ძმები ნობელების სახელობის ბათუმის ტექნოლოგიური მუზეუმი

21/08/2026

საზაფხულო სკოლა - “კუშეგამე” ტექნოლოგიურ სამყაროში

გელოდებით, 25 აგვისტოს, ძმები ნობელების სახელობის ბათუმის ტექნოლოგიურ მუზეუმში, სადაც ისტორია, ტექნოლოგია და ახალი იდეები ერთმანეთს ხვდება. აღმოაჩინე საკუთარი შესაძლებლობები ჩვენთან ერთად.

13/08/2026

⚓ „ბათუმი — გემოების ნავსაყუდელი“

13 აგვისტოს, ძმები ნობელების სახელობის ბათუმის ტექნოლოგიურ მუზეუმში, გაიმართა გამოფენა „ბათუმი — გემოების ნავსაყუდელი“.

გამოფენამ კიდევ ერთხელ წარმოაჩინა ბათუმი, როგორც ქალაქი, სადაც სხვადასხვა კულტურა, ტრადიცია და გემო საუკუნეების განმავლობაში ერწყმოდა ერთმანეთს.

12/08/2026

სსიპ აჭარის მუზეუმის საზაფხულო სკოლის ,,კუშეგამე” (21.08.26-27.08.26) მონაწილეთა რეგისტრაცია დასრულებულია.

12/08/2026

⚓ „ბათუმი — გემოების ნავსაყუდელი“

ბათუმი — ქალაქი, სადაც ზღვისპირა ცხოვრება საუკუნეების განმავლობაში სხვადასხვა კულტურის, ტრადიციისა და გემოს შეხვედრის ადგილად იქცა.

გეპატიჟებით 13 აგვისტოს, 17:00 საათზე, ძმები ნობელების სახელობის ბათუმის ტექნოლოგიურ მუზეუმში, გამოფენაზე — „ბათუმი — გემოების ნავსაყუდელი“.

📍 ძმები ნობელების სახელობის ბათუმის ტექნოლოგიური მუზეუმი.
დასწრება თავისუფალია.
გელოდებით!

10/08/2026

🔹გინდათ თქვენს შვილს საოცარი მოგზაურობა აჩუქოთ კუ-ლტურის, შე-მეცნების, გა-ნათლებისა და მე-ცნიერების სამყაროში? მაშინ აჭარის მუზეუმი კიდევ ერთხელ გაგაოცებთ ბათუმის მკვიდრთ და სტუმრებს ამ საოცარი შემოთავაზებით!
🔹2026 წლის აგვისტოში საზაფხულო სკოლა -„კუშეგამე” უფასოა!
🔹საზაფხულო სკოლა "კუშეგამე", 7-დან 13 წლამდე ასაკის მოზარდებს იწვევს კუ-ლტურის, შე-მეცნების, გა-ნათლებისა და მე-ცნიერების სამყაროში სამოგზაუროდ. მუზეუმებში ისტორიის შესწავლა და ახალი ცოდნის მიღება ერთმანეთს იდეალურად ერწყმის და საოცარ შთაბეჭდილებებს ტოვებს მოზარდებში.
🔹თუ თქვენი შვილი არქეოლოგიითაც არის დაინტერესებული, მაშინ საზაფხულო სკოლის ერთი დღე დღესასწაულად გადაიქცევა, რადგან ისინი ნამდვილ საექსპედიოციო გათხრებს დაესწრებიან.
🔹საზაფხულო სკოლა "კუშეგამე" გელოდებათ 21, 24, 25, 26 და 27 აგვისტოს 15:00 საათიდან 18:00 საათამდე აჭარის სამუზეუმო გაერთიანების ყველა მუზეუმში. საზაფხულო სკოლის დამთავრებისას მონაწილეებს გადაეცემათ შესაბამისი სერტიფიკატები.

🔹განრიგი მუზეუმებში:

1)ილია ჭავჭავაძის სახელობის ბათუმის მუზეუმი
📍 ალ. გრიბოედობის ქ. 5
🔹21 აგვისტო, 15:00-18:00

2) რელიგიის მუზეუმი
📍თამარ მეფის გამზირი
🔹24 აგვისტო, 15:00-18:00

3) ძმები ნობელების სახელობის ბათუმის ტექნოლოგიური მუზეუმი
📍 თამარის დასახლება, ლესელიძის 3ა
🔹25 აგვისტო, 15:00-18:00

4)აჭარის ხელოვნების მუზეუმი
📍 ზ. გორგილაძის ქ.8
🔹26 აგვისტო, 15:00-18:00

5) აჭარის ხარიტონ ახვლედიანის სახელობის მუზეუმი
📍 ხ.ახვლედიანის ქ.4
🔹27 აგვისტო, 15:00-18:00

იჩქარეთ, მხოლოდ 20 მონაწილე დარეგისტრირდება!

