EECMY Bethel Bishoftu

10/09/2026

BAGA BARA HAARAA GEESSAN!

Jaalatamtoota keenya, miseensota Mana Sagadaa keenya lamaan, iddoowwan lallabaa keenya lamaan, maatiiwwan keessanii fi warra nu waliin Waaqayyoon waaqeffatan hundumaaf, Baga Bara Haaraa Geessan!

Bara haaraa kana keessa, Waaqayyo karaa keenya haa qajeelchu; amantii keenya haa jabeessu; jaalala keenya haa guddiftu; tajaajila keenya haa eebbisu; jireenya keenya hundas ayyaana Isaatiin haa guutu.

📖 “Waaqayyo isin haa eebbisu, isin haa eegu! Waaqayyo fuula isaa isiniif haa ibsu, isinitti haa araaramu! Waaqayyo fuula isaa gara keessanitti haa deebisu, nagaas isiniif haa kennu!”

— Lakkoobsa 6:24–26

Bara haaraa kana keessatti, Mana Sagadaa keenya lamaan fi iddoowwan lallabaa keenya lamaan bakka Sagaleen Waaqayyoo itti lallabamu, lubbuun itti fayyu, amantiin itti jabaatu, jaalalli itti dagaagu fi maqaan Yesuus Kiristoos itti ulfina argatu haa ta’an.

Jaarsoliin Mana Sagadaa fi Luba Gamachuu Etanaa, jaalala, tokkummaa fi kadhannaadhaan, bara haaraa kana keessatti Waaqayyo nu hundumaa haa geggeessu jechuun ergaa eebbaa fi hawwii gaarii kana isinitti dabarsa

📖 Isaayaas 43:19

Bara Haaraa kun bara eebbaa, bara guddinaa, bara nagaa, bara mo’ichaa fi bara Waaqayyoo waliin itti adeemnu nuuf haa ta’u!

BAGA BARA HAARAA GEESSAN! 🙏

18/08/2026

✝️ WALDAA KIRISTIYAANAA WARRA WANGEELAA MAKAANA YESUUS ITOOPHIYAA 🇪🇹

Kaawunsilii 22ffaa – Walga’ii Idilee
Waldaan Kiristiyaanaa Warra Wangeelaa Makaana Yesuus Itoophiyaa, walga’ii idilee Kaawunsilii isaa 22ffaa, har’a ganama sagantaa kadhannaatiin eegalchiiseera.
Walga’iin kun Gidinaa Tumsa Multi-purpose Training Center keessatti, jecha qajeelchaa Ermiyaas 6:16 irraa fudhateen hojii isaa jalqabeera.
📖 “Karaa irratti dhaabadhaa, ilaalaa! Karaa durii, karaa gaarii isa kam akka ta’e gaafadhaa; isa irra deddeebi’aa, lubbuu keessaniif boqonnaa ni argattu.”
— Ermiyaas 6:16
Walga’iin Kaawunsilii 22ffaa kun guyyoota afur itti aanan, hanga Hagayyaa 16, bara 2018tti kan itti fufu yoo ta’u, dhimmoota hojii fi tajaajila Waldaa Kiristaanaa hedduu irratti mari’achuun murteewwan barbaachisoo ni dabarsa.
Sagantaa kadhannaa ganamaa keessatti Dubbii Waaqayyoo irratti hundaa’uun barumsi kennameera; akkasumas tajaajila faarfannaa keessatti faarfannoowwan dhiyaataniiru. Gaaffilee kadhannaa Sinoodosota Waldaa Kiristaanaa keessaa ka’anirratti hundaa’uunis waliin ta’anii kadhataniiru.
Kadhannaa keessatti tokkummaa Waldaa Kiristaanaa, nagaa biyya keenyaa, Gumii Marii Biyyaalessaa, tajaajila Wangeela babal’isuu fi dhimmoota biroo irratti kadhannaan taasifameera.
Yeroo walga’ii idilee kanaattis, Kaawunsilichi hojiiwwan ji’oota 12 darban keessatti raawwataman fi qormaatawwan mudatan, gabaasaalee fi ibsa dhiyaatu irraa dhaggeeffatee irratti mari’ata; akkasumas dhimmoota adda addaa irratti mari’achuun murteewwan barbaachisoo ni dabarsa.
🙏 Waaqayyo walga’ii kana haa eebbisu; tokkummaa Waldaa isaa haa jabeessu, tajaajila Wangeelaas haa babal’isu.
6 :16

16/08/2026

🙏✨ “Karra hoolotaa isa Waaqayyo tikaaf isinitti kenne sana, giddiidhaan utuu hin ta’in, jaalalaan, akka Waaqayyo barbaadutti, bu’aa nama yeellaasisu irraa argachuuf utuu hin ta’in, of kennuudhaan egaa!”
📖 1 Phexros 5:2
🎉 Guyyaa har’aa, bakka Prezidaantiin WKWWMYI Lubi Dr. Yonaas Yigazuu fi geggeessitoonni olaanoon waldaa argamanitti, Luboonni 13 gara hojii tajaajila Lubummaatti muudamaniiru.
⛪ Sirni muudama Luboota kanaas Mana Sagadaa Beetel Jamootti kabajaa fi gammachuudhaan geggeeffameera.
🙏 Luboota muudamtan hundaaf baga gammaddan!
Waaqayyo tajaajila keessan haa eebbisu, ogummaa, jabinaa fi jaalalaan hoolota Isaa akka tiktan isin haa gargaaru.
📖 “Hoolota Waaqayyo isiniif kenne eeggadhaa.” — 1 Phexros 5:2
Waaqayyo maqaa Isaa ulfeessuuf tajaajila keessan haa fayyadamu. Ameen! 🙏❤️✝️

Manni sagadaa kenyaafi lubi Mana Sagadaa kenyaa lubi Gammee etanasi Gammachuu Guddaa itti dhagaa'amee Ibsataniruu!

16/12/2025

"BEETEL" JECHUUN MANA WAAQAYYOO JECHUUDHA. yesus jamo bethel congregation Dambi Dolloo dhaanqaa fsbs bethel lambie congregation

14/12/2025

Sagantaa Waaqeffannaa Dilbata Ganamaa suuraadhaan
Dubbisa Duraa
Isa 12:1-6
Mul 3:20-22
Marq 11:1-11
Bethel Bishoftu

11/12/2025

08/12/2025

Waaqayyoo nuu gargaaree guyyaa kaleessa sirna Cuuphaa Qulqulluu fi Irbaata qulqulluu Mana Sagadaa kenyaa kessatti haala baayyee nama hawwatuun raawwatame jira.Hojii kanaanis "lubbuun" bayyeen garaa motummaa waaqaatti dabalamaniru......... Abbaan hojiichaa waaqayyoo ulfina barabaraa haa argaatu.