Society of Assyriologists, biblicists and caucasiologists

02/06/2026

აღმოაჩინე თიხის ფირფიტებზე დაწერილი ჩვენი წარსული!

ბევრს სმენია ხათების, ქასქებისა თუ მუსქების შესახებ, მაგრამ რა ვიცით მათზე სინამდვილეში? ავტორი ეყრდნობა უძველეს ხეთურ და ასურულ ლურსმნულ წყაროებს, რათა პასუხი გასცეს კითხვებს:

ხათები: ვინ იყვნენ ანატოლიის უძველესი ბინადრები და რა კავშირი აქვთ მათ ქართველურ სამყაროსთან?

ქასქები: რატომ იყვნენ ეს მეომარი ტომები ხეთების იმპერიის მუდმივი თავის ტკივილი და რა როლი ითამაშეს ჩვენს წინაპართა ჩამოყალიბებაში?

მუსქები: როგორ და რატომ გაჩნდნენ ისინი რეგიონში და სად გადის ზღვარი ლეგენდასა და ისტორიულ სიმართლეს შორის?

„ტექსტები, რომლებიც ახლებურად დაგვაფიქრებს ჩვენს ისტორიაზე“ — ეს წიგნი გვაჩვენებს, რომ ჩვენი ეთნოგენეზისი არა იზოლირებული პროცესი, არამედ ახლო აღმოსავლეთის უძველესი ცივილიზაციების განუყოფელი ნაწილია.

წიგნის შეძენა შეგიძლიათ გამომცემლობაში: acad.ge
ასევე მაღაზია „ლატერნაში“: https://laterna.ge/ka/shop/31103-qartvelur-tomta-etnogenezisis-sakitkhebi

#განათლება #ისტორია #აკადემიურიწიგნი

29/05/2026

“ომში ყველა იბრძვის, მაგრამ წინ მხოლოდ გმირები დგანან.” ხეთების მეფე მურსილი II (ქ.წ. XII ს.)

ხეთური სამეფო დღიურები
ხეთურიდან თარგმნა მაია ღამბაშიძემ

იკითხეთ გამომცემლობაში:
http://acad.ge/index.php?run=product/product&id=23973
ასევე წიგნის მაღაზია "ლატერნაში"
https://laterna.ge/ka/shop/41035-kheturi-samepo-dgiurebi

27/05/2026

ვეზირ პტაჰჰოტეპის დარიგება თავის ვაჟს (ქ.წ. 2400 წ., ძვ. ეგვიპტე)

