15/07/2024
🌈 དྲྭ་ལམ་དུ་འཕྲུལ་དེབ་འགྲེམ་སྤེལ་གསལ་བསྒྲགས།
དུས་ཆེན་ཁྱད་པར་ཅན་གྱི་ཟླ་བ་འདིར་༼བོད་རྒྱ་ཤན་སྦྱར་རྒྱ་ཡིག་ཡིག་རྙིང་གི་རྟགས་རིག་གི་རྣམ་བཞག༽འཕྲུལ་དེབ་འགྲེམ་སྤེལ་ཆོས་བརྡ་གསལ་བསྒྲགས། མཛའ་ཞིང་བརྩེ་བའི་ཆོས་གྲོགས་རྣམ་པ།
དེ་བས་ཟླ་བ་འདི་ནི་ཆོས་འཁོར་དང་པོ་བསྐོར་བའི་དུས་ཆེན་གྱི་ཟླ་བ་ཡིན་ལ། དེ་ནི་བདེ་སྐྱིད་དང་ཞི་བདེས་ཁེངས་པའི་ཉིན་མོ་ཞིག་རེད། དེར་བརྟེན་ང་ཚོས་དགའ་སྤྲོ་དང་དགོད་སྒྲའི་ཁྲོད་དུ་དུས་སྟོན་དེ་སྲུང་བརྩིའི་ཆེད་དུ་དམིགས་ནས་༼བོད་རྒྱ་ཤན་སྦྱར་རྒྱ་ཡིག་ཡིག་རྙིང་གི་རྟགས་རིག་གི་རྣམ་བཞག༽དེབ་གསར་ཞིག་རིན་མེད་ཐོག་འགྲེམ་སྤེལ་བྱ་འཆར་ཡོད་པས། རང་ཅག་གིས་རྟགས་རིག་གི་རྣམ་བཞག་འདི་ལ་སློབ་སྦྱོང་བྱས་པ་ལ་བརྟེན་ནས་རང་རྒྱུད་ལ་སངས་རྒྱས་ཀྱི་ས་བོན་འདེབས་ཐུབ་པའི་རེ་སྨོན་ཡོད།
ཆོས་ལུགས་ལ་དད་པ་ཡོད་མེད་གང་ཡིན་ནའང་རྟགས་རིག་སྦྱང་ན་ཕན་ཐོགས་ཡོད་པ་ཉག་གཅིག་ཡིན། རྟགས་རིག་འདི་ཤེས་ཕྱིན་ཆད་ལ་སེམས་ཁམས་ཀྱི་སྨན་པ་བསྟེན་མི་དགོས་པ་ཡིན། ང་ཚོའི་སེམས་རྒྱུད་དུ་ཕྱིན་ཅི་ལོག་དང་མ་ལོག་གི་སེམས་དུ་མ་ཞིག་ཡོད་པ་ལས་ཕྱིན་ཅི་ལོག་པ་རྣམས་ཕལ་ཆེར་ཉོན་མོངས་ཡིན་པ་དང་རྟགས་ལྟར་སྣང་ལ་བརྟེན་ནས་བྱུང་བ་ཡིན། འདོད་ཆགས་ཞེ་སྡང་གཏི་མུག་ང་རྒྱལ་ལ་སོགས་པའི་ཉོན་མོངས་རྣམས་ཕལ་ཆེར་རྒྱུ་མཚན་ཕྱོགས་རེ་ཙམ་མཐོང་ནས་བསམ་བློ་དང་ཁ་ཚོན་ནོར་འཁྲུལ་ཤོར་བ་ཡིན་པས་ཕྱིན་ཅི་ལོག་པ་དེ་སེལ་བའི་ཆེད་དུ་ལྟ་བ་རྣམ་དག་བསྐྱེད་དགོས། དེ་བསྐྱེད་པ་ལ་རྟགས་ཡང་དག་ལ་བརྟེན་དགོས། ང་ཚོས་ཉིན་རེ་བཞིན་བསམ་བློ་དང་ལྟ་ཞིབ་བྱ་དུས་ནོར་འཁྲུལ་ཡོང་སྲིད་པས་རྟགས་རིག་ལ་བརྟེན་ན་འཁྲུལ་མེད་ཀྱི་བསམ་བློ་ཡོང་བར་ཕན་པ་ཡོད།
རྟགས་རིག་འདི་ནི་ཚད་མ་སྡེ་བདུན་གྱི་གནད་ཐམས་ཅད་བསྡུས་ནས་བྱུང་བའི་ཉུང་བཅུད་ཅིག་ཡིན་པ། བདག་ཅག་སྟོན་པའི་གསུངས་ལས། དགེ་སློང་དག་གམ་མཁས་རྣམས་ཀྱིས། །བསྲེགས་བཅད་བརྡར་བའི་གསེར་བཞིན་དུ། །ལེགས་པར་བརྟགས་ལ་ང་ཡི་བཀའ། །བླང་བར་བྱ་ཡི་གུས་ཕྱིར་མིན། ། ཞེས་གསུངས་པ་ལྟར་ན་ཆོས་གང་གི་གནས་ལུགས་མཐར་ཐུག་བཙལ་འཚོལ་བྱེད་སྐབས་ཐོག་མར་ཐེ་ཚོམ་བྱེད་