香港古事記

香港古事記 嘗試書寫屬於香港人的故事，尤其是不被記憶的那些。這裡沒有集體回憶，不談懷舊掌故，只寫歷史和論述。歡迎閱讀答案，然後留下問題。

【仲差兩人開班】「獅墨卜卜齋」香港史課程系列持續招生中！【歷史識讀工作坊】反應熱烈，今次錯過咗就要再等下一班成團喇～呢個課程講咩？【離開香港史新手村】即使係歷史熱退潮，都仲有好多人願意透過歷史，了解香港呢個地方。但係關於香港歷史嘅內容喺網絡...
24/11/2025

【仲差兩人開班】

「獅墨卜卜齋」香港史課程系列持續招生中！
【歷史識讀工作坊】反應熱烈，今次錯過咗就要再等下一班成團喇～

呢個課程講咩？【離開香港史新手村】

即使係歷史熱退潮，都仲有好多人願意透過歷史，了解香港呢個地方。但係關於香港歷史嘅內容喺網絡世界（以至現實之中）大量出現，周圍都係唔同立場、唔同主題、唔同水平嘅香港史書寫，點揀好？

同一時間，歷史並唔係只存在於過去嘅事，而係存在於我哋身處嘅現代社會入面。睇新聞，好容易就會見到社會裡面大大小小同歷史有關嘅議題。我哋應該點樣理解「歷史」喺我哋社會入面嘅角色？

我哋身處嘅係資訊爆炸嘅年代，同時都係演算法主宰資訊流通嘅年代，更加係資訊可以被輕易扭曲同篡改嘅年代。點樣尋找可靠嘅資訊來源，成為每個真誠地希望了解世界嘅人必須處理嘅課題。而歷史，正正係其中一種最容易被操控，亦能夠喺社會發揮巨大影響力嘅資訊，培養歷史識讀，自然成為提升公民質素嘅關鍵。

【基本史學素養，係每個公民都應該具備嘅能力】

「歷史識讀工作坊」已經嚟到第七期，呢個課程會幫助「未接受過歷史學訓練」，以及「剛剛開始接觸香港史」嘅學員，理解史學嘅基本原理，亦都會提供一啲區分唔同史觀、辨識劣質歷史書寫嘅簡易方法，更會同大家一齊討論日常會遇到，喺社會裡面嘅歷史議題。

【歷史識讀工作坊】
時間：連續六星期，每週2小時
收費：HKD$900，學生半價

【講者簡介】
Dexter Tse

愛爾蘭聖三一大學歷史系博士生
獅墨書店店長、香港古事記版主
香港公共歷史學者
著有《香港眾生七千年》、
《古事尋源》及《保家不必衛國》

【開班流程】

1. 先報名，並付款50%作訂金；
2. 收到報名後會被add入WhatsApp群組；
3. 當群組儲夠十個人，就可以開班！
4. 確認開班，就會同大家收埋尾數；
5. 之後就會夾一個十個人都得嘅時間；
6. 如果夾唔到十個人都得嘅時間，就會揀最多人得嘅時間，剩低嘅人就可以等下一輪；
7. 如果加入新群組超過三個月都未開得成班，就會退款。

-----我係分隔線-----

【獅墨卜卜齋】
香港史課程招生中！
1. 歷史識讀工作坊
2. 張保仔演義
3. 香港七千年
十人成團開班
先落訂，後夾時間

-----我係分隔線-----

【十一月主題書展】
【世界記憶中的終戰】

地球上幾乎無任何
一個國家無被二戰影響
但每個國家所經歷過嘅
二戰都唔一樣。

香港又會點樣面對
自己嘅歷史烙印？

-----我係分隔線-----

【全世界歷史系九折】
即日起無論係歷史系嘅
學生、老師、校友、職員
都可以憑證件喺本店
獲得九折優惠！

-----我係分隔線-----
#網店有售
#本地 #順豐到付
#歡迎海外訂購
#獅墨書店 #香港書店 #獨立書店
#香港歷史 #香港史 #歷史書推薦

【獅墨卜卜齋】過去我哋都開過唔同嘅香港史課程，有啲反應都幾好，間中都有朋友仔問究竟幾時會再開班～而每次開班，都總有唔少朋友仔慨嘆「呀，呢個時間唔得閒添」，所以我哋都諗咗好耐呢個問題可以點解決。於是～燈燈燈凳～【獅墨卜卜齋】！呢個係新嘅歷史課...
25/10/2025

