Georgian National Museum / საქართველოს ეროვნული მუზეუმი

06/10/2026

გაცნობებთ, რომ შოთა რუსთაველის გამზირის სარეაბილიტაციო სამუშაოების ფარგლებში დაგეგმილი წყალმომარაგების შეზღუდვის გამო, მიმდინარე წლის 6 ოქტომბერს იოსებ გრიშაშვილის სახელობის თბილისის ისტორიის მუზეუმი (ქარვასლა) დამთვალიერებლებისთვის დაკეტილი იქნება.

მუზეუმი მუშაობას ჩვეულ რეჟიმში 7 ოქტომბრიდან განაახლებს.

ბოდიშს გიხდით შექმნილი უხერხულობისთვის.

05/10/2026

გაცნობებთ, რომ შოთა რუსთაველის გამზირის სარეაბილიტაციო სამუშაოების ფარგლებში დაგეგმილი წყალმომარაგების შეზღუდვის გამო, მიმდინარე წლის 6 ოქტომბერს დიმიტრი შევარდნაძის სახელობის საქართველოს ეროვნული გალერეა დამთვალიერებლებისთვის დაკეტილი იქნება.

გალერეა მუშაობას ჩვეულ რეჟიმში 7 ოქტომბრიდან განაახლებს.

ბოდიშს გიხდით შექმნილი უხერხულობისთვის.

05/10/2026

2026 წლის 9 ოქტომბერს, 18:00 საათზე, დიმიტრი შევარდნაძის სახელობის ეროვნულ გალერეაში გაიხსნება რადიშ თორდიას 90 წლის იუბილესადმი მიძღვნილი
რეტროსპექტული გამოფენა „რადიშ თორდია - 90“.

რადიშ თორდია XX საუკუნის 60-იანი წლების შემოქმედთა თაობის - ე.წ. სამოციანელების თაობას წარმოადგენს. თაობას, რომელმაც დაარღვია საბჭოთა სოცრეალიზმისთვის სავალდებულო, ერთფეროვანი ჩარჩოები და მხატვრობაში ესთეტიკური გადატრიალება მოახდინა. შეიცვალა მხატვრის დამოკიდებულება რეალობისადმი: იდეოლოგიურად განსაზღვრული სიუჟეტის ნაცვლად, წინ წამოიწია ინდივიდუალურმა ხედვამ, ფერწერული საწყისის დამოუკიდებელმა ღირებულებამ და ეროვნული კულტურული მეხსიერების თანამედროვე მხატვრულ ენაზე ამეტყველების სურვილმა. ამ პროცესში რადიშ თორდიას შემოქმედება ინდივიდუალიზმით ნიშანდასმულ მნიშვნელოვან მოვლენად იკვეთება.

რ. თორდიამ 1956 წელს დაამთავრა ი. ნიკოლაძის სახელობის სამხატვრო
სასწავლებელი, 1962 წელს კი - თბილისის სახელმწიფო სამხატვრო აკადემია
(პედაგოგები ვ. შუხაევი, უ. ჯაფარიძე, ს. ქობულაძე). მისი მხატვრული აზროვნების განსაზღვრაში განსაკუთრებული როლი ს. ქობულაძის სახელოსნოში მიღებულმა გამოცდილებამ ითამაშა.

მხატვრის ადრეული პერიოდის შემოქმედება კლასიკური კომპოზიციური სტრუქტურით გამოირჩევა. მასში მკაფიოდ ჩანს ევროპული აკადემიური ფერწერისა და შუა საუკუნეების ქართული კედლის მხატვრობის თავისებური სინთეზი: ბაბუაწვერა (პირველი ვერსია 1968), დედის პორტრეტი, არქეოლოგები (1969) და სხვ.

