Hva er åpningstidene?

Tirsdag 12:00 - 15:00 Onsdag 12:00 - 15:00 Torsdag 12:00 - 15:00 Fredag 12:00 - 15:00 Lørdag 11:00 - 15:00 Søndag 11:00 - 15:00

Haugesund Kunstforening

Hjem
Norge
Haugesund
Haugesund Kunstforening

Haugesund kunstforening har sine utstillinger i Haugesund billedgalleri som er regionens kunstmuseum Haugesund kunstforening ble stiftet i 1913.

Haugesund kunstforening har hatt faste visningslokaler i Haugesund billedgalleris lokaler siden 1959. I 1973 gav Kunstforeningen den faste samlingen til Haugesund kommune mot at kommunen sørget for ideelle utstillingslokaler for Kunstforeningens salgsutstillinger. I tillegg skulle det skaffes tilveie gode magasinforhold og visningslokaler for den faste samlingen. Lokalene som Haugesund Kunstforeni

ng benytter seg av i dag sto ferdige i 1978. Haugesund kunstforening presenterer årlig 8-9 salgsutstillinger. Utover dette arbeider foreningen ”… ved utstillinger, utlodninger, foredrag og annen virksomhet [for å] fremme kjennskap til og skape interesse for bildende kunst”. (Haugesund Kunstforenings statutter).

21/08/2026

Mattias Härenstam si utstilling blir gode greier!
Kom og sjå den ferdig monterte utstillingen sundag 23.august kl.17.00, og heilt fram til 20.september.

20/08/2026

Siste briefing til Filmfestivalutstillingen med Mattias Härenstam i gode omgivelser med fantastisk mat og drikke på Lothes Mat & Vinhus .

Velkommen på vernissaje søndag kl.17.00 i Haugesund Billedgalleri, der får du både se utstillingen, og møte disse glade menneskene🎈.

20/08/2026

Årets filmfestivalutstillar Mattias Härenstam (født 1971 i Gøteborg) er utdanna ved Kunsthøgskulen i Bergen og Städelschule i Frankfurt am Main. Han bur og arbeidar i Oslo, med skulptur, tresnitt og film/video. Härenstam har hatt ein omfattande kunstnarisk verksemd med mange utstillingar og offentlege kunstprosjekt i inn- og utland. Hans arbeider er innkjøpt av bla. Nasjonalmuseet, KODE, Stavanger Kunstmuseum, Nordnorsk Kunstmuseum, Haugalandmuseet, med fleire.

Dei seinare åra har han også utført fleire prosjekter med kunst i offentlege rom, som på Naturhistorisk Museum i Bergen, Langøyene ved Oslo, Pilgrimsleden ved Hamar, Lademoparken i Trondheim, Baneparken ved Vollebekk i Oslo, med fleire.

Filmfestivalutstillinga blir til gjennom eit samarbeid mellom Haugesund Kunstforeining og Den norske filmfestivalen, men Haugesund billedgalleri som vertsarena. Me gleder oss til utstillingsopning og håpar å sjå dykk der.
Utstillinga opnar søndag 23. august og varer til 20. september 2026.

18/08/2026

Haugesund kunstforeining og Den norske filmfestivalen har gleda av å presentera Mattias Härenstam som filmfestivalutstillar 2026.

Velkommen til vernissasje for Mattias Härenstam sine verk søndag 23. august kl. 17.00.
Opningstale ved fylkesordførar Ole Ueland.
Musikalsk innslag ved Kjetil Olai Lundø og Christian Larssen.

Härenstam har i fleire tiår hatt ein svært omfattande kunstnarisk verksemd med mange utstillingar og offentlege kunstprosjekt i inn- og utland. Til utstillinga i Haugesund viser han ein stor skulpturinstallasjon i brent tre og fargetresnitt.

Til utstillingsprosjektet har Mattias Härenstam tatt utgangspunkt i eit maleri han opplevde som 16-åring, då han hadde helgejobb som utstillingsvakt på Norrköpings Konstmuseum i Sverige. Maleriet «Ingens hunder» av Steffan Hallstrøm, frå slutten av 1950-talet, gjorde eit sterkt inntrykk på han – Eit ekspressivt maleri i tidas ånd med svarte og dyreliknande former på ein intens gul bakgrunn.

