https://www.facebook.com/127480821167491/

The Art of Laziness, Kochi (2026)

16/09/2026

ആദ്യമായിട്ടാണ് ഒരു Japanese novel വായിക്കുന്നത്. Famous ആയ ജാപ്പനീസ് എഴുത്തുകാരൻ ജൂനിച്ചിരോ തനിസാക്കി യുടെ വിവർത്തനം ചെയ്തിരിക്കുന്ന carnet പ്രസിദ്ധീകരിച്ച നോവൽ ആണ് മാൻജി.. അതുകൊണ്ടുതന്നെ മൻജി കൈയിലെടുക്കുമ്പോൾ തന്നെ ഒരു പ്രത്യേക കൗതുകമുണ്ടായിരുന്നു. വായിച്ചു തുടങ്ങിയപ്പോൾ മനസ്സിലായത്, ഇത് വെറുമൊരു പ്രണയകഥയല്ല എന്നതാണ്. കുറച്ചു complicated ആയ ഒരു സ്റ്റോറി ആണ്.

Sonoko എന്ന വിവാഹിതയായ സ്ത്രീയും Mitsuko എന്ന യുവതിയും തമ്മിലുള്ള ബന്ധത്തിലൂടെയാണ് കഥ മുന്നോട്ട് പോകുന്നത്. ആദ്യമൊക്കെ ഒരു ആകർഷണമായും സൗഹൃദമായും തോന്നുന്ന ആ ബന്ധം പതിയെ പ്രണയത്തിലേക്കും പിന്നീട് അതിരുകടന്ന attachment ലേക്കും മാറുന്നു. അതിനിടയിൽ ഭർത്താവായ Kokuyuchi യും കാമുകൻ ആയ Watanukiയും കൂടി ഈ ബന്ധത്തിന്റെ ഭാഗമാകുന്നതോടെ കഥ കൂടുതൽ സങ്കീർണ്ണമാകുന്നു.

Sonoko പറയുന്ന കഥയിലൂടെ ആണ് നോവൽ സഞ്ചാരിക്കുന്നത്.അതുകൊണ്ട് തന്നെ അവളുടെ കണ്ണിലൂടെയാണ് നമ്മൾ എല്ലാം കാണുന്നത്. പക്ഷേ അവൾ പറയുന്നതെല്ലാം പൂർണ്ണമായും വിശ്വസിക്കാമൊ എന്നൊരു സംശയം ഇടക്കിടെ മനസ്സിൽ എപ്പോഴും ഉണ്ടാകും. ഓരോ കഥാപാത്രത്തിനും അവരവരുടെ version ഉണ്ട്.

1920-കളുടെ അവസാനത്തിൽ എഴുതപ്പെട്ട ഒരു Japanese novel എന്ന നിലയിൽ ഇതിലെ themes തന്നെ വളരെ bold ആണ്. സ്ത്രീകളുടെ desire, sexuality, വിവാഹബന്ധം, infidelity, സമൂഹത്തിന്റെ expectations ഇതെല്ലാം വളരെ തുറന്ന രീതിയിൽ കഥയുടെ ഭാഗമാകുന്നു. അതുകൊണ്ട് തന്നെ ഇത് ഒരു romance ആയി മാത്രം വായിക്കാതെ, ആ കാലഘട്ടത്തിലെ മനുഷ്യബന്ധങ്ങളെയും സ്ത്രീ പുരുഷ ബന്ധങ്ങളെയും sexualityയെയും കുറിച്ചുള്ള ഒരു psychological study ആയി കൂടി വായിക്കാമെന്ന് തോന്നി.

Japanese നോവൽ ലും ആ കാലഘട്ടത്തിന്റെ എഴുതും കൊണ്ട് ആകാം...എനിക്ക് എല്ലായിടത്തും reading experience ഒരുപോലെ ആയിരുന്നില്ല. ചില ഭാഗങ്ങൾ കുറച്ച് slow ആയി തോന്നി. ഒരേ ബന്ധത്തെ ചുറ്റിപ്പറ്റിയുള്ള സംഭാഷണങ്ങളും സംശയങ്ങളും explanations ഉം ചില സമയത്ത് repetition പോലെ തോന്നുന്നുണ്ട്. അതൊഴിച്ചാൽ നല്ലയൊരു വ്യത്യസ്തമായ reading എക്സ്പീരിയൻസ് തന്ന നോവൽ ആണ് ഇതു.
time

15/09/2026

Location 📍 Near Panampilly Central Park

എന്റെ control ദൈവങ്ങളെ.. ഇച്ചിരി control തരു 🫣🙈
❤️ ❤️

15/09/2026

മിത്തും ഫാന്റസിയും ചരിത്രവും ഇഴചേർത്ത്, കഥയാണോ ജീവിതമാണോ എന്ന് തിരിച്ചറിയാനാവാത്ത ഒരിടത്തേക്ക് കൂട്ടിക്കൊണ്ടുപോകുന്ന ഒരു മാന്ത്രിക നോവലാണ് മാതംഗലീല..

