Malabon Heritage Library Museum

12/08/2026

📢 PAALALA

Ngayon ay ikalawang linggo na ng pamamahagi ng 3rd Tranche para sa mga hindi pa nakakuha ng blue card assistance.

Narito ang paraan kung paano ito i-withdraw:

PARAAN SA PAGKUHA NG MABC ASSISTANCE NA PHP 500

OPTION 1: Ibayad o gamitin bilang ATM Debit Card sa malls , kainan, drugstores , at iba pang establisyimento
HANDLING FEE:
PHP 10
BALANCE: PHP 490

OPTION 2: Mag Over-The-Counter sa USSC store
HANDLING FEE: PHP 10
TRANSACTION: 15
BALANCE: PHP 475

OPTION 3: ATM KIOSK
HANDLING FEE: PHP 10
TRANSACTION: PHP 15-18
BALANCE: PHP 475 - 472

Para mas malinaw kung saan napupunta ang ilang halaga kapag ginagamit ang MABC Card, narito ang simpleng paliwanag:

💳 Handling Fee – bayad para sa serbisyong ginagamit sa pagproseso ng financial/digital transaction o Fintech service.

💰 Transaction Fee – bayad para sa pagproseso at pagkumpleto ng isang financial transaction, tulad ng pag-withdraw ng pera sa ATM Kiosk o paggamit ng MABC Card sa pagbabayad sa retail stores at iba pang establisyimento.

📌 Tandaan: Ang mga fee na ito ay maaaring ibawas depende sa paraan ng paggamit o pagkuha ng inyong PHP 500 MABC Assistance.

Sana ay makatulong ang impormasyong ito upang mas malinaw sa ating mga kababayan ang kanilang matatanggap na balanse. 💙

12/08/2026

Happy International Youth Day, Kabataang Malabueño! 💙

Isang paalala na iba-iba man ang ating kwento, karanasan, at pinanggalingan, iisa lang ang ating hangarin na magkaroon ng mas magandang kinabukasan.

Kaya sama-sama tayong mangarap, kumilos, at gumawa ng pagbabago para sa ating komunidad. ✨

12/08/2026

12/08/2026

WALANG PASOK | Suspendido ang face-to-face classes sa lahat ng antas sa mga pampubliko at pribadong paaralan sa Lungsod ng Malabon bukas, Huwebes, Agosto 13, 2026, dahil sa patuloy na pag-ulan na dulot ng Southwest Monsoon (Habagat).

Magpapatuloy ang klase sa mga paaralan sa pamamagitan ng Alternative Delivery Mode (online classes).

Pinapayuhan ang lahat na manatiling nakatutok sa mga mahahalagang impormasyon o anunsiyo ukol sa lagay ng panahon. Maging alerto anumang oras at mag-ingat para sa kaligtasan ng lahat.

Kung may emergency, maaaring makipag-ugnayan sa Malabon Command Center sa mga numerong 8-921-6009, 8-921-6029, 0942-372-9891, o 0919-062-5588. Maaari rin kayong mag-text sa TXTMJS sa 225687 o 0917-889-8657.

12/08/2026

12/08/2026

🎋🎶 MALABON NOON EPISODE 3: TUGTOG NG HIMAGSIKAN, ANG MUSIKONG BUMBONG NG MALABON

Hindi lamang musika ang minsang dala ng mga instrumentong kawayan sa Malabon, naging bahagi rin ang mga ito ng pakikibaka para sa kalayaan.

Noong 1896, itinatag ni Felix Ramos, kasama ang mga kapwa Katipunero, ang Musikong Bumbong sa Barrio Tonsuya, Malabon. Kinikilala ito bilang kauna-unahang bamboo band sa Pilipinas, gamit ang mga instrumentong yari sa kawayan na kahawig ng mga karaniwang instrumento ng banda ngunit may natatanging tunog.

Higit sa pagtatanghal, naging mahalaga rin ang papel ng banda sa Himagsikan. Noong Agosto 24, 1896, kasabay ng pista ni San Bartolome, tumulong ang mga kasapi nito sa Katipunan sa paglusot ng mga sandata habang nagtatanghal sa bayan. Kabilang din sa kanilang tinugtog ang makabayang awiting “Alerta Katipunan.”

Mahigit isang siglo na ang lumipas, nagpapatuloy ang pamana ng Musikong Bumbong sa mga sumunod na henerasyon ng pamilya Ramos, na patuloy na pinananatili ang sining ng pagtugtog gamit ang mga instrumentong kawayan. Mula sa Tonsuya noong 1896 hanggang sa kasalukuyan, nananatili itong bahagi ng natatanging kultura at kasaysayang ipinagmamalaki ng Malabon.

Ngayong Buwan ng Kasaysayan, balikan natin ang Musikong Bumbong, isang himig na nagsimula sa Malabon at naging bahagi ng mas malaking kuwento ng pakikibaka ng mga Pilipino para sa kalayaan.

09/08/2026

🚑 FIRST AID PARA SA MGA SUGAT SA PANAHON NG SAKUNA 🩹

Sa oras ng sakuna, mahalagang alam natin ang tamang paunang lunas upang maiwasan ang impeksiyon at mas malalang pinsala.

✅ Hugasan ang kamay bago hawakan ang sugat.
✅ Linisin ang sugat gamit ang malinis na tubig.
✅ Sabunin at banlawan ang paligid ng sugat.
✅ Patuyuin at takpan ng malinis na gasa o benda.

⚠️ Paalala: Kapag ligtas na ang sitwasyon, agad na magpakonsulta sa doktor o magtungo sa pinakamalapit na health facility upang masuri ang sugat at mabigyan ng tamang gamutan.

Laging maging handa, manatiling kalmado, at unahin ang kaligtasan ng bawat isa.