1. ნუ იამაყებ შენი ცოდნით; თანაბარი პატივით ესაუბრე როგორც უცოდინარს, ისე ბრძენს. რამეთუ ხელოვნებასა და ცოდნას საზღვრები არ აქვს და არ არსებობს ხელოვანი, რომელიც სრულყოფილებას მიაღწევდა. ბრძნული და დახვეწილი სიტყვა უფრო იშვიათია, ვიდრე ზურმუხტი.
2. თუ შეხვდები ადამიანს, რომელმაც შენზე მეტი იცის, ნუ განრისხდები, თუ ის არ დაგეთანხმება. ნუ იტყვი მასზე აუგს და ნუ შეეწინააღმდეგები საუბრისას. თუ ის ისე მოგმართავს, როგორც უცოდინარს, შენი თავმდაბლობა დაამარცხებს მის მედიდურობას.
3. თუ შეხვდები ადამიანს, რომელიც შენი ტოლია და გონიერებით ვერ გჯობს, ნუ დადუმდები, როცა ის სიცრუესა და ბოროტებას ამბობს. ასე აჩვენებ, რომ მასზე ბრძენი ხარ. მსმენელთაგან დიდ მოწონებას დაიმსახურებ და შენი სახელი დიდებულთა შორისაც განდიდდება.
4. თუ შეხვდები ადამიანს, რომელიც ღარიბია და შენი ტოლი არ არის, ნუ მოეპყრობი ქედმაღლურად მხოლოდ იმის გამო, რომ ის დაბალი ფენიდანაა. აცადე და ის თავადვე გაებმება თქავისივე სიტყვებში. ნუ დაუსვამ კითხვებს მხოლოდ შენი გულის გასახარებად და ნუ განურისხდები, ვინც შენ წინაშე დგას; სათაკილოა უბრალო ცოდნის ადამიანის დაბნევა და შეცხვენა. თუ გულში მის დასჯას აპირებდი, დაძლიე ეს სურვილი, როგორც დიდებულთაგან დაწუნებული საქციელი.
5. თუ ხარ წინამძღოლი, რომელიც მართავს მრავალი ადამიანის ყოფას, ყოველთვის ეცადე, იყო კეთილგანწყობილი, რათა შენი ქცევა უნაკლო იყოს. დიდებულია სიმართლე, რომელიც სწორ გზას ადგენს; კანონის დამრღვევი აუცილებლად დაისჯება. კანონს ანგარებიანი კაცი არღვევს, მაგრამ ბოროტმოქმედების ჟამი მარადიული არ არის.
6. ნუ დათესავ შიშს ადამიანებს შორის, რამეთუ ამისთვის ღმერთიც დაგსჯის. წარმატებას ის კი არ აღწევს, ვინც ხალხს აშინებს, არამედ ის, ვინც გასცემს და ეხმარება უპოვარს.
7. თუ ხარ შენზე აღმატებული კაცის სტუმარი, მიიღე ის, რასაც შემოგთავაზებს. როცა შენს მასპინძელს უყურებ, ნუ მიაშტერდები მას მრავალი მზერით. ნუ დაელაპარაკები, სანამ თავად არ მოგმართავს, რადგან არ იცი, რა შეიძლება იყოს მისთვის მიუღებელი. ილაპარაკე მაშინ, როცა ის შეგეკითხება და ასე შენი სიტყვა სათნო იქნება მისთვის.
8. თუ ხარ ელჩი, გზავნილი გადაეცი ზუსტად ისე, როგორც მან გითხრეს. მოერიდე შენი სიტყვებით შუღლის ჩამოგდებას. ნუ გადაუხვევ სიმართლეს და ნურავის ეტყვი, თუ ვინმემ - იქნება ეს უფლისწული თუ გლეხი - გულის გადაგიშლა; სხვისი საიდუმლოს გაცემა სულისთვის საძაგელი საქმეა.
9. თუკი მოხანი, მოიმკე შენი მოსავალი ყანაში და ღმერთი მოგმადლებს სიმდიდრეს. ნუ შეგშურდება სხვისი; რამეთუ დიდებულ მამასაც კი შეიძლება დიდი დარდი ჰქონდეს, ხოლო მრავალშვილიან დედას ხშირად ნაკლები სიმშვიდე აქვს, ვიდრე სხვას. ჭეშმარიტად, ყოველი ადამიანი თავისი ბედისწერით არის შექმნილი ღვთის მიერ.
10. თუ ხარ უბრალო კაცი, მიაყურადე ბრძენს. თუ იცნობდი ვინმე უმნიშვნელო ადამიანს, რომელიც მოგვიანებით საზოგადოებაში დაწინაურდა და მაღალი ჩინი მიიღო, ნუ იქნები მის მიმართ ამპარტავანი იმის გამო, რაც მის წარსულზე იცი; პატივი ეცი დაწინაურებულ კაცს იმის მიხედვით, ვინც ის დღეს გახდა. იცოდე, სიმდიდრე თავისით არ მოდის; ის მიეცემა მას, ვისაც მისი მოპოვება სურს. თუ კაცი იშრომებს და თავად შეაგროვებს მას, ღმერთი მას წარმატებულს გახდის, ხოლო თუ ზარმაცი იქნება - დასჯის.
11. მიჰყევი შენს გულს მთელი სიცოცხლის მანძილზე და ნუ გააკეთებ იმაზე მეტს, ვიდრე გევალება. ნუ დახარჯავ ფუჭად იმ დროს, რომელიც შენი გულისთქმის მიყოლისთვის უნდა დაგეთმო.
#განათლება #აკადემიურიწიგნი #მეცნიერება

16/05/2026

სულ მალე!!!
⚔️ კადეშის ომი - შენს მაგიდაზე ისტორია ცოცხლდება!
ოდესმე გიოცნებიათ, გამხდარიყავით ძველი სამყაროს უდიდესი სტრატეგი? ახლა გაქვთ შანსი, თავად გადაწყვიტოთ ისტორიული ბრძოლის ბედი! 🏺

გამომცემლობა აკადემიური წიგნი acad.ge და მაკოტოს თამაშები Makoto მაკოტოს თამაშები წარმოგიდგენთ სამაგიდო თამაშს — „კადეშის ომი“, სადაც ეგვიპტის ლეგენდარული ფარაონი, რამსეს II და ხეთების მრისხანე მეფე, ხათუსილი III ერთმანეთს პირისპირ ხვდებიან.