【獅墨卜卜齋】

過去我哋都開過唔同嘅香港史課程，有啲反應都幾好，間中都有朋友仔問究竟幾時會再開班～而每次開班，都總有唔少朋友仔慨嘆「呀，呢個時間唔得閒添」，所以我哋都諗咗好耐呢個問題可以點解決。

於是～燈燈燈凳～【獅墨卜卜齋】！
呢個係新嘅歷史課程平台，以後如果有新嘅課程都會陸續增加，甚至係邀請其他專家開班。

流程係咁的：
1. 先報名，並付款50%作訂金；
2. 收到報名後會被add入一個WhatsApp群組；
3. 當群組儲夠十個人，就可以開班！
4. 確認開班，就會同大家收埋尾數；
5. 之後就會夾一個十個人都得嘅時間；
6. 如果夾唔到十個人都得嘅時間，就會揀最多人得嘅時間，剩低嘅人就可以等下一輪；
7. 如果加入新群組超過三個月都未開得成班，就會退款。

呢個係一個新嘗試，運作起嚟可能都有啲bug，希望大家多多包涵（但話俾我聽有bug）。

目前有三個課程，如果有興趣就唔好遲疑，即刻報名喇～

【南丫島地底故事 Under Lamma Island】沙埔係位於南丫島北部，榕樹灣附近嘅一條舊村，原本係喺一個沙灘後方（所以叫沙埔）。但佢當然唔係一條普通嘅鄉村啦，no no～係香港其中一處考古發掘最豐富嘅地點，就喺呢個沙埔村嘅地底，曾經...
27/09/2025

【南丫島地底故事 Under Lamma Island】

沙埔係位於南丫島北部，榕樹灣附近嘅一條舊村，原本係喺一個沙灘後方（所以叫沙埔）。但佢當然唔係一條普通嘅鄉村啦，no no～係香港其中一處考古發掘最豐富嘅地點，就喺呢個沙埔村嘅地底，曾經埋藏住由六千年前原始人，到近世現代人嘅歷史足跡。

你問，乜香港有考古咩？有㗎，仲有專門研究香港嘅考古學家添！今次獅墨書店專程邀請紐卡素大學嘅Mick Atha教授，以及同為考古學家嘅葉可詩女士，一齊同我哋分享佢哋喺沙埔村底下搵到嘅香港故事。

Sha Po is an old village located near Yung Shue Wan on the northern part of Lamma Island, behind what used to be the backbeach (hence the name). But of course, that is no ordinary village, no. It is one of the richest archaeological sites in Hong Kong. Under that village once lay the historical footprint from prehistoric peoples 6000 years ago and modern dwellers alike.

Is archaeology a thing in Hong Kong? You might ask. Indeed it is! There are even archaeologists who specialize on Hong Kong. This time, we are very delighted to invite two such archaeologists – Dr Mick Atha of Newcastle University, and Ms Kennis Yip – to share the Hong Kong stories they found beneath the foundations of the old Sha Po village.

【濃縮在南丫島海灘下的香港六千年史】
【Sha Po, Lamma Island: 6000 years of history under a beach】

講者 Speaker：
Dr Mick Atha (紐卡素大學Newcastle University)
Ms Kennis Yip 葉可詩女士 (考古學家 Archaeologist)

日期：10月18日（六）
Date: 18 October (SAT)
時間 Time：20:00 (HKT)
形式 Format：ZOOM Talk
語言Language：英語 English