Author Santhosh Aechikkanam
📚 Mathrubhumi Books

തിരുമിറ്റക്കോട് ബാലകൃഷ്ണൻ എന്ന ആനബാലന്റെ കഥയാണ് നോവലിന്റെ പ്രമേയം... എന്നാൽ ബാലകൃഷ്ണൻ മനുഷ്യനാണോ, ആനയാണോ എന്ന സംശയം പോലും വായനയിലുടനീളം നിലനിൽക്കുന്ന തരത്തിലാണ് കഥയുടെ സഞ്ചാരം. ഒടിയനും ഒടിവിദ്യയും, ഒരു മനുഷ്യൻ മറ്റൊരു രൂപത്തിലേക്ക് മാറുന്ന പരകായപ്രവേശവും മഹാവിദ്യകളുമെല്ലാം ചേർന്ന് യാഥാർഥ്യത്തിനും അതീതമായൊരു ലോകമാണ് നോവൽ തുറന്നിടുന്നത്.

ചിത്തിരസെൽവി, താഴമ്പൂ, തേച്ചൊരാൻ, കണ്ണന്തളി തുടങ്ങി ഓർമ്മയിൽ നിൽക്കുന്ന നിരവധി കഥാപാത്രങ്ങളും ഈ ലോകത്തെ കൂടുതൽ സജീവമാക്കുന്നു. പ്രണയവും പ്രതികാരവും രതിയും പകയും മന്ത്രികതയും മാത്രമല്ല, എഴുപതുകളിലെ രാഷ്ട്രീയവും ജാതിവ്യവസ്ഥയും അതിൽനിന്നുണ്ടാകുന്ന സംഘർഷങ്ങളും കൂടി കഥയുടെ ഭാഗമായി മാറുന്നു.

എന്നാൽ ഈ പുസ്തകത്തോട് എനിക്ക് ഒരേസമയം ഇഷ്ടവും ചെറിയൊരു ഇഷ്ടക്കേടും തോന്നി.
വായനയിൽ ചിലയിടങ്ങളിൽ നല്ല രീതിയിൽ lag അനുഭവപ്പെട്ടു. കഥയുടെ ഒഴുക്ക് ചില ഭാഗങ്ങളിൽ മന്ദഗതിയിലാകുകയും, വിവരണങ്ങളും കുറച്ചു കഥകളും,വിശദാംശങ്ങളും കൂടുതലായി തോന്നുകയും ചെയ്തു.

പക്ഷേ അതേ പുസ്തകത്തിൽ തന്നെ ചില ഭാഗങ്ങൾ അതികമ്പീരമായൊരു വായനാനുഭവം സമ്മാനിക്കുകയും ചെയ്തു. വായിച്ചു കഴിഞ്ഞിട്ടും മനസ്സിൽ ചില കഥാപാത്രങ്ങളും ദൃശ്യങ്ങളും മിത്തുകളും ബാക്കിനിൽക്കുന്നു.

ഇഷ്ടപ്പെട്ടോ എന്ന് ചോദിച്ചാൽ ഇഷ്ടപ്പെട്ടു എന്നാലും ഒരു 50-80 പേജ് ഒക്കെ വെട്ടിച്ചുരിരുനെകിൽ വളരെ മികച്ച ഒരു നോവൽ ആയേനെ എന്ന് തോന്നി🔥 വ്യക്തിപരമായ അഭിപ്രായം ❤️

10/09/2026

“ഏതൊരു മനുഷ്യനെയും കരയിപ്പിക്കാൻ രണ്ട് മാർഗങ്ങളുണ്ട്. ഒന്ന്, വേദനിപ്പിച്ചാൽ മതി… മറ്റൊന്ന്, ഒരുപാട് സ്നേഹം കൊടുത്താൽ മതി.”

