Sykkylven naturmuseum

21/03/2026

Isbrear – ein trua naturtype ❄️⚠️

I dag, laurdag 21. mars er Den internasjonale bredagen (FN) 🌎 Visste du at ein isbre er ein naturtype?

Isbrear er både ein levestad og ei landskapsform, og har fått sin plass i det norske systemet som skildrar og kartlegg «Natur i Norge» (NiN) under hovudtypen |1 Snø- og isdekt fastmark.

Det kjølige miljøet tiltrekkjer seg m.a. fuglar og pattedyr som er tilpassa dette særeigne klimaet på is og snø. Her finn dei mat, drikkevatn, lindring for insekt og varme. Mange artar er avhengige av isen for å overleve.

Temperaturendringar og ustabile vintrar gjer at isbrear smeltar og er i ferd med å gå tapt.

Isbreane er no ein trua naturtype, og er på den Norske raudlista for naturtypar 2025 (Artsdatabanken).

På bilde: Gullmorbreen i Sykkylven sommaren 2021 - ein av mange isbrear som har smelta mykje dei siste åra.

📸 Oline Vatne

Les meir om breane 2025 👇
Rekordmye snø på Svartisen i Nord-Norge, men brefrontene fortsetter å smelte tilbake i hele landet - NVE

12/03/2026

Nøyaktig på dagen ti år etter at utstillinga i Naturmuseet i Sykkylven vart opna, fekk vi høyre om statusen til naturen i Noreg av biolog Liv Guri Velle. Ho er tilsett i NIBIO som overvaker utviklinga når det gjeld det biologiske artsmangfaldet i Norge. Statusen var nok betre for ti år sidan. Særleg dei siste fem åra har det vore ein auke i talet på raudlista artar, det vil seie artar som er sterkt truga. Det har mellom anna med nedbygging av natur å gjere, men også med forureining og utbreiing av framande artar som trenger dei opphavelege tilbake.
Det var vennegruppa til Naturmuseet som hadde ansvaret for arrangementet i dag, der det var om lag 20 frammøtte.

09/03/2026

Gå ikkje glipp av Naturkafè 🌱 onsdag 11. mars kl. 19-20 med «Siste nytt på naturtypefronten», ved biolog og forskar Liv Guri Velle!

Vi går inn i 2026 med både ein ny versjon av Natur i Norge – systemet for å skildre norsk natur, og ei ny raudliste for naturtypar. Dei to er kopla saman, og er allemannseige.

Velle fortel oss kva som er nytt og korleis ein kan bruke desse systema. I tillegg ser ho på kva slags natur som ligg i Naturbase for våre nærområde.

Les meir om arrangementet på vitimusea.no

Inngang: Gratis!

Naturkafé arrangerast av dei frivillige ved Naturmuseet – som ønskjer alle varmt velkomne 💚

📸 Liv Guri Velle

29/01/2026

Denne veka har alle 6. klassingane i Sykkylven kommune vore på besøk i Naturmuseet og teke sjumilssteg gjennom forhistoria vår. Det er Vitimusea sin eminente formidlar, Jan Kåre Blindheim, som har rulla ut fortida, bokstaveleg tala, i opplegget Historia på rull. Elevane fekk vere med på ei reise frå isen smelta og gjorde det mogleg å bu her i landet langt mot nord, til jernalderen tok slutt, rundt år tusen. 11.000 år på ein time er litt av eit tempo, men på den tida rakk elevane mellom anna å prøve tidsriktige kostyme, lage metallringar, blåse i lur og sikte med pila i bogen. På bileta er vitelystne born frå Hundeidvik privatskule. (Foto: Sølvi Grebstad.)

23/01/2026

Viti og Sykkylven signerer avtale!

Sykkylven kommune er første på Sunnmøre som når det nasjonale målet om kommunal medfinansiering av musea. Avtalen sikrar alle skular og barnehagar gratis inngang i musea.

– Vi har signert ein avtale om drift av musea og at vi leverer museumstenester til Sykkylven kommune. Sykkylven er ein føregangskommune på kulturfeltet, og den første kommunen som signerer denne nye avtalen. Det gir oss veldig gode og stabile rammer for drifta av musea, seier administrerande direktør i Stiftinga Viti, Audhild Gregoriusdotter Rotevatn.

Opplev kunst og kultur på Sunnmøre

22/12/2025

Ta turen innom Naturmuseet og Møbelmuseet i jula. Vi har ope 22.–23. desember og 29.–30. desember, frå kl. 12–16.

Kom innom for eit roleg avbrekk i juleferien. Velkomen!

12/12/2025

Verdas beste rullpølse 😍

"Når arbeidet med årets utgåve er i gang, kjem førjulsstemninga snikande inn i huset, i fleire etappar. For ein må starte i god tid, om ein skal gjere slik formødrene gjorde det. Det var ikkje gjort på ei lita kveldsstund"

For artikkelforfattar og museumspedagog i Viti, Magnhild Vatne, lever mattradisjonen framleis i familien ❤️

Les artikkelen «Verdas beste rullpølse gir julestemning i fleire etappar» 👇

https://www.vitimusea.no/kunnskap/verdas-beste-rullpoelse-gir-julestemning-i-fleire-etappar-

Foto: Magnhild Vatne/ Viti

03/12/2025

Juleverkstad på museet er fast førjulstradisjon i Sykkylven. I år kunne born og vaksne lage julepynt, julelys, meisebollar, fuglebrett og prøve å finne dei små mysene som hadde gøymt seg i krokar og krikar. Prikken over i-en var gangen rundt einebærbusken og tonefylgjet med dei flinke musikarane, Nils Dagfinn Tandstad og Arnfinn Grebstad. No er det snart jul igjen ❤️