أحوال الطقس 24/7

27/09/2024

نهاركم زين 🙋هذي حالة طقس اليوم👌باش يكون شهيلي ورطوبة وذبان وقراية👌

25/09/2024

نهاركم زين ناس الخير 🙋حسب ما يصورو القمر الاصطناعي توا والعلم عند صاحب العلم ☝️⛈️الدنية مسحبة على مناطق الشمال الغربي جندوبة الكاف باجة وكيف كيف على مناطق الوسط في كل من قفصة وسيدي بوزيد وشمال توزر 🇹🇳مع اشرات البرق شمال الكاف و جنوب جندوبة حاليا🇹🇳أمطار متوقعة الساعات الجاية خاصة على مناطق الشمال وأمطار محلية بالوسط والله اعلم ☝️ربي يرحمنا برحمتو 🤲🤲✍️الحاجي✍️

23/09/2024

الحمد لله يااارب 🤲خيرات في الرڨاب ⛈️⛈️شنوا الأجواء عندكم مع ذكر المنطقة 👌🙋⛈️

23/09/2024

22/09/2024

واقيلا الجماعة باش يمطرو غدوى الصباح بكري وكيف يطلع النهار ⛈️⛈️ليلتكم زينة🙋

21/09/2024

السلام عليكم...🙋حسب صور القمر الإصطناعي توا 🌍الدنية مغيمة على اغلب مناطق لبلاد 🇹🇳مع امطار تنجم تكون قوية شوية جيهة جندوبة وباجة ومناطق الشمال الشرقي ليوم لعشية وإحتمال لشوية امطار محلية على مناطق الوسط الشرقي واقصى مناطق الجنوب.🇹🇳والعلم عند صاحب العلم ☝️ربي يرحمنا ان شاء الله 🤲🤲✍️الحاجي✍️

19/09/2024

عسلامة الناس الكل 🙋ربي يعوضنا خير بما هوا جاي من غيث نافع ان شاء الله🤲 توقعات النماذج والمعاهد الوطنية والمواقع العالمية ماكانتش صايبة اليوم في تحديثاتها حتى الكميات ماكانتش كبيرة ان شاء الله خيرها في غيرها الأيام الجاية🤲 اللهم أغثنا ولا تجعلنا من القانطين 🤲وبربي منغير تعليقات خارج الموضوع رانا الكلنا نحبو لمطر مشتاڨين على مطرة باهية ⛈️⛈️ الحاجي يقلكم تحياتي وتصبحون على خير نكتفي بهذا القدر من المتابعة وشكرا للعقول الراقية 😤

19/09/2024

السلام عليكم 🙋حاليا تكون سحب ركامية رعدية على الأراضي الجزائرية في اتجاه ولاية ڨفصة وتوزر.⛈️⛈️في انتظار البداية الفعلية للتقلبات الي باش تشمل بلادنا ليوم لعشية 🇹🇳⛈️⛈️وربي يرحمنا برحمتو 🤲🤲✍️الحاجي✍️

18/09/2024

عسلامة الناس الكل 🙋يهنيكم الروى ⛈️⛈️طقس غدوة الحي باش يكون كيف نهار اليوم اما أقوى شوية من ناحية لمطر⛈️و في نفس المناطق تقريبا ⛈️🇹🇳قفصة 🇹🇳سيدي بوزيد🇹🇳القيروان🇹🇳صفاقس🇹🇳المهدية🇹🇳المنستير🇹🇳قابس🇹🇳جنوب القصرين وسليانة 🇹🇳شمال توزر وقبلي🇹🇳شمال مدنين وتطاوين🇹🇳⛈️⛈️ وهذي آخر تحيين لتراكم الامطار ال24 ساعة الجاية من النموذج الأمريكي GFS⛈️⁩وإن شاء الله ربي يرحمنا برحمتو🤲⛈️⛈️✍️الحاجي✍️

18/09/2024

صباح الخير يا أهل الخير 🌹❤️شنوا عنا جديد في آخر التحيينات🤔وكيف ما تشوفو في الصورة الأولى 1 بداية مرحلة التصادم بين المنخفض الجوي الصحراوي مع المنخفض الجوي الشمالي الي جاي من جيهة ايطاليا والبلقان🌬️🌬️ والي باش تكون مناطق الوسط هي نقطة التصادم بيناتهم الشي الي يزيد في قوة المطر في المناطق المذكورة 🇹🇳خلاصة الحديث الوضع الجوي باش يتطور أكثر الساعات الجاية وخاصة نهار غدوى ذروة التقلبات مع ظهور السحب الرعدية الي باش تكون قوية في بعض الجيهات خاصة مناطق الوسط وأقل حدة في مناطق الشمال والجنوب الشرقي.🇹🇳🇹🇳
الامطار باش تكون محليا باهية برشة جيهة قفصة و سيدي بوزيد وصفاقس والقصرين والقيروان و المهدية والمنستير وسوسة و زغوان واحتمال قابس وجزيرة جربة..⛈️⛈️ويبقى العلم عند صاحب الغيب ☝️هذا شنوا عنا في نشرتنا الصباحية ✍️هانا معاكم نمدوكم بآخر التطورات وربي يرحمنا برحمتو 🤲✍️الحاجي✍️