เว็บไซต์คืออะไร?

https://www.facebook.com/817313498365273/

Myanmar Historic Archive

Myanmar Archive is a page to collect historic photos, videos of Myanmar (Burma) in the past.

09/06/2026

၁၉၆၉ အရှေ့တောင်အာရှကျွန်းဆွယ် အားကစားပွဲ ဖွင့်ပွဲ ပိတ်ပွဲ မြန်မာထိုင်း ဘောလုံးပွဲ

09/06/2026

မှတ်တမ်း

07/06/2026

တချိန်က သာယာဝတီက တော်လှန်ရေး

ဆရာစံ ဦးဆောင်၍ လယ်သမား သူပုန်ထစဉ်က နယ်ချဲ့တို့ စစ်ဗာရီတပ်များဖြင့် ရက်ရက်စက်စက် နှိမ်နင်းခဲ့ရာ သူပုန်များ နှင့် အားပေးသူများ ကြောက်လန့်စေရန် သူပုန် ခေါင်း ၁၆လုံးကို ဖြတ်၍ ပြည်မြို့တွင် ပြသခဲ့ခြင်း အပေါ် သူရိယ သတင်း စာက အင်္ဂလိပ်တို့ ရက်စက်ပုံဟု ခေါင်းစဉ်ဖြင့် ဖော်ပြခဲ့ရာ ယနေ့ဆိုလျှင် ၉၅နှစ် ပြည့်ပြီဖြစ် သည်။
ပြည်ခရိုင် ရာဇဝတ်ဝန် အင်္ဂလိပ် ကပြား ဇေးဘီးယားက တောင်သူလယ်သမား ၁၆ဦး၏ အလောင်း များ မှ ခေါင်းများကို ဖြတ်၍ သူ့ရုံးရှေ့ စားပွဲတွင် တင်ကာ အများမြင်အောင် ပြသခဲ့ရာ၊ ထိုပုံကို သူရိယသတင်းစာက အင်္ဂလိပ်တို့ ရက်စက်ပုံဟု ခေါင်းစဉ်ဖြင့် ဖော်ပြခဲ့ပြန်သည်။
ထိုပုံကို ပြည်မြို့မှ အိန္ဒိယလူမျိုး အပျော်တမ်းဓာတ်ပုံဆရာတဦးက ရိုက်ကူးထားခြင်းဖြစ်သည်ဟု ဆိုကြသော်လည်း သတင်းစာဆရာ ဦးပုလေးက ဇေဘီးယားထံ ခွင့်တောင်း၍ သူရိယတိုက် ဓာတ်ပုံဆရာ ဦးကံကြီးကို ရိုက်ခိုင်းသည်ဟုလည်း သိရသည်။
ထိုဓာတ်ပုံသတင်းကြောင့် မြန်မာပြည် ဘုရင်ခံအထိ ဂယက်ရိုက်ခဲ့ပြီး၊ ယင်းကိစ္စမျိုး နောက်ထပ်မဖြစ်ရန် သက်ဆိုင်ရာသို့ အမိန်ထုတ် တားမြစ်ခဲ့ရသည်။
ဆရာစံ ဦးဆောင်သည့် ဂဠုန် တပ်သားများ၏ တောင်သူလယ်သမား အရေးတော်ပုံကြီးမှာ ၁၉၃၀ ဒီဇင်ဘာ ၂၂ ရက်နေ့တွင် စတင်ခဲ့ပြီး တပြည်လုံးသို့ ပျံ့နှံကာ ၃နှစ်ခန့် ကြာမြင့်ခဲ့သည်။
မြန်မာပြည်ရှိ စစ်တပ်နှင့် မလုံလောက်၍ အိန္ဒိယမှ စစ်ဗာရီ တပ်မကြီး ၂တပ်ကို ခေါ်၍ နှိမ်နင်းခဲ့ရပြီး၊ တော်လှန်ရေး သမားပေါင်း ၃၀၀၀ ခန့် သေပျောက် ဒဏ်ရာရရှိကာ အဖမ်းခံရသူ ၈၃၀၀ အဖမ်းခံရပြီး၊ အပြစ်ပေးခံရသူ ၃၅၀ ကျော်ရှိသည်။
အပြစ်ပေးခံရသူထဲတွင် သေဒဏ်ကြိုးမိန့် ၇၈ ဦးပါပြီး တစ်ကျွန်းပို့ခံရသူ ၂၇၀ ဦးရှိခဲ့သည်။ ခေါင်းဆောင်ဖြစ်သူ အသက် ၅၂ နှစ်အရွယ် ဆရာစံကိုယ်တိုင်လည်း ၁၉၃၁ ခုနှစ်တွင် သာယာဝတီထောင်… ကြိုးပေးသတ်ဖြတ်ခြင်းခံခဲ့ရသည်။

