មន្ទីរវប្បធម៌ និងវិចិត្រសិល្បៈខេត្តតាកែវ

14/08/2026

ថ្ងៃសុក្រ ១កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែសីហា ឆ្នាំ២០២៦ លោក ឈន ប៊ុនហាក់ ប្រធានមន្ទីរ និងលោក សៅ តុង អនុប្រធានមន្ទីរ បានអញ្ជើញចូលរួមពិធីក្រុងពាលីសាងសង់វេទិការអុំទូក ក្រោមអធិបតីភាព ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ ដោយមានការអញ្ជើញចូលរួមពី លោកអភិបាលរងខេត្ត លោកនាយក នាយករងរដ្ឋបាលសាលាខេត្ត លោកអភិបាល នៃគណៈអភិបាលក្រុងដូនកែវ លោក លោកស្រីប្រធាន អនុប្រធានមន្ទីរសាខាជំនាញជុំវិញខេត្តដែលពាក់ព័ន្ធ នៅមាត់បឹងតាកែវ ស្ថិតក្នុងភូមិចក សង្កាត់រកាក្នុង ក្រុងដូនកែវ ខេត្តតាកែវ។

14/08/2026

ថ្ងៃសុក្រ ១កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែសីហា ឆ្នាំ២០២៦ លោក ឈន ប៊ុនហាក់ ប្រធានមន្ទីរ បានអញ្ជើញចូលរួមពិធីបុណ្យពុទ្ធាភិសេកឆ្លងព្រះពុទ្ធរូប និងសម្ពោធដាក់ឱ្យប្រើប្រាស់សមិទ្ធផលនានា ស្ថិតនៅវត្តកោះ ឃុំបាស្រែ ស្រុកអង្គរបូរី ខេត្តតាកែវ ក្រោមអធិបតីភាពឯកឧត្តម យស ណាស៊ី ប្រធានក្រុមប្រឹក្សាខេត្ត និងឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ។

13/08/2026

ថ្ងៃព្រហស្បតិ៍ ១៥រោច ខែទុតិយាសាឍ ឆ្នាំមមី អដ្ឋស័កពុទ្ធសករាជ២៥៧០ ត្រូវនឹងថ្ងៃទី១៣ ខែសីហា ឆ្នាំ២០២៦ លោក ឈន ប៊ុនហាក់ ប្រធានមន្ទីរ បានអញ្ជើញចូលរួមពិធីបើកវគ្គបណ្តុះបណ្តាល ស្តីពី “សម្លៀកបំពាក់ប្រពៃណីខ្មែរ នៅក្នុងពិធីបុណ្យជាតិ ពិធីមង្គលការ សុជីវធម៌ក្នុងការប្រាស្រ័យទាក់ទងគ្នាក្នុងសង្គម” ដែលរៀបចំដោយក្រុមការងារ​យេនឌ័រ ក្រោមអធិបតីភាព លោកជំទាវ នេត្រ ភូម៉ារី រដ្ឋលេខាធិការ ជាប្រធានក្រុមការងារយេនឌ័រប្រចាំក្រសួងវប្បធម៌និងវិចិត្រសិល្បៈ តំណាងដ៏ខ្ពង់ខ្ពស់របស់លោកជំទាវ​បណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ដែលពិធីប្រារព្ធនៅទីស្ដីការក្រសួងវប្បធម៌និងវិចិត្រសិល្បៈ។

11/08/2026

ថ្ងៃអង្គារ ១៣រោច ខែទុតិយាសាឍ ឆ្នាំមមី អដ្ឋស័កពុទ្ធសករាជ២៥៧០ ត្រូវនឹងថ្ងៃទី១១ ខែសីហា ឆ្នាំ២០២៦ ក្រុមការងារនៃមន្ទីរវប្បធម៌ និងវិចិត្រសិល្បៈខេត្ត ដឹកនាំដោយលោកស្រី វ៉ែន វណ្ណា ប្រធានការិយាល័យបេតិកភណ្ឌ បានសហការរួមគ្នាជាមួយក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ដើម្បីពិនិត្យផ្ទៀងផ្ទាត់ពាក់ព័ន្ធដីបុរាណដ្ឋាននៅក្នុងខេត្តតាកែវ ដោយក្រុមការងារបានពិនិត្យ និងផ្ទៀងផ្ទាត់ដីបុរាណដ្ឋានក្នុងស្រុកអង្គរបូរីដែលមាននៅក្នុងបញ្ជីសារពើភណ្ឌ របស់មន្ទីរវប្បធម៌ និងវិចិត្រសិល្បៈខេត្ត ព្រមទាំងបានទទួលវិញ្ញាបនបត្រសម្គាល់ម្ចាស់អចលនវត្ថុដីបុរាណដ្ឋាន(ប្លង់រឹង) ដែលចេញដោយមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តតាកែវ។

