Heritage of Mei Ho House 美荷樓生活館

16/06/2026

【美荷樓生活館「香港非遺月2026」特備節目：非遺在深水埗活動花絮】

適逢今個月係「香港非遺月2026」，美荷樓生活館喺上個星期日舉辦咗一系列非遺主題活動，帶大家深入認識傳統文化同深水埗社區嘅非遺故事！✨

朝早先有「非遺香包工作坊」，由 山海關 嘅導師阿Kay同大家分享傳統養生智慧同草藥知識。參加者除咗學識分辨唔同草藥，仲親手體驗用傳統秤砣調配草本，例如加入可以驅蚊嘅香茅，以及有安眠作用嘅薰衣草等 😴，製作出有唔同功效嘅香包，大家都滿載而歸！💞

同一時間仲有「社區非遺尋寶團」，由舊街坊兼美荷樓生活館導賞員 Raymond 帶領參加者到深水埗「尋寶」🗺️，走訪深水埗區內嘅傳統老店，並介紹背後嘅非遺手藝。其中包括「協義興綉莊」嘅經營故事同現時賣少見少嘅打棉胎技藝🛏️，以及「公和荳品」嘅豆品製作技術等🥛。途中，Raymond 更帶參加者同寶華扎作嘅歐陽師傅交流，了解行業現況同紥作技巧，師傅亦分享為了做出逼真嘅樂器紙紥品，佢仲會去琴行觀察實物。其後，一行人去到同安衣紙鋪，店主嘅母親吳太詳細講解新居入伙「拜四角」嘅習俗🏠🙏🏻，令大家對祭祀同燒衣文化有了更深認識。

下午則有「步埗有非遺——深水埗店舖與職人故事」主題講座，特別邀請了香港文化古蹟資源中心項目經理Christine介紹非物質文化遺產嘅定義，例如蛋撻本身唔係非遺，當中嘅製作技藝才屬於非遺項目，而負責製作嘅師傅則係非遺傳承人。此外，Christine仲分享咗好多深水埗老店嘅職人故事同當中嘅非遺手藝，例如以奶茶同蛋牛治聞名嘅新香園，由昔日大排檔發展成今日嘅地舖變遷，以及港式奶茶製作技藝因應勞動階層補充熱量嘅需要同香港人嘅口味，逐漸演變成用紅茶加煉奶嘅獨特配方 ☕。講座亦提到非遺如何形塑社區認同，以及非遺嘅保育工作。參加者都聽得非常入神，並喺問答環節踴躍向Christine了解有關非遺嘅傳承同研究📚，進一步認識非遺文化！✨

嚟緊7月，美荷樓將會有更多精彩活動，記得密切留意我哋嘅社交媒體啦！😉
📱 IG: https://www.instagram.com/heritagemhh/
#香港青年旅舍協會 #美荷樓生活館 #美荷樓 #博物館 #文化 #香港 #深水埗 #石硤尾 #香港非遺月2026 #工作坊 #導賞 #講座

11/06/2026

【都市字治学 Citywording X 美荷樓生活館】
李鄭屋大眾睇字 Citywalking 散步團明信片派發🎁

李鄭屋一帶以屋邨、民生設施和舊式商場為主調，充滿生活氣息，但其實區內隱藏著鮮為人知的社區故事與風景 🏙️。在5月的國際博物館日期間，Dave @都市字治学聯同美荷樓生活館帶領參加者穿梭李鄭屋，揭開神祕的UFO蹤影，從「字」裡行間細味社區點滴，並透過與區內店主交流，認識一個個獨特的街坊故事。為延續這趟探索之旅，Dave 更特別設計了精美的明信片，將這次的散步路線收錄在其中。👣

由即日起，大家可於美荷樓生活館入口處領取明信片，跟隨背面的地圖 🗺️，漫步於美荷樓和李鄭屋一帶，尋找隱藏社區中的「UFO」，並從文字和建築，重新發現這片社區的日常風景！🔍✨

* 🎁明信片數量有限，先到先得，送完即止！
📱 IG: https://www.instagram.com/heritagemhh/
#香港青年旅舍協會 #美荷樓生活館 #美荷樓 #博物館 #文化 #香港 #深水埗 #李鄭屋 #睇字香港 #明信片 #社區散步

