23/08/2026
Met Steps for Stem Cells on Bonaire
* READ FIRST COMMENT FOR ENGLISH
* LEES DE TWEEDE REACTIE VOOR NEDERLANDS
E sèptèmber aki, nos lo bini huntu na Boneiru pa konsientisá pueblo riba leukemia i sostené e trabou desididu di Fundashon Matchis.
Djòin nos pa un anochi inspirativo yená ku kreatividat, solidaridat i na mes momentu duna bèk na komunidat. Tur suma ku nos risibí ta bai pa Fundashon Matchis.
Fundashon Matchis ta manehá e registro di dunadó di stamcel i ta traha kontinuamente pa konektá pashèntnan ku e stamcel kompatibel ku ta salba bida. Desafortunadamente, haña un dunadó di stamcel kompatibel por ta un reto, spesialmente pa hendenan krioyo di Karibe, pasó aktualmente tin masha poko dunadó di stamcel registrá ku ta bini di nos komunidatnan. Ta p’esei urgentemente mester di mas dunadó di stamcel krioyo di nos islanan.
Sip & Paint
📅 10 di sèptèmber 2026
📍 Lugá suministrá generosamente pa Sobremesa
🎟️ $35 pa persona
✨ Seshon di arte dirigí pa e talentoso Studio Muzo
🎨 Suministro di arte generosamente reglá pa Tung Fong
🧁 Kuminda i bebida reglá pa Sweeti Bakery, Bonaire Logistics & Firgos Bonaire
Sea bo ta un artista eksperensiá òf simplemente ta buskando un anochi dibertido, bo partisipashon lo yuda hasi un diferensia den bida di pashèntnan di kanser di sanger i nan famianan.
Reservá bo lugá awe mes via +5999 675 0481 òf registrá via https://form.jotform.com/261814960567062
Bo no por partisipá pero tòg ke kontribuí finansieramente? Bo por hasi esaki ainda via: https://www.sterkvoormatchis.nl/project/miles-for-matches-bonaire?locale=nl.