1970-იანი წლებიდან რადიშ თორდიას შემოქმედებაში აშკარა ტრანსფორმაცია იწყება. მხატვარი ნაწილობრივ უარს ამბობს უტრირებულ ფორმებსა და ეპიკურ სიუჟეტებზე და იწყებს კამერული ნამუშევრების შექმნას. მისი ძირითადი ამოცანა ახლა უკვე წმინდად ფერწერული ძიებანია - ხაზოვან საწყისს ფერის სიმბოლიკა და ფერწერული ექსპერიმენტები ენაცვლება. სწორედ ამ მხატვრულ-ესთეტიკურ ძიებებში იბადება რადიშ თორდიას შემოქმედების უმთავრესი თემა - ქალის სახე, სადაც სინატიფე, სხეულებრივი და სულიერი მშვენიერება ფერწერული პლასტიკის ენით ერთიანდება. 1970-იანი წლების ბოლოს რ. თორდია ქმნის მონუმენტურ ნამუშევარს: თბილისის მეტროპოლიტენის სადგურ „ტექნიკური უნივერსიტეტის“ მოზაიკურ პანოებს.

რ. თორდიას მონაწილეობა აქვს მიღებული არაერთ საერთაშორისო ჯგუფურ თუ
პერსონალურ გამოფენაში და მოპოვებული აქვს მრავალი ადგილობრივი და
საერთაშორისო ჯილდო და პრემია. მხატვრის ნამუშევრები დაცულია საქართველოსა და მსოფლიოს წამყვან ინსტიტუციებში - საქართველოს ეროვნულ მუზეუმში, ქართული სახვითი ხელოვნების, აჭარის ხელოვნებისა და სანკტ-პეტერბურგის მუზეუმებში, მოსკოვის ტრეტიაკოვის გალერეაში, კიოლნის ლუდვიგის მუზეუმში, სარდინიის სამხატვრო აკადემიაში, ასევე აშშ-ის, დიდი ბრიტანეთის, საფრანგეთის, გერმანიის, იაპონიის, ისრაელისა და სხვა ქვეყნების კერძო კოლექციებში.


გამოფენის გახსნაზე გაიმართება საქართველოს კულტურის სამინისტროს მხარდაჭერით გამოცემული გამოფენის კატალოგის „რადიშ თორდია - 90“ პრეზენტაცია.

გამოფენა გაგრძელდება 2026 წლის 8 ნოემბრის ჩათვლით.

05/10/2026

ერთი საუკუნის შემდეგ მაესტროს ხელოვნება სულიერ სამშობლოს უბრუნდება:
თბილისში გამოფენა „ქოჩარი — მრავალგანზომილებიანი გენიოსი“ გაიხსნება

2026 წლის 8 ოქტომბერს, 18:00 საათზე, საქართველოში სომხეთის კულტურის დღეების ფარგლებში, საქართველოს ეროვნული მუზეუმის დიმიტრი შევარდნაძის სახელობის ეროვნულ გალერეაში კონცეპტუალური რეტროსპექტიული გამოფენა გაიხსნება — „ქოჩარი — მრავალგანზომილებიანი გენიოსი (თბილისი–პარიზი–ერევანი)“.

პროექტი ხორციელდება სომხეთის რესპუბლიკის განათლების, მეცნიერების, კულტურისა და სპორტის სამინისტროსა და საქართველოში სომხეთის რესპუბლიკის საელჩოს მხარდაჭერით. გამოფენა ერვანდ ქოჩარის მუზეუმის, სომხეთის ეროვნული გალერეის, სომხეთის თანამედროვე ექსპერიმენტული ხელოვნების ცენტრისა (NPAK) და საქართველოს ეროვნული მუზეუმის მრავალწლიანი თანამშრომლობის შედეგია.

გამოფენის კონცეპტუალურ ცენტრს ერვანდ ქოჩარის ცნობილი ნამუშევარი „ფერწერა სივრცეში“ (Peinture dans l’espace) წარმოადგენს. თანამედროვე ტექნოლოგიების, ინსტალაციებისა და სხვადასხვა მედიუმის გამოყენებით გამოფენა მისი შემოქმედების მრავალფეროვნებასა და მის ინოვაციურ ხედვას წარმოაჩენს, რომელიც დღესაც აქტუალურია და თანამედროვე ხელოვნებასთან საინტერესო დიალოგს ქმნის.