དགོས། དེ་ནས་དེར་བརྟེན་དཔྱད་པ་ལ་ཞུགས། དེ་བས་ན་དཔྱད་པ་བྱེད་སྟངས་ཤེས་དགོས། གལ་ཏེ་དཔྱད་པ་བྱེད་སྟངས་དང་རྒྱུ་མཚན་རྣམ་དག་མིན་ན་གནས་ལུགས་མཐར་ཐུག་ལ་ངེས་པ་རྙེད་མི་ཐུབ། དེ་བས་ན་དཔྱད་པ་བྱེད་སྟངས་རྣམ་དག་གཅིག་ངེས་པར་དགོས་པ་ལ་འདི་དག་གི་དཔྱད་པ་བྱེད་སྟངས་རྟགས་རིག་ནས་ཡོང་བ་ཤ་སྟག་ཡིན།
རྟགས་རིག་འདི་ནི་བོད་ལུགས་ཀྱི་ཐུན་མོང་མ་ཡིན་པའི་རྒྱུ་མཚན་དཔྱོད་པའི་རིག་པ་དང་ལྡན་ལ། དེའི་ནང་དུ་རྟགས་ཀྱི་མཚན་ཉིད་དང་རྟགས་ཀྱི་དབྱེ་བ་དང་རྟགས་ཡང་དག་རྟགས་ལྟར་སྣང་གང་ངོས་བཟུང་བ་སོགས་གསུངས་ཡོད། དེ་དག་ཤེས་ན་ང་ཚོའི་བསམ་བློ་འཁྲུལ་མེད་དུ་བྱེད་ཐུབ། དུས་རྒྱུན་དུ་ལམ་ཁྲིད་པའི་དགེ་རྒན་ཡོད་པ་བཞིན་ནོ། །
པཎྜི་ཏ་སྒྲ་སྒྱུར་ཚོགས་ཆུང་ནས་དཔལ་ན་ལེནྡྲའི་ཆོས་བརྒྱུད་དྲི་མ་མེད་པ་དེ་འཛིན་སྐྱོང་སྤེལ་གསུམ་ལ་འབད་པའི་ཆེད་འཕྲུལ་དེབ་ཅིག་རིན་མེད་ཐོག་འགྲེམ་སྦེལ་བྱེད་བཞིན་པ་འདིར། དོ་སྣང་ཅན་ཚོས་འོག་གི་དྲྭ་ཚིག་་ཐོག་ནས་འགེངས་ཤོག་ཕབ་ལེན་བྱས་ནས་བཀང་ན་འཕྲུལ་དེབ་རིན་མེད་ཐོག་ལེན་ཐུབ།
པཎྜི་ཏ་སྒྲ་སྒྱུར་ཚོགས་ཆུང་ནས་མི་འགྱང་བར་འཕྲུལ་དེབ་རིགས་གཅིག་པར་སྐྲུན་བྱེད་འཆར་ཡོད་པས། དེབ་གསར་ཐོན་མ་ཐག་འགེངས་ཤོག་མ་ནོར་བར་བཀང་ཡོད་མཁན་རྣམས་ཀྱིས་བརྡ་སྦྱོར་མཐོང་ཐུབ།
https://forms.gle/tDfr9AX4FwCjRy2h7
དེབ་འདི་བོད་རྒྱ་ཤན་སྦྱར་རྒྱ་ཡིག་ཡིག་རྙིང་ཡིན་པ་དང་། འདི་ལ་རྒྱ་ཡིག་རྙིང་པ་དང་། རྒྱ་ཡིག་ཡིག་གསར་དང་བོད་རྒྱ་ཤན་སྦྱར་རྒྱ་ཡིག་ཡིག་གསར་གྱི་ལས་གཞི་འཆར་འགོད་བྱེད་མུས་ཡིན་པས། མི་རིང་བར་རྒྱ་ཆེའི་ཀློག་པ་པོ་རྣམས་ནས་རང་འདོད་ལྟར་གདམ་ཀ་བྱ་ཆོག
མཐར། རྣམ་པ་ཚོའི་ཚོགས་གཉིས་མཐར་ཕྱིན་པ་དང། དུས་དྲུག་ལ་བདེ་ལེགས་ཡོང་བའི་སྨོན་འདུན་ཞུ་ཞིང་། དགོས་མཁོ་ཡོད་མཁན་རྣམས་ལ་བརྒྱུད་བསྐུར་མང་ཙམ་བྱས་ན་བསོད་ནམས་དཔག་དུ་མེད་པ་འཕེལ་ངེས་པས་དེ་ལུགས་དགོངས་འཇགས་འཚལ།
པཎྜི་ཏ་སྒྲ་སྒྱུར་ཚོགས་ཆུང་ནས་སོར་བཅུ་ས
སྙིང་ཁར་སྦྱར་ནས།
༢༠༢༤/༠༧/༡༥ ལ་ཕུལ།
請先登入，再填寫表單，謝謝。 🌈🌹🌺殊勝月「《因類學》藏中對照繁體中文版」電子書出版法訊 尊敬的法友們，大家好！ 這個月是初轉法輪月，是一個充滿祥和的特殊月份。為了慶祝這一特殊時刻，我們準備了「《因類學...
