Hva er åpningstidene?

Tirsdag 12:00 - 15:00 Onsdag 12:00 - 15:00 Torsdag 12:00 - 15:00 Fredag 12:00 - 15:00 Lørdag 11:00 - 15:00 Søndag 11:00 - 15:00

Haugesund billedgalleri

Hjem
Norge
Haugesund
Haugesund billedgalleri

Velkommen! Offisiell Facebookside til Haugesund billedgalleri -en del av Haugalandmuseet (Haugesund Art Museum is part of Haugalandmuseet).

Følger du siden vår får du informasjon om alle aktiviteter og arrangementer på huset vårt.

30/07/2026

Gratis 2-dagers tegnekurs for ungdom (12-19 år) med Hanne Giertsen Hanne Giertsen!

Tirsdag 11. aug (kl.12-15) og onsdag 12. aug (kl. 11-14) på Haugesund billedgalleri!

Passer for nybegynnere og dem som allerede har erfaring med tegning.

Påmelding sendes til [email protected]
NB! Begrenset antall plasser!

29/07/2026

Vestlandsutstillingen er årets sommarutstilling i Haugesund billedgalleri! Samuel Brzeski er ein av 17 kunstnarar som presenterar arbeida sine på utstillinga. Brzeski (f. 1988, England) er kunstnar, skribent, forfattar og redaktør basert i Bergen. Han arbeider med språk som råmateriell - kor han formar, strekk og transformerer tekstar på digitale skjermar, på papir og gjennom lyd. Kom, sjå og høyr verket! Me har ope kvar dag kl. 11-15! OBS! Siste visningsdag er søndag 2. august. Foto: Grethe Nygaard/Haugalandmuseet. Haugalandmuseet Haugesund Sentrum Visit Haugesund

27/07/2026

Per Tore Barmen (f. 1972) frå Stord viser for tida skulpturen "Kuvung" på Vestlandsutstillingen i Haugesund billedgalleri. Barmen er kunsthandverkar og skulptør. Med sveinebrev i treskjerarfaget og utdanning innan digital 3D-modellering, arbeider han i spenningsfeltet mellom tradisjonell materialkunne og moderne digitale verktøy.

"Kuvung" er ein skulptur i tre og utskoren for hand av eit enkeltståande emne. At skulpturen er utarbeida i endeved gjer det heile til ei større utfordring i forhold til styrke og svakhet. Lagvis vekst og forvitring skjer på ulike måtar i naturen. Ved å utforske form og taktilitet i verket, søkjer han etter ein balanse mellom handverksmessig presisjon og nerve. Formuttrykket er kjenneteikna av harmoni, rytme og skulpturell spenning. Velkomen til Haugesund billedgalleri, ope kvar dag kl. 11-15. Foto: Grethe Nygaard/Haugalandmuseet. Haugalandmuseet Visit Haugesund Haugesund Sentrum Visit Norway

24/07/2026

Kunstnaren Odas Tungodden sin praksis undersøker korleis kunst kan etablera rom for dialog og mellommenneskeleg forståing. Erfaringar frå å leve og arbeide i ulike kulturelle kontekstar dannar eit viktig bakteppe for hennar arbeid, som berører spørsmål om tilhøyrsle, våre narrativ og korleis vi formast i relasjon til andre. Omgrepet "kindness" – forstått som ein etisk og metodisk haldning – er eit gjennomgåande orienteringspunkt i praksisen. Maleria hennar kan du sjå på Vestlandsutstillingen i Haugesund billedgalleri i sommar! Me har ope kvar dag kl. 11-15!

Maleriet er kjerna i hennar arbeid, forankra i figurasjon og i dialog med rommet og betraktaren. Gjennom skala, materialitet og komposisjon undersøker ho høvet mellom det intime og det kollektive, og korleis personlege erfaringar kan spegla større fellesskap. Parallelt arbeider ho med relasjonelle og performative rammer som utforskar maleriets rolle som sosial og sanseleg arena.

Oda Tungodden er ein norsk biletkunstnar basert i Bergen, med kunstnariske røter i Sør Afrika. Ho har ein MFA frå Universitetet i Bergen og en BFA fra Michaelis School of Fine Art ved University of Cape Town. Foto: Grethe Nygaard/Haugalandmuseet. Haugalandmuseet Haugesund Sentrum Visit Haugesund Visit Norway

20/07/2026

På Vestlandsutstillingen i Haugesund billedgalleri i sommar presenterer Øystein Fjeldbo, i samarbeid med Joel Hynsjö, mixed media-installasjonen "Tangle II".

Øystein Fjeldbo er ein lydkunstnar basert i Fykse i Hardanger. Som kunstnar er han særskilt interessert i punkta kor menneske og maskin møtast, med tanke på persepsjon og perspektiv. Dette kjem òg til syne gjennom eit hybrid uttrykk, beståande av ei samansmelting av syntetiske og organiske formspråk. Hans kunstnariske repertoar tek utgangspunkt i elektronikk og programmering, og krossar ofte over til video, lys og kinetiske format. Ofte nyttar han seg av samarbeid med andre kunstnarar, gjerne frå andre felt, for å skape større og meir samansette verk. Arbeidet hans tek som regel form som installasjonar, musikk og performance.

Du er hjarteleg velkomen til å oppleve verket! Vi har ope kvar dag kl. 11-15. Gratis inngong for medlemmer i Haugalandmuseets venner og Haugesund kunstforening. Foto: Grethe Nygaard/Haugalandmuseet. Haugalandmuseet Haugesund Sentrum Visit Haugesund

17/07/2026

Med djuptgåande arkivstudium og feltarbeid granskar kunstnaren Ann Edvartsen Hay relasjonane mellom menneske, natur og teknologi – og korleis industriell utvikling har forma lokalsamfunnet på Knaben i Kvinesdal frå 1885 til nedlegginga i 1985. Historia rommar fattigdom og framtidstru, okkupasjon og motstand, arbeidarkamp og oppløysing. Verka hennar kan du sjå på Vestlandsutstillingen i Haugesund billedgalleri i sommar. Ope kvar dag kl. 11-15!