Author✍️ Pma Gafoor
📚 DC Books Connect

പി. എം. എ. ഗഫൂറിന്റെ 'അവർ തൊട്ടു നീ തലോടി', എന്ന ഈ പുസ്തകം വായിച്ചുതുടങ്ങുമ്പോൾ തന്നെ മനസ്സിനെ പതുക്കെ തൊടുന്ന ഒരുപാട് വാക്കുകളും അനുഭവങ്ങളുമാണ് മുന്നിലേക്ക് വരുന്നത്.

74 ചെറിയ അധ്യായങ്ങളായാണ് പുസ്തകം ഒരുക്കിയിരിക്കുന്നത്. ഓരോ അധ്യായവും ഓരോ മനുഷ്യവികാരങ്ങളിലേക്കുള്ള ചെറിയൊരു യാത്ര പോലെയാണ്. സ്നേഹം, കരുണ, ത്യാഗം, കാത്തിരിപ്പ്, വേദന, ബന്ധങ്ങൾ, ജീവിതാനുഭവങ്ങൾ… അങ്ങനെ നമ്മളിൽ പലപ്പോഴും ഒളിഞ്ഞിരിക്കുന്ന പല വികാരങ്ങളെയും വളരെ ലളിതമായി അദ്ദേഹം സ്പർശിക്കുന്നുണ്ട്. ചിലത് വായിക്കുമ്പോൾ നമ്മളെ തന്നെ ഓർമ്മ വരും, ചിലത് നമ്മൾ കണ്ടുമുട്ടിയ മനുഷ്യരെയും.

ഇത് വെറുമൊരു കഥാപുസ്തകമായി തോന്നിയില്ല. ചില ഭാഗങ്ങൾ വായിക്കുമ്പോൾ ഒരു അനുഭവക്കുറിപ്പ് വായിക്കുന്നതുപോലെയും, ചിലപ്പോൾ ആരോ നമ്മളോട് നേരിട്ട് സംസാരിക്കുന്നതുപോലെയും തോന്നി. അതുകൊണ്ടുതന്നെ വായനയ്ക്കിടയിൽ പലപ്പോഴും ഒന്ന് നിർത്തി ചിന്തിക്കാനും തോന്നും.

നമ്മുടെ ഉള്ളിലേക്ക് തന്നെ ഒന്ന് തിരിഞ്ഞുനോക്കാനും, ചില കാര്യങ്ങളെ മറ്റൊരു കാഴ്ചപ്പാടിലൂടെ കാണാനും, മനസ്സിന് കുറച്ച് സമാധാനം കണ്ടെത്താനും സഹായിക്കുന്നൊരു വായനയാണ് എനിക്ക് ഈ പുസ്തകം സമ്മാനിച്ചത്. പ്രത്യേകിച്ച് ഒരു ഹീലിംഗ് പ്രോസസിലൂടെ കടന്നുപോകുന്നവർക്ക്, അല്ലെങ്കിൽ കുറച്ച് ശാന്തമായൊരു വായന തേടുന്നവർക്ക് ഈ പുസ്തകം ഇഷ്ടപ്പെടുമെന്ന് തോന്നുന്നു.

എഴുത്തുകാരന്റെ പ്രഭാഷണങ്ങൾ ഏറെ ശ്രദ്ധിക്കപ്പെട്ടിട്ടുള്ളതാണ്. അതേ ലാളിത്യത്തോടെയും ആഴത്തോടെയും മനുഷ്യനെ മനസ്സിലാക്കുന്നൊരു എഴുത്താണ് ഈ പുസ്തകത്തിലും കാണാൻ കഴിഞ്ഞത്.

വായിച്ചു തീർന്നപ്പോൾ കഥകൾ മാത്രം ഓർമ്മയിൽ നിന്നില്ല… ചില മനുഷ്യരും ചില വികാരങ്ങളും ചില വാക്കുകളും കൂടെ മനസ്സിൽ ബാക്കിനിന്നു. തൊടുന്നതും തലോടുന്നതും തമ്മിലുള്ള വ്യത്യാസം അതീവ ഭംഗിയായി ആവിഷ്കരിച്ച ഒരു അധ്യായമുണ്ട് ഇതിലു.. ഹെലൻ കെല്ലർ ഡേ അധ്യായം. ❤️

വളരെ നല്ലൊരു ഫീൽ തന്ന, പതുക്കെ വായിച്ചും ഇടയ്ക്കൊക്കെ നിർത്തി ചിന്തിച്ചും പോകാൻ തോന്നിയൊരു മനോഹരമായ പുസ്തകം ❤️
# bookreviewmalayalam

06/09/2026

മോഹനചന്ദ്രൻ രചിച്ച മിസ്റ്ററി-ഹൊറർ നോവലാണ് 'കാക്കകളുടെ രാത്രി'. മലയാള സാഹിത്യത്തിൽ താരതമ്യേന കുറവായി മാത്രം കാണപ്പെടുന്ന ഗോഥിക് ഹൊറർ (Gothic Horror) വിഭാഗത്തിൽ പെടുത്താവുന്ന കൃതിയാണിത്.