რეგისტრაციისთვის გადადით ბმულზე:

https://docs.google.com/forms/d/e/1FAIpQLSfbasCo6aDYaKF9fFesI0DskgMSoiRvNLVDkQY5Tt2AenNaLQ/viewform?usp=preview

05/08/2026

28/07/2026

🚀 პირველი ქართული კოსმოსური ობიექტი.

📡1999 წლის 23–28 ივლისს ორბიტულ სადგურ „მირზე“ ჩატარდა პირველი ქართული კოსმოსური ობიექტის – გასაშლელი რეფლექტორის – საცდელი გამოცდა.
⚙️1999 წლის 28 ივლისს ექსპერიმენტი წარმატებით დასრულდა. მაქსიმალური გაბარიტით 6,42 მეტრი მქონე გასაშლელი რეფლექტორი ორბიტულ სადგურს გამოეყო და დედამიწის ირგვლივ დამოუკიდებელ ორბიტაზე დაიწყო მოძრაობა.
🎓პროექტის გენერალური კონსტრუქტორი იყო აკადემიკოსი ელგუჯა მეძმარიაშვილი, ხოლო მისი რეფლექტორული ანტენა ქართველი სპეციალისტების მიერ თბილისის საავიაციო ქარხანაში დამზადდა.

27/07/2026

ძმები ნობელების სახელობის ბათუმის ტექნოლოგიურ მუზეუმში გაიმართა ლუდვიგ ნობელის დაბადებიდან 195 წლის იუბილესთან დაკავშირებული გამოფენა - “ ნობელების ისტორიის ნაკვალევზე”

გამოფენაზე წარმოდგენილი იყო XIX–XX საუკუნეების ნავთობინდუსტრიის ამსახველი უნიკალური ფოტომასალა - ქარხნები, მილსადენები, ნავთობის რეზერვუარები და სხვა მნიშვნელოვანი ინფრასტრუქტურული ობიექტები. აუდიტორიის განსაკუთრებული ინტერესი გამოიწვია ქალაქის დაგეგმარების რუკამ, რომლის დახმარებით მათ შეძლეს ენახათ, როგორ გამოიყურებოდა ბათუმი იმ პერიოდში და სად იყო განთავსებული ნავთობპროდუქტების საცავები, საწარმოო ზონები და ინდუსტრიული ობიექტები.

გამოფენის მიზანი იყო ლუდვიგ ნობელის ღვაწლის წარმოჩენა და იმ ტექნოლოგიური მემკვიდრეობის გაცოცხლება, რომელმაც XIX საუკუნის ბოლოსა და XX საუკუნის დასაწყისში ბათუმი შავი ზღვის ერთ-ერთ უმნიშვნელოვანეს ნავთობტრანზიტულ და სამრეწველო ცენტრად აქცია.

27/07/2026

ლუდვიგ ნობელის დაბადების დღე.

1831 წლის 27 ივლისს დაიბადა ლუდვიგ ნობელი — გამოჩენილი ინჟინერი, გამომგონებელი და მეწარმე, რომლის ინოვაციურმა იდეებმა XIX საუკუნის ნავთობმრეწველობის განვითარებაში მნიშვნელოვანი როლი შეასრულა. მისი ტექნიკური მიღწევები ნავთობის მოპოვების, ტრანსპორტირებისა და გადამუშავების სფეროში მნიშვნელოვანი აღმოჩნდა.
ლუდვიგ ნობელის საქმიანობა მჭიდროდ უკავშირდება ბათუმს. მისი მონაწილეობითა და ინიციატივით ბათუმი ჩამოყალიბდა ნავთობის საერთაშორისო ტრანზიტის ერთ-ერთ უმნიშვნელოვანეს ცენტრად, რამაც გამოიწვია ქალაქის როგორც ეკონომიკური, ისე ტექნოლოგიური განვითარება.
ძმები ნობელების სახელობის ბათუმის ტექნოლოგიური მუზეუმი განთავსებულია ისტორიულ შენობაში, სადაც XIX საუკუნის მიწურულსა და XX საუკუნის დასაწყისში ძმები ნობელების სამუშაო ოფისი ფუნქციონირებდა. მუზეუმის ექსპოზიციაში წარმოდგენილია ლუდვიგ ნობელის ნახაზები, ნახაზების მიხედვით შექმნილი ტექნიკური ნივთები, საარქივო დოკუმენტები, რომლებიც ნათლად წარმოაჩენს მის ინოვაციურ იდეებსა და ბათუმის ინდუსტრიულ განვითარებაში შეტანილ მნიშვნელოვან წვლილს. ძმები ნობელების სახელობის ბათუმის ტექნოლოგიურ მუზეუმში თქვენ შეძლებთ გაეცნოთ იმ მემკვიდრეობას, რომელმაც ქალაქის განვითარებაში მნიშვნელოვანი როლი შეასრულა.