Society of Assyriologists, biblicists and caucasiologists

27/09/2026

❤️ დღეს ჩვენი საზოგადოების დამფუძნებელი იუბილარია -
გივი ღამბაშიძე 85 ❤️🍷 - მრავალჟამიერ!!! ❤️

❤️ ჩვენი სიახლეა მისი ახალი წიგნი :

გივი ღამბაშიძე - ვახუშტი ბატონიშვილის საფლავის ადგილმდებარეობის შესახებ; მეფე ვახტანგ VI-ის აკლდამის საიდუმლო

ნაშრომი ეხება სახელგანთქმული ისტორიკოსისა და გეოგრაფოსის - ვახუშტი ბატონიშვილის (1696-1758 წ.წ.) დაკარგული სამარხის ძიებასა და, თავისი ქვეყნის მძიმე ბედის გამზიარებელი მეფე ვახტანგ VI-ის (1675-1737 წ.წ.) აკლდამის საიდუმლოს.

უცხო მიწას მიბარებული ქართველთა მეფის „საფლავი ობოლი"(გრ.ორბელიანი), საფლავთ „მჭკურველთაგან~ („მჭკურველობა"- I მეფ.13.17-„საფლავთ ძარცვა, გინა მაოხარი" - ს.ს. ორბელიანი) განძარცული იყო...
ვახუშტი ბატონიშვილისა და მეფე ვახტანგ VI-ის სამარხებთან დაკავშირებული საკითხების რამდენიმე ათეულწლოვანი კვლევა-ძიებისას,

შეგროვდა დიდძალი დოკუმენტური მასალა, მაგრამ, სამწუხაროდ, მიზეზთა გამო (საქართველოსა და რუსეთის სახელმწიფოთა და ეკლესიათა შორისი ურთიერთობები და სხვ.), ძიება არაა დასრულებული. თვით მეფის თავის ქალაც, მისი სამარხიდან გატაცებული, მიუკვლეველია...
საჭიროდ ჩაითვალა, ვახუშტი ბატონიშვილისა და მეფე ვახტანგ VI-ის სამარხთა ძიების ისტორია და კვლევათა გაგრძელების შესახებ მოსაზრებები, არსებული სახით მაინც იყოს ცნობილი...

წიგნს ერთვის საარქივო მასალა, რომლის ნაწილი გადმოცემულია საქართველოს პრეზიდენტისა და საქართველოს საპატრიარქოს კანცელარიებიდან.
#ისტორიული #ღამბაშიძე #ბაგრატიონი #აკადემიურიწიგნი

22/09/2026

📜 სიახლე ხათუსს გათხრებიდან (09.2026):

არქეოლოგებმა ხეთების სამეფოს უძველეს დედაქალაქ ხათუსაში (თანამედროვე თურქეთი, ჩორუმის პროვინცია, ბოღაზკალე), ბიუიუქკალეში (სამეფო ციტადელში), E შენობის მიმდებარედ, იპოვნეს კადეშის სამშვიდობო ხელშეკრულების (ქ.წ. 1259) აქადური ტექსტის ახალი ფრაგმენტი, რომელიც ხეთების მეფე ხათუსილი III-სა და ეგვიპტის ფარაონ რამსეს II-ს შორის დაიდო.

იგი ეხება ლტოლვილთა უსაფრთხო დაბრუნებას. ხელშეკრულება გარანტიას იძლევა, რომ მათი ოჯახები და სახლები ხელუხლებელი დარჩებოდა, რაც უძველეს დიპლომატიაში ჰუმანული სამართლის განსაკუთრებულ მოვლენას წარმოადგენს.

ამ ხელშეკრულების სხვა ფრაგმენტები ინახება სტამბოლის, ანკარის, ბერლინისა და სანქტ-პეტერბურგის მუზეუმებში.

#არქეოლოგია #ისტორია #კადეში #ხეთები #ეგვიპტე #სიახლეები #დიპლომატია

18/09/2026

🏛️თანამედროვე სამყაროში მუზეუმი ქვეყნის განვითარების ერთ-ერთი ყველაზე მძლავრი მამოძრავებელია, რომელსაც საქართველოში ჯერ კიდევ ვერ ვიყენებთ სრული პოტენციალით.

სალომე ცისკარიშვილის წიგნი „მუზეუმის მართვის პრინციპები“ სწორედ ამაზეა - როგორ ვაქციოთ ჩვენი კულტურული მემკვიდრეობა აწმყო და მომავალი პრობლემების პასუხად.

რატომ არის ეს წიგნი მნიშვნელოვანი არა მხოლოდ მუზეუმის თანამშრომლებისთვის?
🔹 ის გვასწავლის როგორ მოვარგოთ საერთაშორისო პრინციპები ქართულ რეალობას.
🔹 ის გვასწავლის როგორ დაინახოს ნებისმიერმა ადამიანმა სარგებელი მუზეუმთან პარტნიორობით.
🔹 ავტორი თავად არის ადამიანი, რომელმაც აბრეშუმის სახელმწიფო მუზეუმი არა მხოლოდ გადაარჩინა, არამედ ახალი სიცოცხლე შთაბერა მას.

