25/09/2026
दुबई पुगेकी करोडपति (मुसि डन)बसन्तीको लग्जरियस लाइफस्टाइल चर्चामा
व्यवसाय विस्तारका लागि दुबई पुगेकी (मुसि डन)नामले परिचित बसन्ती गिरी यतिबेला दुबईका रमणीय स्थानमा घुमघामसँगै नयाँ अनुभव बटुलिरहेकी छन्। पहिलोपटक दुबई पुगेकी उनी व्यवसायिक कामसँगै त्यहाँका आकर्षक तथा पर्यटकीय गन्तव्यमा समय बिताइरहेकी छन्।
विशेषगरी दुबईको मरुभूमिमा क्वाड बाइक चलाउँदै खिचिएका उनका तस्बिरहरू सामाजिक सञ्जालमा चर्चामा आएका छन्। फरक शैलीको पहिरनमा क्वाड बाइक चलाउँदै गरेको तस्बिरमा उनी निकै उत्साहित र रमाइलो मुडमा देखिएकी छन्।
बसन्तीले दुबईका अन्य आकर्षक स्थानमा खिचिएका तस्बिर तथा भिडियोहरू पनि सामाजिक सञ्जालमार्फत सार्वजनिक गरिरहेकी छन्। नेपालमा व्यवसाय विस्तार गरेपछि थप अवसरको खोजीमा दुबई पुगेकी उनले कामसँगै आफ्नो भ्रमणलाई समेत स्मरणीय बनाइरहेकी छन्।
उनका पछिल्ला पोस्टमा दुबईको आकर्षक वातावरण, मनोरञ्जनात्मक गतिविधि र आफ्नो दैनिकीका विभिन्न झलक देख्न सकिन्छ। उनका तस्बिर तथा भिडियोले समर्थक र सामाजिक सञ्जाल प्रयोगकर्ताको ध्यान तानेका छन्।
