Zäitrees duerch Lëtzebuerg

Itinéraire

Zäitrees duerch Lëtzebuerg Eng Rees duerch vergaangen Zäiten zu Lëtzebuerg mat Hëllef vun Dokumenter aus menger perséinlecher Sammlung
Wann dir nach al Dokumenter (Postkaarten,..)

hutt kennt dir mir gären schreiwen

Uewerkuer: Eng Kaart ( Fotograf onbekannt ) Ufanks 1900 mat der Beschrëftung ,,Gruss aus Oberkorn''. Ze erkennen ass déi...
16/10/2026

Uewerkuer: Eng Kaart ( Fotograf onbekannt ) Ufanks 1900 mat der Beschrëftung ,,Gruss aus Oberkorn''. Ze erkennen ass déi deemoleg Grossstrasse/Grand Rue (haut Bieles'er Strooss / route de Belvaux) an der Déifferdenger Uertschaft Uewerkuer. Villes huet an deenen iwwer 100 Joer changéiert wou des Bild gemaach gouf, Uewerkuer huet de landschaftleche Charakter verluer mat de Bauerenhäff déi een hei nach gutt am Bild erkennt an déi haut duerch Appartement ersat gi sinn, och kann een sech haut net mei virstellen an der Strooss mat Weenercher ze gesinn déi duerch Hënn ugezu gi fir Mëllechkanen ze feieren, haut gi Leit hier Mëllech an de Supermarché siche mam Auto. Lenks am Bild erkennt een nach den Eck vun der Prënz Henri Platz, wou haut Gebai nach besteet: Deemools nach de Café Kinn-Adam mat Restauratioun a Epicerie (hei eng Foto vum Café: https://www.facebook.com/photo/?fbid=560787472777536&set=a.560787072777576&locale=fr_FR ) , ass et et haut de Lucky Café. Elo nach zur Froe vu gëschter wat ee Floss der Uertschaft hiren Numm ginn huet: den Numm kennt vun hierer geographescher Lag, si leit un der Quell vun der Bach Kuer (däitsch Korn, franséisch Chiers), um Fouss vum Ronnebierg um Flouer Korspronk op enger Héicht vun 318 Meter. Wat dann den Numm vun den Uertschaften Uewerkuer (OBER Korn) wou se entspréngt uewen um Bierg an se da weider de Bierg erof Richtung Nidderkuer (NIEDER Korn) fléisst

Esch-Uelzecht: Eng Kaart (vum Charles Bernhoeft ) Ufanks 1900 mat der Beschrëftung ,,Stadthaus Avenue'. Eng flott Rees z...
14/10/2026