ကိုးကား ဧရာဝတီသတင်း

07/06/2026

၁၉၄၈ လွတ်လပ်ရေးရပြီးစ ဧပြီလမှာ လော့ဒ် မောင့်ဘက်တမ် (အာရှပစိဖိတ် စစ်ဦးစီးချုပ်) ဟာ မြန်မာပြည်ထံ ပြန်လည်ရောက်ရှိလာပါတယ်။ အစိုးရအသစ်နဲ့ တွေ့ဆုံပြီး ကိုလိုနီခေတ်က သိမ်းယူခဲ့သော သီဟာသနပလ္လင် အပါအဝင် နန်းစဉ်ရတနာအချ်ု့ ပြန်လည်ပေးအပ်ခဲ့ပါတယ်။

#1948

06/06/2026

လွန်ခဲ့သော ၅၉ နှစ် ဇွန်လမှာ တရုတ်-ဗမာ အရေးအခင်းဖြစ်ပွါးခဲ့သည်။

၁၉၆၇ တရုတ် ဗမာ အရေးအခင်း

ဝန်ကြီးချုပ် ဦးနုလက်ထက် တရုတ်မြန်မာဆက်ဆံရေးကောင်းမွန်ခဲ့ရာမှ ၁၉၆၂ ခုနှစ်တွင် ဗိုလ်ချုပ်ကြီး နေဝင်းက အာဏာသိမ်းပြီး တရုတ်ဆက်ဆံရေး တင်းမာလာခဲ့သည်။ ဗိုလ်ချုပ်ကြီး နေဝင်းက အာဏာသိမ်းပြီး “မြန်မာ့နည်းမြန်မာ့ဟန် ဆိုရှယ်လစ်စနစ်” ကို ကျင့်သုံးခဲ့သည်။ စီးပွားရေးလုပ်ငန်းများကို နိုင်ငံပိုင်သိမ်းခြင်း၊ တရုတ်ကျောင်းများကို ပိတ်သိမ်းခြင်းနှင့် နိုင်ငံခြားသားများအပေါ် ကန့်သတ်ချက်များ ချမှတ်ခြင်းတို့ကြောင့် မြန်မာနိုင်ငံရှိ တရုတ်လူမျိုးအသိုင်းအဝိုင်းအပေါ် ဖိအားများ တိုးလာခဲ့သည်။ မှတ်တမ်းအရ တရုတ်ဘဏ် ၂ ခု ရာပေါင်းများစွာ လုပ်ငန်းများ ကန့်သတ်ခံခဲ့ရသည်။

တစ်ချိန်တည်းတွင် တရုတ်ပြည်၌ ယဉ်ကျေးမှုတော်လှန်ရေး (Cultural Revolution) ဖြစ်ပွားနေပြီး၊ မြန်မာနိုင်ငံရှိ တရုတ်ကျောင်းများနှင့် ကျောင်းသားအချို့က မော်စီတုန်း၏ တံဆိပ် (Mao badge) နှင့် စာအုပ်နီ (Little Red Book) များကို အသုံးပြုခဲ့ကြသည်။ ယင်းကို မြန်မာအစိုးရက နိုင်ငံရေးဝါဒ ဖြန့်ချိမှုအဖြစ် ရှုမြင်ခဲ့သည်။ တရုတ်သံရုံးကလည်း ကွန်မြူနစ်စာဆောင်များ ဖြန့်ချီခြင်းများ ပြုလုပ်လာခဲ့သည်။