Free of charge 免費報名

【訂書 Book Ordering】
中文版 Chinese Edition HKD$170
英文班 English Edition HKD$450

出版社 Published by：
Hong Kong University Press

-----我係分隔線-----

【九月主題書展】
【廢壘春回復見君】
香港重光八十週年
今個月嘅主題
就同大家一齊睇下
香港點樣走出戰爭嘅傷痛。

-----我係分隔線-----

【全世界歷史系九折】
即日起無論係歷史系嘅
學生、老師、校友、職員
都可以憑證件喺本店
獲得九折優惠！

-----我係分隔線-----

歡迎訂閱每週獅墨書訊！
每期由店長親自撰寫兩篇書介
每個星期唔同主題！
去網站首頁最底留低電郵即可

-----我係分隔線-----
#網店有售
#本地 #順豐到付
#歡迎海外訂購
#獅墨書店 #香港書店 #獨立書店
#香港歷史 #香港史 #歷史書推薦

【夏思義書評】話說夏思義新書《香港的村落與墟鎮》舊年年尾一出，我就寫咗一篇學術書評，最近刊登咗喺英國學術期刊《亞非學院學報》。心諗橫掂都寫咗，不妨譯埋做粵文，擺上嚟公諸同好～伸脷1：篇文原文好似無open access，所以唔直接擺出嚟了，...
20/09/2025

【夏思義書評】

話說夏思義新書《香港的村落與墟鎮》舊年年尾一出，我就寫咗一篇學術書評，最近刊登咗喺英國學術期刊《亞非學院學報》。心諗橫掂都寫咗，不妨譯埋做粵文，擺上嚟公諸同好～

伸脷1：篇文原文好似無open access，所以唔直接擺出嚟了，想睇PM我。

伸脷2：篇文原本嘅讀者對象係對香港認識唔多嘅英文學術界，有啲部份對香港讀者嚟講難免「山係石頭海係水」。

伸脷3：因為我未睇過本書嘅中譯本，所以呢篇粵譯入面嘅詞彙係我自己譯，可能同中譯本有出入，見諒。

-----書評如下-----

呢本係世人引頸以待夏思義博士繼2020年出版Settlement, Life, and Politics 之後嘅續作。書中總共有六篇論文，各自針對香港其中一個地區由史前到近年鉅細無遺嘅歷史書寫。

第一篇聚焦喺大嶼山北岸，大嶼山係香港西部嘅一座島，同時亦都位處珠江口嘅東岸；第二篇檢視喺1861年被歸入英屬香港殖民地之前嘅西九龍；第三篇就主要睇西貢半島，由於地理上嘅阻隔而令陸上同海洋社群就比較密切嘅聯繫；第四篇就考察咗香港五個「港鎮」，而呢五個鎮亦各自喺英國人嚟之前就已經有長足發展；第五篇就研究東九龍嘅打石工業以及與此非常相關嘅筲箕灣鎮；至於最後一篇，則探討兩條由戰後中國難民建立嘅寮屋村。

唔熟悉呢個領域嘅讀者可能會被書入面嘅巨量細節嚇親，因為夏思義對每條村莊、宗族、廟宇、商戶嘅歷史同源流都講得好詳細。佢主要用嘅史料包括地方志、石碑、族譜、地契、傳教士記載、後來嘅人口普查等等，亦有少數殖民地檔案。除咗文字史料之外，夏思義亦都大量依賴口述歷史同考古證據。史料種類散亂而且殘缺稀少，佢可以用咁零碎嘅材料拼湊出咁多資訊實屬難得。而呢本書所確立嘅史實其實一啲都唔係旁支末節，相反，係為往後嘅香港早期歷史研究打下極珍貴嘅基礎，因為好多佢訪問過嘅村民，如今都連同佢哋嘅知識同口述傳統消逝於時間長河中。

而即使夏氏通常聚焦喺香港本土歷史，尤其係專注單一村落或宗族嘅源流、遷徙同發展，佢嘅研究依然同珠三角（甚至更闊）嘅宏觀歷史脈絡息息相關。例如，大嶼山上千年嚟都係往返廣州航線嘅停靠點，所以呢條航線嘅變遷自然都會影響到大嶼山北岸嘅發展，由曬鹽業同港鎮到葡萄牙佔領地同清朝堡壘都係。仲有更多例子，例如係十六世紀末中國沿海黃花魚貿易點樣導致港鎮嘅興起、1662-83年嘅遷界令點解同客家人遷入香港有關，當然亦仲有英國殖民地嘅建立，點樣帶動香港原有嘅打石業急速擴展。

