12/06/2026
ITE ISCHIMUS OE DE SISAIA?
Su corpus de Sisaia teniat frascas a isterrimenta. Sas cunditziones de sa gruta ant permitiu chi pacas astulas si siant mantesas fintzas a oe. Gratzias a custu, s’universidade de Stoccolma at datau su cuntestu a su 1950-1750 innantis de Cristu, a su cumintzu de s’edade de su brunzu.
Sos ateros elementos de sa seportura, apartenentes a sa cultura de Bunnannaru, nos daent una datassione acurtzu.
Sisaia fiat arta 1,50 m e aiat colau una vida tribulada. Sa carena mustrat galu sas cusseguentzias de duas fraturas a su bratzu e una a sa pala, de s’artrosi e de unu tumore benignu in sa parte bassa de s’ischina. A pustis de s’infortuniu su bratzu fiat sanadu, ma sa pala nono e non podiat fachere argunos moimentos.
Ma sa cosa prus ispantosa abarrat s’interventu de trapanadura a conca.
No ischimus sas resones de s’operatzione,ma s’ossu si fiat torrau a cumponnere, duncas s’interventu fiat resessiu.
Est morta a trintachimbe annos, un edade importante pro su tempus.
Su fatu chi una femina malesana e malassortada siat campada a manna, cheret narrere chi in sa bida sua at connotu pessones chi l’ant assistia e acumpanzada cando at apiu bisonzu.
Oe, battomiza annos a pustis, custa femina sarda de s’edade de su brunzu tenet galu tantas cosas de nos contare.
Cras, sapadu 13 de lampadas a sas 5:30, in ocasione de sas Dies Europeas de s’Archeologia, su museo organizat paris cun su “Gruppo grotte nuorese” sa presentada de s’urtimu numeru de Gruttas e Nurras, dedicau a Sisaia.
In italiano nei commenti.