📖 იკითხეთ წიგნის მაღაზია "ლატერნაში" Laterna Books • წიგნის მაღაზია „ლატერნა“
https://laterna.ge/ka/shop/39414-muzeumis-martvis-printsipebi
ასევე ჩვენს გამომცემლობაში:
🔗 https://acad.ge/index.php?run=product/product&id=23909

#მუზეუმი #კულტურა #განათლება #აკადემიურიწიგნი

15/09/2026

აქადური ენა ათასწლეულების მანძილზე ძველ ახლო აღმოსავლეთში ე.წ. "ლინგვა ფრანკად" ითვლებოდა.

თქვენს წინაშეა აქადური ენის სასწავლო ლექსიკონი დამწყებთათვის🥰

იკითხეთ წიგნის მაღაზია "ლატერნაში" Laterna Books • წიგნის მაღაზია „ლატერნა“

ასევე ჩვენთან, გამომცემლობაში: http://acad.ge/index.php?run=product/product&keyword=%E1%83%90%E1%83%A5%E1%83%90%E1%83%93%E1%83%A3%E1%83%A0%E1%83%98&id=23818
#ასირიოლოგია #განათლება #მეცნიერება

13/09/2026

ისტორია ძველ ახლო აღმოსავლეთში იწყება, იქ, სადაც ადამიანმა თიხის ფირფიტაზე პირველი ნიშნები გამოსახა.

ასირიოლოგია ძველი ახლო აღმოსავლეთის ენების, ისტორიის, ლიტერატურისა და რელიგიის შესწავლაა. ეს არის „ამბის ამბავი“, როდესაც ჩვენნაირი ადამიანების ათასწლოვან ფიქრებსა და ყოველდღიურობას აცოცხლებ.

მსოფლიოსთვის ასირიოლოგია იმ საწყისების გააზრების გასაღებია, რაზეც დღევანდელი ცივილიზაცია დგას. საქართველოსთვის კი ამ სიღრმეების ცოდნას განსაკუთრებული ფასი აქვს, ათასწლოვანი ურთიერთობების კვლევა ხომ ჩვენივე ფესვების უკეთ გაგების გზაა.

ასირიოლოგია მსოფლიოს სულ რამდენიმე ძალიან პრესტიჟულ უნივერსიტეტში ისწავლება, მათ შორის ჩვენს უნივერსიტეტშიც. ასირიოლოგები ცოტანი არიან, ყველამ იცნობს ერთმანეთს, ყველა ერთმანეთზე ზრუნავს და ერთ დიდ საქმეს აკეთებს, რასაც ძველი ახლო აღმოსავლეთის კვლევა ჰქვია. ❤

ამ სემესტრში უნივერსიტეტში დიდი სიხარული გვაქვს: ასირიოლოგიის ახალი საბაკალავრო და სამაგისტრო პროგრამები გაიხსნა!

ჩვენი პროგრამები მათთვისაა, ვინც არაჩვეულებრივს ეძებს დღევანდელ ჩვეულებრივ სამყაროში. ❤

ბატონ გრიგოლს ძალიან გაუხარდებოდა... ❤
#ასირიოლოგია #თსუ #აღმოსავლეთი

09/09/2026

პირველად ერთ გამოცემაში: საქართველოს მითოლოგიური საგანძური!

ქართული ხალხური პროზა 3 - მითები

„ანდრეზ მართალ ას“ - ასე სწამდათ ჩვენს წინაპრებს, რომელთათვისაც თაობიდან თაობამდე გადაცემული თქმულებები ყოფიერების, ზნეობისა და სამყაროს წესრიგის საძირკველი იყო.

მოხარულნი ვართ წარმოგიდგინოთ უნიკალური წიგნი, რომელიც პირველად აერთიანებს საქართველოს ყველა კუთხის, მთისა და ბარის მითოლოგიურ გადმოცემებს.

რას აღმოაჩენთ წიგნში?
• აღმოსავლეთ საქართველოს მთიანეთის საგანძური: ფშავ-ხევსურეთის, თუშეთის, ხევისა და გუდამაყარ-მთიულეთის ფუძემდებლური „ანდრეზები“ — საყმოური საზოგადოების უპირობო კანონები, რომლებსაც ალექსი ოჩიაური ჯერ კიდევ ცოცხალი სახით იწერდა გასულ საუკუნეში.
• სამონადირეო მითოსი და აჭარული აღმოჩენები: ფშავ-ხევსურული, სვანური თუ რაჭული ნაცნობი თქმულებების გვერდით, წიგნში პირველად გაეცნობით აქამდე სრულიად უცნობ, იდუმალ აჭარულ გადმოცემებს ტრაგიკულ წერაქვეთაზე, დელი დემირჩიზე, ტყისა და წყლის კაცებზე.
• მეფეები — მითოსური პერსონაჟები: როგორ იქცნენ ფარნავაზი, ვახტანგ გორგასალი, დავით აღმაშენებელი, თამარ მეფე, ლაშა-გიორგი და ერეკლე II მითოლოგიურ გმირებად და როგორ დაუკავშირდა თამარის „ოქროს ხანა“ კაცობრიობის უძველეს, პრიმორდიალურ მითს სამოთხეზე.
• ⛪ სალოცავთა დაარსების საიდუმლოებანი: ხევის სამების, ილორის, ძარწემისა თუ ხანის წმინდა გიორგის სალოცავთა დაფუძნების ამბები, სადაც ადამიანებთან ერთად ირმები, ხარები და ყორნები იღებენ მონაწილეობას.
• კოსმოგონიური შერკინებები: წყლის სტიქიისა (გველვეშაპის) და სოფლის მცველის (ხარის) სამკვდრო-სასიცოცხლო ბრძოლები ქართლ-კახურ და აჭარულ ზეპირსიტყვიერებაში.