Author ✍️ Mohanachandran
📚 Current Books

ഭർത്താവായ സുരേഷിന്റെ മരണശേഷം ദേവി സംഗീത ക്ലാസുകൾ എടുത്തും ഒപ്പം പഠനവും ഒക്കെ ആയി കഴിയുമ്പോൾ ആണ് അവർക്കു ഗവേഷണം ആണ് ബന്ധപ്പെട്ടു പുതിയ ഒരു സ്ഥലക്കു വരണ്ടി വരുന്നത്.. അങ്ങനെ ദേവി തന്റെ ഇരട്ട പെൺമക്കളായ ഇന്ദുവിനും ബിന്ദുവിനുമൊപ്പം ഗവേഷണ ആവശ്യങ്ങൾക്കായി ശുചീന്ദ്രത്തിനടുത്തുള്ള ഒരു ഗ്രാമത്തിൽ എത്തുന്നതിലൂടെ കഥ തുടങ്ങുന്നത്. നൂറ്റാണ്ടുകളുടെ പഴക്കവും ദുരൂഹതകളും നിറഞ്ഞ അമ്പിളിമാളിക എന്ന തറവാട്ടിലാണ് അവർക്ക് താമസസൗകര്യം ലഭിക്കുന്നത്.

പൂട്ടിയിട്ട തെക്കിനി മുറിയും, ആളൊഴിഞ്ഞ ഇടനാഴികളും, അവിടെ ഏകയായി താമസിക്കുന്ന കാർത്ത്യായനിയമ്മയും തുടക്കം മുതൽ തന്നെ കഥയിൽ ഒരു അസ്വാഭാവിക അന്തരീക്ഷം സൃഷ്ടിക്കുന്നു. പതിയെ കുട്ടികൾ അവിടെ ഉള്ള കാക്കകളുമായി സ്ഥാപിക്കുന്ന ബന്ധവും, രാത്രികളിൽ സംഭവിക്കുന്ന അസാധാരണ കാര്യങ്ങളും കഥയിൽ ഭീതി എത്തിക്കുന്നു.

Horror ജൻറെ പെടുന്നെ നോവൽ ആണെങ്കിൽ കൂടെ പേടിപ്പിക്കാൻ വേണ്ടി അനാവശ്യ പ്രേത രംഗങ്ങളോ, രക്തച്ചൊരിച്ചിലോ ഒന്നും തന്നെ ഇല്ല, പകരം നിശ്ശബ്ദതയിലൂടെയും ഭീതിജനകമായ പശ്ചാത്തലത്തിലൂടെയും വായനക്കാരനിൽ അസ്വസ്ഥതയും ആകാംക്ഷയും സസ്പെൻസും നിറഞ്ഞ ഒരു എഴുത്താണ് ഈ നോവലിന്റെ പ്രത്യേകത.

1988-ൽ പുറത്തിറങ്ങിയ പുസ്തകമാണെങ്കിലും വായിക്കാൻ നല്ല രസമാണ്. ഒട്ടും മുഷിപ്പില്ലാത്ത ഭാഷയും, നല്ലൊരു ഹൊറർ മൂഡ് നൽകുന്ന കിടിലൻ അറ്റ്മോസ്ഫിയറുമാണ് എടുത്തു പറയേണ്ടതാണ്.
Dark fantasy, horror നോവൽ ഒക്കെ വായിക്കാൻ ഇഷ്ടപെടുന്നവർക്കു തീർച്ചയായിട്ടും try ചെയ്യാം.