წესები მარტივია, თუმცა გამარჯვებისთვის ნამდვილი გენერლის ალღო დაგჭირდებათ:
👥 2 მოთამაშე
⏳ 30-45 წუთი
🎂 7-დან 107 წლამდე
✅ თამაშს ასევე მოჰყვება წიგნი - კადეშის ომზე 🏆

#კადეშისომი #სამაგიდოთამაში #ისტორია #გაერთეისტორიით

16/05/2026

📚 ახალი აკადემიური გამოცემა ქართული ისტორიისა და არქეოლოგიის მოყვარულთათვის!
აღმოაჩინეთ კვეტერის ციხის აქამდე უცნობი საიდუმლოებები. 🏰✨

მოხარულები ვართ წარმოგიდგინოთ დავით მინდორაშვილის ახალი, ფუნდამენტური ნაშრომი: „კვეტერის ციხის არქეოლოგიური მასალა“ (აკადემიური წიგნი, 2025).

💡 1968 წელს კვეტერის ციხეზე ჩატარებული მასშტაბური არქეოლოგიური გათხრების შედეგად გამოვლენილი მასალა უმნიშვნელოვანესი წყაროა საქართველოს შუა საუკუნეების ისტორიის შესასწავლად.
ეს წიგნი სრულიად ახლებურად დაგანახებთ ჩვენს წარსულს:
📜 ირკვევა, რომ სტრატეგიული დანიშნულების მქონე მძლავრი ციხესიმაგრისა და საერისთავოს ცენტრის გარდა, კვეტერის ციხე ხელოსნური წარმოების ერთ-ერთი უმნიშვნელოვანესი ცენტრიც ყოფილა!
🏺 ნაშრომში დეტალურად არის გაანალიზებული ის არქეოლოგიური მონაპოვარი, რომელიც საუკუნეების მანძილზე ინახავდა შუა საუკუნეების ქართველი ოსტატების ხელწერას.
📖 წიგნის შეძენა უკვე შესაძლებელია აკადემიური წიგნის გამომცემლობაში acad.ge , ირ. აბაშიძის 16, ასევე წიგნის მაღაზია ლატერნაში laterna.ge
🔗 acad.ge, 599960904

🏷️ : acad.ge , Georgian National Museum / საქართველოს ეროვნული მუზეუმი

#ახალიწიგნი2025 #დავითმინდორაშვილი #კვეტერისციხე #არქეოლოგია #საქართველოსისტორია #შუასაუკუნეები #აკადემიურიგამოცემა #ქართულიკულტურა #ისტორიულიწყაროები #კვეტერა

30/04/2026

შუამდინარული კულინარიული რეცეპტები
ჩვენამდე მოღწეული მესოპოტამიური კულინარიული ტექსტებიდან ერთ-ერთი მნიშვნელოვანი ადგილი უჭირავს ბაბილონურ ე.წ. „იელის კულინარიულ ფირფიტებს“ (დაახლ. ქ.წ. 1700). რეცეპტებში აღწერილი კერძების უმეტესობა წყალში მოხარშული ხორცის „ნახარშია“ მაგ. ირმის, გაზელის, თიკნის, ბატკნის, ცხვრის, ანდა შინაური თუ გარეული მტრედის, იხვის, ასევე პატარა ზომის ჩიტების. ამ ნახარშებს უმატებდნენ ბოსტნეულსაც, ცნობილია ასეთი „ნახარშების/წვნიანების“ დაახლოებით 100-მდე რეცეპტი. შუამდინარეთის ცხელმა კლიმატმა და სოფლის მეურნეობის განვითარებამ განაპირობა ასევე „დაკონსერვების“ აუცილებლობა, როდესაც ძირითადად სურსათს ახმობდნენ, ბოლავდნენ, ამარილებდნენ, ზეთსა თუ ძმარში დებდნენ, თაფლით შაქრავდნენ, ასევე „აფერმენტირებდნენ“ რძის პროდუქტებს.
👇
https://acadbook.blogspot.com/2025/04/blog-post_19.html

#კულინარია #შუამდინარეთი #ისტორია

April 19, 2025 შუამდინარული კულინარიული რეცეპტებიჩვენამდე მოღწეული მესოპოტამიური კულინარიული ტექსტებიდან ერთ-ერთი მნ...