09/06/2026

【香港非遺月2026】

提起非物質文化遺產，你會想到甚麼？🤔

其實非遺未必遙不可及，它可能藏在一門傳統手藝、一種節慶習俗，甚至是一代代流傳下來的生活智慧之中。✨

由康文署主辦、非遺辦事處籌劃的「香港非遺月2026」，由即日起至6月30日舉行。活動以「香港處處有非遺」為重點，推出一系列內容豐富的節目，讓公眾及旅客深入認識非遺，實踐「以文塑旅，以旅彰文」的理念。

為響應「香港非遺月2026」，美荷樓生活館將於本周日（6月14日）舉辦「非遺在深水埗」主題活動。📍 由非遺講座、傳統工藝工作坊，到社區導賞團，我們將帶領大家穿梭深水埗的大街小巷，尋找隱藏在社區中的非遺故事，認識傳統技藝背後的人情味與生活智慧，一同發現原來非遺一直就在我們身邊。👣✨

此外，生活館亦處處可見與非遺相關的生活文化。無論是涼茶、傳統節慶習俗，還是昔日香港人的飲食文化與民間智慧，都見證着香港社會的發展與傳承，反映非遺與日常生活密不可分。🏮

今個周末，不妨跟我們一起走進社區，從日常生活中重新認識香港的文化瑰寶！

📅 日期：2026年6月14日（星期日）
📍 地點：YHA美荷樓青年旅舍
🔗 網頁：https://www.yha.org.hk/zh/ich2026/
📱IG: https://www.instagram.com/heritagemhh/
#香港青年旅舍協會 #美荷樓生活館 #美荷樓 #香港 #深水埗 #石硤尾 #歷史建築 #文化 #歷史 #非物質文化遺產 #香港非遺月2026 #香港處處有非遺 #非遺在深水埗

04/06/2026

【 #生活館突擊訪問隊】

大家為甚麼會來參觀美荷樓生活館？參觀完畢又有甚麼感想？生活館突擊訪問隊就來一探究竟！今次的受訪者是分別來自廣州的 Wing以及東北的齊老師，她們選擇了入住YHA美荷樓青年旅舍，並對香港文化感興趣，因此順道到生活館參觀。

參觀後，兩位都對展覽中「糧油雜貨」主題展區印象深刻，特別是米桶上用來標示價錢的花碼價錢牌。齊老師提到：「那些花碼價錢牌很特別，雖然花碼來自蘇州，但在內地已經未能看見。」Wing亦深有同感：「現時內地日常書寫與買賣都是使用簡體字，花碼價錢牌已經十分罕見，覺得格外特別。」

對於參觀後的感想，兩位都表示部分展品與自身成長經歷息息相關，例如遊樂場的氹氹轉、塑膠公仔玩具等，也勾起不少兒時回憶。此外，這次參觀也讓她們對香港文化和歷史有了更深的認識和感悟。

美荷樓生活館最新出版的《四十一報》，亦收錄了舊街坊分享兒時在區內遊樂的珍貴回憶，歡迎有興趣人士到館索取閱覽。

突擊訪問隊將會在生活館不定時出現，各位訪客要留意一下我們的蹤跡，可能有機會得到驚喜禮物哦～

（撰文：Fiona｜香港教育大學實習生）
📱IG: https://www.instagram.com/heritagemhh/
#香港青年旅舍協會 #美荷樓生活館 #美荷樓 #博物館 #文化 #香港 #深水埗 #石硤尾 #訪問 #禮物

02/06/2026

【非遺香包工作坊】

端午節將至，除了食糉、觀賞龍舟競渡，你有沒有想過香包亦是重要的端午傳統習俗之一？

香包製作技藝是中國傳統非遺工藝之一，結合中醫藥知識與民間刺繡工藝，不但香氣怡人，亦具有驅蚊、防潮、辟穢等作用。古人更會因應四時節氣配搭不同天然草藥，將養生智慧融入日常生活之中。

