Sellevåg Treskofabrikk

18/08/2026

Takk for at dere tok turen, verkeleg kjekt var det. Og så fint dikt de har laga

16/08/2026

Flott omtale om Magne Sellevåg skrevet av Hege Alberta Wilhelmsen

16/08/2026

Flott omtale om Magne Sellevåg skrevet av Oddbjørn Rosnes

– Magne, du har gjort ein enorm innsats for å ta vare på dette flotte industrianlegget, sa ordføraren før ho overrekte medalje og diplom til. 🏅🎉

15/08/2026

Høgtideleg feiring og overrasking i Sellevåg: Magne J. Sellevåg hedra med medalje for lang og tru teneste.

I dag markerte vi ein stor milepæl i Sellevåg. Det er i år 75 år sidan far til Magne kjøpte tilbake vassrettane til Sellevågsvatnet og Sellevåg Treskofabrikk. Men i tillegg til det historiske tilbakeblikket, var det også lagt inn ei stor overrasking for ein heilt spesiell person: Magne J. Sellevåg.

Nevøen til Magne, Arild Sellevåg Litlekalsøy, ønskte velkomen og tok forsamlinga med på ei reise i historia. Han fortalde om tida heilt tilbake til 1870, då tippoldefar hans flytta til Sellevåg og starta mølledrift i elva ved sidan av gardsdrifta.

Då historieforteljinga kom fram til 1951 – året då far til Magne kjøpte tilbake verksemda og namnet vart endra til Sellevåg Treskofabrikk – fekk ordførar i Gulen kommune, May-Lynn Osland, ordet.

Ordføraren talte varmt om fabrikken og folket gjennom dei siste 75 åra og fram til i dag.
Osland gav ein fantastisk omtale av Magne og den trufaste innsatsen hans gjennom eit heilt arbeidsliv. Det heile vart toppa då ordføraren avslørte overraskinga: overrekking av diplom og Medaljen for lang og tru teneste frå Det Kongelige Selskap for Norges Vel, for meir enn 40 års innsats ved Sellevåg Sagbruk.

I Sellevåg likar ein gjerne å seie at her står tida stille. Men i samfunnet elles endrar det meste seg i eit høgt tempo. Nettopp derfor blir verdiar som lojalitet og uthald ekstra viktige å stoppe opp ved.

Sidan 1888 har Medaljen for lang og tru teneste vore eit høgtideleg og synleg symbol på anerkjenning. Det er ei ære som ikkje kjem gratis. Den representerer tusenvis av dagar på jobb, og ein trufastheit som har forma lokalsamfunnet vårt. Tradisjonar lever vidare fordi dei minner oss på kva som verkeleg betyr noko: å bli sett, verdsett og takka for den innsatsen ein har lagt ned gjennom eit heilt arbeidsliv. Vi gratulerer Magne så mykje med velfortent heider!

Ein stor takk til ordførar May-Lynn Osland for at ho tok seg tid til å kaste g***s over arrangementet og for dei rørande og gode orda.

Takk også til alle som kom og deltok på feiringa og gjorde dette til ein ugløymande dag for både Magne og resten av familien.

Ei særskild takk rettar vi til slutt til alle som har bidratt i både førebuinga og gjennomføringa – dykkar innsats la grunnlaget for eit vellukka arrangement.

15/08/2026

Hugs i dag kl 13🫶 velkomen alle

14/08/2026

Himmelen skiftar, men treskofabrikken står framleis som eit vitne om livet som var.

I dag gjer vi siste finpuss før open dag i morgon, laurdag 15. august kl. 13.00. Då opnar vi dørene og ønskjer velkomen til ei levande oppleving av treskofabrikken, historia og menneska som skapte arbeidsplass og liv i Sellevåg.

👣 Vi håpar mange tek turen innom og blir med på eit steg tilbake i tid. Vel møtt!

