18/05/2026
Tresfjord kulturveg handlar om mykje meir enn rydding av ein gammal veg 😊
Etter gjenoppstarten har vi arbeidd vidare langs fleire spor samtidig, og prosjektet begynner no å ta form både som kulturveg, møteplass og lokalhistorisk prosjekt.
Vi arbeider hovudsakleg innanfor tre hovudspor:
🛠️ 1. Dugnad og praktisk arbeid
Rydding, drenering, grusing og restaurering av gamlevegen – steg for steg. Målet er å gjere traseen trygg og tilgjengeleg igjen.
🏛️ 2. Offentleg støtte og samarbeid
Dialog med kommune, fylke, Statens vegvesen og aktuelle støtteordningar for å få på plass langsiktige løysingar og vidare utvikling av prosjektet.
🤝 3. Sponsorar og næringsliv
Vi ønskjer også samarbeid med lokale bedrifter og støttespelarar som kan bidra til delprosjekt, materiell eller vidare utvikling av kulturvegen.
Samtidig arbeider vi no meir aktivt med å samle og formidle historia langs fjorden. Langs denne gamle ferdselsvegen finst det mange spennande forteljingar, stadnamn og kulturminne.
Framover vil vi derfor dele små historier og glimt frå kulturvegen — mange av dei tenkt brukt på framtidige informasjonstavler langs vegen 😊
Eit av dei første kulturminna vi ønskjer å løfte fram er Vortesteinen. Teksten er skriven av Einar Baltzersen:
Vortesteinen
Denne steinen var i tidlegare tider kjent for å bli besøkt av folk som var plaga av vorter på hendene.
Gropa midt på steinen er neste alltid fylt med stilleståande regnvatn. I denne gropa samlar det seg lauv frå trea om kring; osp, ore, bjørk og barnåler frå furu og gran.
Om ein vaska hendene i denne gjørma i nokre minutt, så ville vortene forsvinne etter berre to til tre veker. Dette fenomenet er ikkje vitskapleg dokumentert, det er berre eit av mange andre gode folkemedisinske kjerringråd. Det er opp igjennom tidene vore fleire som har fortald om at dei hadde stor glede av dette kjerringrådet.
Vortesteinar finst også i andre bygder, mellom anna på Homlong i Geiranger.
I boka Smaafortellinger og Sagn, Skriv Ivar Brovold(1823-1910), kyrkjetenar, kyrkjesongar, ordførar, bonde og forfattar følgande;
«Dette er en stor tærningdannet sten, som ligger tæt ved alfarveien paa Fagervigs indmark. Den er mærkelig derved, at det dens overflade er udhulning som et firkantet traug og som antagelig rummer en bøtte vand. Om dette har man sagt, at den som har vorter på hænderne og vadsker sig deri, bliver fri vorterne. Heraf har stenen faaet sitt navn».
Det skjer mykje spennande både med dugnadsarbeidet og det kulturhistoriske arbeidet no, så følg gjerne sida til Tresfjord kulturveg vidare 😊