Skulpturgruppa som skal visast i sal 1 har noko av det same ved seg: ein gruppe med store menneske- og dyreskikkelsar i brent tre, iblanda andre materiale. Rundt dei svarte figurane står lysboksar som badar heile rommet i eit intenst gult lys. Formane på skulpturane oppstår i kontakt med materialet – trestokkanes eigen form er like mykje skaparar som kunstnaren sjølv. I sal 2 viser Härenstam ein serie fargetresnitt med motiver frå eld og eksplosjonar.

11/08/2026

Då styret i Haugesund kunstforeining er i stadig endring, ønskjer me å presentera kven som sit i styret denne sommaren.

Styremedlem Martin Møinichen Alsos arbeider i det daglege som tannlege.

Kunstinteressa vaks gradvis som student i Bergen og då han flytta heim til Haugesund blei han engasjert i kunstforeininga, først som fast besøkande på alle vernissasjar, og det siste året også som styremedlem. Han har spesielt ansvar for frivilligheita i foreininga og følgjer opp alle dei fantastiske frivillige som bidrar til at foreininga og alle arrangementa går rundt.

På fritida liker han å vere i naturen og å oppleve kunst og kultur. Dessverre har han sjølv aldri vore noko kunstnarspire, men dette tar han igjen igjennom interessa for å sjå og oppleve kunst og kultur. Han er glad i å få med seg utstillingar både lokalt og utanbys. Bøker om kunsthistorie blir også flittig lånt heim og lest frå Haugesunds flotte bibliotek.

Martin er glad og stolt over å få bidra til arbeidet i foreininga. Det å sette kunst og kultur i fokus og å skape spennande og inkluderande arrangement for alle er utroleg givande. Og når Haugesund kunstforeining har så gode og positive frivillige blir jobben som frivilligkoordinator en draum.

Dersom du kunne tenke deg å bli med som frivillig, ta gjedna kontakt!

04/08/2026

Då styret i Haugesund kunstforeining er i stadig endring, ønskjer me å presentera kven som sit i styret.

Nestleiar i styret Georg Yrke jobber til dagleg som kommunikasjonssjef, med språk og korleis bodskap når fram.
På fritida lagar han musikk og fotograferer.

I Haugesund kunstforeining er Georg oppteken av korleis me formidlar kunsten: korleis utstillingar, arrangement og kunstnarar når ut til fleire, og korleis kunstforeininga kan vera ein synleg og open møteplass i byen.

Han er òg styremedlem i Norske Kunstforeninger, og tek med seg det nasjonale perspektivet inn i arbeidet lokalt. Kunstforeiningane er ein av dei viktigaste strukturane me har for at kunst blir vist, delt og diskutert over heile Noreg, og for at kunstnarar får reelle visningsstader.

For Georg handlar styrearbeidet om å byggja bru mellom kunstnarar, publikum og lokalsamfunnet, og om å gjera terskelen inn til kunsten lågare.

23/07/2026

Reidun Synnøve anbefaler Norsk Bauta av Veslemøy Lilleengen.

Etter å ha jobba nokre år med fargen potteblå, blei Veslemøy Lilleengen stadig møtt med skepsis frå forskjellige fagfolk som meina at det kunn er urin frå menn som kan skape den karakteristiske potteblå fargen, som Hannah Ryggen ofte brukte i sine vevnadar. Dermed starta Lilleengen prosjektet Norsk Bauta, der ho samla inn urin frå kvinnelege kunstnarar og kunsthandverkarar, for å vise at den kvinnelege urinen også kan skape potteblå. Urinen blir blanda med indigo, kvar kvinnes urin blir eit eige fargebad, som ho fargar forskjellige tekstilar og ei t-skjorte i, som ho printar namnet på kunstnaren som urinen høyrer til på. Kva ein har åte og drukke, samt alder og helsetilstand kan bidra til nyansar av blåfargen. Norsk Bauta er eit oppgjer med myten om at kunn menns urin kan skape potteblå, og er ein kommentar på korleis menn ofte blir favorisert i kunstverda, om det handlar om deira magiske urin, eller korleis mannlege kunstnarar blir både kjøpt inn og stilt ut oftare, både privat og i museum og samlingar, enn kvinnelege kunstnarar.