夏思義強調呢六篇文章都係獨立嘅研究，呢本文集，而唔係一本有中心論點嘅專著。不過，將呢六篇擺埋一齊，其實都仍然對香港研究（以及身份認同）上最重要嘅一個議題，提供咗一個新嘅視野。不論喺學院定係政治上，「究竟殖民時代對社會有無好處」都係討論殖民者同被殖民者點樣各自理解殖民歷史嘅過程裡面必須觸及嘅問題。長久以嚟，香港主流嘅答案都係「有」，喺過去一百年裡面學者同公眾好多都接受咗殖民政府嘅論述，即係英國將香港由「禿石上嘅小漁村」建設成國際大都會。

雖然如此，過往好多歷史學家、人類學家同考古學家都着手研究殖民前嘅香港史，好似係夏思義、許舒、科大衛、華琛、華若璧、華德英、譚思敏、廖迪生，仲有好多其他人。多得佢哋，我哋而家已經知道香港有長達七千年嘅人類活動歷史，亦都早喺1841年前就已經有複雜同多元嘅社會。然而，似乎仲有一個舊觀點未被挑戰過，就係「如果無大英帝國，香港根本唔會存在」。

夏思義本人並無打算挑戰呢個觀點，但睇完佢呢本著作，又好難唔發問：「如果英國人無嚟過，香港有無可能自己發展出一座城市？」喺書中大部分篇章，夏思義都提到殖民前同殖民早期嘅香港都有一種佢稱為「原型城鎮」嘅聚落。佢將呢啲聚落分為四大類，其一係陸上墟市，通常由農村長老建立，有棋盤式規劃，又通常有幾百位居民；其二係港鎮，基本上無任何規劃，任其自由發展，由商人組成街坊管理，人口幾千不等；其三係維多利亞城外嘅市郊城鎮，因為新殖民地帶嚟新貿易機會而興起；其四則係介乎陸上墟市同港鎮之間，一樣由街坊管理並自由發展，但同時亦都會好似墟市咁服務附近嘅農村社群。

由夏思義嘅研究可以睇到，殖民地嘅建立為呢啲「原型城鎮」嘅發展帶嚟新嘅機會，但亦有障礙。一邊廂，維多利亞城對食物、物資、商品、人力同建築材料都有龐大需求，推動周邊城鎮急速發展；另一邊廂，港島嘅殖民發展亦都阻斷一啲墟鎮嘅發展，甚至令到佢哋邊緣化，例如原本香港仔、油麻地、深水埗同筲箕灣嘅墟鎮都被殖民政府清拆，而大澳呢類大鎮，亦都因為貿易網絡轉移咗去維港呢個政經中心而變成「偏遠」。

呢啲港鎮同墟市，會唔會其實都有機會自己發展成一個有咁上下規模嘅市中心？呢本書並無提供答案。不過，夏思義呢本書實際上就好似係香港城市史嘅前傳咁，又留低咗一個可供後人探究嘅方向。

【解構夏思義】多得 @端傳媒 邀請，早前有機會拜訪夏思義屋企，同佢做個訪問。傾咗一個下午，老人家東拉西扯暢談天南地北，我自然收益良多，雖然要砌返做有調理嘅訪問稿就有啲頭痛。夏思義某程度上都係小弟研讀香港古代史嘅起點，近十年嚟都睇咗好多佢嘅著...
16/07/2025

【解構夏思義】

多得 @端傳媒 邀請，早前有機會拜訪夏思義屋企，同佢做個訪問。傾咗一個下午，老人家東拉西扯暢談天南地北，我自然收益良多，雖然要砌返做有調理嘅訪問稿就有啲頭痛。

夏思義某程度上都係小弟研讀香港古代史嘅起點，近十年嚟都睇咗好多佢嘅著作，今次算係難得嘅機會，可以重新梳理佢嘅學術生涯，由五十幾年前去劍橋讀博士，研究中世紀英格蘭地方教會，到喺香港邊做官邊研究鄉村史，好好了解學問嘅淵源同脈絡。

訪問間我哋有提到鄉村研究嘅性別問題，例如係男性學者好難訪問到女性村民，而幾乎所有研究鄉村嘅學者都係男性。無他，鄉村社會就係完全由男性主導嘅世界。除咗同夏思義對話之外，夏太都分享咗一個故事——當年夏思義身為理民官，經常都要出席唔同嘅鄉村飯局。有次夏思義接到邀請，以為要攜眷出席，於是夏太都盛裝打扮赴宴，點知去到先發覺全部都係男人，而主家亦完全無諗過夏太會出現，最後搞到要夏太屈就坐喺廚房裡面用餐，自此夏太就無再同村民食過飯。時過境遷，夏太當然講得輕描淡寫，但呢個故事亦都好反映鄉村社會嘅風氣。