გამოფენის გახსნის პარალელურად გაიმართება ახალი, სამენოვანი კატალოგის —
„ქოჩარი — მრავალგანზომილებიანი გენიოსი“ — პრეზენტაცია. კატალოგი გამოიცა სომხურ, ქართულ და ინგლისურ ენებზე, რომელშიც თავმოყრილია მნიშვნელოვანი საარქივო აღმოჩენები და ბოლო წლებში გამოვლენილი აქამდე უცნობი დოკუმენტური მასალები. გამოცემის ავტორია კარინე ქოჩარი.

გამოფენა დამთვალიერებელს 2026 წლის 8 ოქტომბრიდან 8 ნოემბრის ჩათვლით უმასპინძლებს.



A Century Later, the Maestro’s Art Returns to Its Spiritual Homeland:
A Landmark Exhibition, Kochar: The Multidimensional Genius, to Open in Tbilisi
On 8 October 2026 at 18:00, as part of the Days of Armenian Culture in Georgia, the Dimitri Shevardnadze National Gallery of the Georgian National Museum will open the conceptual retrospective exhibition Kochar: The Multidimensional Genius (Tiflis–Paris–Yerevan).
The project is realized with the support of the Ministry of Education, Science, Culture and Sport of the Republic of Armenia, under the auspices of the Embassy of the Republic of Armenia in Georgia. It is the result of a historic collaboration between the Ervand Kochar Museum, the National Gallery of Armenia, the Armenian Center for Contemporary Experimental Art (NPAK), and the National Museum of Georgia.
At the conceptual heart of the project is Ervand Kochar’s pioneering Painting in Space (Peinture dans l’espace). Through contemporary technologies, installations, and other media, the exhibition traces the continuing relevance of his visionary thought, revealing its remarkable capacity to transcend its historical moment and speak with renewed force to the present.
Coinciding with the opening of the exhibition, a new trilingual illustrated catalogue, Kochar: The Multidimensional Genius, in Armenian, Georgian, and English, will also be presented. Authored by Karine Kochar, the publication is enriched with valuable archival discoveries and newly uncovered documentary material from recent years.
The exhibition will be open to visitors from 8 October to 8 November 2026.

28/09/2026

27/09/2026

სიღნაღის მუზეუმში გამოფენა „იაკიშიმე: მიწის მეტამორფოზა“ გაიხსნება

საქართველოს ეროვნული მუზეუმი, იაპონიის ფონდი და იაპონიის საელჩო საქართველოში წარმოგიდგენთ გამოფენას „იაკიშიმე: მიწის მეტამორფოზა“, რომელიც იაპონური კერამიკის მრავალსაუკუნოვან ტრადიციას, მის ესთეტიკასა და თანამედროვე ინტერპრეტაციებს ეძღვნება.

იაკიშიმე მოუჭიქავი კერამიკის მაღალ ტემპერატურაზე გამოწვის ტრადიციული ტექნიკაა. მისი მრავალსაუკუნოვანი ისტორია იაპონიის მნიშვნელოვან კერამიკულ ცენტრებთან — ბიძენთან, ტოკონამესა და შიგარაკთან — არის დაკავშირებული და შუა საუკუნეებიდან დღემდე უწყვეტად ვითარდება.

გამოფენა იაკიშიმეს განვითარების სხვადასხვა ეტაპს წარმოაჩენს — ყოველდღიური მოხმარების ჭურჭლიდან და ჩაის ცერემონიის ატრიბუტებიდან თანამედროვე ხელოვნების ობიექტებამდე. ექსპოზიცია დამთვალიერებელს შესაძლებლობას აძლევს, გაეცნოს ამ მრავალსაუკუნოვანი კერამიკული ტრადიციის განვითარებას და მის თანამედროვე მხატვრულ ინტერპრეტაციებს.

„იაკიშიმე: მიწის მეტამორფოზა“ იაპონიის ფონდის საერთაშორისო მოძრავი გამოფენების პროგრამის ნაწილია. 1972 წელს დაარსებული იაპონიის ფონდი ხელს უწყობს იაპონიასა და მსოფლიოს სხვადასხვა ქვეყანას შორის კულტურული დიალოგის გაღრმავებას.

