02/01/2017
ما لا يعلمه الرجال :) معلش هطول عليكم .
انا عندي 25 سنه و جالي حاله إشمئزاز من الجوازات و العلاقات في مصر ..
يا رجاله grin emoticon : مبدأيا كده في اي علاقه مفيش حاجه اسمها unconditional love >>
الحوار ده هتلاقيه من امك و ابوك ليك, خلفوك و صرفوا عليك و ربوك ف بيحبوك لله ف لله كده .
ف إذا انت متوقع تدخل علاقه و تلاقي فيها unconditional love تبقي لامواخذه حمار .
لو انت قررت تدخل اي علاقه ف لازم تبقي عارف انك هتقابل نوع من انواع البنات دي
الاولي : البنت الماديه, و دي غالبا بتكون تافهه, و مش قد المسؤليه و مش هتعرف تفتح معاها حوار, و اهم حاجه عندها, شكلك, لبسك, ف جيبك كام, بتصرف اد ايه؟ طبعا هي هتدلع عليك عشان كل ده و طبعا انت زي الحمار هتصدق انها محتاجه ليك ف بالتالي انت هتفتكر ان ده حب !!
التانيه : البنت المستقله ! و بالذات بقي لو الطوبه جت في المعطوبه و طلعت مستقله و حلوه في نفس الوقت .. النوع ده بقي للاسف متاكل حقه , البنت دي, لا هيفرق معاها معاك كام! ولا راكب ايه ولا نيله, كل اللي بتكون طالباه هو الاهتمام و الوقت و انك تحسسها قيمتها عندك ايه .. بس انت عشان راجل شرقي, هيبقي للاسف عندك حاجه اسمها غباء اجتماعي, هتاخد البنت for granted يلا ما هي موجوده هتروح فين؟؟؟ و طبعا عشان هي عاقله هتصبر عليك كتير يمكن يبقي فيك امل .. هي هتزعل جدا في الاول لو انت مش مهتم بيها, و هتتجنن لو انت مش بتطلب تشوفها, و هتكون غيوره جدا في الاول, و لو هي مش ضمن اهتماماتك هتنكد عليك, لكن عشان هي بتحبك هتبينلك كل ده, اكنها بتقولك دي المفاتيح عشان تكسبني .. لكن انت برضو هيكون لسه عندك غباء إجتماعي و هتفضل واخدها for granted , لكن مع الوقت, compare كده من اول ما عرفتها لحد ما انت حسيت بتغير فيها . كلامها قل, صح؟؟
مباقتش تكلمك زي الاول, صح؟؟؟ مباقتش تغيير عليك, مش كده؟؟؟ مبقاش يهمها انت رايح فين و جاي منين و روحت ولا لأ , حصل؟؟؟ مبقتش يهمها goodmorning wla goodnight text
ولا بقت تلومك, مش كده؟؟؟
هي مش بتكرهك, هي وارد اوي تكون بتحبك جدا, بس إفتكرت انها لازم تحب نفسها برضو!!
البنات دي بقي للاسف خسارتهم تجيب الارض, لأن انت عارف و هما عارفين ان في زمن زي ده, مش هتلاقي زيهم !!!!!
و الحاجه لما تقل, قيمتها تعلي .
الراجل مرايه مراته او شريكته , و الست بطبعها معطائه جدا, هتديها قيراط هيتردوا 24 .. مش هتديها حاجه! لا وقت ولا حب ولا إهتمام ولا دلع ولا حتي ورده تخليها تضحك لمده دقيقه, هتفضل هي برضو تديك, لحد ما ال inventory اللي عندها يخلص ..
و لو خلص هيكون في حلين قدامك .
يا إما هتكون غبي و تسيبها تمشي تشوف حياتها و ت re-fill اللي هي إدتهولك .
يا إما هتكون ذكي و تقدر النعمه اللي ف ايدك, و تعرف و تعرفها ان زي ما اهلك و شغلك و صحابك و الجيم اولويه ف حياتك, هي برضو اولويه و يمكن اهم اولويه لأن دي الشريكه اللي هتشيلك ف حلوك و مرك ..
انا اكتر ستات شفتهم بيطلقوا بدري او سينجل , هما اكتر ستات ناجحه و مستقله و ببقي متاكده ان الرجاله للاسف عاملوهم غلط ..
رفقا بالقوارير يا رجاله .
منقولة من Fajr M Ahmed