Esch-Uelzecht: Eng Kaart (vum Charles Bernhoeft ) Ufanks 1900 mat der Beschrëftung ,,Stadthaus Avenue'. Eng flott Rees zeréck a Vergaangenheet no der Joerhonnertwend, wou Stad vun de Schmelzen, wei Esch nach genannt gouf, e Boom erlieft huet, haaptsächlech duerch Schmelzen déi sech do installéiert hunn a doduerch Bevëlkerung rasant geklommen ass. Hei erkennt een déi haiteg Uelzechtstrooss, deemools nach Stadthaus Avenue, bedéngt doduerch dass sech Gemengenhaus bis 1937 do befonnt huet wou haut de Centre Mercure ass: 1937 gouf dat haiteg Gemengenhaus inauguréiert, an Ufanks der 60er Joren dat aalt Gemengenhaus, nodeems och Aarbechtsamt eng Zäit doranner war, zerstéiert fir Platz ze maache fir de Centre Mercure. Uelzechtstrooss, déi hiren Numm krut duerch Uelzecht, déi op hirer ganzer Längt ënnendrënner an engem zouene Kanal leeft, zielt net zum historesche Kär vun Esch an de Stroosse vun Al Esch. Strooss ass éischt mat der Joerhonnertwend 19/20 aus dem Buedem quasi geschoss, nodeems decidéiert gouf Uelzecht ze kanaliséieren a kennen sou eng Strooss driwwer kennen unzeleeën mat Haiser op béide Säiten, sou fir mir se haut kennen. Sou sinn och Geschäft an déi sou wichteg Strooss fir Escher Leit (wei een heit och un der Foto erkennt wei belieft Strooss war Ufanks 1900) komm, wei lenks Maison Sichel'' wat erausstiecht: et gouf 1909 duerch den däitschen Architekt C. Dietrich erbaut am Optrag vun der jüddescher Famill Sichel, wou um RDCH Verkafsfläch war an déi iewescht Stäck Wunnenge fir ze lounen hat, et stécht virun allem duerch seng Architektur aus (de Kuppel Daach mat dem markante Lanternon an den 2 Tiermercher, an der Fassade mat den etleche Verzierunge wei Aarbecht vum Steemetzer oder Medaillone mat Beie Motiven déi fir Fläiss a Bestännegkeet stinn) déi wirtschaftlech ,,Blütezeit'' dëser Regioun och wieder spigelt.
oder riets ,,Warenhaus Monopol'' e schéint Gebai wat 1905 gebaut gouf an 1906 seng Diere fir Clienten opgemaach huet nodeems Bauplaz um Eck vun der Uelzechtstrooss fir 45.000 Frank kaf gouf., a Leit mat den néidegen Artikel fir den Alldag versuergt huet, hei eng besser Foto vum Gebai op 16 Uelzechtstrooss : https://www.facebook.com/photo/?fbid=557412606448356&set=a.244058291075173&locale=fr_FR

Stad: Eng Kaart (Fotograf onbekannt) em 1910 mat divers Beschrëftungen ,,Kirche u. Schulhaus , Brasserie Henri Funck , T...
12/10/2026

Stad: Eng Kaart (Fotograf onbekannt) em 1910 mat divers Beschrëftungen ,,Kirche u. Schulhaus , Brasserie Henri Funck , Triererstrasse´´. Virun allem Beschrëftung Brasserie Henri Funck verréit eis dass et sech em den Neiduerf handelt. Neiduerf, eng Uertschaft am Nordoste vun der Stad Lëtzebuerg, déi zesumme mat Weimeschhaff de Quartier Neiduerf/Weimeschhaff vun der Stad Lëtzebuerg ass. Neiduerf ass Enn vum 18ten Joerhonnert entstane bedéngt duerch eng Emsiedlung vu Leit déi enteegent goufe, well hier Haiser widder der Festungsmauer waren an den deemolege Kommandant des ofrappe gelooss huet fir dass de Feind ( franséisch Truppensinn am November 1794 der Stad ëmmer méi no komm) net esou kéint a Festung era kommen. Déi betreffend Leit kruten nei Haiser am Huesegrënnchen zougewisen, deen Deel gouf am Volleksmond „Nei(t)dierfchen“genannt, en Numm, dee méi spéit fir déi ganz Uertschaft gegollt huet. Interessanterweis gouf ab 1845 Haiser mat engem Dach aus Stréi verbueden, nodeems de 27. Abrëll 1845 eng ganz Rei Haiser duerch e Feier zerstéiert gi waren (An den 1820er Jore stounge ronn honnert Haiser am Neiduerf, déi all mat Stréi gedeckt waren). Ufanks nach Gemeng Eech (éischt 1920 koum et zur Fusioun a Gemeng Stad Lëtzebuerg) huet am Joer 1864 duerch den Henri Funck a senger Brauerei Funck-Schamburger e groussen ekonomesche Fortschrëtt gemaach. Haut ass vun deene ganze Gebaier vun der Brauerei déi 1983 (ee Joer nodeems se vun der Brasseries reunies de Luxembourf Mousel et Clausen opkaaft gouf) hier Dieren definitiv zougemaach hat, nëmmen nach dat um ronnt Gebai um Eck (Verwaltungsgebai vun der Brauerei) vun der rue du Kiem / rue Neiduerf erhale bliwwen, et befënnt sech haut den Hotel Mercure doranner. Déi bekannte Passerelle mat der Beschrëftung Henri Funck doropper iwwert der rue de Neiduerf déi een op etleche Fotoen a Biller gesäit gouf am Dezember 2012 ofgerappt. Hei mei zur Geschichte mat diverse Fotoe ronn zu Henri Funck: https://www.facebook.com/media/set/?set=a.117529750394695&type=3