გამოფენის გახსნა: 28 სექტემბერი, 2026 | 14:00
ადგილმდებარეობა: სიღნაღის ისტორიულ-ეთნოგრაფიული მუზეუმი
სიღნაღი, შოთა რუსთაველის ჩიხი №8

Exhibition "Yakishime: Earth Metamorphosis" to Open at the Sighnaghi Museum

​The Georgian National Museum, the Japan Foundation, and the Embassy of Japan in Georgia present the exhibition "Yakishime: Earth Metamorphosis," which is dedicated to the centuries-old tradition of Japanese ceramics, its aesthetics, and contemporary interpretations.

Yakishime is a traditional technique of firing unglazed ceramics at high temperatures. Its centuries-old history is connected with Japan's major ceramic centers—Bizen, Tokoname, and Shigaraki—and has been developing continuously from the Middle Ages to the present day.

The exhibition showcases various stages of Yakishime’s development—from everyday tableware and tea ceremony utensils to contemporary art objects. The exposition gives visitors the opportunity to get acquainted with the evolution of this centuries-old ceramic tradition and its modern artistic interpretations.

"Yakishime: Earth Metamorphosis" is part of the Japan Foundation's international traveling exhibitions program. Established in 1972, the Japan Foundation promotes the deepening of cultural dialogue between Japan and various countries around the world.

​Exhibition Opening: September 28, 2026 | 14:00
​Location: Sighnaghi History and Ethnography Museum
8 S***a Rustaveli Lane, Sighnaghi

23/09/2026

მარადიული გაზაფხული - საქართველოს ეროვნულ მუზეუმში დაცული ოგიუსტ როდენის ორიგინალური ნამუშევარი

როდენის კომიტეტის ოფიციალური დადასტურების საფუძველზე, საქართველო იმ ქვეყნების რიცხვშია, რომლებიც პარიზის როდენის მუზეუმის მსოფლიო რუკაზეა აღნიშნული და სადაც დიდი ფრანგი მოქანდაკის, თანამედროვე ქანდაკების ერთ-ერთი ფუძემდებლის, ოგიუსტ როდენის, ორიგინალური ნამუშევარია დაცული.
საქართველოს ეროვნულ მუზეუმში მიმდინარე კვლევის შედეგად დადგინდა შალვა ამირანაშვილის სახელობის ხელოვნების სახელმწიფო მუზეუმის საზღვარგარეთის
ქვეყნების ხელოვნების კოლექციაში დაცული ოგიუსტ როდენის ბრინჯაოს ქანდაკების, მარადიული გაზაფხულის, ავთენტურობა. სკულპტურული ჯგუფი 1900
წელს, მხატვრის სიცოცხლეში, ცნობილი ბარბედინის სამსხმელოს მიერ არის ჩამოსხმული.

ნამუშევრის ავთენტურობას ადასტურებენ პარიზის როდენისა და ორსეს მუზეუმების კურატორები, ქლოე არიო და ფრანსუა ბლანშე, აგრეთვე ოგიუსტ როდენის შემოქმედების შემსწავლელი ცენტრალური ორგანიზაციის, Comité Rodin-ის, დამფუძნებელი ჟერომ ლე ბლე.

ოგიუსტ როდენის მარადიული გაზაფხულის ხილვა შესაძლებელია ხელოვნების მუზეუმის მუდმივმოქმედ ექსპოზიციაზე - პაოლო ვენეციანოდან ვასილ
კანდინსკიმდე.