21/04/2026

🏛️ იბერია-კოლხეთი №20: საიუბილეო გამოცემა და ქართული არქეოლოგიის პანორამა!

ჟურნალის ახალი ნომერი არა მხოლოდ პროფესორ იულონ გაგოშიძის 90 წლის იუბილეს ეძღვნება, არამედ წარმოადგენს უნიკალურ კრებულს, რომელიც ანტიკური და ადრეშუასაუკუნეების საქართველოს უმნიშვნელოვანეს საკითხებს აშუქებს.

გადაავლეთ თვალი სარჩევს და აღმოაჩინეთ თემები, რომლებიც კავკასიის ისტორიას ახლებურად დაგანახებთ:

🔍 რა გელოდებათ ჟურნალის ფურცლებზე?
☑️მითოლოგია და სიმბოლიკა: მზის გამოსახულებები გონიოდან (გ. გამყრელიძე);
☑️აღმოჩენები და არტეფაქტები: ვერცხლის ფარაკიანი ბეჭდები ბრილიდან (ა. გაბუნია), ამფორები დედოფლის გორიდან (დ. გაგოშიძე) და ორმაგი ჭურჭელი ალგეთის ხეობიდან;
☑️ქრისტიანობის ისტორია: სამთავისის საეპისკოპოსოს დაარსების საიდუმლოებები (გ. გაგოშიძე);
☑️გლიპტიკა და ოქრომჭედლობა: ანტიკური პორტრეტული გემები (ქ. რამიშვილი) და აღმოსავლური სტილი ქართულ ოქრომჭედლობაში (ნ. ქობალია);
☑️ნუმიზმატიკა: ოქტავიანე ავგუსტუსის დენარები მთიან კოლხეთში (მ. პატარიძე);
☑️სენსაციური კვლევები: კლდეეთის ვერცხლის ჯამი — რომის იმპერატორის კიდევ ერთი პორტრეტი საქართველოდან? (ლ. ჩოლოგაური);
☑️თანამედროვე მეთოდოლოგია: ფიზიკური ანთროპოლოგიიდან ბიოარქეოლოგიამდე (ნ. თავართქილაძე).

✨ იულონ გაგოშიძე 90 — გამოცემაში ვრცლად არის განხილული ბატონი იულონის ღვაწლი და ის ეპოქალური მნიშვნელობის კვლევები, რომელთაც მან მთელი ცხოვრება მიუძღვნა.

ეს ნომერი აუცილებელი საკითხავია ისტორიკოსების, არქეოლოგებისა და საქართველოს წარსულით დაინტერესებული თითოეული ადამიანისთვის.

📖 იბერია-კოლხეთი №20 (2026)
🏛️ ACADIA — მეცნიერება, რომელიც ცოცხლდება.

#არქეოლოგია #ისტორია #იბერიაკოლხეთი #იულონგაგოშიძე #ქართულიკულტურა #ახალიგამოცემა

19/04/2026

The Story of King Gilgamesh
by Maia Gambashidze

The Epic of Gilgamesh is the oldest literary masterpiece of mankind. Created in the second millennium BCE in the Middle East, it remains a cornerstone of world culture. Written on ancient clay tablets, it offers a window into the souls of our distant ancestors—revealing their deepest thoughts on friendship, loyalty, beauty, courage, and the haunting quest for immortality. As you journey through these pages, you will be captivated by the profound bond and heroic deeds of Gilgamesh and Enkidu.


https://www.instagram.com/p/DXUfdm3jCu4/?img_index=1

18/04/2026

როგორ იცვლებოდა ადამიანის სახე 8000 წლის მანძილზე? 🗿🎨
ნეოლითის ხანის თიხის ნაძერწი ფიგურებიდან - ადრეფეოდალური ხანის მონუმენტურ პორტრეტებამდე: ეს არის გზა, რომელიც ქართულმა პლასტიკამ და ხელოვნებამ განვლო.