Diddeleng : Eng Kaart (vum N. Schumacher, Mondorf) Ufanks 1900 mat der Beschrëftung ,, Niedeschstraße - rue basse''. Ëm ...
09/10/2026

Diddeleng : Eng Kaart (vum N. Schumacher, Mondorf) Ufanks 1900 mat der Beschrëftung ,, Niedeschstraße - rue basse''. Ëm Joerhonnertwend huet Diddeleng, wei vill Stied am Süde vum Land, duerch hier Eisenindustrie (1882 gouf ,,Eisenhütten-Actien-Verein Düdelingen'' gegrënnt) eng rasant wirtschaftlech an urban Entwécklung erlieft, Aarbechter aus ganz Europa sinn dohi komm fir do ze liewen a schaffen an hunn zur multikultureller Vilfalt bäigedroen déi Diddeleng haut nach präägt. Des Erënnerung un des industrielle Vergaangenheet lieft an Diddeleng weider, a senger Architektur, Charakter a senger Geschicht. Hei op der Foto ass e gutt Beispill dovunner: Rue basse (avenue Grande Duchesse Charlotte offiziell haut), ass eng vun den eelsten an historesche Stroossen vun Diddeleng, hat hiren Ursprong am freien Zäitpunkt vun der Stadentwécklung , war e liewegen a wichtege Verkéierspunkt. Des Strooss huet déi industriell Atmosphär widder gespigelt zu deem Zäitpunkt: vill Geschäfter, Caféen a Wunnengen, déi nach deelweis gebaut ginn hei op der Foto. Och Kierch Saint Martin (vun 1894 bis 1900) am Hannergrond ass och e gutt Beispill fir der rasant wuessender Unzuel vun Awunner gerecht ze ginn, nodeems déi al Kierch (déi sech um Eck vun der haiteger rue de l'ecole a rue commerce befonnt huet) ze kleng ginn ass, an Decisioun komm ass eng mei grouss Kierch ze bauen an déi al duerno ofzerappen. Interessant ass dei weider Beschreftung ,,Zur Erinnerung an den Tag der Einweihung Düdelingen´s als Stadt´´op der Kaart, wat eis verréit dass Kaart extra 1908 gedréckt gouf nodeems Diddeleng den Titel als Stad krut nieft de Gemengen Déifferdeng, Ettelbréck a Rëmeleng duerch den deemolege Groussherzog Guillaume IV wei een aus dem Memorial ka liesen (an de Kommentaren) an dëst sollt ee Joer doropper gefeiert gi wei een hei op der Foto ( https://www.facebook.com/photo/?fbid=906166304906316&set=a.153858496761820 ) erkennt wou extra an der Niddeschgaass e Bou opgeriicht gouf

Remeleng: Eng Kaart (Fotograf onbekannt ) em 1930 mat der einfacher Beschreftung ,,Rumelange´´. Beim genau kucken vun de...
07/10/2026

Remeleng: Eng Kaart (Fotograf onbekannt ) em 1930 mat der einfacher Beschreftung ,,Rumelange´´. Beim genau kucken vun deser Kaart erkennt een duerch Beschreftung an der Fenster dass et sech em Gewerksschaftsheim / maison syndicale (op 23 Grand-rue haut) handelt. D’Gebai ass en interessanten Zeie vun enger Zäit, an där d’Aarbechter- an d’Gewerkschaftsbeweegung eng wichteg Roll am Liewe vun der Minettsstad gespillt huet. Besonnesch flott sinn déi vill architektonesch Detailer, déi een op dëser Opnam nach gutt erkenne kann.