停咗訪問錄音之後我哋繼續傾，由學界八卦講到成日打俾佢嘅詐騙集團同埋佢做緊物理學教授嘅仔，中間穿插我幾時結婚以及書店生意如何咁。我又同夏太講，叫你老公出多本書啦，夏太話，我都係咁講啊，俾啲嘢佢做都好，返到英國成日遊手好閒咁。

所以大家睇完呢個專訪，我哋就期待下夏思義嘅下一本大作。

-----我係分隔線-----

【七月主題：窮史・人】
昔日社會對待窮人嘅方式
同而家有幾大分別？

-----我係分隔線-----

【全世界歷史系九折】
即日起無論係歷史系嘅
學生、老師、校友、職員
都可以憑證件喺本店
獲得九折優惠！

-----我係分隔線-----

歡迎訂閱每週獅墨書訊！
每期由店長親自撰寫兩篇書介
每個星期唔同主題！
去網站首頁最底留低電郵即可

-----我係分隔線-----
#網店有售
#本地 #順豐到付
#歡迎海外訂購
#獅墨書店 #香港書店 #獨立書店
#香港歷史 #香港史 #歷史書推薦

【給身處香港史新手村的你】即使係歷史熱退潮，都仲有好多人願意透過歷史，了解香港呢個地方。但係關於香港歷史嘅內容喺網絡世界（以至現實之中）大量出現，周圍都係唔同立場、唔同主題、唔同水平嘅香港史書寫，點揀好？同一時間，歷史並唔係只存在於過去嘅事...
20/06/2025

【給身處香港史新手村的你】

即使係歷史熱退潮，都仲有好多人願意透過歷史，了解香港呢個地方。但係關於香港歷史嘅內容喺網絡世界（以至現實之中）大量出現，周圍都係唔同立場、唔同主題、唔同水平嘅香港史書寫，點揀好？

同一時間，歷史並唔係只存在於過去嘅事，而係存在於我哋身處嘅現代社會入面。睇新聞，好容易就會見到社會裡面大大小小同歷史有關嘅議題。我哋應該點樣理解「歷史」喺我哋社會入面嘅角色？

我哋身處嘅係資訊爆炸嘅年代，同時都係演算法主宰資訊流通嘅年代，更加係資訊可以被輕易扭曲同篡改嘅年代。點樣尋找可靠嘅資訊來源，成為每個真誠地希望了解世界嘅人必須處理嘅課題。而歷史，正正係其中一種最容易被操控，亦能夠喺社會發揮巨大影響力嘅資訊，培養歷史識讀，自然成為提升公民質素嘅關鍵。

【基本史學素養，係每個公民都應該具備嘅能力】

「歷史識讀工作坊」已經嚟到第七期，呢個課程會幫助「未接受過歷史學訓練」，以及「剛剛開始接觸香港史」嘅學員，理解史學嘅基本原理，亦都會提供一啲區分唔同史觀、辨識劣質歷史書寫嘅簡易方法，更會同大家一齊討論日常會遇到，喺社會裡面嘅歷史議題。

【第七期歷史識讀工作坊】

日期：7月1日-8月5日
時間：逢星期二晚上8-10點
形式：頭五堂實體上課，最後一趟Zoom 網課
地點：深水埗區
收費：六堂HKD$900（學生半價）
名額：20位

