21/11/2025
🟥 ARTS
🟧 යක්ෂයාද බිය වැද්දූ "එය"
( උපුටාගැනීමකි. කර්තෘ නොදනිමි. සංශෝධන රහිතව පළ කරමි. )
මෙම සිතුවම නිර්මාණය වන්නේ 1762 වර්ෂයේදී. ප්රංශ ජාතික සිත්තරෙකු වන Charles Eisen තමයි Perretta Frightens the Demon නම් වන මෙම සිතුවම නිර්මාණය කරන්නෙ. ඔහුට මෙම අදහස පැමිණ තිබෙන්නෙ “The Devil of Pope-Fig Island” නමින් Jean de La Fontaine නම් ලේඛකයා විසින් 1674 වසරේදී ලියන ලද කෘතියක සදහන් සිදුවීමක් පාදක කරගෙනයි.
එම ලියවීමට අනුව එක්තරා ගොවියෙක් යක්ෂයා සමග ඔට්ටුවක් අල්ලනව කාටද වඩාත් ගැඹුරට වගාවට වතුර දමන ඇලක් කපන්න පුලුවන් කියල. යක්ෂයා මෙම තරගයෙන් ජයගන්නා බව දැනගත් ගොවියාගේ බිරිද යක්ෂයාට සිය රහසග පෙන්වනු ලබනවා. කතාවට අනුව යක්ෂයා කාන්තාවන්ගේ අගපසග පිලිබදව එතරම් දැනීමක් ඇති අයෙක් නොවෙයි. ගෙවිලියගේ රහසග දැක ඔහු සිතන්නේ ඇයට විශාල තුවාලයක් ඇති බවයි. එම තුවාලය ගොවියා පහරදීමකින් සිදුවූවක් බව සිතන යක්ෂයා ගොවියා සමග තරගය අතහැර බිය වී පලායනවා.
මෙම ලියවීම පාදක කරගෙන තමයි Charles-Dominique-Joseph Eisen (17 August 1720 – 4 January 1778) මෙම අපූරු සිතුවම නිර්මාණය කරන්නේ.