Ufäng vun der Gewerkschaftheim zu Rëmeleng waren 1923, wei een de 17 November 1923 an der Zeitung Der Proletarier konnt liesen: ,,Nach den Eisenbahnern und den Düdelinger Knmenaden setzte sich auch die Indusstriegruppe Rümelingen hin und entschloß sich, die Arbeitersolidarität, -Geselligkeit und -Bildunng dadurch zu fördern, indem sie fest entschlossen ist, sich ein Gewerkschastsheim zu erwerben´´(an de Kommentaren ass de passenden Artikel, wei och Statuten vun der Genossenschaft ,,Gewerksschaftsheim´´aus dem Memorial vum November 1923.

Et sollt net laang dauere bis een den 01 Mäerz 1924 am Poletarier liesen: ,,Gewerkschaftsheim Rümelingen, Bekanntmachung. Der Verwaltungsrat. Allen organisierten Kameraden hiermit zur 1 gefl. Mitteilung, daß am Samstag, den 1 März, um vier Uhr nachmittags, die feierliche Eröffnung des Gewerkschiaftsheims in Rümelingen stattfindet´´

Laang Jore soll dëst wei den Numm seet Heem vun der Gewerkschaft sinn, wou nieft de Versammlungsraim a Bureauen, och e Café war mat enger Keelebunn, éier 1 September 2011 Dieren zougaange sinn, nodeems Gebai verkaf gouf, nodeems den Ëmbau scho Jore laang am Gespréich war bei der Gemeng. Gebai war de Setz vum lokale Fussballclub US Rëmeleng, an hat och Bureau vun de Gewerkschaften OGBL an LAV, déi misste geplënnert ginn. Schnell goungen Ofrappaarbechten u wou sollt just nach Fassad erhale bleiwen (mee leider zum Onmutt vum ville passionéierte Remlenger Keelespiller, keng Keelebunn mei sou war déi leschte Keelebunn vu Rëmeleng verschwonnen) Haut befënnt sech do e Wunnkomplex do mat dem Café Am Heim um RDCH. (Foto als Verglach an de Kommentaren)

Nieft den Artikel sinn och Jeton mat der Beschrëftung Gewerkschaftsheim Rümelingen ULFS, ULFS war Union Luxembourgeoise des Travailleurs du Fer et de la Sidérurgie, déi ab 1924 do hire Setz hat.

Stad: Eng Kaart (vum P. Houstraas) em 1913 mat der Beschrëftung ,,Avenue de la liberte Sparkasse und Reichs-Eisenbahnver...
05/10/2026

Stad: Eng Kaart (vum P. Houstraas) em 1913 mat der Beschrëftung ,,Avenue de la liberte Sparkasse und Reichs-Eisenbahnverwaltungsgebäude´´ Eng flott al Postkaart mat Bléck vum Pont Adolphe a Richtung Avenue de la Liberté. Lénks steet schonn dat markant Gebai vun der Spuerkeess, dat tëscht 1909 an 1913 gebaut gouf. Riets gesäit een d’Gebai vun der deemoleger Reichs-Eisenbahnverwaltung, wéi et och ënnen op der Kaart bezeechent ass.

De Pont Adolphe, benannt. nom deemolege Groussherzog (1817-1905) , deen 1903 fir de Verkéier opgaangen ass, war deemools eng nei direkt Verbindung tëscht der Gare an der Uewerstad, bis dohinner war deen eenzegen direkte Wee de pont Viaduc / Passerelle. Zesumme mat der neier Avenue an de representativen neie Gebaier huet dësen Deel vun der Stad sech an de Jore ronderëm 1900 komplett verännert: Ufanks nach eng ,,Eidel´´Platz, sollt de Plateau Bourbon (Metzer Platz), Platz tëscht der neier Bréck an der neier Avenue, nom Wëlle vum deemolege Staatsminister Paul Eyschen eng nei Epoch markéieren (et soll e representativ a markant Gebai dohinner kommen) an sou komm et dass des Platz ënnert anerem ausgesicht gouf fir den Haaptsëtz vun der Spuerkeese. Des Gebai, no de Pläng vum Architekt Jean-Pierre Koenig, sollt bannen 3 Joer ab 1910 gebaut ginn an ass haut nach e beléifte Foto Motiv vun Touriste mat sengem markanten Tuerm