【講者簡介】
Dexter Tse

愛爾蘭聖三一大學歷史系博士生
獅墨書店店長、香港古事記版主
香港公共歷史學者著有《香港眾生七千年》、《古事尋源》及《保家不必衛國》

【課程內容】

一、從來沒有真實歷史：歷史學 1 0 1
問世間歷史究竟為何物｜咩叫客觀得嚟唔太中立
這裏有一隻間諜歷史佬｜沉迷史料等於倒錢落海

二、觀點本來無分對錯：遊走史觀之間
史佬同其他佬係唔同的｜史觀個觀字都有兩個口
喺新觀點同中二病之間｜香港歷史有幾多種寫法

三、尤其要小心自己人：濫用歷史的人
歷史寫出嚟究竟有咩用｜先有國家定係先有歷史
自古以嚟其實即係幾古｜濫用歷史嘅人壞過凱婷

四、歷史與現代的拉扯：記憶塑造社會
無記性其實真係好危險｜轉型正義首先係要轉型
送佛送到西解殖解到尾｜有咗時光機仲懷唔懷舊

五、屬於大眾的香港史：思考公共史學
歷史應唔應該服務社會｜三國演義真係唔算歷史
一早退潮嘅香港歷史熱｜人人有功練個個係史家

六、正規不一定是正確：批判官方論述
唔悶嘅歷史課係咪存在｜點解我哋都無讀香港史
博物館同紀念館嘅分別｜博物館識睇係要咁樣睇

-----我係分隔線-----

【六月主題：國家的暴力】
當國家壟斷武力
我哋仲可以點樣監察
政府嘅力量？

-----我係分隔線-----

【全世界歷史系九折】
即日起無論係歷史系嘅
學生、老師、校友、職員
都可以憑證件喺本店
獲得九折優惠！

-----我係分隔線-----

歡迎訂閱每週獅墨書訊！
每期由店長親自撰寫兩篇書介
每個星期唔同主題！
去網站首頁最底留低電郵即可

-----我係分隔線-----
#網店有售
#本地 #順豐到付
#歡迎海外訂購
#獅墨書店 #香港書店 #獨立書店
#香港歷史 #香港史 #歷史書推薦

【1641年嘅香港係點？】1841年香港正式開埠，成為英國殖民地，展開往後近二百年嘅近代史。我諗好多讀者都已經知道1841年嘅香港唔係只得小漁村，而係已經有相當發展程度嘅社會。咁如果向前數翻二百年呢？開埠之前二百年，即係1641年嘅香港係點...
27/02/2025

【1641年嘅香港係點？】

1841年香港正式開埠，成為英國殖民地，展開往後近二百年嘅近代史。我諗好多讀者都已經知道1841年嘅香港唔係只得小漁村，而係已經有相當發展程度嘅社會。咁如果向前數翻二百年呢？開埠之前二百年，即係1641年嘅香港係點？

1641年嘅香港原來都同樣處於新舊政權交替嘅階段——明帝國崩潰，清帝國取而代之，中國嘅改朝換代，會對將近四百年前嘅香港帶嚟啲咩衝擊？由十七世紀末遷界令嘅毀滅性打擊以嚟，香港又點樣喺廢墟之中重新企翻起身，發展出璀璨而多樣嘅社會面貌，迎接1841年嘅另一次巨變？

用四個星期，同大家探討四百年來嘅香港。

【立即報名】

【香港七千年】網上課程報名中
後半部分開放插班
探索香港源遠流長歷史裡面
最少人討論嘅部分
即刻報名！

【香港七千年史】香港或者係1841年先建立嘅殖民地，但同時都係一片歷史源遠流長嘅土地，與世上其他地方一樣，有人類活動嘅歷史以千年計。過去七千年喺如今我們叫作香港嘅土地上出現過大大小小嘅人同事，與晚近百幾年嘅歷史同樣精彩。如果講香港史，但偏偏...
09/02/2025

【香港七千年史】

香港或者係1841年先建立嘅殖民地，但同時都係一片歷史源遠流長嘅土地，與世上其他地方一樣，有人類活動嘅歷史以千年計。過去七千年喺如今我們叫作香港嘅土地上出現過大大小小嘅人同事，與晚近百幾年嘅歷史同樣精彩。

如果講香港史，但偏偏唔講殖民地，咁仲可以講咩？今天腳下嘅土地，五百年前其實是點嘅呢？大家知道中國、日本都有戰國時代，香港有沒有自己嘅戰國時代？原來曾經有一段時間，香港有許多不同嘅宗族同聯盟互相明爭暗鬥，而原本嘅統治者就置身事外，不聞不問。又好似眾所周知新界好多地方都有圍村，但圍村其實是乜？圍村人係點生活？張保仔大家應該都聽過，但佢嘅故事原來同國際關係都有關？一般人對香港嘅認知都以殖民地先喺港島建立，然後再拓展到九龍同新界。但早於殖民地已存在嘅清屬九龍同新界又係如何被香港島嘅新殖民地影響？點解香港接管新界時會引發戰爭？

