Eikaasgalleriet

Hjem
Norge
Vassenden i Jølster
Eikaasgalleriet

I det moderne galleriet ved Jølstravatnet/E39, finn du kunst av den nyskapande Ludvig Eikaas og andre kunstnarar. juli - 31. juli 11.00 - 17.00
1.

Varme vaflar kan du nyte inne og ute, med kort veg til bading og fiske. Sesongopning 18.juni 2022, 12.00

18.juni -30.juni 11.00 - 16.00
1. aug - 14.aug 11.00 - 16.00

31/08/2026

Norun Øvrebø til minne

Fredag 28. august deltok vi i gravferda til Norun Øvrebø.
Vi var så heldige å treffe Norunn fleire gonger medan vi arbeidde med utstillinga LIVSNERVEN – frå stove til atelier. Ho delte historier om oldemora Kathinka Lind, mora Magnhild Hegheim og hennar eige liv.

Lindtunet på Ålhus har vore viktig for vevtradisjonen i Jølster. Lensmannskona Kathinka Lind, starta med vevstove i 1870-åra. Så heldt barnebarnet Magnhild Hegheim fram, til slutt oldebarn, Norun, som vevde fram til 2012.

Norun tok over vevstova i Lindtunet i 1974. Ho vov ulike tekstilar til kundar over heile landet. Ho gjekk i lære hos mor si Magnhild, før ho utdanna seg til vernepleiar i Oslo. Norun gjekk eit år på Heimeyrkeskulen på Vassenden på vev og tok eit eittårig vevkurs i Karlstad i Sverige.

I utstillinga vår, syner vi tekstilar som Norun vov med grunnlag i Nikolai Astrup sine vevmønster. Desse mønstra har Norun og Lindtunet forvalta over fleire generasjonar.

Vi takkar deg Norun for alt det flotte arbeidet og for det du delte med oss.
Vi lyser fred over ditt minne🕯️

📸 Musea i Sogn og Fjordane / Henning A. Hellebust

28/08/2026

Eikaasgalleriet sender våre kondolansar til Hennar Majestet Dronning Sonja og resten av Kongefamilien. Vi minnast Kong Harald med takksemd og respekt.

I heile går høyrde vi korleis folk frå høgt og lågt, nord, sør, aust og vest, prisa Kong Harald for sin varme, humor, engasjement, kunnskap inkluderande veremåte og evna til å sette ord på det som samlar oss. At han gjennom si gjerning har knytt oss saman. Korleis han har representert oss i gode og vonde dagar. Blomevollen framfor slottet viser denne kjærleiken til Kong Harald, vårt statsoverhovud, som av mange vert kalla vår felles bestefar.

For oss som museum, tenkjer vi på kva engasjement Kongen og Dronninga har hatt for kunsten, kulturlivet og kulturarven. Særleg har Dronning Sonja representert Kongehuset på våre trakter. Å bli sett og støtta av kongehuset er uvurderleg for musea sitt arbeid med å ta vare på vår felles historie.

No skal vi sørge og reflektere. Vi minnast Kong Harald med takksemd og respekt.

Foto: Kimm Saatvedt / Det kongelige hoff

14/08/2026

Laurdag 15.august har vi ei gruppe kl.12.00.
Vi held ope 12-13.30. Mogleg å vere med på omvising og sjå utstillinga LIVSNERVEN - frå stove til atelier.

10/08/2026

Denne veka held vi ope t.o.m 14. august. Ut ifrå yr.no sine meldingar, ser dette ut som dei perfekte dagane å trekke inn på.

Hausten skal planleggast, og vi kjem med oppdateringar for arrangement og nye opningstider om ikkje så lenge.

PS: Vi tek i mot førespurnadar om omvising og skuleklassar.

07/08/2026

I utstillinga vår kan de finne arbeid og smykker laga av Anne Lise Øvrebø.

Øvrebø er utdanna gullsmed og filigransarbeidar og etablerte seg med Øvrebø Smykkeverkstad i 2003. På ungdomsskulen hadde Anne Lise arbeidsveke i vevstova til Lindtunet på Ålhus, hos Magnhild Hegheim og tanta Norun Øvrebø. Inspirasjon frå dette viser att i hennar eige arbeid, kor ein finn igjen mønster frå Lindtunets vevnader og rutemønster frå dei tradisjonelle åklea frå Jølster.

Vi held ope t.o.m fredag 14. august, før vi tek ei pause for å planlegge hausten vidare. Velkomne innom👋

29/07/2026

Ledige plassar på omvising i utstillinga LIVSNERVEN - frå stove til atelier, i morgon torsdag 30. juli kl 16.30. Billettar kjøpast ved ankomst. Minner òg om Omvising 05. august: LIVSNERVEN - frå stove til atelier👋🏻

24/07/2026

Åkle frå vevstova i Lindtunet på Ålhus. Gjennom fleire år har dei dokumentert ulike mønster og vevnadar som har vore i omløp. Ofte ute på trappa framfor dei kvite trehusa i tunet.

📸 privat

24/07/2026

Lindtunet - levande og kreativ næring i 140 år

Kathinka Lind (1845-1943) starta vevstove i Lindtunet på Ålhus i 1870–åra. Barnebarnet Magnhild Hegheim heldt tradisjonen levande, og den siste veverska var oldebarnet Norun Øvrebø, som vov fram til 2012. Kathinka lærte seg gamle vevteknikkar og byrja å lære opp kvinner i bygda. Ho teikna også av gamle mønster saman med dottera Marie Lind (1878–1911). Slik fekk dei dokumentert mønstra, før omreisande byrja å kjøpe opp gamle tepper i bygda.

Vevinga gav inntekter til Lindtunet og andre kvinner i området. I nabotunet Audunstad fekk Synneve Wendelbo oppretta ei vevstove i 1948. Der var det kjøpt inn halvautomatisk vevstol for å veve store kyrkjeteppe. Verksemda hadde veversker frå heile landet fram til 1953.

Kathinka Lind samarbeidde også med Petra Astrup, som var ein pioner innan husflid og vev. Son hennar, Nikolai Astrup, laga nye mønsterteikningar for vev. Desse har blitt vovne i Lindtunet gjennom generasjonar.

Stig inn i vevstova i utstillinga vår LIVSNERVEN - frå stove til atelier

Adresse

Ålhus, Jølstravegen 1677
Vassenden I Jølster
6847

Nettsted

https://misf.no/eikaasgalleriet/

Varslinger

Vær den første som vet og la oss sende deg en e-post når Eikaasgalleriet legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Museet

Send en melding til Eikaasgalleriet:

Vil du plassere ditt museum på toppen av Museum-listen i Vassenden i Jølster?

Del

Type

Kunstmuseum