Besonnesch interessant sinn déi Schinnen um Pont Adolphe. Hei ass deemools souwuel den Tram wéi och de „Charly“, d’Schmuelspuerbunn vun der Stad op Iechternach, gefuer. De Charly ass vum 19. Abrëll 1904 un iwwer déi nei Bréck gefuer (hei eng Foto zur Aweiung: https://www.facebook.com/share/p/1dSkuZPTEN/?mibextid=wwXIfr ).Och de Stroosseverkéier gesäit nach ganz anescht aus: Amplaz vun Autoe gesäit een eng Päerdskutsch op der Bréck, wärend Foussgänger gemittlech laanscht d’Gelänner trëppelen.

Déifferdeng: Eng Kaart (vum N.Schumacher ) Ufanks 1900 mat der Beschrëftung ,,Differdingen, Cafe J.B. Kaufman, Max Meier...
02/10/2026

Déifferdeng: Eng Kaart (vum N.Schumacher ) Ufanks 1900 mat der Beschrëftung ,,Differdingen, Cafe J.B. Kaufman, Max Meier Avenue N 5´´. Eng al Postkaart aus der Zäit, wou d’Avenue Max Meier (benannt nom fréieren Direkter vun der Déifferdenger Schmelz, deen komm war no de schwéieren Ufanksjoren, komm fir Stolwierk aus der Crise ze zeien) nach esou geheescht huet, weist de Café J. B. Kaufman, deemools op der Nummer 5.
D’Foto léisst eis an eng Zäit zeréckblécken, an där Déifferdeng sech mat grousse Schrëtt verännert huet. D’Entwécklung vun der Eisenindustrie hat Enn vum 19. an Ufank vum 20. Joerhonnert ëmmer méi Aarbechter an d’Stad gezunn. Tëscht 1890 an 1900 ass d’Bevëlkerung vu ronn 3.574 op 8.756 Awunner geklommen, an 1910 waren et schonn 13.909.Mat de ville Leit koumen och ëmmer méi Geschäfter, Bäckereien, Wiertschaften a Caféen. Wéi staark d’Café-Kultur deemools zu Déifferdeng war, weist eng beandrockend Zuel: 1909 waren an der Gemeng 106 Caféen ugemellt.Ee vun dësen Etablissementer war de Café J. B. Kaufman, deen op dëser Kaart ze gesinn ass. Virun der Dier hu sech fir de Fotograf Männer, Fraen a Kanner opgestallt – an och en Hond däerf op der Foto net feelen
Eng kleng Alldagszeen, déi eis haut, méi wéi ee Joerhonnert méi spéit, e Bléck an d’Liewe vun deemolege Déifferdeng gëtt. Déi fréier Avenue Max Meier ass haut d’rue Emile Mark (benannt nom Emile Mark deen ennert annerem Buergermeeschter zu Deifferdeng war vun 1912-1935) . Domat stellt sech natierlech d’Fro: Wou genee stoung de Café J. B. Kaufman, a wat steet haut op där Plaz?
Wien erkennt d’Gebai oder weess nach eppes iwwer de J. B. Kaufman a säi Café? Al Erzielungen, Dokumenter oder Fotoe si wéi ëmmer häerzlech wëllkomm an de Kommentaren.