Reidun Synnøve elskar dette feministiske verket, som viser at kvinners urin er lika magisk som menns, og er ein stolt bidragsytar til verket.

Bilete er lånt frå Høstutstillingen si heimeside, og på Lilleengens heimeside er det mogleg å lese meir om verket og statestikkar ho har tatt utgangspunkt i.

21/07/2026

Då styret i Haugesund kunstforeining er i stadig endring, ønskjer me å presentera kven som sit i styret denne sommaren.

Styremedlem Reidun Synnøve Gravelseter er utdanna faglærar i kunst og handverk, fotograf og biletkunstnar, og arbeidar som biletkunstnar og miljøterapeut i eit bufellesskap for menneskjer med funksjonshemmingar. Ho har studert og jobba i Trondheim i ti år, men har nå flytta heim igjen til Etne.

I kunstnarskapet sitt arbeidar ho med analogt fotografi, broderi, maleri og tekst. Ho syns det er spanande med mennesket, og jobbar mykje med sjølvportrett, ofte i møte med eit traume. Vatn er ein viktig del av kunstnarskapet hennar, då ho har forska på ein teori om at vatn har hukommelse ved å legge polaroider med sjølvportrett i forskjellige behaldarar med vatn og utsett dei for forskjellige emosjonar og handlingar. Vatnets påverknad på det fysiske bilete skapar organiske reaksjonar, som viskar vekk det opprinelege bilete og skapar noko nytt. Nå arbeider ho med eit prosjekt der ho spelar musikk til polaroider med sjølvportrett som ligger i vatn, då ho vil undersøker korleis musikk kan påverke den fotografiske emulsjonen på forskjellige måtar. I tillegg broderer ho store portretter i korssting, tørkar vatn på analogt fotografisk papir og kallar det for maleri, og skriv dikt, ofte inspirert av drøymar og tema som opptar ho.

Reidun Synnøve si rolle i styret til Haugesund kunstforeining er som kunstfagleg person, samt media og markedskoordinator. Ho har tidlegare sete i Kunstfagleg Råd i Trøndelag Bildende Kunstnere (TBK), vore jurymedlem for Trøndelagsutstillinga og leiar for region MIDT i tildelingar for regionale prosjektmidlar.

09/07/2026

Ann Elisabeth anbefaler kunstnaren Sophie Calle.

Ho er ein kunstnar og forfattar eg er nysgjerrig på, og som eg anbefaler å sjå nærmare på, seier Ann Elisabeth. Ho arbeidar ofte med bilete og tekst saman. Eg såg nettopp ei stor utstilling med Sophie Calle på Louisiana i Danmark. Eg likte humoren i en serie «tildekte» foto, der teksten på kledet som dekka fotografiet gav eit hint om kva som venta på fotografiet under kledet. Overraskinga var likevel stor då ein såg fotografiet, og latteren satt laust. I ein annan fotoserie hadde ho tatt bilete av blinde og spurt dei om kva dei syns var vakkert i verda. Det var en rørande og tankevekkande serie. Det er fleire spennande og tankevekkande seriar av kunstnaren på Louisiana no, og eg har lyst til å sjå meir frå Sophie Calle.

Bileta er lånt frå Louisiana Museum of Modern art.

Adresse

Erling Skjalgssonsgt. 4
Haugesund
5523

Åpningstider

Tirsdag	12:00 - 15:00
Onsdag	12:00 - 15:00
Torsdag	12:00 - 15:00
Fredag	12:00 - 15:00
Lørdag	11:00 - 15:00
Søndag	11:00 - 15:00

Telefon

+4752709360

Nettsted

http://www.haugesund-kunstforening.no/

Varslinger

Vær den første som vet og la oss sende deg en e-post når Haugesund Kunstforening legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.