Museo do Viño de Galicia

11/10/2026

CELEBRACIÓN BAIXO AS PARRAS DO DERRADEIRO SAN ROQUE DO PAZO DO CONDE DE VILLAR DE FUENTES EN VIGO

En 1924, na súa primeira expedición a Galicia, a fotógrafa Ruth Matilda Anderson chegou a Vigo en pleno verán, a tempo de fotografar a derradeira celebración do San Roque no Pazo do Conde de Vilar de Fuentes con tal propietario, xa que ao ano seguinte o edificio foi adquirido pola Caixa de Aforros de Vigo, que tamén comprara un terreo de 100.000 metros cadrados. Nel construíu vivendas e a Escola Fogar.
O Museo do Viño de Galicia rescata esta excepcional testemuña dentro da súa serie sobre o viño e os viñedos galegos de principios do século XX na obra custodiada la Hispanic Society, cuxos negativos veñen de ser abertos á divulgación.
Neste antigo solar, onde se aprecia a omnipresenza das cepas en parras para dar sombra ao espectacular paseo circundante sobre o muro, colocaron en 1948 a primeira pedra do centro educativo proxectado pola Caixa de Aforros e, o 5 de xaneiro de 1949, entraron nas súas aulas os primeiros nove alumnos.
A institución académica, cuxo proxecto foi financiado integramente pola entidade financeira, centrouse en proporcionar educación a mozos con menos recursos. Foi ampliando gradualmente as súas instalacións e, co tempo, converteuse tamén nunha escola para a formación de traballadores. Moitos veciños de Vigo asistiron ás súas clases e numerosos estudantes incorporáronse posteriormente á empresa Citroën.

10/10/2026

O SOÑO DE JOSÉ LUIS CUERDA NO RIBEIRO PRESENTOU A SÚA NOVA GAMA DE PRODUTOS DA MAN DE MATARROMERA

A adega que soñara o cineasta José Luis Cuerda en San Clodio, hoxe propiedade do grupo Matarromera, presentou o seu aval de madurez cunha nova gama ampliada de viños. A aposta de Carlo Moro pola DO Ribeiro deu un paso máis coa súa presentación oficial destes produtos : Sanclodio, Casa da Porta e Finca Palmeira.
Xa hai catro anos que as prestixiosas Bodegas Familiares Matarromera compraron a Bodega Sanclodio, propiedade dos herdeiros do entón desaparecido director José Luis Cuerda, e situada nun idílico pazo do século XVI de Cubilledo, que o cineasta convertera na súa escollida terra.

La marca que Carlos Moro, de Bodegas Matarromera, adquirió en su día al cineasta José Luis Cuerda presentó tres vinos que rinden tributo a la tierra

09/10/2026

BAIONA, 1924: ENORMES EXTENSIÓNS DE VIÑEDOS URBANOS

Unha das primeiras instantáneas tomadas por Ruth Matilda Anderson na súa primeira expedición a Galicia, no verán de 1924, amosa como o viñedo ocupaba prácticamente a metade da superficie do actual casco urbano da vila de Baiona. Como se pode apreciar, a totalidade do chan que configura a área de expansión inmobiliaria que desde os anos 60 do século XX mudou a faciana desta cidade turísica eran viñas.
O abastecemento de viño e o autocultivo eran esenciais nunha vila mariñeira, onde ademais as condicións climáticas das Rías Baixas permitían un desenvolvemento vexetativo óptimo das cepas.

08/10/2026

O MUSEO DO VIÑO DE GALICIA, ESTRELA NA TELEVISIÓN ESTATAL

O Museo do Viño de Galicia -que este verán cumpriu os seus primeiros sete anos de funcionamento- vén de ser protagonista da sección de viaxes, xunto coa Ruta do Viño do Ribeiro, do programa "Zapeando", de La Sexta, na súa edición de onte.
Dani Mateo, presentador estrela da cadea moi coñecido ademais pola súa presencia en "El Intermedio", confesou o seu amor polas terras do Ribeiro, e unha extensa peza audiovisual da influencer de viajes Marina Comes () repasou a historia, xeografía e alternativas enoturísticas do Ribeiro, situándoas entre as mellores ofertas de ocio e gastronomía de España.
Desde o Museo do Viño de Galicia agradecemos con agarimo a reportaxe e as loubanzas recibidas desde o equipo de Atresmedia e brindamos pola crecente difusión e coñecemento que os medios de comunicación proporcionan aos viños galegos, cada vez máis un referente de calidade e singularidade dentro da enoloxía europea.

Programa completo (peza Ruta do Viño desde 01 h:05min ):

https://www.atresplayer.com/lasexta/programas/zapeando/temporada-1/07-10-26_6ac64b6edefb830007be9a8f/

07/10/2026

MARTÍN CÓDAX ABORDA UN AMBICIOSO PLAN DE CRECEMENTO QUE INVERTIRÁ 18 MILLÓNS DE EUROS NA SÚA ADEGA

Martín Códax é un referente nos proxectos colaborativos da viticultura a nivel estatal e europeo. Desde o corazón das Rías Baixas, traballa con 322 viticultores que cultivan aproximadamente 325 hectáreas. A adega tamén compra uva a uns 135 viticultores e colaboradores máis. A súa capacidade de produción é de 83.400 hectolitros, unha cifra que aumentará unha vez que se complete o proxecto de adaptación e ampliación das súas instalacións.
O proxecto x foi declarado de interese rexional polo Consello da Xunta. Con esta iniciativa, a adega cambadesa pretende dimensionar as súas instalacións para adaptalas mellor á capacidade de produción dos seus viticultores. O proxecto conta cun orzamento superior aos 18 millóns de euros e incluirá, entre outras cousas, ampliar a capacidade de almacenamento da adega e mellorar a súa área enoturística, incluíndo a posible apertura dun restaurante.