Esch-Uelzecht: Eng Kaart (vum Photographie und Verlag von Justus Fey, Photograph, Esch Alzette) aus dem Joer 1913 mat de...
30/09/2026

Esch-Uelzecht: Eng Kaart (vum Photographie und Verlag von Justus Fey, Photograph, Esch Alzette) aus dem Joer 1913 mat der Beschrëftung ,,Esch, Alzette Redingerstraße''. Strooss benannt no der franséischer Gemeng Rédange aus dem Grand Est, huet dësen Numm bis den 01/06/1947 éier se den haitegen Numm ,,rue du canal'' krut. Hei erkennt een den Eck vun der Kanal Strooss mat dem Boulevard Prince Henri, wou Gebai haut nach bestinn (an de Kommentaren eng Foto als Verglach). Wann ee bedenkt dass vum Ufer vun der Uelzecht déi deemools op der Héicht vun der Kanal Strooss verlaf ass bis op eng Grenz eng grouss Wiss nëmme war, déi wann et staark gereent hat sech an e Séi verwandelt huet, wat och den Numm Brill (deit op eng Supp Wiss hin) vun dem Quartier erkläert. Des Strooss ass ee vu villen Beispiller vun Esch, wei een Impakt Eisenindustrie hat op Entwécklung vun der Stad: Stad vun de Schmelzen, huet eng rasant Entwécklung higeluecht Enn vum 19ten Joerhonnert duerch Eisenindustrie: nodeems 1871 Metze Schmelz (Esch-Schëffleng) 1871 den éischten Héichuewen a Brand gestach huet, ass Awunnerzuel rasant geklommen zu Esch. Déi staark wuessend Awunnerzuel huet sech fir Esch eng grouss Erausfuerderungen duergestallt: Wunnengsraum misst geschafft ginn a weider Strukture fir Awunner kennen ze versuergen. An Zuele gesot: hat Esch 1880 nach 5082 Awunner, sou waren et 1910 scho 16.461 (an 30 Joer hat sech Awunnerzuel verdräifacht). Hei erkennt een e Consum Geschäft (Geschäft mat Alldaagsartikel fir de mënschleche Bedarf) vum Victor Dopfeld souwéi och de Cafe Opera Nick Glaus Kalmes, dee senge Gäscht wei an der Fënster steet Iessen a Gedrénks zu jidder Zäit ugebueden huet.

Hesper: Eng Kaart (vum Th. Wirol) vum 30 Juni 1917 mat der Beschrëftung ,,Das Eisenbahnglück in Hesperingen am 30 Juni 1...
28/09/2026

Hesper: Eng Kaart (vum Th. Wirol) vum 30 Juni 1917 mat der Beschrëftung ,,Das Eisenbahnglück in Hesperingen am 30 Juni 1917´´. Froe stellt sech wat hei den 30ten Juni 1917 an der Thionville´er Strooss (op der Héicht Haus Nummer 283) geschitt war. Wei een aus den Zeitungsartikel vun deemools ka liesen, war géint 7 Moies eng Zuchmaschinn vum Charly (Schmuelspuerbunn déi vun der Stater Gare bis op Iechternach gefuer war, normalerweis war op dëser Streck de Jhangeli ënnerwee tëscht der Stater Gare a Réimech) vun der Hesperkopp kommend den Houwald erof gefuer, mat 7 Waggonen net mat Passagéier mee beluede mat Baumaterial fir déi nei Streck Oetringen op Bierchem an nach eng kleng Maschinn zum Schluss nach, fir dass de schwéier belueden Zuch eng Steigung hannert Alzeng sollt och packen. Zimmlech ënnen huet se virun eng oniwwersichtlecher Kéier nach hiert Warnsignal ginn (wei am Artikel steet eng 20 Meter vun der ,,Wolfsmühle´´ewech) dëst sollt awer leider net vermeiden dass se do mat enger Dampwalz vun der Firma Karp Kneip (déi queesch op de Schinne stoung an duerch hier schwéier Beweeglechkeet net konnt mat Zäite réckelen, emplus war Strooss och verengt duerch Aarbechten un der Gasleitung) sollt zesumme stoussen, och wann de Chauffer vun der Walz nach vum Wonn gespronge war a probéiert hat den Zuch ze warnen an och de Lokführer probéiert hat nach den Zuch u Stoen ze kréien (wat sécherlech erschwéiert gouf duerch Gewiicht wou dësen Zuch nach de Bierg erof hannert sech hat). Dësen Opprall war sou hefteg dass Walz op Säit an de Gruef vum Chantier geworf gouf a Lokomotiv (déi een hei gutt am Bild erkennt) selwer aus de Schinne geschleidert gouf an éischt un hale komm ass an engem lenks geleeënen Haus (vum Gäertner Watiez) wou se Fassade an en Deel vun de banneschte Maueren zerstéiert hat. De Lokführer, de Häar Nikolaus Rayeck vu Bouneweg, selwer schwéier verbrannt duerch de ganzen Heizdamp vun der Lokomotiv um ganze Kierper, ass nach selwer aus der Maschinn geklommen a gouf direkt op de Fëschmaart a St Joseph Klinik bruecht, wou e sollt leider den Dag selwer u sengen uerge Verletzunge verstierwen. Zum Zaitpunkt vum Accident war nach e 7 Joer alt Meedchen am gaangen a sengem Bett ze schlofen, hat huet des Ongléck onverletzt iwwerstanen. Opraumaarbechte fir Maschinn ze biergen huet bis spéit an Nuecht gedauert sou dass Leit vun der Bunn misste mat Hëllef vu Karbidsluuchte schaffen.