香包不僅兼具實用價值，其造型亦展現豐富的民間工藝特色，由荷包、葫蘆到鯉魚等款式，每一種造型都蘊含着中華傳統美學與美好祝願。🧵✨

今次工作坊將由導師 山海關 帶領大家走進傳統香包的世界，親身體驗非遺工藝的魅力！參加者不但可以認識不同草藥的香氣與特性，學習使用傳統秤砣配藥，更可親手製作專屬自己的草本香包。活動尚餘少量名額，不妨在端午節前親手製作一個充滿祝福與香氣的草本香包，送給自己或親友，把握機會報名啦～👀

📅日期：2026年6月14日（星期日）
🕚時間：上午11時–下午12時30分
📍地點：YHA美荷樓青年旅舍多用途室
👩導師︰山.海.關.
👤對象：6歲或以上人士（12歲以下參加者需由一位家長陪同）
👥名額︰15人（先到先得，額滿即止）
💰費用：HK$180（已包括所有材料及工具）
🗣語言：廣東話
🔗報名：https://forms.gle/BcdMipuYZzSbucmB9
🗣備註：活動不適合孕婦，對草本材料過敏者及蠶豆症患者參加
📱IG: https://www.instagram.com/heritagemhh/
#香港青年旅舍協會 #美荷樓生活館 #美荷樓 #香港 #深水埗 #石硤尾 #歷史建築 #文化 #歷史 #非遺 #非物質文化遺產 #非遺在深水埗 #香包

為響應「香港非遺月2026」活動，美荷樓生活館將於6月14日（星期日）以「非遺在深水埗」為主題，透過主題講座、手工藝體驗及社區導賞團，深化社區連結，提升市民對非遺保育的關注與認識，並展現非遺在當代社會中的獨特.....

28/05/2026

【 #生活館美食探子：鴻發涼茶 🔎】

探子們最近經過區內一間扎根多年嘅涼茶舖——鴻發涼茶，發現店外經常排起長龍，當中有街坊，亦有唔少遊客。大家都係為咗飲碗涼茶祛濕？原來唔係，而係衝住店內嘅中式糕點而嚟！👀 近年鴻發涼茶嘅中式糕點好受歡迎，探子們當然都忍唔住一探究竟。去到店舖，門口擺滿各式糕點，店內有廚房，熱騰騰嘅蒸氣不停飄出。今次我哋試咗以下幾款：

芝麻糕🖤
芝麻糕絕對係店鋪嘅王牌糕點！口感Q彈，甜度適中，芝麻香超級濃郁，$8一大件，CP值超高～

紅豆糕❤️
糕點清甜，紅豆用料份量多，食到粒粒紅豆嘅質感。糕身軟糯，唔會太實身。

綠豆糕💚
綠豆糕質感同紅豆糕相近，甜度可能會比紅豆糕低，口感綿密。傳統嘅綠豆糕喺市面上已經好難買到，如果嚟到都可以試一試～

迷你砵仔糕🥣
呢間店舖嘅砵仔糕有分迷你版同原版，今次我哋嘗試咗冇豆嘅迷你版，口味分別有原味同椰汁味，每樣各四件。口感彈牙，細細件食起嚟都唔會飽得滯。

雞屎藤🌿
鴻發涼茶嘅雞屎藤茶粿沒有內餡，咬落去煙煙韌韌，有一股淡淡嘅草藥味。雞屎藤有助清熱解毒，仲有消食嘅功效，不妨可以一試。

糯米糍🤍
糯米糍外皮軟糯煙韌，薄身又彈牙。內餡飽滿，有紅豆、花生、芝麻三種口味，糯米皮同餡料比例剛剛好，口感細滑，完全唔會膩。

試咗咁多款，味道濃郁嘅芝麻糕係探子嘅No.1啊！而整體來講，鴻發涼茶嘅糕點份量足夠，性價比高，好適合鐘意「甜品唔甜」既朋友。鍾意傳統糕點嘅朋友千祈唔好錯過呀！

（撰文：Fiona｜香港教育大學實習生）
鴻發涼茶
地址：九龍深水埗北河街128號（鄰近深水埗港鐵站B2出口）.

