13/08/2026
१६ ऑगस्ट रोजी रत्नागिरीत आर्ट सर्कल फाऊंडेशन व CRPIM तर्फे 'स्वरभास्कर' बैठकीत चैतन्य,विशारद आणि नुपूर यांची मैफील
भारतीय शास्त्रीय आणि उपशास्त्रीय संगीताची समृद्ध परंपरा जपणे व कलागुणांना अधिक वाव देणे या उद्देशाने ‘आर्ट सर्कल फाउंडेशन’ आणि ‘सेंटर फॉर रिसर्च अँड प्रमोशन ऑफ इंडियन म्युझिक’ (CRPIM) यांच्या संयुक्त विद्यमाने रत्नागिरीत विशेष ‘स्वरभास्कर’ बैठकीचे आयोजन करण्यात आले आहे. उल्लेखनीय म्हणजे या सातत्यपूर्ण सांगीतिक उपक्रमाचे हे १६ वे वर्ष आहे. हा सुरेल सांगीतिक कार्यक्रम येत्या रविवार, दि. १६ ऑगस्ट २०२६ रोजी दुपारी ४:३० वाजता, माधवराव मुळ्ये सभागृह, झाडगाव, रत्नागिरी येथे रंगणार आहे.
संगीताच्या या विशेष बैठकीमध्ये महाराष्ट्रातील नामांकित व गुणवंत युवा कलाकारांचे गायन रसिकांना अनुभवायला मिळणार आहे. यामध्ये विशारद गुरव, चैतन्य परब व सुप्रसिद्ध गायिका नुपूर गाडगीळ आपल्या सुमधुर स्वरांनी ही मैफील सजवणार आहेत. शास्त्रीय व उपशास्त्रीय संगीतातील विविध रचनांचे सादरीकरण या बैठकीचे मुख्य वैशिष्ट्य ठरेल.
या बैठकीस उत्कृष्ट लय व स्वरांची जोड देण्यासाठी तबल्याची साथ अथर्व आठल्ये करणार असून हार्मोनिअमची साथ चैतन्य पटवर्धन सांभाळणार आहेत. या सर्वांच्या समन्वयातून रसिकांना एका अत्यंत समृद्ध आणि सुरेल सांगीतिक अनुभवाची अनुभूती लाभणार आहे.
रत्नागिरीतील सर्व संगीतप्रेमी, रसिक व नागरिकांनी १६ व्या वर्षात पदार्पण करणाऱ्या या बहारदार 'स्वरभास्कर' बैठकीस मोठ्या संख्येने उपस्थित राहून सांगीतिक मेजवानीचा आस्वाद घ्यावा, असे आवाहन आयोजकांतर्फे करण्यात आले आहे.