22/09/2026

📣 საქართველოს ეროვნული მუზეუმი მასპინძლობს საერთაშორისო სამეცნიერო კონგრესს HYPOGEA 2026, რომელიც საქართველოს კულტურის სამინისტროს მხარდაჭერითა და სპელეოლოგიის საერთაშორისო კავშირის (UIS) პატრონაჟით იმართება. კონგრესი ხელოვნური გამოქვაბულებისა და კლდეში ნაკვეთი მემკვიდრეობის კვლევას ეძღვნება.
HYPOGEA-ს კონგრესები უკვე 12 წელია მსოფლიოს სხვადასხვა ქვეყანაში იმართება და ამ სფეროს მკვლევრებს აერთიანებს. კონგრესს ხშირად მასპინძლობენ ქვეყნები, რომლებიც ხელოვნური გამოქვაბულების კომპლექსებითა და მათი კვლევის სამეცნიერო გამოცდილებით გამოირჩევიან.
🌍 HYPOGEA 2026-ზე შეკრებილი მკვლევრები და ექსპერტები განიხილავენ კვლევის უახლეს შედეგებსა და სფეროში არსებულ გამოწვევებს.
თვალყური ადევნეთ ჩვენს გვერდს კონგრესის მიმდინარეობისა და დაგეგმილი სესიების შესახებ ინფორმაციის მისაღებად.
🎤 წარმატებას ვუსურვებთ ყველა მომხსენებელს!
📍 თბილისი, საქართველოს ეროვნული მუზეუმი
📅 22–26 სექტემბერი, 2026 წელი
საარქივო ფოტო: ©️ საქართველოს ეროვნული მუზეუმის ერმაკოვის ფონდი


📣 The Georgian National Museum is hosting HYPOGEA 2026, an international scientific congress held with the support of the Ministry of Culture of Georgia and under the patronage of the International Union of Speleology (UIS). The Congress is dedicated to the study of artificial cavities and rock-cut heritage.
For the past 12 years, HYPOGEA congresses have brought together researchers in this field in countries around the world. They are often hosted by countries distinguished by their wealth of artificial-cavity complexes and their experience in studying them.
🌍 At HYPOGEA 2026, researchers and experts will discuss the latest research findings and current challenges in the field.
Follow our page for updates on the Congress and its upcoming sessions.
🎤 We wish all speakers every success!
📍 Tbilisi, Georgian National Museum
📅 September 22–26, 2026
Archival photo: ©️ Georgian National Museum, Ermakov Collection

22/09/2026

2026 წლის 26 სექტემბერს, 18:00 საათზე, დიმიტრი შევარდნაძის სახელობის ეროვნულ გალერეაში გაიხსნება უჩა ჯაფარიძის დაბადებიდან 120 წლისთავისადმი მიძღვნილი საიუბილეო რეტროსპექტული გამოფენა „უჩა ჯაფარიძე — 120“.

გამოფენა მხატვრის შემოქმედებითი მემკვიდრეობის ფართო სპექტრს წარმოადგენს და აერთიანებს სხვადასხვა პერიოდის ფერწერულ და გრაფიკულ ნამუშევრებს. ექსპოზიციაზე გამოტანილი 73 ნამუშევარი დაცულია უჩა ჯაფარიძის სახლ-მუზეუმის, შალვა ამირანაშვილის სახელობის ხელოვნების მუზეუმისა და დიმიტრი შევარდნაძის სახელობის ეროვნული გალერეის კოლექციებში. გამოფენაზე ასევე წარმოდგენილი იქნება ნამუშევრები კერძო კოლექციებიდან.

უჩა ჯაფარიძე (1906–1988) ქართული სოცრეალისტური ფერწერის ერთ-ერთი ფუძემდებელი და თვალსაჩინო წარმომადგენელია. მისი ხანგრძლივი შემოქმედებითი საქმიანობა მჭიდროდ უკავშირდებოდა საბჭოთა ეპოქის კულტურულ პოლიტიკასა და მის მიერ განსაზღვრულ მხატვრულ პრიორიტეტებს. ამავე დროს, კარიერის ადრეულ წლებში ჯაფარიძე მონაწილეობდა XX საუკუნის ახალი ქართული ფერწერის ფორმირების პროცესში. მისი ადრეული ნამუშევრები ავლენს მოდერნისტულ ტენდენციებთან დიალოგს, მხატვრული ძიებების სითამამესა და ფორმალური ექსპერიმენტებისადმი ინტერესს.