04/09/2026

പരകായം, മാനവപ്പിറവി എന്ന നോവൽ നു ശേഷം ആസിഫ് എഴുതിയ ഏറ്റവും പുതിയ പുസ്തകമാണ് മൺഡേ. ബാംഗ്ലൂർ നഗരത്തിലെത്തിയ അഞ്ച് മലയാളി യുവാക്കളുടെ കഥയാണിത്. ബിസിനസ്സിന്റെ അണിയറയിലെ കുതന്ത്രങ്ങളും പരാജയത്തിന്റെ കൈപ്പും രസകരമായ മുഹൂർത്തങ്ങളും തിരിച്ചറിവുകളും ആണ് നോവലിന്റെ ഇതിവൃത്തം.

Author Muhammed Asif
📚 manavata_publication

എട്ടു വർഷമായി ഒരേ ജോലിയും ഒരേ ജീവിതവും, മാറ്റങ്ങളൊന്നുമില്ലാത്ത പതിവ് ദിവസങ്ങളിൽ നിന്ന് ഒരു പുതിയ ജീവിതം തേടിയിറങ്ങുന്ന അരുൺ , ജിൻസ്, വിഷ്ണു, അഭിജിത്ത്, നിതിൻ എന്നീ അഞ്ച് സുഹൃത്തുക്കളിലൂടെയാണ് ഈ കഥ തുടങ്ങുന്നത്.

മിഡിൽ ക്ലാസ് കുടുംബങ്ങളുടെ ദൈനംദിന ജീവിതത്തിലെ ചെറിയ ബുദ്ധിമുട്ടുകൾക്ക് പരിഹാരം കണ്ടെത്തുക എന്ന ലക്ഷ്യത്തോടെ, ഒരു ചെറിയ സംരംഭത്തിന് അവർ തുടക്കമിടുന്നു. അങ്ങനെ ആ അഞ്ചുപേരുടെ കൂട്ടായ്മയിൽ നിന്ന് ‘കൂട്ട്’ എന്ന സംരംഭത്തിന്റെ പിറവി ഉണ്ടാകുന്നു. സാധാരണ വീട്ടുപകരണങ്ങളെ കൂടുതൽ സ്മാർട്ടാക്കാൻ കഴിയുന്ന DIY ഹോം കിറ്റുകൾ പോലെയുള്ള ആശയങ്ങളിലൂടെയാണ് അവർ മുന്നോട്ട് പോകുന്നത്. എന്നാൽ ഒരു ബിസിനസ് തുടങ്ങുന്നതോടെ പ്രശ്നങ്ങൾ ഒന്നിന് പിന്നാലെ ഒന്നായി എത്തുന്നു സാമ്പത്തിക പ്രതിസന്ധികൾ, അല്ലറചില്ലറ പ്രശ്നങ്ങൾ, കസ്റ്റമർ കംപ്ലെയ്ന്റുകൾ, നെഗറ്റീവ് റിവ്യൂസ്, വിമർശനങ്ങൾ, നോക്കുകൂലി, പാരവെപ്പ് തുടങ്ങി ഒരു സ്റ്റാർട്ടപ്പ് നേരിടേണ്ടി വരുന്ന പലതരം വെല്ലുവിളികളും അവർക്ക് നേരിടേണ്ടി വരുന്നു.

പരാജയങ്ങളിൽ നിന്ന് പഠിച്ച് മുന്നോട്ട് പോകുന്നതിനിടയിൽ ഒരു ഘട്ടത്തിൽ അവരുടെ കമ്പനി വലിയ രീതിയിൽ വളരുകയും രാജ്യത്തിനകത്തും പുറത്തും ശാഖകൾ ആരംഭിക്കുകയും ചെയ്യുന്നു. പക്ഷേ നിക്ഷേപകരും പുതിയ മാനേജ്മെന്റും കമ്പനിയുടെ ഭാഗമാകുന്നതോടെ കാര്യങ്ങൾ വീണ്ടും മാറിമറിയുന്നു. ബിസിനസ് നഷ്ടങ്ങളും നിയമപ്രശ്നങ്ങളും വിദേശ ഇടപാടുകളിലെ പ്രതിസന്ധികളുമൊക്കെ കഥയെ കൂടുതൽ സങ്കീർണ്ണമാക്കുന്നു.

