê leât ae nassite, ae cure e ae vite des comunitâts.

📅 Vinars ai 4 di Setembar aes 20.45 te cort di Palaç Morpurgo

👉 Prodot di Le Muse Orfane APS, cun test e regjie di Silvia Lorusso Del Linz. In sene lis atoris Caterina Di Fant, Valentina Rivelli e Caterina Comingio.

Jentrade libare 🆓

📆 Lunis ai 31 di Avost aes 9 sore sere te cort di Palaç Morpurgo, cuart apontament de rassegne “Poesia e filosofia in Fr...
24/08/2026

📆 Lunis ai 31 di Avost aes 9 sore sere te cort di Palaç Morpurgo, cuart apontament de rassegne “Poesia e filosofia in Friuli nel secondo Novecento”, dedicât a Amedeo Giacomini e Federico Tavan.

🎤 Intervent di Angelo Floramo. Leturis di Cristina Benedetti. Musichis par cure di Giorgio Parisi. Al introdûs Enrico Petris.

👉 Par cure di Società Filosofica Italiana - Sezione FVG. Par informazions: www.sfifvg.eu

🎭 Joibe ai 27 di Avost aes 9 sore sere in Largo Valcalda 1 al va in sene “Storiis di no crodi”!🎤 Un spetacul par furlan ...
21/08/2026

🎭 Joibe ai 27 di Avost aes 9 sore sere in Largo Valcalda 1 al va in sene “Storiis di no crodi”!

🎤 Un spetacul par furlan di storytelling interatîf e musiche, su la tradizion orâl de conte locâl, par cure de Compagnia dei Riservati. Cu la narazion di Sonia Cossettini e l'acompagnament musicâl di Michele Pucci e un finâl a sorprese cu la pianiste e cjantante Eleonora Pitis.

👉 Ultin apontament de rassegne di teatri tal viert “TeLe Suono Summer 26” organizât de Compagnia della Testa. Jentrade libare!

🎶 Dopo dal sucès des edizions passadis, al torne ancje chest an il format 𝑫𝑨𝑼̂𝑹 𝑫𝑰 𝑼𝑵𝑬 𝑪𝑱𝑨𝑵𝑪̧𝑶𝑵, un incuintri a mieç jen...
17/08/2026

🎶 Dopo dal sucès des edizions passadis, al torne ancje chest an il format 𝑫𝑨𝑼̂𝑹 𝑫𝑰 𝑼𝑵𝑬 𝑪𝑱𝑨𝑵𝑪̧𝑶𝑵, un incuintri a mieç jenfri un conciert e un talk show, cun ospits trê cjantautôrs e ancjetancj gjornaliscj musicâi. Un “conciert fevelât” dulà che ogni autôr al disvele i grignei de sô scriture musicâl, pandint la sô vision dal mont intune alternance di cjacaris e musiche. 🎙️

🤩 Joibe ai 20 di Avost aes 9 sore sere te cort di Palaç Morpurgo, cun: Luca D'Angela e Marco Stolfo, Claudio Banelli e Margherita Cogoi, Momi (Monica Commisso) e Erika Adami.

👉 Ultin apontament de rassegne Istât de associazion Innió , di no pierdi!
Jentrade a gratis 🆓

🤓 Ancje tal 2026 il Centri Interdipartimentâl pal Svilup de Lenghe e de Culture dal Friûl (CIRF) de Universitât dal Friû...
13/08/2026

🤓 Ancje tal 2026 il Centri Interdipartimentâl pal Svilup de Lenghe e de Culture dal Friûl (CIRF) de Universitât dal Friûl al propon un cors gratuit di lenghe e culture furlane pai students dal Ateneu e par ducj i zovins interessâts a cognossi miôr la ricjece de nestre tiere, sedi a nivel linguistic, sedi par chel che al tocje la storie, lis tradizions e il teritori.

📆 Il cors, sore nuie e in linie, al scomence ai 7 di Setembar e al va indenant fin ai 7 di Otubar, par un totâl di 30 oris.

👉 Dutis lis informazions chi sot o sul sît https://cirf.uniud.it/gnovis-detai/cors-di-furlan-par-students-iscrizions-viertis
UniUd par Furlan

‼ Gnove date ➡ Joibe ai 13 di Avost aes 9 sore sere tal Parc Moretti Alvise Nodale & Davide Raciti!🎶 Un conciert intim e...
10/08/2026

‼ Gnove date ➡ Joibe ai 13 di Avost aes 9 sore sere tal Parc Moretti Alvise Nodale & Davide Raciti!

🎶 Un conciert intim e autentic dedicât al folk cjargnel e ae cjançon di autôr. Alvise Nodale e Davide Raciti a crein un percors sonôr che al nas de musiche acustiche dai cjantautôrs dai agns Setante e dal patrimoni tradizionâl de Cjargne. Un conciert sincîr, là che la lenghe furlane si pant materie vive, poetiche e atuâl. 🎻

☀ Tierç apontament de Rassegne Istât, par cure de associazion Innió . Jentrade libare! 🆓

🎵 Gnûf apontament cu la musiche par furlan! Miercus ai 12 di Avost aes 20:45, te Cort di Palaç Morpurgo, un event musicâ...
07/08/2026

🎵 Gnûf apontament cu la musiche par furlan! Miercus ai 12 di Avost aes 20:45, te Cort di Palaç Morpurgo, un event musicâl che al met in dialic trê vôs nobilis dal cjantautorât furlan di trê gjenerazions diviersis:
- Nicole Coceancig, vôs zovine de gjenerazion Z;
- Loris Vescovo, rapresentant de gjenerazion X;
- Ennio Zampa, testemoni de gjenerazion boomer.

🤩 Un confront vîf tra stîi, sensibilitât e lengaçs, ma ancje esperiencis e sonoritâts che si incrosin e che a mostrin cemût che la cjançon di autôr e cambie tal timp restant un lûc privilegjât di emozion, identitât e vision.

👉 Jentrade libare. Puescj limitâts, prenotazion conseade: tinyurl.com/cantautorifvg
Inte suaze dal Festival “Frattempi/5: Il Confine del Tempo” de associazion A.C.CulturArti

Indirizzo

Via Savorgnana, 12
Udine
33100

Telefono

+3904321272074

Sito Web

Notifiche

Lasciando la tua email puoi essere il primo a sapere quando Furlan in Comun pubblica notizie e promozioni. Il tuo indirizzo email non verrà utilizzato per nessun altro scopo e potrai annullare l'iscrizione in qualsiasi momento.

Scelte rapide

Condividi