11/09/2026
https://www.facebook.com/share/p/18J5D3XvZY/
MASOBRA KATUNGA MABUHIN SA BALAYRAN SA KURYENTE
Nagpaguha sang desisyon ang ERC (Energy Regulatory Commission) nga mapahagan-hagan ang balayran sang mga konsumidor sang kuryente sa Visayas kag Mindanao.
Ginkumpirmar man ini ni Congressman Javi Benitez sang ika-tatlo nga Distrito sang Negros Occidental, kun sa diin iya gin-anunsyo nga sobra katunga ang mabuhin ukon diskwento sa balayran sang mga konsumidor nga ginpa-implementar sugod sa bulan sang Agosto.
Sa Visayas, 54% ang ginbuhin, gani ang P18.59/kWh nga sukot sa kuryente ang mangin P8.47/kWh na lamang.
Samtang 56% naman ang ginbuhin sa Mindanao, kun sa diin mangin P8.69/kWh na lamang ang P19.56/kWh nga balayran sa elektrisidad.
Pahayag pa sang ERC, ginhimo nila ini nga inisyatibo matapos makita ang tuman nga pagsaka sang presyo sang kuryente sa duha ka rehiyon bangud sa kakulangan sang suplay sang kuryente.
Dugang pa ni Benitez, sa tion nga indi pa makita ang diskwento sa bill sang mga konsumidor, makita ang adjustment sa masunod nga billing statement. (MG)