എനിക്ക് വ്യക്തിപരമായി ഇത് ഒരു ഈസി റീഡിംഗ് ആയിരുന്നില്ല. ബിസിനസ്, ടെക്നോളജി, സ്റ്റാർട്ടപ്പ് മേഖലകളുമായി ബന്ധപ്പെട്ട ഒരുപാട് terms-ുകളും വിശദാംശങ്ങളും വരുന്നതിനാൽ ചില ഭാഗങ്ങൾ കുറച്ച് complicated ആയി തോന്നി. അതേസമയം, ഒരു സംരംഭം പിറവിയെടുക്കുന്നതുമുതൽ അതിന്റെ വളർച്ചയും തകർച്ചയുടെ വക്കിലെത്തുന്ന ഘട്ടങ്ങളും വരെ വളരെ അടുത്തുനിന്ന് കാണിച്ചുതരുന്ന ഒരു കഥയാണിത്. പ്രത്യേകിച്ച് ടെക്‌നോളജി മേഖലയിൽ പ്രവർത്തിക്കുന്ന യുവാക്കൾക്കും യുവ സംരംഭകർക്കും സ്റ്റാർട്ടപ്പ് സ്വപ്നം കാണുന്നവർക്കും ഈ പുസ്തകത്തിലെ പല കാര്യങ്ങളും വളരെയധികം relate ചെയ്യാൻ കഴിയുമായിരിക്കും.

02/09/2026

മിഡീവിയൻ പശ്ചാത്തലത്തിലുള്ള ആൽഫ്രഡിന്റെ യാത്രയിലൂടെയാണ് ഈ കഥ മുന്നോട്ട് പോകുന്നത്. പുതിയ സ്ഥലങ്ങളും പ്രപഞ്ചം ഒളിപ്പിച്ചു വെച്ചിട്ടുള്ള അത്ഭുതങ്ങളും തേടിയുള്ള യാത്രകളിൽ പരിചയപ്പെടുന്ന സൗഹൃദങ്ങളും പ്രണയവും സാഹസികതയും പ്രകൃതിയുടെ മനോഹാരിതയ്ക്കൊപ്പം ഇഴചേർത്തുവെച്ച വ്യത്യസ്തമായൊരു ചെറിയ നോവൽ.

Author Nishikanth Challayil
📚 Mankind Literature

ആൽഫ്രഡിന്റെ യാത്ര അത്ര എളുപ്പമുള്ളതായിരുന്നില്ല. ഒരുപാട് പ്രതിസന്ധികളും അപകടങ്ങളും അതിജീവിച്ചാണ് അവൻ തന്റെ യാത്ര മുന്നോട്ട് കൊണ്ടുപോകുന്നത്. ഒരിക്കൽ കൊള്ളക്കാരുടെ ആക്രമണത്തിനിരയാകുകയും, പല ജോലികൾ ചെയ്ത് കഷ്ടപ്പെട്ടുണ്ടാക്കിയ സമ്പാദ്യം മുഴുവൻ അവർ അപഹരിച്ചു. പിന്നീട് ഒരിക്കൽ അടിമയായി വിൽക്കപ്പെടുന്ന സാഹചര്യവും അവന് നേരിടേണ്ടി വരുന്നു. അതൊക്കെ തരണം ചെയ്തു വീണ്ടും തന്റെ യാത്ര തുടരുന്നു. വഴിയിൽ പരിചയപ്പെടുന്ന പലരും അവന്റെ ജീവിതത്തിൽ ചെറിയതോ വലിയതോ ആയൊരു പങ്ക് വഹിക്കുന്നുണ്ട്. ആ സൗഹൃദങ്ങളും സഹായങ്ങളും തന്നെയാണ് പലപ്പോഴും ആൽഫ്രഡിന്റെ യാത്രയ്ക്ക് മുന്നോട്ട് പോകാനുള്ള കരുത്താകുന്നത്.

സുഹൃത്തായ ഇവാനോടൊപ്പം സഞ്ചരിക്കുന്നതിനിടയിലാണ് ആൽഫ്രഡ് ഇസബെല്ലയെ പരിചയപ്പെടുന്നത്. വളരെ ചെറിയൊരു കൂടിക്കാഴ്ചയിൽ നിന്ന് തുടങ്ങുന്ന അവരുടെ ബന്ധം പതിയെ മനോഹരമായൊരു പ്രണയമായി മാറുന്നു.കുന്നിൻചെരുവുകളും പൂക്കളുടെ താഴ്വരകളും അരുവികളും മലകളും നിറഞ്ഞ പ്രകൃതിയുടെ പശ്ചാത്തലത്തിൽ ആൽഫ്രഡിന്റെയും ഇസബെല്ലയുടെയും പ്രണയനിമിഷങ്ങൾ വളരെ മനോഹരമായാണ് കഥയിൽ അവതരിപ്പിച്ചിരിക്കുന്നത്.