Diddeleng: Eng Kaart (Fotograf onbekannt) aus dem Joer 1926 ouni weider Beschrëftung. Ze erkennen ass wei eng Grupp Lei...
25/09/2026

Diddeleng: Eng Kaart (Fotograf onbekannt) aus dem Joer 1926 ouni weider Beschrëftung. Ze erkennen ass wei eng Grupp Leit ronderëm Schinne stinn, wou en Zuch steet an Iwwerreschter vun engem Camion. Et handelt sech hei em Barrière zu Diddeleng an der haiteger rue Jean Jaurés wou et zu dësem schlëmme Virfall koum, vun deem een an allen Zeitunge konnt liesen deemools. Mee wat war geschitt genau: de 15 Februar 1915 koum et beim Bunn Iwwergang Bruchstasse (haut rue Jean Jaurés) zu engem schweieren Accident, wou den Zuch kommend vun der Diddelenger Schmelz (Station Düdelingen Werk) de Camion vun der Firma Jean Think deen dee Moment iwwer Barriere gefuer war (dee Moment war Barrière nach op) mat voller Geschwindegkeet ze faassen krut, sou dass de Camion e gutt Stéck matgeschleeft gouf vum Zuch. Duerch Kraaft vum Zuch gouf de Camion op Säit geworf woubäi den Aarbechter vum Jean Think, wei am Artikel steet e polnesch ofstamenden Mann mam Numm Seiwert, ënnert den Zuch komm ass an him de Kapp vum Kierper getrennt gouf (am Artikel vum der Luxemburger Illustriert ass et ganz genau beschriwwe mat Fotoen, Artikel ass an de Kommentaren) an de Chauffeur vum Camion gouf lieweg ënnert den Trümmer vum Camion nach fonnt (wei am Artikel steet ,,er wimmerte unter den Trümmern des Lastwagens') mee en och hie sollt des Accident net iwwerliewe well wei am Artikel steet ass hien an Diddelenger Spidol bruecht gi wou en ,,kurze Zeit danach den Geist aufgab'' De Bunn Aarbechter, e Mann vu Bireng mam Numm Stoffel gouf vun de Gendaarme verhaft a soot als Excuse dass den Zuch net ugemellt war. Et geet riets vun honnertee Mënschen déi des Accident sech ukucke komm sinn

Adresse

Avenue Grand-duchesse Charlotte
Dudelange
3440

Site Web

Notifications

Soyez le premier à savoir et laissez-nous vous envoyer un courriel lorsque Zäitrees duerch Lëtzebuerg publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Catégorie