23/07/2026
محترم ڈپٹی کمشنر صاحب ضلع غذر
کلاؤڈ برسٹ کے نتجے میں گاہکوچ بالا اور گاہکوچ پائین میں بارشوں کے نتیجے میں کل رات 12 بجے کے بعد گاہکوچ پائین سنٹر محلے میں سیلابی صورت حال رہی جہاں پر ہیڈکوارٹر بازار کو آبشار سے لنک کرنے والے روڈ، پانی کا نظام بری طرح متاثر ہوا ہے۔ روڑ چلنے کے قابل نہیں ہے اور پینے کے پانی کا نظام مکمل تباہ ہوا ہے۔
بارشیں اس سے پہلے بھی ہورہی تھی لیکن اس طرح کی سیلابی صورت حال کا سامنا نہیں تھا۔
اطلاعات یہ ہیں کہ گاہکوچ کے شروعی حصے میں الگ الگ مختلف کوہل بنے ہیں جہاں سے پانی کو یکساں تقسیم کیا جاتا ہے جس سے گاوں اور یہاں کے انفراسٹرکچر کو نقصان نہیں پہنچتا مگر کل رات سیلابی ریلے کے بعد پانی کو یکساں تکسیم کرنے کی بجائے روڈ کی طرف موڑا گیا۔ عینی شاہدین کا کہنا ہے کہ لوگوں نے جان بوجھ کر پانی تقسیم ہونے والے راستے کو بند کرکے پانی کو روڈ کی طرف موڈ دیا گیا نتیجتاً سارا انفراسٹرکچر کا نظام تباہ ہوگیا۔ جس میں آبشار اور ہیڈکوارٹر کو ملانے والا روڈ مکمل طور پر تباہ ہوگیا
پانی ریلے کے رکنے کے بعد بھی کچھ لوگوں کی ضد تھی کہ روڈ کو سڑک کی طرف ہی موڑا جائے مگر رضاکاروں نے سے لڑ کے پانی تقسیم مختلف کوہلوں میں تقسیم کیا جس کی وجہ سے یہ مقامی آبادی کسی بڑی بربادی سے بچ گئی۔
محترم ڈپٹی کمشنر صاحب اگر ان باتوں میں سچائی ہے تو یہ یہ تخریب کاری ہے اور یہ مجرمانہ غفلت ہے جو کہ کسی بڑے سانحے کا سبب بن سکتی تھی۔
اس لئے آپ سے گزارش کی جاتی ہے کہ آپنے بندوں کے زریعے موقع پر خبر لینے کا حکم نامہ جاری کرے اور ایسے سماجی ملزموں کے خلاف قانونی کارروائی عمل میں لائے۔ اگر ایسا نہ ہوا تو اگلی دفعہ جب بھی تھوڑی بارش ہوگی تو یہ لوگ یہی تخریب کاری جاری رہے گی۔
امید کرتے ہیں کہ آپ اس پر کاروائی عمل میں لائیں گے۔
شکریہ
مقامی فرد ہیڈکوارٹر گاہکوچ