ഫാദർ ഗബ്രിയേലിൽ നിന്ന് ലഭിക്കുന്ന ഒരു രത്നക്കല്ലും സുഹൃത്തായ വില്ലിയത്തിൽ നിന്ന് ലഭിക്കുന്ന ഒരു പേനയും പിന്നീട് ആൽഫ്രഡിന്റെ ജീവിതത്തിൽ വലിയ മാറ്റങ്ങൾക്ക് വഴിയൊരുക്കുന്നു.നിഗൂഢമായ സംഭവങ്ങളും രത്നങ്ങളും മായാജാലവും നിറഞ്ഞ മറ്റൊരു ലോകവും കഥയിലേക്ക് കടന്നുവരുന്നു.

വളരെ കുറച്ച് പേജുകൾ മാത്രമുള്ള ഒരു ചെറിയ പുസ്തകമാണെങ്കിലും, അതിനുള്ളിൽ ഒരു വലിയ യാത്രയും പ്രണയവും സൗഹൃദവും രഹസ്യങ്ങളും മായാജാലവും സാഹസികതയും ഒതുക്കിവെച്ചിട്ടുണ്ട് എന്നതാണ് ഈ പുസ്തകത്തിന്റെ പ്രത്യേകത. ചെറുപ്പത്തിൽ നമ്മൾ വായിച്ചിരുന്ന അത്ഭുതകഥകളുടെ ഒരു feel ഈ പുസ്തകം തരുന്നുണ്ട്.

നല്ലയൊരു വായന സമ്മാനിച്ച എഴുത്തുകാരന് എല്ലാവിധ ആശംസകളും നേരുന്നു❤️

31/08/2026

താളുകൾ മറിച്ചും ലോകങ്ങൾ കണ്ടും കടന്നുപോയ ഒരു ഓഗസ്റ്റ്. 📚 18books

August Reads | 18 books, countless stories, one happy reader. 📚🤍

ആത്രയകം
ചാരുലത .tagore.official
ശകുനമോങ്ങി
നൂറ്റാണ്ടുകളുടെ നടകളിൽ
മുളക്കാൽ മോരുവിലെ രാപ്പകലുകൾ
റൂത്തിന്റെ ലോകം .jose
ചിറ്റിലശ്ശേരിയിലെ ചൂളംവിളിക്കാർ
സെവൻ ലിറ്റിൽ മങ്കിസ് .b_john
ആകാശത്തിന്റെ ചുവട്ടിൽ
ഗ്രേറ്റ
ആൽബി
നൊസ്റ്റാൾജിയ ബോക്സ്
ചാവുബലി ുഭാഷ്
കൊറോണക്കാലത്തെ കൊലപാതകം
കുംഭാര കോളനി
സ്വപ്ന വീഥിയിൽ
ഗ്രന്ഥങ്ങൾ തുറക്കപ്പെട്ടു
ആൽഫ്രെഡ്

31/08/2026

തിരക്കഥകൃത്തും എഴുത്തുകാരനും ആയ റിനോയ് കലൂർ ന്റെ ഏറ്റവും പുതിയ പുസ്തകം ആണ് 13 മനോഹരമായ ചെറുകഥകളുടെ സമാഹരമായ ഗ്രന്ഥങ്ങൾ തുറക്കപ്പെട്ടു.

Author Rinoy Kalloor
📚Mankind Literature

ആദ്യത്തെ മൂന്ന് കഥകൾ വായിച്ചപ്പോൾ തന്നെ ഈ പുസ്തകം വ്യത്യസ്തമായൊരു വായനാനുഭവം നൽകുമെന്ന് തോന്നിയിരുന്നു. ഏറ്റവും മനോഹരമായി തോന്നിയത്, കഥകൾ വായിച്ചുതീർന്നാലും അവയിലെ ചില ചോദ്യങ്ങളും തിരിച്ചറിവുകളും നമ്മളോടൊപ്പം തുടരുന്നു എന്നതാണ്. ആമുഖവും സമർപ്പണവും നന്ദിപ്പറച്ചിലും വരെ മനോഹരമായ എഴുത്തിന്റെ അനുഭവം തന്നെയാണ് നൽകുന്നത്.