📱IG: https://www.instagram.com/heritagemhh/
#香港青年旅舍協會 #美荷樓生活館 #美荷樓 #深水埗 #石硤尾 #深水埗美食 #不定期 #美食情報分享 #涼茶 #傳統港式甜品 #糕點

22/05/2026

【 #國際博物館日2026 |「李鄭屋大眾睇字citywalking」散步團活動花絮】🚶

美荷樓生活館再次聯同Dave @都市字治学，喺上星期日策劃咗「李鄭屋大眾睇字citywalking」散步團，帶領參加者探索李鄭屋一帶👣，從日常街景中重新發掘社區故事。散步團由保安道開始，Dave 介紹沿途有趣嘅文字同圖像設計。例如街市內以豬🐷、雞🐔等圖案作指示，原來係方便唔識字嘅長者或工人姐姐，都可以輕鬆搵到雞鴨或肉類攤檔。另外，李鄭屋邨內禁止踩單車告示牌上獨特嘅「鑼字」亦吸引大家注意。呢款字體係使用雕刻機同會旋轉嘅鑼針製作，特色喺筆畫略朝上。🚫🔍

之後，一行人沿廣利道漫步，認識多年來服務區內基層市民嘅聖老楞佐堂；再走入李鄭屋泳池休憩花園，尋找隱藏其中嘅「UFO風景」。🛸👀 參加者亦參觀咗李鄭屋古墓，再走進天悅廣場，探訪只有行內人同玩家熟悉嘅神秘卡牌世界。Dave 分享，部分收藏家更會將卡牌寄到美國，由專家進行評鑑，最高分為 10 分，令大家大開眼界。🃏✨接著，大家去到樂年花園，了解出租屋邨歷史同上李屋花園嘅故事，並到訪隱藏喺九龍道嘉頓中心背面嘅嘉頓 Outlet，一同回顧嘉頓雜餅、朱古力手指餅等經典滋味。🍪

沿途 Dave 仲帶領參加者同區內小店店主交流，「文哥廚房」卓先生分享熟食中心嘅日常點滴，同街坊多年建立嘅情誼；「林和記雜品舖」林太則熱情介紹店內各式床上用品 🛏️，並細說店舖陪伴街坊約四十年、見證社區變遷嘅故事。

最後大家返到美荷樓，一齊分享沿途拍攝到嘅文字趣聞。有參加者留意到一間麵店招牌上「麵」字右邊嘅「面」字，中間筆劃被簡化，以「口」字代替。Dave 解釋，原來呢種設計係為咗避免工人喺製作招牌時寫錯字。💬

今次散步團喺 Dave 嘅帶領下，大家透過招牌、告示、餐牌上嘅文字與圖像，以及同區內店主嘅交流，重新發現李鄭屋獨特嘅日常風景與人情味，感受呢個看似平凡、其實充滿魅力嘅社區。🏙️🌟

錯過今次活動都唔緊要～稍後生活館將派發由 Dave 特別設計，印有今次「李鄭屋大眾睇字 Citywalking」路線嘅明信片，記得留意我哋社交媒體最新消息～
📱 IG: https://www.instagram.com/heritagemhh/
#香港青年旅舍協會 #美荷樓生活館 #美荷樓 #博物館 #文化 #香港 #深水埗 #長沙灣 #李鄭屋 #大眾睇字 #社區散步

21/05/2026

【《四十一報》第二十一期︰「童年玩樂」】區內派發點

📢美荷樓生活館最新出版的《四十一報》，聚焦昔日的玩樂時光，由舊街坊分享兒時在深水埗的遊樂回憶，以及自製玩具的有趣故事，帶大家重溫那份簡單而珍貴的童年快樂。

最近已陸續派送到深水埗多間圖書館、藝文空間、書店同 café，歡迎大家途經以下地點時免費索取細閱，同時記得多多支持區內小店 👍，參與文化活動發掘深水埗的人情與故事 😉

