Dayo & Raya Arts

Call Directions

Dayo & Raya Arts I am Heartist (Artist with Heart)

KUYA BILLni dayuhan.Oo, gusto namin ng lupa pero hindi yung dumadaloy sa tubig,Animo’y inuming tsokolateng mura at sulit...
11/08/2026

KUYA BILL
ni dayuhan.

Oo, gusto namin ng lupa pero hindi yung dumadaloy sa tubig,
Animo’y inuming tsokolateng mura at sulit,
Serbisyo pa bang maituturing kung lumalabas sa gripo ay putik,
Sa tagal ng arakangda ng negosyo hindi ba naisip?

Solusyonan, aksyonan, problemang lumalabas pag tag-ulan,
May pamantayan sa pagputol at paglaglag ng resibo,
Pero pag serbisyo usapan bara-bara ang kilos,
Buti nalalawayan pa ang unan?

Gusto naming tumulong pero hindi yung sapilitan,
Tamang iahon ang mahirap pero wag kami ang apakan,
Patay-sindi na nga kala mo ilaw pampasko,
Negosyante talaga, pinalalakas konsumo.

Kuya Bill, tama na! Sana mabuksan ang iyong mata,
Paki-sabayan naman ng serbisyo ang pagkapal ng ‘yong bulsa,
Ipon namin ubos na! Butas na ang alkansya!
Kuya Bill, tao ka nga bang talaga?

"Bakit mapapagod magliwanag kung patuloy ang pagdilim ng dilim, Tandaang hindi laging nakakasugat ang patalim,Ang iba'y ...
19/06/2026

"Bakit mapapagod magliwanag kung patuloy ang pagdilim ng dilim,
Tandaang hindi laging nakakasugat ang patalim,
Ang iba'y ginagamit sa pagpapagaling,
Ang iba'y sa paghain at panananim,
Maging ang salita ng Diyos ay hinalintulad din sa patalim.

Kaya't huwag manghinawa sa pagsalungat sa agos,
Hanggat may nababanaag na sira kailangang may iayos,
Wala ng gapos, hawak mo ang susi ng pag-asa,
Huwag lang puro salag, matutong umopensa.

Pag-ibig ang sandata."

Credit to owner of photo.

"Wala bang pa-east? Lagi nalang tayong pa-west..."
28/05/2026

"Wala bang pa-east? Lagi nalang tayong pa-west..."

"Malinaw na may mali now."(This post may contain borrowed media. Full acknowledgment and credit are given to the respect...
19/05/2026

"Malinaw na may mali now."

(This post may contain borrowed media. Full acknowledgment and credit are given to the respective owners and creators.)

"Bukas na libro, ibong lumilipad, Nasa laman ng kokote ang pagtubo ng pakpak, Huwag hayaang makulong kung sa'n nasadlak,...
18/05/2026

"Bukas na libro, ibong lumilipad,
Nasa laman ng kokote ang pagtubo ng pakpak,
Huwag hayaang makulong kung sa'n nasadlak,
May kalayaang hatid ang hanging nilalanghap.

Huwag kukurap sa paparating na hinahanarap."

Si Nanay ni Ma’am Mani dayuhan."Nak, halika, tignan mo kong magluto,Anak, ‘lika dito, ganito maghugas ng plato,Bunso, ti...
10/05/2026

Si Nanay ni Ma’am Ma
ni dayuhan.

"Nak, halika, tignan mo kong magluto,
Anak, ‘lika dito, ganito maghugas ng plato,
Bunso, tignan mo, marunong na si Ateng maglaba,
Sa gatas mo, si Kuya na ang nagtitimpla.

Di ba ang saya?!

Bangon na apo, pasok na sa eskwela,
John, Marcia, ganito ang buhay mag-asawa,
Pangga..., wag kang pumatol sa kanila,
Halikayo at pagmasdan ang pagiging ina.

9 months, normal, CS, grabeng labor,
Housewife, working mom, bihira magparlor,
24/7 employee, what is day-off?
El Niño o La Niña, tiyak lulusob.

Astig!

Kaya eto, nakatoga na ng itim,
Engineer, doctor, iba teacher na din,
Handang harapin ang kahit anong dilim,
Pagkat ang ilaw ng tahanan ay lubhang nagningning.

Ganyan talaga,
Eh kasi,

Si Nanay ni Ma’am Ma!"
(sinanay ni Mama)

credit to the owner of photo

MELAgROni dayuhan."Biglang taas ng numero, nakakagulat,Mga pasaning mabibigat, sa ati’y pinabuhat,Agawang-trono, naiipit...
30/04/2026

MELAgRO
ni dayuhan.

"Biglang taas ng numero, nakakagulat,
Mga pasaning mabibigat, sa ati’y pinabuhat,
Agawang-trono, naiipit ang mahihirap,
Tamang tumulong, pero pondo di mahigilap.

Biktima lang din, silang nasa laylayan,
Para maging malinis pangalan, pinangsangkalan,
May ilang peke rin, di maikakaila yan,
Umaarteng makamahirap silang lunod sa yaman.

Kung makakamada ng maayos kayang maging libre,
Ospital, eskwela, tubig, kuryente,
Sa’n ba nanggaling mga pinamimigay na sobre?
Sa bulsa din ng bayan, may mukha nga lang nila sa pakete.

Talagang buwis-buhay ang buwis natin,
May problema na nga’t lahat, nangunguyakoy pa rin,
Bingi-bingihan, nag-aantay lang ng panibagong ugong,
Nang di mapansin, perlas ng silanganan, ay ganap ng mabaon.

Di lang si Jesus ang may MELAgRO, may milagro din sila,
Tila mga mahika nga lang, na alam mong peke talaga,
Huwag itutok ang pansin, sa mga nasa ibaba,
Nasa tuktok ng piramid ang syang kalabang malubha.

Sa likod ng mga telon, maraming melagrong nagaganap,
Dinig ng dingding at sahig, ang mga ingay at bakas,
Mabuhay sa reyalidad, huwag bumabad sa pangpanggap,
Kapag patay na ang telebisyon, tapos na ang palabas.

Maging himala ka ng bayan!"

Credit to the owner of photo.

16/03/2026

"Saludo sa mga taong piniling anggulo ang pagiging pamanggulo."

02/03/2026

"In every season, see Son."

18/02/2026

"Kaya siguro wala ng prayer list kasi least na yung prayer."

Address

Norzagaray
3013

Telephone

+639451607485

Website

Alerts

Be the first to know and let us send you an email when Dayo & Raya Arts posts news and promotions. Your email address will not be used for any other purpose, and you can unsubscribe at any time.

Shortcuts

Share

Category