გიორგი ჯავახიშვილის წიგნში გაეცნობით უნიკალურ კვლევას, რომელიც დეტალურად განიხილავს:
🔹 უძველეს კერპებს: ქვემო ქართლის ნეოლითური ხანის (ქ.წ. VI-IV ათასწ.) საკულტო ფიგურებს.
🔹 ბრინჯაოს შედევრებს: თრიალეთის ცნობილ სასმისსა და ადრერკინის ხანის ლითონის ფიგურებს.
🔹 ანტიკურ და ადრეფეოდალურ პლასტიკას: პორტრეტის პირველ ნიშნებსა და მონუმენტურ ქანდაკებებს.

📖 რატომ უნდა გქონდეთ ეს წიგნი?
გამოცემას ერთვის თბილისის ეროვნული მუზეუმის ფონდებში დაცული უძველესი ანთროპომორფული ქანდაკებების ვრცელი კატალოგი, რაც მას ფასდაუდებელ სახელმძღვანელოდ აქცევს როგორც სპეციალისტებისთვის, ისე ხელოვნების მოყვარულთათვის.

გაიგეთ მეტი ჩვენი წინაპრების ესთეტიკაზე, რწმენებსა და იმ მხატვრულ ევოლუციაზე, რომელმაც საფუძველი ჩაუყარა ქართულ კულტურას.

📍 შეძენა შესაძლებელია:
✅ გამომცემლობაში: „აკადემიური წიგნი“, ი. აბაშიძის 16. http://acad.ge/index.php?run=product/product&id=23951
✅ მაღაზიაში: „ლატერნა“ (ს/ც „ქარვასლა“, ც. დადიანის 7), ✅ ონლაინ: laterna.ge/ka

ბ-ნი გიორგი საუბრობს წიგნის შესახებ ჩვენს იუთუბ-არხზე:
https://www.youtube.com/watch?v=zbJ94hgleYk&list=PLsZQynT5o9_69T05SpmKChOcG4ypllI6V&index=3

#ივანეჯავახიშვილი150
#აკადემიურიწიგნი #გიორგიჯავახიშვილი #არქეოლოგია #ქართულიხელოვნება #ქანდაკება #ისტორია #ეროვნულიმუზეუმი #ანთროპოლოგია

14/04/2026

🔍 აღმოაჩინე 3000 წლის წინანდელი საიდუმლო ნაზარლების მთაზე!

გაინტერესებთ, როგორ ცხოვრობდნენ და რა სწამდათ ჩვენს წინაპრებს გვიანი ბრინჯაოსა და ადრე რკინის ხანაში? 🏺

პაატა ბუხრაშვილის ახალი ნაშრომი - „3000 წლის წინანდელი სამლოცველო ნაზარლების მთაზე“ - გეპატიჟებათ შირაქის ზეგანზე, სადაც ილიას სახელმწიფო უნივერსიტეტისა და ჰალეს მარტინ ლუთერის უნივერსიტეტის ერთობლივმა ექსპედიციამ უნიკალური არქეოლოგიური ძეგლი შეისწავლა.

✨ გაიგებთ:
✅ როგორ მიმდინარეობდა 2017-2022 წლების გათხრები;
✅ რა ადგილი ეჭირა ამ სამლოცველოს ცენტრალური ამიერკავკასიის კულტურულ სისტემაში;
✅ კავკასიის უძველეს მოსახლეთა სულიერი სამყაროსა და რწმენა-წარმოდგენების რეტროსპექტივა.

ეს არ არის მხოლოდ არქეოლოგიური ანგარიში - ეს არის მცდელობა, არქეოლოგიური მონაცემებისა და ეთნოგრაფიის შეპირისპირებით ჩავწვდეთ ჩვენი წინაპრების სულს. 👣

📖 სერია: ACADIA
ავტორი: პაატა ბუხრაშვილი

წიგნის შეძენა შესაძლებელია გამომცემლობაში:
https://acad.ge/index.php?run=product/product&id=23957

ასევე წიგნების მაღაზია "ლატერნაში" https://laterna.ge/ka/shop/38143-3000-tslis-tsinandeli-samlotsvelo-nazarlebis-mtaze

#არქეოლოგია #ნაზარლები #შირაქი #ისტორია #პაატაბუხრაშვილი #მეცნიერება