အရေးအခင်း စတင်ဖြစ်ပွားပုံ

* ၁၉၆၇ ခုနှစ် ဇွန် ၂၂ ရက် – ရန်ကုန်ရှိ တရုတ်ကျောင်းများတွင် မော်စီတုံးတံဆိပ် ဝတ်ဆင်ခြင်းကြောင့် ကျောင်းသားများနှင့် အာဏာပိုင်များကြား ပဋိပက္ခများ စတင်ဖြစ်ပွားခဲ့သည်။
* ဇွန် ၂၆ ရက် – လူအုပ်ကြီးများက ရန်ကုန်ရှိ တရုတ်ကျောင်းများ၊ အသင်းအဖွဲ့များ၊ ဆိုင်များနှင့် စီးပွားရေးလုပ်ငန်းများကို တိုက်ခိုက်ဖျက်ဆီးခဲ့ကြသည်။
ဇွန် ၂၇–၂၉ ရက် – အကြမ်းဖက်မှုများ ပိုမိုပြင်းထန်လာပြီး တရုတ်သံရုံးအနီးတွင်လည်း ပဋိပက္ခများ ဖြစ်ပွါးခဲ့ပြီး တရုတ်သံရုံးရှိ တံဆိပ်များကို လူ ၂၀၀ ခန့်က ဖျက်စီးခဲ့ကြသည်။ တရုတ် သံရုံးအရာရှိကို ဓားဖြင့်ထိုးသတ်သည်အထိပြင်းထန်လာပြီး မြန်မာအစိုးရက နောက်ဆုံးတွင် စစ်အုပ်ချုပ်ရေး (Martial Law) ကြေညာခဲ့သည်။

ထိခိုက်ဆုံးရှုံးမှု

* တရုတ်လူမျိုး အနည်းဆုံး ၃၁ ဦး သေဆုံးခဲ့သည် ဟု မှတ်တမ်းများတွင် ဖော်ပြထားသည်။
* လူအများအပြား ဒဏ်ရာရရှိခဲ့ပြီး ဖမ်းဆီးခံရသူများလည်း ရှိခဲ့သည်။
* တရုတ်ပိုင် စီးပွားရေးလုပ်ငန်းများ၊ ကျောင်းများနှင့် နေအိမ်များစွာ မီးရှို့ဖျက်ဆီးခံခဲ့ရသည်။
* နောက်ပိုင်းတွင် မြန်မာနိုင်ငံရှိ တရုတ်လူမျိုး သောင်းနှင့်ချီ၍ ဟောင်ကောင်၊ ထိုင်ဝမ်၊ စင်ကာပူ၊ မလေးရှားနှင့် အခြားနိုင်ငံများသို့ ပြောင်းရွှေ့သွားခဲ့ကြသည်။

တရုတ်နှင့် မြန်မာအစိုးရ၏ တုံ့ပြန်မှု

တရုတ်အစိုးရက မြန်မာအစိုးရကို ပြင်းထန်စွာ ကန့်ကွက်ခဲ့ပြီး လျော်ကြေးပေးရန်၊ တာဝန်ရှိသူများကို အရေးယူရန် တောင်းဆိုခဲ့သည်။ ဘေဂျင်းတွင် မြန်မာသံရုံးရှေ့၌ လူထောင်ပေါင်းများစွာ ဆန္ဒပြခဲ့ကြသည်။
လုံခြုံရေးအရ မြန်မာသံရုံးပိတ်သိမ်းသွားသည်အထိ ဆိုးဝါးလာခဲ့သည်။
မြန်မာအစိုးရကမူ တရုတ်ဘက်၏ တောင်းဆိုချက်များကို ပယ်ချခဲ့ပြီး တရုတ်သံရုံးဝန်ထမ်းများနှင့် တရုတ်အဖွဲ့အစည်းများ၏ လှုပ်ရှားမှုများကို ထပ်မံကန့်သတ်ခဲ့သည်။ ယင်းကြောင့် နှစ်နိုင်ငံ ဆက်ဆံရေးမှာ တရုတ်မြန်မာ စာချုပ်များ ထောက်ပံ့ကြေးပေးအပ်ခြင်းများ ရပ်ဆိုင်းခဲ့သည်။ ၁၉၇၀ ပြည့်နှစ်အထိ သံတမာန်ဆက်ဆံရေးမှာ ဆိုးရွားနေခဲ့သည်။

အချို့ကမူ ဆန်ပြတ်လပ်မှုကို အာရုံလွဲ
စေရန် တော်လှန်ရေးကောင်စီအစိုးရက ဖန်တီးခြင်းဟု ထင်မှတ်ကြသည်။

06/06/2026

အဖွား / ဟဲ့ နင်တို့ခေတ်သီချင်းတွေ ငါမခံစားတတ်ဘူး ဘာတွေလဲမသိ ငါတို့ခေတ်က သီချင်းတွေနဲ့ ကွာပ

အဖွားတို့ခေတ် သီချင်း ✌️

#ကော်လိပ်ဂျင်နေဝင်း #ရုပ်ရှင် #မေသစ်