സന്തോഷങ്ങളെ നാളേക്കായി മാറ്റിവെക്കരുതെന്ന് ഓർമ്മിപ്പിക്കുന്ന ‘ഗ്രന്ഥങ്ങൾ തുറക്കപ്പെട്ടു’, മാതാപിതാക്കളെന്ന നിലയിൽ നമ്മൾ അറിയാതെ ചെയ്യുന്ന ചില തെറ്റുകളിലേക്ക് കണ്ണുതുറപ്പിക്കുന്ന ‘ഇരുട്ടത്ത് കരയുന്ന സ്ത്രീ’, തണലിനും ഭവനത്തിനുമിടയിലെ ബന്ധം മനോഹരമായി പറയുന്ന ‘ചിത്രങ്ങൾ’, കർമ്മയുടെ തിരിച്ചുവരവിനെ ഓർമ്മിപ്പിക്കുന്ന ‘അനവരതം’ — ഓരോ കഥയും വ്യത്യസ്തമായൊരു ചിന്തയാണ് ബാക്കിവെക്കുന്നത്.

‘കുറുനരി ചോല’ ഗ്രാമീണ പശ്ചാത്തലവും ഗൃഹാതുരത്വവും കൊണ്ട് ഏറെ ഇഷ്ടപ്പെട്ട കഥകളിലൊന്നായി. ‘വിനോദ് ശ്രീകലക്ക് അയച്ച നാല് വാട്സ്ആപ്പ് കത്തുകൾ’ വ്യത്യസ്തമായ അവതരണത്തിലൂടെ മനസ്സിൽ ഇടം നേടി.

എന്നെ ഏറ്റവും കൂടുതൽ ഹൃദയത്തിൽ തൊട്ടത് ‘സേതു’ ആയിരുന്നു. പതിമൂന്നുകാരന്റെ ജീവിതത്തിലൂടെയുള്ള ആ യാത്രയും ഒടുവിലെ ദുരന്തവും വായിച്ചുതീർന്നിട്ടും മനസ്സിൽ നിന്ന് പോകുന്നില്ല. അതുപോലെ ‘ബോധോദയം’, ‘അതിരുകൾ ജനിക്കും മുമ്പേ’, അവസാനത്തെ കഥ എന്നിവയും സ്നേഹം, മനുഷ്യബന്ധങ്ങൾ, യാഥാർത്ഥ്യങ്ങൾ, ജീവിതത്തിലെ അസ്വസ്ഥമാക്കുന്ന സത്യങ്ങൾ എന്നിവയെ വല്ലാതെ ചിന്തിപ്പിച്ചു.

പ്രണയം, കരുണ, വേദന, കുടുംബം, ബന്ധങ്ങൾ, മനുഷ്യരുടെ തെറ്റുകളും തിരിച്ചറിവുകളും — ഇതെല്ലാം ഓരോ കഥയിലും വ്യത്യസ്തമായ രീതിയിൽ കടന്നുവരുന്നു. ചിലത് ചിന്തിപ്പിക്കും, ചിലത് വേദനിപ്പിക്കും, ചിലത് ഹൃദയം നനയ്ക്കും.

എല്ലാ കഥകളും ഒരുപോലെ മനസ്സിൽ തട്ടിയ ഒരു പുസ്തകം.ഒരുപാട് ഇഷ്ടപ്പെട്ട പുസ്തകം. ഒരുപാട് പേർ വായിക്കണമെന്ന് ആത്മാർത്ഥമായി ആഗ്രഹിക്കുന്നൊരു പുസ്തകം❤️ എല്ലാവിധ ആശംസകളും എഴുത്തുകാരന് നേരുന്നു ❤️

(Swipe left for detailed review ➡️)

🌼 ആദ്യ കഥയായ ‘ഗ്രന്ഥങ്ങൾ തുറക്കപ്പെട്ടു’ ജീവിതത്തിലെ സന്തോഷങ്ങളെ നാളേക്കായി മാറ്റിവെക്കരുതെന്ന് ഓർമ്മിപ്പിക്കുന്ന കഥയാണ്. എല്ലാം നേടിയശേഷം സന്തോഷിക്കാം എന്ന് കരുതുന്നതിനിടയിൽ ജീവിതം തന്നെ കടന്നുപോകുമെന്ന വലിയൊരു തിരിച്ചറിവ് നൽകുന്നു.

🌼'ഇരുട്ടത്ത് കരയുന്ന

The Art of Laziness

16/09/2026

15/09/2026

15/09/2026

10/09/2026

06/09/2026

04/09/2026

02/09/2026

31/08/2026

31/08/2026

Address

Website

Alerts

Shortcuts

Share

Category

Listing takedown request