17/01/2026
O Museo da Emigración a Guinea Ecuatorial recibiu a visita de Benita Sampedro Vizcaya, profesora da Universidade de Hofstra, en Nova York, e investigadora de recoñecido prestixio internacional nos ámbitos dos estudos culturais, poscoloniais, da memoria e das diásporas hispanas.
Durante a súa visita, a profesora Sampedro Vizcaya coñeceu de primeira man os fondos, as exposicións e as liñas de traballo do museo, centradas na recuperación e posta en valor da memoria histórica da emigración española a Guinea Ecuatorial, así como nas súas consecuencias sociais, culturais e humanas, destacando que éste e o único espacio a nivel español en tratar a colonización de Guinea Ecuatorial, valorando o esforzo feito e animando a continuar e abrindo a posibilidade de colaboración dende xa.
No encontro púxose de manifesto a vontade compartida de establecer futuras vías de colaboración entre a profesora Benita Sampedro Vizcaya e o Museo da Emigración a Guinea Ecuatorial, tanto no ámbito da investigación como da divulgación e do intercambio académico, documental e cultural, co obxectivo de seguir afondando nunha historia pouco coñecida mais fundamental para comprender as relacións entre Galicia, España, África e América.
Así mesmo, desde o Concello de Quintela de Leirado trasladouse a súa firme intención de impulsar a ampliación do museo, traballando para dotar este proxecto dun espazo propio que permita medrar en contidos, actividades e proxección pública. Esta ampliación pretende tamén abrir o museo a novos puntos de vista, incorporando diferentes enfoques académicos, sociais e culturais sobre a emigración española en Guinea Ecuatorial, enriquecendo así o relato histórico e favorecendo unha visión máis plural e integradora.