10/08/2026

ថ្ងៃចន្ទ ១២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១០ ខែសីហា ឆ្នាំ២០២៦៖
ក្រុមការងារមន្ទីរវប្បធម៌ និងវិចិត្រសិល្បៈខេត្តតាកែវ ដឹកនាំដោយ លោក ឈន ប៊ុនហាក់ ប្រធានមន្ទីរ សហការជាមួយ លោក ធូ សុភាព នាយកវិទ្យាស្ថានពហុបច្ចេកទេសភូមិភាគតេជោសែនតាកែវ និងអាជ្ញាធរមូលដ្ឋាន ចុះចួបព្រឹទ្ធាចារ្យ ទេពសោភណ ម៉ក់ ជាង (មរតកមនុស្សរស់) ជំនាញតម្បាញហូលពិតាន នៅស្រុកព្រៃកប្បាស និងលោកស្រី ប៉ិច ចន្ធូរ គ្រូបង្រៀនត្បាញហូល ផាមួង នៅស្រុកសំរោង ក្នុងគោលបំណងជួយអភិរក្ស ថែរក្សាហូលពិតានជាសិល្ប:សក្ការៈដែលបានត្បាញយ៉ាងផ្ចិតផ្ចង់ភ្ជាប់ទៅនឹងជំនឿសាសនា សីលធម៌ និងអត្តសញ្ញាណវប្បធម៌ និងបានពិភាក្សាអំពីការបណ្តុះបណ្តាលជំនាញមរតកដូនតានេះដល់ប្រជាពលរដ្ឋក្នុងមូលដ្ឋាន ដើម្បីជួយបង្កើតជំនាញបន្ថែម និងចំណូលសម្រាប់ទ្រទ្រង់ជីវភាពគ្រួសារ។

09/08/2026

នៅព្រឹកថ្ងៃអាទិត្យ ១១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែសីហា ឆ្នាំ២០២៦ លោក មោង ភាព មន្ត្រីការិយាល័យបេតិកភណ្ឌ តំណាង លោក ឈន ប៊ុនហាក់ ប្រធានមន្ទីរ បានអញ្ជើញចូលរួមពិធីសម្ពោធដាក់ឱ្យប្រើប្រាស់ជាផ្លូការអគាសិក្សា សាលាបឋមសិក្សាសំរោង ស្ថិតនៅក្នុងភូមិសំរោង ឃុំរមេញ ស្រុកកោះអណ្តែត ខេត្តតាកែវ ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជា​ណាចក្រកម្ពុជា ដោយមានការអញ្ជើញចូលរួមជាកិត្តិយស ឯកឧត្តម យស ណាស៊ី ប្រធានក្រុមប្រឹក្សាខេត្ត និងឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ ។

07/08/2026

06/08/2026

នាព្រឹកថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦ លោក សៅ តុង អនុប្រធានមន្ទីរ បានអញ្ជើញចូលរួមកិច្ចប្រជុំសាមញ្ញលើកទី២៧ អាណត្តិទី៤ របស់ក្រុមប្រឹក្សាខេត្ត ក្រោមអធិបតីភាព ឯកឧត្តម យស ណាស៊ី ប្រធានក្រុមប្រឹក្សាខេត្ត និងលោក ស៊ុត ខុន អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ ដែលកិច្ចប្រជុំប្រារព្ធនៅសាលប្រជុំធំរដ្ឋបាលខេត្តតាកែវ។

06/08/2026

ព្រឹកថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦ លោក រ័ត្ន សុធីរ ប្រធានការិយាល័យរដ្ឋបាល បុគ្គលិក បានអញ្ជើញចូលរួមពិធីប្រកាសផ្សព្វផ្សាយលទ្ធផលបឋមផលិតផលក្នុងស្រុកសរុប (GDP) ខេត្តតាកែវ ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់ ឯកឧត្តម រិន វីរៈ ទីប្រឹក្សាផ្ទាល់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងជារដ្ឋលេខាធិការក្រសួងផែនការ និងជាប្រធានក្រុមប្រឹក្សាភិបាល នៃវិទ្យាស្ថានជាតិស្ថិតិ និងឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ ដែលពិធីប្រកាសបានប្រារព្ធធ្វើនៅសាលប្រជុំមន្ទីរផែនការខេត្តតាកែវ។

05/08/2026

ថ្ងៃពុធ ៧រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែសីហា ឆ្នាំ២០២៦ លោក មោង ភាព មន្ត្រីការិយាល័យបេតិកភណ្ឌ នៃមន្ទីរវប្បធម៌ និងវិចិត្រសិល្បៈខេត្ត បានចុះប្រមូលប្លង់ និងយកនិយាមកាដីស្ថានីយបុរាណ ស្ថិតនៅឃុំរាមអណ្ដើក និងឃុំអង្គប្រាសាទ ស្រុកគិរីវង់ ចំនួន ៥ទួលអង្គ រួមមាន៖
១. ទួលអង្គតាអាំ
២. ទួលអង្គថ្ម
៣. ទួលអង្គតាចិន
៤. ទួលអង្គកន្រ្ទង់ និង
៥.ទួលអង្គប្រាដាទ។