Knaben gruver vart starta av hennar tipp-tipp-oldefar, Per Ivarson Ousdal, etter funnet av molybden – eit metall som fekk strategisk tyding i tysk våpenteknologi under verdskrigane. Slik vart det vesle gruvesamfunnet knytt til ei større krisehistorie prega av okkupasjon, sabotasje og tvangsarbeid.

Prosjektet er gjennomvove av poetiske utdrag frå vitneskildringar og tekstar frå arbeidarrørsla. Her møtast det dokumentariske og det poetiske i ei undersøking av materialitet, minne og makt. Foto: Grethe Nygaard/Haugalandmuseet Haugalandmuseet Haugesund Sentrum Visit Norway Visit Haugesund

15/07/2026

I sommar kan du sjå kunstnaren Elise Kielland sine arbeider på Vestlandsutstillingen i Haugesund billedgalleri! Ope kvar dag kl. 11-15.

Elise Kielland arbeider med flata – det todimensjonale uttrykket. Ho arbeider med porselensmodular som ho set saman til ulike komposisjonar. Flatane er støypt av flytande porselen, bygd opp av fleire lag. Arbeidene brennast mange gonger. Verka hennar får eit personleg preg som òg tar opp i seg element frå maleri, samstundes som det kan trekkast parallellar til keramikktradisjonar. Hennar motiv er ofte basert på stiliserte element frå naturen, som settast saman i rytmisk gang. Gjerne som eit ornamentalt uttrykk. Foto: Grethe Nygaard/Haugalandmuseet Haugalandmuseet Haugesund Sentrum Visit Haugesund Visit Norway

13/07/2026

Astrid McGarrighan sine verk er kjend for monge Haugalandingar og i sommar kan du sjå tre arbeid av ho på Vestlandsutstillingen i Haugesund billedgalleri.

Astrid McGarrighan legg vekt på å arbeide med fargevariantar, tekstur og relieff. Det taktile, rikt teksturerte biletuttrykket er eit resultat av ein møysommeleg etseprosess der samspelet mellom oppbygging og nedbryting etterlet fleire lag av trykket si utvikling i kopperplata. Prosjekta hennar utforskar ofte tid og forgjengelegheit, der naturens og kulturens objekt gjennomgår ein metamorfose og får eit nytt liv.
Velkomen til Haugesund billedgalleri i sommar! Ope kvar dag 11-15. Foto: Grethe Nygaard/Haugalandmuseet. Haugalandmuseet Visit Haugesund Visit Norway Haugesund Sentrum ☀

10/07/2026

Kunstnaren og musikaren Tobias Kvendseth viser to arbeid på Vestlandsutstillingen i Haugesund billedgalleri i sommar! "Hypokrise I og II" er laga av keramikk, eik, grafitt og voks og kvar av relieffa er 105 x 60 x 15 cm.

Tobias Kvendseth har ein master- og bachelorgrad frå Kunstakademiet i Bergen. I 2023 gav Kvendseth ut eit album, Shame Tapes, samstundes med avgongsutstillinga i Bergen Kunsthall. Denne perioden symboliserte eit skifte i praksisen hans, kor han fekk ei interesse for å utforske atmosfærar og personleg autonomi i kjølvatnet av skam, vald og hemn. Ved å bruke vårt høve til arkitektur, historie og objekt søkjer han etter å gi fysisk form til indre rom - slik at andre kan finne ei trøyst.

Velkomen til Haugesund billedgalleri i sommar! Ope kvar dag 11-15. Foto: Grethe Nygaard/Haugalandmuseet Haugalandmuseet Visit Haugesund Visit Norway

07/07/2026

På Vestlandsutstillingen i Haugesund billedgalleri i sommar, kan du sjå kunstnaren Monica Flakk Nordan sine skulpturar. Ho hentar materiale til skulpturane frå Island, 100 år etter vulkanen Katla sitt utbrot. Nordan utforskar geologisk materiale, aska og dei vulkanske steinane, som ho samlar og formar til nye skulpturar. Ho er inspirert av det islandske landskapet og japanske suiseki-steinar. Skulpturane representerer betraktningar av indre og ytre landskap, i skugga av mørk økologi.

Skulpturane består av sement, pigment og vulkansk sand og stein. Skulpturane står som ei samling fragment som fortel oss om formasjonar som finst i det dramatiske og rå, islandske landskapet. Hylleplatene har inngravert delar av geologiske kart frå Katla og området kor materiale er henta frå.

Velkomen til Haugesund billedgalleri i sommar! Ope kvar dag 11-15. Foto: Grethe Nygaard/Haugalanduseet. Haugalandmuseet Visit Haugesund Visit Norway Haugesund Sentrum

Adresse

Haugesund Billedgalleri, Erling Skjalgssonsgt. 4
Haugesund
5523

Åpningstider

Tirsdag	12:00 - 15:00
Onsdag	12:00 - 15:00
Torsdag	12:00 - 15:00
Fredag	12:00 - 15:00
Lørdag	11:00 - 15:00
Søndag	11:00 - 15:00

Nettsted

https://haugalandmuseet.no/museum/haugesund-billedgalleri/, http://haugalandmuseet.no/

Varslinger

Vær den første som vet og la oss sende deg en e-post når Haugesund billedgalleri legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Vil du plassere ditt museum på toppen av Museum-listen i Haugesund?