Luberri, Oiartzungo Ikasgune Geologikoa

30/05/2026

Biologia eta Geologiako irakaslea zara? Agian interesa izango duzu Luberritik antolatuko dugun ekimen batean.

Kontua da Geologia ikasgelan lantzeko ikastarotxo bat prestatuko dugula, bio geo-ko irakasleei zuzendua egongo dena.

Antolatze aldera, aurretik, irakasleoi geologiaren alorrean aurkezten zaizkizuen zailtasun, erronka eta beharrak ezagutu nahiko genituzke. Horretarako, galdetegi txiki bat prestatu dugu:
https://docs.google.com/forms/d/e/1FAIpQLSdBn14DmM2LQmDyqDjdHhrHRHqvcmY1CaD7xUZR8BNIWdNHlA/viewform?usp=sharing&ouid=113386433295875979253

Galdetegi anonimo hau betetzerik baduzu, pila bat eskertuko genizuke. Izan ere, zuen iritzia oso garrantzitsua da ekimen hau antolatze aldera :)

Hilabete hauetan forma hartzen joango da...Hurren arte!

LUBERRI MUSEOA

Kaixo, iraskale hori! Luberri Museoarekin ekintzaren bat burutu duzu azken urteotan zure ikastetxearen bitartez eta uste dugu zure iritzia eta aholkua oso baliagarriak izango zaizgula. Edo besterik gabe, Biologia eta Geologiako irakaslea zara eta galdetegi hau iritsi da zure eskuetara. Kontua da geo...

21/05/2026

Maiatzaren 16an egin genuen irteera Errioxara, ez bodega batera, baizik eta Behe Kretazeoko dinosauroak ezagutzera, tartean Riojavenatrix lacustris. Lehenengo, Paleontologiako Interpretazio Zentroan bisita gidatua egin zigun zentroko zuzendaria den Patxi Saenzek eta ikertzailea den Juanpek. Beraien pasioa kutsatu ziguten, benetan zeinen interesgarria kontatu zigutena! Garrantzia paleontologiko erraldoia dauka Igeak, ikerketa pil pilean d**o, oso gomendagarria! Bazkaldunostean, Salvadorrekin Los Cayos iknita aztarnategi ikaragarria ikustera joan ginen, eazalpen interesgarriak eman zizkigun. Etorri zineten taldetxoari eskerrak eman nahi dizkizuegu, zuek egin zenuten posible irteera gauzatzea. Espero dugu irteeraz gozatu izana, gure partetik, asko ikasingenuen eta jende oso adeitsua ezagutu genuen.🤭☺️

12/05/2026

Larunbatean eguneko irteera egingo dugu Errioxako Igea herrira. Paleontologia eta dinosaurioak hizpide, bisita gidatua egingo dugu museoan eta baita iknita aztarnegietan.

Izena emateko epea amaitu da eta leku gutxi batzuk geratu direnez, eskaintza berezia zozkatuko dugu gaurtik ostegunera.

Sarrera bat ordaindu eta bi pertsonentzako plaza lortu dezakezu.

Parte hartzeko, idatzi argitalpen honetan norekin etorriko zinakeen irteerara. Osteguna, gau erdian amaituko da parte hartzeko epea.

Irabazlea nor den ostiralean esango dugu. Animatu!!

26/03/2026

IRTEERA GEOLOGIKOA ERRIOXARA

Igea herrira egingo dugu eguneko irteera geologikoa. Autobusez joan eta bueltatuko gara egunean bertan. Oiartzundik abiatuko gara 8:00-etan, Donostian ere jendea jasotzeko geldialdia egingo dugula. 2 ordu eta laurdeneko bidaia egin ostean, atesedena hartzeko leku batean geratuko gara. Ondoren, Igeako Paleontologia Museoan Errioxako dinosauroei buruzko nobedadeak kontatuko dizkigute eta museoan bisita gidatua egingo digute; eta kanpoaldeko "Los Cayos"-eko aztarnategia eta "enbor fosila" ikusi eta ulertzera eramango gaituzte. Tartean, Riojavenatrix lacustris espinosaurido espeziearen berri emango digute. Haragijale handi hori Kretazeon Errioxako delta ingurunean bizi zen, espezie berri hori Errioxan besterik ez zela bizi izan. Arratsean bueltatatuko gara, gehienez jota 20:00-etarako Donostira eta 20:15-etan Oiartzunera iritsiko garela aurreikusiaz.

12 pertsonek izena eman dute d**oeneko. Ez geratu lekurik gabe!

14/02/2026

Ikastetxeentzako tailerrak:

NIRE HERRIKO GEOLOGIA

Askotan gertatzen da kanpora goazela kanpoko hori ezagutzera bertokoa ezagutu gabe... Eta berdin berdina gertatzen da geologiarekin. Bada, geologia leku guztietan d**o, eta noski, zure bizi lekuan baita ere. Fijatu besterik ez gara egin behar, eraikin zein harlauza, mendi zein sakonune; gure paisaia geologiak determinatzen du hein handi batean.

Eta garrantzitsua iruditzen zaigu norbera bizi den herri edo hiriaren jatorri geologikoa ezagutzea…Norbera non bizi den jabetzea baliotsua da oso.

Esaiguzu Euskal Herriko zein txokotatik zatozen eta bertan daukazun geologia ikertuko dugu aurretiaz, gero museora zatozenean, bere ezaugarri geologikoak azalduko dizkizugula. Museoan ditugun Euskal Herriko zoko askotako fosil eta arroken laguntza izango dugu hori egiteko.