სოციალისტური რეალიზმი — საბჭოთა კულტურული პოლიტიკის მიერ ოფიციალურად დამკვიდრებული მხატვრული მეთოდი — ხელოვნებას არა მხოლოდ სინამდვილის რეალისტურ ასახვას, არამედ საბჭოთა საზოგადოების იდეოლოგიურად სასურველი სახის შექმნასაც აკისრებდა. სოცრეალისტურ ხელოვნებაში განსაკუთრებული მნიშვნელობა ენიჭებოდა კოლექტიური შრომის, სოციალური გარდაქმნის, გმირობის, ოპტიმიზმისა და ახალი ადამიანის ფორმირების თემებს. ამგვარად, მხატვრული ნაწარმოები სახელმწიფო იდეოლოგიის, საზოგადოებრივი ღირებულებებისა და ისტორიული ნარატივების გავრცელების მნიშვნელოვან საშუალებად იყო ქცეული.

უჩა ჯაფარიძის შემოქმედებაში სოცრეალიზმის პრინციპები ვლინდება როგორც თემატურ არჩევანში, ისე რეალისტურ მხატვრულ ენაში. მისი მემკვიდრეობა მოიცავს ისტორიული და საზოგადოებრივი თემატიკის კომპოზიციებს, შრომის თემაზე შექმნილ ნამუშევრებს, პორტრეტებს, პეიზაჟებს, ნატურმორტებსა და ჟანრულ სცენებს.

მხატვრის ხანგრძლივი და ნაყოფიერი შემოქმედებითი გზა არაერთი სახელმწიფო ჯილდოთი და საპატიო წოდებით აღინიშნა. ამასთანავე, ჯაფარიძის ხელოვნება ოფიციალური იდეოლოგიური პროგრამით არ შემოიფარგლება. მის შემოქმედებაში მნიშვნელოვანი ადგილი უკავია პირად, ნოსტალგიურ და უშუალოდ ნაცნობ მოტივებს: მშობლიურ რაჭას, სოფლის ყოფას, ოჯახის წევრებსა და ახლობელ ადამიანებს. რეალისტურ ჩანახატებში, ეტიუდებსა და ჟანრულ სურათებში თითოეული ფიგურა ინდივიდუალური ხასიათითაა წარმოდგენილი. ოფიციალური მხატვრული დოქტრინისა და მხატვრის პირადი გამოცდილების ურთიერთმიმართება გამოფენის ერთ-ერთი მთავარი საკურატორო ხაზია.

უჩა ჯაფარიძემ დაწყებითი სამხატვრო განათლება ონის სამხატვრო სკოლაში მიიღო, შემდეგ კი თბილისში, მოსე თოიძის სტუდიაში სწავლობდა. 1924 წელს იგი თბილისის სამხატვრო აკადემიის ფერწერის ფაკულტეტზე ჩაირიცხა. მოსე თოიძესთან, ლადო გუდიაშვილთან, დავით კაკაბაძესთან, ევგენი ლანსერესთან, სანდრო ციმაკურიძესა და ალექსანდრე ბაჟბეუქ-მელიქოვთან ურთიერთობამ მნიშვნელოვანი კვალი დატოვა მის ადრეულ შემოქმედებაზე. მოგვიანებით ჯაფარიძე ჩამოყალიბდა თვითმყოფად რეალისტ მხატვრად და ამ მხატვრული ენის ერთგული სიცოცხლის ბოლომდე დარჩა.

რეტროსპექტივა დამთვალიერებელს შესაძლებლობას აძლევს, გაეცნოს უჩა ჯაფარიძის შემოქმედების ჟანრულ და სტილისტურ მრავალფეროვნებას და უფრო სრულად დაინახოს მისი ადგილი XX საუკუნის ქართული ხელოვნების ისტორიაში. ექსპოზიცია ერთ სივრცეში წარმოაჩენს მხატვრის ოფიციალურ, საზოგადოებრივად ორიენტირებულ ნამუშევრებსა და მისი პირადი სამყაროს ამსახველ კომპოზიციებს.