El Consello da Xunta declara el interés autonómico del proyecto, que prevé ampliar la capacidad de almacenamiento de la bodega y su zona de enoturismo con un restaurante

06/10/2026

A VIÑA EN GALICIA EN 1924, ESTRELA DO POLICULTIVO

A combinación de cultivos ricos en carbohidratos (pataca, gran, millo) e vexetais frestos de horta (berza, nabiza, xudía) eran a clave do éxito da dieta tradicional agraria galega, que permitía o aproveitamento intensivo da terra -ben fertilizada con estrume eco esterco da facenda- e a consecución dun aporte nutricional de ata 2.000 calorías/persoa para a familia que alonxara a pantasma da fame.
Dentro deste policultivo, un papel moi destacado era o do viño, cun papel na dieta galega moi distinto ao actual. O consumo de algo menos de medio litro ao día por adulto, arredondaba ese aporte calórico básico, ademais de garantir a salubridade da bebida.
Isto propiciaba a omnipresencia das viñas -en forma de aliñacións, socalcos, parras, lobios, en vaso ou asociadas a outros cultivos- en todos os territorios de Galicia, ata nos que hoxe, pola súa altura ou latitude, pódennos parecer non idóneos.
Na foto, recén liberada dos fondos de Ruth Matilda Anderson da Hispanic Society de new York, unha testemuña excepcional deste policultivo, coas parras rodeando a viña, e co monte do Castelo do Porriño (ao fondo) moi coñecido aínda hoxe pola súa pareidolia cun pianista, e alcumado por elo como "O Beethoven".

05/10/2026

MONTERREI CELEBROU NA FESTA DA VENDIMA A MAIOR COLLEITA DA SÚA HISTORIA

A localidade de Albarellos acolleu esta fin de semana a celebración da V Festa da Vendima de Monterrei, un evento que se celebrou na alameda deste do concello que comparte nome coa denominación de orixe. A festa conxugou enoloxía e gastronomía para homenaxear o traballo dos viticultores e a excelencia da recente colleita, que este ano alcanzou os 8.769.674 quilos de uva, o maior volumen da súa historia

El pisado de la uva y el desfile por Albarellos, protagonistas de una nueva V Festa da Vendima de Monterrei

04/10/2026

[GAL] A Koshu é unha variedade de uva autóctona do Xapón, especialmente adaptada ao seu clima húmido. A súa pel rosada e a súa maduración lenta dan lugar a viños brancos delicados, frescos e minerais.

A súa rexión máis emblemática é Yamanashi, aos pés do monte Fuji, onde se producen viños con notas de cítricos, froitas de óso e flores brancas. 🌸🍋

Nos últimos anos tamén se elaboran espumosos de Koshu mediante o método tradicional, cada vez máis recoñecidos pola súa elegancia e frescura.

🍾 Sabías que foi un dos primeiros viños xaponeses en chegar a Europa?

[CAST] La Koshu es una variedad de uva autóctona de Japón, especialmente adaptada a su clima húmedo. Su piel rosada y su maduración lenta dan lugar a vinos blancos delicados, frescos y minerales.

Su región más emblemática es Yamanashi, a los pies del monte Fuji, donde se producen vinos con notas de cítricos, frutas de hueso y flores blancas. 🌸🍋

En los últimos años también se elaboran espumosos de Koshu mediante el método tradicional, cada vez más reconocidos por su elegancia y frescura.

🍾 ¿Sabías que fue uno de los primeros vinos japoneses en llegar a Europa?

03/10/2026

REGINA VIARUM AMPLIARÁ A SÚA OFERTA DE ENOTURISMO CON CABANAS SOBRE UNHA DAS VISTAS MÁIS ESPECTACULARES DO SIL

A ribeira norte do Canón do Sil contará un novo aloxamento turístico, cun formato minimalista. Trátase dun conxunto de cabanas de madeira situadas nunha zona vinícola da parroquia de Doade, no concello de Sober, e supón un paso máis cara ao negocio do enoturismo na Ribeira Sacra e co que levan anos involucrados os propietarios de Regina Viarum. O aloxamento estará na contorna desta adega, que é a máis visitada de todas as da Ribeira Sacra que está preparada para recibir turistas. O obxectivo final é construír as cabanas, cuxa instalación comezará en 2027.

La bodega Regina Viarum obtiene permiso para 20 alojamientos de este tipo y empezará por construir 10 el año que viene

02/10/2026

ESTA FIN DE SEMANA, V FESTA DA VENDIMA E ANDAINA POLOS VIÑEDOS EN MONTERREI

O xeodestino Verín-Monterrei organiza para este domingo, 4 de outubro, un itinerario, bautizado como “Ruta do Viño”, para descubrir o patrimonio vitivinícola local tras da celebración da V Festa da Vendima o sábado.
Esta festividade da vendima celebrarase na Alameda de Albarellos, e acollerá actividades que comezarán ás 12:00 horas. coa participación de vehículos tradicionais —tirados por bois da zona e cargados coa uva recién vendimada— da finca A Cortiña. Recorrerán as rúas de Albarellos ata chegar á Alameda con pasarúas amenizados con música, cancións e bailes tradicionais.
As persoas interesadas na andaina do domingo poden reservar a súa praza na web de Celtia Travel ou a través dos teléfonos 635 482 477 e 629 858 134.

O xeodestino Verín-Monterrei pecha este domingo o seu ciclo de andainas cun percorrido de 16 quilómetros que arranca en Albarellos.