13/02/2026

Ikastetxe zein partikularrentzako irteerak eta tailerrak:

8.EH-KO HISTORIA GEOLOGIKOA TAILERRA ETA ARDITURRIKO MINERALAK IRTEERA

Irteera honek bi zati izango ditu, lehena museo barrenean burutuko delarik eta bigarrena, aldiz, Arditurri Meategien inguruan.

Lehenengo, Euskal Herriko historia geologikoaren testuinguru orokorra landuko dugu museoko fosil, arroka eta mineralen bilduma hizpide dugula. Modu honetan, Aiako Harriko magmatismoa eta Arditurriko meategien arrazoi geologikoa ulertuko dugu.

Arditurrira joango gara ondoren. Magmatismoarekin lotura duten mineralizazioak aurki daitezke bertan, eta hain zuzen ere, mineralen bila ibiliko gara, eta horiek identifikatuko ditugu tresna egokiak baliatuz (mailua, beira eta azidoa).
Nahi izanez gero, taldea bitan banatu daiteke eta bi txandatan bi ekintza ezberdin egin: bata Arditurriko Meategira sartu daiteke barrenetik nolakoa den ikusteko bertako begiraleekin, eta bestea mineralen bila joango da Luberriko lankideekin.

13/02/2026

Ikastetxe zein partikularrentzako irteerak:

7.SAN MARKO GOTORLEKUA ETA TXORITOKIETA

Irteerak hiru zati izango ditu. Lehena Oreretako Udalaren baimenarekin, San Marko Gotorlekuaren harresien barrenean izango da. Altuera honetatik inguruko tontor eta paisaia ezberdinak oso ondo bistaratu daitezke, ezin hobea gure lurraldearen historia geologikoa eraikitzeko.

San Marko eta Txoritokietako arroken testuingurua marratu ondoren, San Marko inguruko Kretazeoko arroka sedimentarioen identifikazioa egingo dugu, horretarako beharrezko tresnak banatuko ditugula; tartean mailua, beira eta azido klorhidrikoa egongo dira.

Amaieran, abandonatutako harrobi batera joango gara; bertan Euskal Herrian Kretazeo garaian izandako arrezifeen parte ziren kareharriak eta horiek gordetzen dituzten animalia fosilak hurbiletik ikusi eta identifikatuko ditugu.

13/02/2026

Ikastetxe zein partikularrentzako irteerak:

6.ZARAUTZ GEOLOGIKOA

Bi zati izango ditu irteera honek. Lehenengo, Zarautz eta inguruko arroken jatorri geologikoaz mintzatuko gara eta ondoren, material horiek herriko arkitekturan duten presentzia azalduko dugu. Ba al zenekien Zarautzen azpian diapiro bat d**oela? Eta akuifero bat d**oela baita ere? Zarauzko Flyscha ere landuko dugu, baita Iñurritzako estuarioa eta itsasaldean dauden duna sistemaren ezaugarriak ere bai.

Arkitekturari d**okionez, malekoian dauden harlauza, eskultura eta eraikinak hizpide, XV.mendetik aurrera inguruko labarretatik ekarritako hareharria eta XX.mendean Debatik ekarritako kareharria jorratuko ditugu, baita Brasildik ekarritako granito urdina eta “landare” forma dituen atzerriko hareharria ere, besteak beste.

13/02/2026

Ikastetxe zein partikularrentzako irteerak:

5.DONOSTIA GEOLOGIKOA

Hiriko eboluzio geologikoa eraikiko dugu Euskal Herriko historiaren testuinguruan. Tartean, Urguleko tonboloa nola sortu zen eta gure hondartzak nola eraldatu diren azalduko dugu. Ba al zenekien duela ez askorarte Ondarretan Gorga izeneko erreka itsasoratzen zela? Eta Kursaal-eko eraikina baino lehen Kasino bat zegoela bertan? Eta Zurriolako hondartza artifiziala dela? Eta ba al zenekien Loretopean dinosauroak iraungi zituen meteoritoaren arrastoa d**oela?

Bestalde, oinezko irteera honetan Donostiako eraikinak egiteko material garrantzitsuenak nondik datozen ulertuko dugu, tartean ingurutik ekarritako hareharriz egindako eraikin esanguratsuak eta bestalde, harlauzetan aurki daitezkeen fosildun kareharri grisak ere.

13/02/2026

Ikastetxe zein partikularrentzako irteerak:

4.JAIZKIBEL MENDIA

Irteera honek Jaizkibel mendiaren ezaugarri geologikoak ezagutarazteko aukera ematen du. Ibilbide moldagarria da, ikasleen adinaren, txangoaren abiapuntuaren eta ikastetxearen interesaren araberakoa izango baita.
Oro har, Jaizkibelen itsasorantz okertzen diren Flyscheko hareharrizko geruzak behatuko ditugu eta horiek antzina geologikoan nola eratu ziren eta gerora nola eraldatu diren ulertuko dugu. Jaizkibel itsaspea zenean bizi ziren itsasoko izakien arrastoak behatuko ditugu, baita paramoudra fenomeno geologiko bitxiak ere bai. Eta nola ez, hareharrian higaduraz sortutako geoforma liluragarriak behatu eta ulertuko ditugu.