課程將由香港最早嘅考古發現開始，細說古代香港歷史，直到1899年新界六日戰爭為止。我哋由歷史大事、傳奇人物，講到政治架構、經濟產業同社會發展，既講述有趣嘅故事，亦交代重要嘅脈絡。同大家一齊思考殖民地之前，同殖民地以外嘅香港，拓展對香港史嘅想像。

【香港七千年：從史前到租借新界】

【前半部分】

第一講——香港出現了人：從史前到五世紀
1.1 馬灣居民開始使用石器
1.2 百越民族之花果飄零
1.3 誰葬在李鄭屋墓？

第二講——中原帝國的統治：四至十四世紀
2.1 珍珠、神香、陶瓷與香港製造
2.2為了鹽而起義的大嶼山人
2.3中華帝國與第一個漢人

第三講——嶄露頭角：遷界前的香港社會
3.1 由東莞伯到稅院郡馬
3.2 新安縣從1573年講起
3.3 如果香港是葡萄牙殖民地

【後半部分】

第四講——大換血：遷界令後的香港人口
4.1 最慘烈的人禍都不及於此
4.2 客家新移民與香港開荒牛
4.3 祠堂山墳不只是風水建築

第五講——香港戰國時代：政治和社會結構
5.1 地產霸權三百年
5.2圍村佬是怎樣煉成的
5.3 與人鬥，其樂無窮

第六講——海盜和他們的產地：香港海洋世界
6.1 住在船上算不算腳踏實地？
6.2 做世界的人生
6.3 墟、港，與早期城市化

第七講——瀝源洞裡樂從融：鄉土日常生活
7.1 講到科舉，求學從來求分數
7.2 迷信以外的寺廟和儀式
7.3 殖民地衝擊與古代的終結

【征服夏思義】你想像下——幾十年後會有一日，你可以坐低同你個孫講：「你阿爺/阿嫲當年啊，將成本夏思義又頭到尾睇曬㗎」小朋友眼中透露仰慕嘅神情，「真係睇曬？成707頁喎！」然後你會好溫柔咁答佢：「係啊，真係睇曬。」------而家係你完成呢個...
24/11/2024

【征服夏思義】

你想像下——幾十年後會有一日，你可以坐低同你個孫講：

「你阿爺/阿嫲當年啊，將成本夏思義又頭到尾睇曬㗎」

小朋友眼中透露仰慕嘅神情，

「真係睇曬？成707頁喎！」

然後你會好溫柔咁答佢：「係啊，真係睇曬。」

------
而家係你完成呢個壯舉嘅最好機會，因為獅墨書店即將為夏思義呢本新書開枕頭書讀書會！

呢個「枕頭書讀書會」系列已經第三次搞，目的都係為咗幫助大家克服呢啲「明知好重要一定要睇，但係偏偏的唔起心肝拎起嚟睇」嘅書。

【面對枕頭，你不要驚怕】

喺呢個讀書會裡面，你會搵到其他同你一齊努力嘅同伴，亦都會有專人幫大家導讀，同埋解答所有你睇書果陣產生嘅疑問。
睇枕頭書係要有人push下的，報名啦。

【第三期與你同行枕頭書讀書會】

閱讀書目：
Villages and Market Towns in Hong Kong: Settlement & History
Patrick Hase｜CUHK Press｜2024

完成後滿足感：707頁
實際閱讀頁數：488頁

日期：12月2 - 30日，逢星期一
時間：20:00 - 22:00 （HKT)
形式：網上（Zoom）
費用：實際閱讀頁數 x $1
（即係HKD$488）
（全日制學生照舊半價）

【立即㩒留言連結報名】

獅墨書店｜香港史專門店
The Chinese University of Hong Kong Press

Address

Hong Kong

Website

,

Alerts

Be the first to know and let us send you an email when 香港古事記 posts news and promotions. Your email address will not be used for any other purpose, and you can unsubscribe at any time.

Contact The Museum

Send a message to 香港古事記:

Shortcuts

Share

Category