27/11/2025
SANARWA KAN MATAKIN GAGGAWAR TSARO A FAƘAƘA DA ƘARIN DAUKAR JAMI’AN SOJOJI DA ‘YAN SANDA
’Yan Najeriya,
A yau, ganin yadda matsalolin tsaro ke ƙaruwa, na yanke shawarar ayyana dokar ta-baci a sashin tsaro kuma na bayar da umarnin daukar karin jami’an tsaro cikin Sojoji da ‘Yan Sanda.
Da wannan sanarwa, an ba wa soja da ‘yan sanda damar daukar karin ma’aikata. Rundunar ‘yan sanda za ta dauki karin jami’ai 20,000, wanda zai kai adadin zuwa 50,000.
Ko da yake na riga na amince da sabunta cibiyoyin horas da ‘yan sanda a fadin kasa, wannan sanarwa ta ba su damar amfani da sansanonin NYSC a matsayin wuraren horaswa.
Jami’an da za a cire daga aikin gadin manyan mutane (VIP) za su sami horaswar gaggawa domin su koma aiki a yankunan da ke fama da matsalolin tsaro.
Hukumar DSS ma ta samu izinina ta tura jami’anta cikin dazuka domin kawar da ‘yan ta’adda da ‘yan bindiga. Haka kuma na ba su umurnin daukar karin jami’ai domin tsaro a dazuka. Ba za a sake samun wurin boyewa ga miyagu ba.
’Yan Najeriya, wannan gaggawa ce ta kasa, kuma muna mayar da martani ta hanyar tura karin jami’an tsaro musamman a yankunan da matsalar tsaro ta fi tsanani. Wannan lokaci ne da kowa zai sa hannu. Mu tashi mu taimaka wajen ceto kasarmu.
Ina yaba wa jami’an tsaro bisa kokarinsu har aka kubutar da ɗalibai 24 na Kebbi da masu ibada 38 da aka sace a Jihar Kwara. Za mu ci gaba da yin iyakar kokari domin ceto sauran daliban makarantar Katolika da har yanzu ake garkuwa da su a Jihar Niger.
Ga jagoranci da jami’an Sojojinmu, ina yaba da jarumtar ku da sadaukarwarku. Wannan lokaci ne mai wahala ga kasa da ga rundunar soji. Ina umartar ku da ku kasance masu kishi, ku dawo da zaman lafiya, kuma ku tsaya tsayin daka wajen kiyaye ka’idoji da gaskiya. Kada a yarda da sakaci ko hada baki ko rashin bin doka. Mutanen Najeriya suna dogaro da ku, kuma gwamnati za ta ba ku duk goyon bayan da kuke bukata.
Bugu da kari, gwamnatimmu za ta tallafa wa jihohin da s**a kafa rundunonin tsaro domin kare jama’arsu daga barazanar ‘yan ta’adda da suke kokarin lalata zaman lafiya
Ina kira ga Majalisar Dokoki ta kasa da ta fara duba dokokinmu domin ba wa jihohin da ke bukata damar kafa rundunar ‘yan sandar jiha.
Jihohi su sake tunani game da kafa makarantu masu zaman board a yankuna masu nisa ba tare da tsaro mai inganci ba. Masallatai da coci-coci su rika neman kariyar ‘yan sanda da sauran jami’an tsaro a duk lokacin da suke taron ibada, musamman a wuraren da ake ganin haɗari.
Gwamnatinmu ta kirkiro Ma’aikatar Kiwo domin magance rikice-rikicen manoma da makiyaya. Ina kira ga dukkan kungiyoyin makiyaya su amfana da wannan damar, su daina kiwo a fili, su mika makamai bisa ka’ida. Kiwo na zamani shi ne mafita domin dorewar kiwo da zaman lafiya a kasa. Gwamnatin Tarayya tare da jihohi za su yi aiki tare domin magance wannan matsala gaba ɗaya.
Ina jajanta wa iyalan da s**a rasa ‘yan uwansu a hare-haren da s**a faru a Kebbi, Borno, Zamfara, Niger, Yobe da Kwara. Haka kuma ina tuna jarumai sojojinmu da s**a yi shahada, ciki har da Brigadier-General Musa Uba.
Ga masu tunanin suna iya gwada juriyarmu, kada su dauki nutsuwa a matsayin rauni. Wannan gwamnati tana da ƙarfin hali da azamar kare kasar nan da tabbatar da zaman lafiya ga ‘yan kasa.
Ina kuma jajanta wa iyalan wadanda s**a rasa rayukan ‘yan uwansu a hare-haren baya-bayan nan a Kebbi, Borno, Zamfara, Niger, Yobe da Kwara. Ina kuma karrama jarumai sojojinmu da s**a bayar da rayukansu, ciki har da Brigadier-General Musa Uba.
’Yan uwana ‘yan Najeriya, ina rokonku kada ku bari tsoro ko damuwa su rinjaye ku. Mu tashi tsaye a dunkule wajen kare ‘yancinmu da kimarmu. Gwamnatinmu za ta ci gaba da tabbatar da zaman tare cikin kwanciyar hankali da kare hadin kanmu. Ina kira ga dukkan ‘yan Najeriya su kwantar da hankali, su kasance masu lura da abin da ke faruwa. A rika kai rahoton duk abin da ake zargin yana da hatsari. Ku yi aiki tare da jami’an tsaro. Muna wannan fada tare, kuma tare zamu yi nasara.
Allah ya ci gaba da albarkar Najeriya ya kuma kare sojojinmu.
PRESIDENT BOLA AHMED TINUBU, GCFR
ASO ROCK VILLA
NOVEMBER 26, 2025
