27/04/2026
17 වන සියවසේ ජීවත් වුණ සුවිශේෂී චිත්ර ශිල්පිනියක් තමයි Maria Sibylla Merian කියන්නෙ. චිත්ර ශිල්පිනියක්, විද්යාඥවරියක්, ශාක සහ සත්ත්ව ගවේෂිකාවක් විදියටත් Maria Sibylla හඳුන්වන්න පුළුවන්. 1647 අප්රේල් 2 වනදා ජර්මනියේ Frankfurt නගරයේ උපත ලද Maria, මුලින්ම චිත්ර ශිල්පිනියක් ලෙස වෘත්තිය ආරම්භ කළා. නමුත් ඇය වඩාත්ම කැමති වූයේ කෘමීන්ගේ සහ මල් පැලෑටි සිතුවම් කරන්න.
මාරියා විශේෂ වෙන්නෙ කෘමීන් හා සමනලුන් පිළිබද අධ්යයනය කරමින් සිතුවම් නිර්මාණය කළ පැරණිම චිත්ර ශිල්පිනියක් වීම හේතුවෙන්. ඇය කෘමීන්ගේ පරිවර්තන (metamorphosis) පිළිබඳ ගැඹුරින් අධ්යයනය කළා. දළඹුවෙක් කූඩුවක් හදාගෙන සමනලයෙක් වන ආකාරය ඇය ඇස් දෙකින් දැකලා, ඒ පිළිබද අධ්යයනය සමඟ එම අවස්ථාවන් ඉතා නිවැරදිව චිත්රයට නැගුවා. මාරියා, 1705 දී එළිදැක්වූ “Metamorphosis Insectorum Surinamensium” කෘතිය අදටත් විද්යා ලෝකයේ අගනා කෘතියක්. ඒ වගේම 1680 දී එළිදැක්වූ “Neues Blumenbuch” කෘතියෙන් ඇය ශාක සහ මල්වල විවිධත්වය විද්යාත්මකව සහ නිවැරදිව ඉදිරිපත් කර තිබෙනවා.
ඇය 1717 ජනවාරි 13 වන දා නෙදර්ලන්තයේ Amsterdam නගරයේදී ඇය සිය දිවියෙන් සමුගන්නවා. ඇය ජීවත් වූ කාලය තුළ නිර්මාණය කළ සිතුවම්වලින් කිහිපයක් තමයි මේ.. දැනට මේ සිතුවම් අවුරුදු 300කටත් වඩා පැරණි නිර්මාණ විදියට හඳුන්වන්න පුළුවන්.
