26/04/2024
We condemn animal cruelty.
IDO NGA NAGABUSONG GINA-ALEGAR GINPASULOD SA SAKO KAG GINPAPATAY SANG PARI SA BACOLOD
(Paandam: sensitibo)
Si Maria ang ido nga nagatiner sa palibot sang San Sebastian Cathedral sa Bacolod City. Apang subong, indi na ini makita.
Suno kay Greenfield Ramirez, isa ka concerned citizen, pari sa cathedral ang nagsugo nga ipasulod sa sako kag ipapatay ang nasambit nga ido.
Nahibaluan nga nagabusong pa ang ido sang ginhimo ang gina-alegar brutal nga pagpatay.
Suno sa concerned citizen, masobra na ini isa ka tuig nga nagabalik-balik sa cathedral agud pakan-on si Maria. Gintinguhaan pa nila nga madakpan ini agud tatapon, apang nakapalagyo ang ido.
Ginbulgar man sini nga may mga totoy pa nga ginpangsulod sa sako kag ginpa-initan tubtob mapatay.
Pabutyag pa ni Ramirez, mabudlay nga mahatagan sang hustisya ang ido bangud ang mga saksi amo ang mga empleyado sang simbahan nga indi luyag magkontra sa pari.
“My post is for awareness and to let people know how evil the people inside that church,” dugang pa sini.
Sa idalum sang Republic Act No. 8485 ukon ang “The Animal Welfare Act of 1998,” ginadumilian ang pagsakit sa mga sapat kun diin ang madakpan ang magabayad sang multa kag posible mapriso sang sang anum ka bulan tubtob duha ka tuig.
(UPDATE: Gintinguhaan sang K5 News FM Bacolod nga makuha ang bahin sang San Sebastian Cathedral sini nga Biyernes, apang suno sa isa sa mga empleyado, wala sang awtorisado nga magsabat. Nagbilin man sang numero si K5 Red Salgado sa empleyado. Apisar sini, bukas ang K5 News FM sa pahayag sang simbahan.)
READ statement of Msgr. Ronaldo Quijano: facebook.com/K5NewsFMNegrosOcc/posts/pfbid02b887ZZrtMmjAXfhmYd7EvVp3hiMSJkGwacxU42Di4c7T4Xbxw1BFqRE9RQMvDaZyl
WATCH: facebook.com/K5NewsFMBacolod/videos/1099881984555088
Ini nga balita ginadul-ong sang:
👉 Mabibili sa lahat ng branches ng Clinica De Alternativo at sa mga nangungunang botika sa inyong lugar.
🛒 Maaari ring umorder thru shopee: https://shopee.ph/clinicadealternativomedicina.
Marv Aranjuez | April 26, 2024
Photo courtesy of Greenfield Ramirez