13/08/2026

👞 Denne fakturaen gir eit lite glimt inn i historia – men vil du oppleve ho på ordentleg, minner vi om open dag på Sellevåg Treskofabrikk laurdag 15. august kl. 13.00. Her får du eit levande inntrykk av treskoproduksjonen og miljøet som låg bak slike dokument og kvardagshistorier.

👣 Vi set stor pris på alle som deler historier eller bilete av tresko med oss. Her er eit kjempegodt døme: Ein av gjestane frå pensjonistlaget i Øygarden, som besøkte oss i 2018, sende oss ein kopi av ein gammal faktura.

📜 Fakturaen er datert 8. desember 1937. Den er utstedt av Peder Kårbø Treskofabrik på Rossland til «Alfheim landhandel». Etter litt undersøkingar er det rimeleg å tru at dette er ein skrivefeil, og at mottakaren eigentleg var Alvheim landhandel.
Alvheim landhandel låg på garden Alvheim (nær Tjeldstø) i det som då var Hjelme herred, i dagens Øygarden kommune. Butikken vart driven av Olai Olson Semshaug.

💰 Som de ser på fakturaen, var prisen mellom kr 1,80 og kr 2,30 per par tresko i 1937! Denne fakturaen gjeld betaling for 40 par tresko, i tillegg til eit restbeløp frå ein annan faktura eit par månader tidlegare.

🔍 Det er fascinerande kor mykje lokalhistorie som kan gøyme seg i ein enkel faktura. Når ein koplar saman namn, stadar og handel, får ein eit lite innblikk i korleis kvardagslivet og vareflyten fungerte i samfunna då Magne vart født.

🥔 Tresko var ein viktig del av kvardagen på Vestlandet, både i jordbruket og elles. Dei vart brukte året rundt, men var særleg praktiske under arbeid på gardane, mellom anna ved potetsetjing og potetopptaking. Då var heile landet i arbeid. Med tresko på beina var det lett å setje skoa på spaden eller greipet.

⚓ Rundt midten av 1930-talet spelte landhandelen ei avgjerande rolle i det veglause øyriket. Alvheim landhandel fungerte ikkje berre som matbutikk, men også som poståpneri, mottak for varer frå Bergen og det lokale samlingspunktet på kaien.

🛒 Vareutvalet på Alvheim på denne tida var alt frå sildatønner, fiskereiskapar, tauverk og parafin, til mjøl, sukker, kaffi, enkle tekstilar – og sjølvsagt tresko! Sidan mange dreiv kombinasjonsbruk med fiske og småbruk, handla ein ofte «på bok» fram til fisket gav inntekter.

📸 Har du eit bilete eller ei historie om tresko liggjande? Del det gjerne med oss – vi set stor pris på slike kvardagshistorier som vi kan dele vidare her på Facebook-sida til Sellevåg Treskofabrikk.

👞 Velkomen til open dag laurdag 15. august kl. 13.00

12/08/2026

Åra går fort. Magne gløymer ikkje då Riksantikvaren var i Sellevåg for 14 år sidan.

Deler innlegget fra Ove Losnegård med mange fine bilder fra 12.august 2012 då Riksantikvaren med 35 gjester var i Sellevåg og markerte og overrekte beviset på at Sellevåg treskofabrikk vart freda 2.september 2011.

Deler også i kommentarfeltet nokre bilete frå ulike lokal aviser som var med på hendinga.

https://www.facebook.com/media/set/?set=a.445781645461846&type=3

Idag, 12. august 2012, vart den unike fabrikken offisielt freda med besøk av Riksantikvaren

12/08/2026

Ny flaggstang på plass! 🇳🇴Magne har bytta ut den snart 50 år gamle flaggstanga han i si tid kjøpte på Austrheim. Flaggstang Bergen tok med seg den gamle og monterte ny i samme slengen. No er vimpelen heist, og Magne er som vanleg fornøgd med godt arbeid og alt som er gjort