區內派發點：
- 元州街公共圖書館
- 石硤尾公共圖書館
- JCCAC 賽馬會創意藝術中心
- 饒宗頤文化館
- 琉金穗月 Cafe Golden
- 文博軒 Heritage Tea House
- Le Petit Salon 西九龍中心分店
- Cofflow Coffee Hong Kong
- Dog99 Coffee
- Minimal迷你毛
- Kokoni コーヒー
- Flow
- Lon.don.room
- 余地 Yudei
- Colour Brown
📱IG: https://www.instagram.com/heritagemhh/
#香港青年旅舍協會 #美荷樓生活館 #美荷樓 #二級歷史建築 #徙置大廈 #博物館 #歷史 #文化 #香港 #深水埗 #石硤尾 #四十一報 #童年玩樂

20/05/2026

【主題講座】步埗有非遺——深水埗店舖與職人故事

非物質文化遺產是社區與歷史的結晶，承載了這座城市文化脈絡與集體記憶。在急速的城市發展中，許多傳統工藝正面臨各種挑戰，同時也在默默尋求轉型與革新。

是次講座特別邀請 香港文化古蹟資源中心 Hong Kong Resource Centre for Heritage 項目經理 Christine Ho 擔任嘉賓，分享機構於深水埗推行的社區計劃，探討非遺保育的重要性。講座亦將介紹多項深水埗具代表性的非遺項目，包括籐器製作、涼茶、港式奶茶及香港中式服裝製作技藝，細說當中店舖與職人的故事，帶領大家重新發掘隱藏於社區之中的文化風景。

📅日期：2026年6月14日（星期日）
🕚時間：下午3時–4時30分
📍地點：YHA美荷樓青年旅舍多用途室
👩講者︰香港文化古蹟資源中心項目經理 Christine Ho
👥名額︰50人（先到先得，額滿即止）
💰費用：全免
🗣語言：廣東話
🔗報名：https://forms.gle/BcdMipuYZzSbucmB9
📱IG: https://www.instagram.com/heritagemhh/
#香港青年旅舍協會 #美荷樓生活館 #美荷樓 #香港 #深水埗 #石硤尾 #歷史建築 #文化 #歷史 #非遺 #非物質文化遺產 #非遺在深水埗 #講座

19/05/2026

【 #國際博物館日2026：博物館：聯結世界的橋樑 @ 美荷樓活動花絮】

為響應「國際博物館日2026」主題--「博物館：聯結世界的橋樑」，美荷樓生活館喺上個星期日舉行咗特備活動，邀請大家一同探索社區嘅故事。

朝早舉行咗「旅途的紋樣：Henna 烙印行李牌工作坊」，由來自 Cultural Playground 嘅香港同印度導師為大家介紹南亞社群嘅宗教文化同背景，例如因信奉伊斯蘭教，唔少巴基斯坦人都會穿著傳統服飾。兩位導師亦帶領大家深入認識 Henna 嘅歷史、繪畫技巧，以及唔同圖案背後嘅象徵意義，例如孔雀圖案寓意美麗，同時象徵繁榮。此外，導師亦分享原來男士都會畫 Henna，不過通常只會畫喺手心或手部位置。現場仲設有南亞文化知識小測驗，但完全難唔到大家！之後，參加者喺導師指導下，利用電烙鐵將各式各樣嘅 Henna 圖案烙印喺水松木行李牌上，將充滿意義嘅文化印記永久珍藏！✨

下午則有「異鄉同城：香港南亞社群的文化連結與共融之道」主題講座，特別邀請譚少薇教授介紹南亞社群嘅歷史、文化同貢獻，並探討佢哋喺醫療、教育同文化等方面所面對嘅挑戰。譚教授亦分享咗跨文化教育同多元文化行動計劃中不同形式嘅活動，例如工作坊、研討會、繪本說故事等，如何幫助培養跨文化知識，同時提升文化敏感度，從而推動文化共融。參加者全程聽得非常投入，亦積極向譚教授了解更多有關南亞社群嘅知識，同探討促進種族共融嘅更多可能！💞
📱 IG: https://www.instagram.com/heritagemhh/
#香港青年旅舍協會 #美荷樓生活館 #美荷樓 #博物館 #文化 #香港 #深水埗 #石硤尾 #工作坊 #南亞文化 #烙印行李牌