საინტერესო ფაქტი: ჩვენი წერილობითი ტრადიციის თავისებურების გამო, მითოლოგიური ჩანაწერები XIX საუკუნემდე თითქმის არ გვაქვს. წინამდებარე გამოცემაში თავმოყრილია მე-19 საუკუნიდან მოყოლებული სხვადასხვა დროს ჩაწერილი ღირებული მასალა, რომელიც კუთხეების მიხედვით არის სისტემატიზებული და მკითხველს სრულ სურათს უშლის თვალწინ.
ეს წიგნი აუცილებელი შენაძენია ყველასთვის, ვისაც აინტერესებს ქართული იდენტობა, ეთნოლოგია, ფოლკლორი და მითოლოგიური აზროვნება.

შეიძინეთ წიგნი მარტივად:
გამომცემლობაში: http://acad.ge/index.php?run=product/product&id=23948
ასევე ლატერნაში: https://laterna.ge/ka
#მითები #მეცნიერება #განათლება

08/09/2026

საოცარი არქეოლოგი სერ არტურ ლეონარდ ვული (1880-1960) და მისი გათხრები ❤️

Artifacts and treasures from the Royal Tomb of Ur are examined.

08/09/2026

https://www.youtube.com/watch?v=cQR3YAny0qg&t=28s

07/09/2026

⚔️"მეფეთა შორის ძმობა, მეგობრობა და კარგი ურთიერთობა მხოლოდ მაშინ დადგება, როდესაც ძღვენის სიაში ძვირფასი ქვები, ვერცხლი და ოქრო საკმარისად იქნება" - ბაბილონის (კასიტი) მეფე ბურნაბურიაში ეგვიპტის ფარაონ ეხნატონს
📚ხეთური სამეფო ხელშეკრულებები
📍იკითხეთ გამომცემლობაში http://acad.ge/index.php?run=product/product&id=23981
📍ასევე წიგნის მაღაზია "ლატერნაში" https://laterna.ge/.../44654-kheturi-samepo-khelshekrulebebi
🖌️ქართულად თარგმნა მაია ღამბაშიძემ

08/06/2026

📚 ჩვენი სიახლე!!!

📚აღმოაჩინე კაცობრიობის უძველესი საწყისები — თქვენს წინაშეა სერია CUNEUM!

📚 „ასირიოლოგთა, ბიბლეისტთა და კავკასიოლოგთა საზოგადოება“ (SABC) წარმოგიდგენთ ახალ, ფუნდამენტურ საგამომცემლო სერიას:

📚CUNEUM 1 - ხეთური დაკრძალვის რიტუალი
📚CUNEUM 2 - "ჭირი" ხეთურ ტექსტებში
📚CUNEUM 3 - ძველახლოაღმოსავლური კანონები

🔺 რას ნიშნავს CUNEUM?
ლათინურად ეს ცნება „სოლს“ ნიშნავს. შესაბამისად, სერია მთლიანად ეძღვნება ლურსმნული დამწერლობით შესრულებულ ტექსტებს. კერძოდ, მასში თავმოყრილია ძველაღმოსავლური ენებიდან შესრულებული აკადემიური ქართული თარგმანები და ვრცელი კომენტარები.
🎯 ჩვენი მიზანია შეიქმნას ლურსმნული წყაროების ერთიანი, მყარი კორპუსი, რომელიც ქართველ მეცნიერებსა და მკვლევრებს დაეხმარება თავიანთი ძიებების სრულიად ახლებურად გააზრებაში.
📜 რატომ არის ეს სერია მნიშვნელოვანი?
სწორედ ლურსმნულ წერილობით წყაროებში ვხვდებით ყველა იმ საწყისს, რაზეც შემდგომში აგებულია მთელი მსოფლიო ლიტერატურა, სამართალი, ისტორია და კულტურა.

🛒 გამოცემების შეძენა შეგიძლიათ გამომცემლობაში acad.ge: http://acad.ge/index.php?run=product/category&c=1506_3323
👉 ასევე მაღაზია ლატერნაში: laterna.ge/ka
📍 acad.ge 🔗

#განათლება #მეცნიერება #აკადემიურიწიგნი