24/06/2026
საქართველოს ეროვნული მუზეუმი, არქიტექტურული სტუდია NWDS და თბილისის ქალაქგამოსახულების კვლევის ცენტრი „უბანი“ გიწვევთ გამოფენაზე „ეზოლოგია ‒ თბილისის ფოროვანი ქსოვილი“, რომელიც გაიმართება იოსებ გრიშაშვილის სახელობის თბილისის ისტორიის მუზეუმში.
გამოფენა NWDS-ისა და „უბანის“ დისციპლინათაშორისი კვლევითი პროექტის საჯარო შედეგების პირველი პრეზენტაციაა და წარმოაჩენს თბილისურ ეზოს — სივრცეს, რომელმაც მნიშვნელოვანი როლი შეასრულა ქალაქის ურბანული ქსოვილის ჩამოყალიბებაში.
კვლევა კონცენტრირებული იყო ქალაქის ურბანული ისტორიის განვითარებაზე, მემკვიდრეობის დაცვაზე, კარტოგრაფიასა და ურბანული პროცესების ანალიზზე.
ექსპოზიციაში თავმოყრილია თბილისის ისტორიის მუზეუმის ფონდებში დაცული გრაფიკული ნამუშევრები, ფოტოები, პროექტები, გეგმები და მაკეტი, ასევე NWDS-ისა და კვლევის ცენტრის „უბანი“ მიერ მომზადებული მასალები — ურბანული ისტორიისა და არქიტექტურის კვლევები, რუკები და სხვა დოკუმენტური მასალები, რომლებიც წარმოაჩენს თბილისური ეზოს ადგილსა და მნიშვნელობას თბილისის ურბანული იერსახისა და სივრცითი სტრუქტურის ფორმირების პროცესში.
გამოფენას თან ერთვის ვიდეონამუშევრები და 2026 წლის გაზაფხულზე სპეციალურად ამ პროექტისთვის შექმნილი ფოტოესეები.
გამოფენის გახსნა: პარასკევი, 26 ივნისი, 2026, 18:00-20:00
გამოფენის ხანგრძლივობა: 26 ივნისი – 25 სექტემბერი, 2026
ადგილმდებარეობა: თბილისის ისტორიის მუზეუმი, სიონის ქუჩა 8, თბილისი
სამუშაო საათები: ყოველ დღე (ორშაბათის გარდა), 10:00-18:00
დასწრება: გამოფენის გახსნის დღეს დასწრება თავისუფალია; ყველა სხვა დღეს იმოქმედებს მუზეუმში შესვლის საფასური.
