24/04/2026
Bos días desde o !
Nas imaxes de hoxe venres preséntovos ao fundador e constructor do taller de carpintaría de ribeira Cipriano Domínguez Montes, quen, ao regresar da guerra en 1942 continúa co oficio familiar, xa que o seu avó e o seu pai, Domingo Domínguez Filgueira, eran tamén carpinteiros de ribeira.
Antes de asentarse na actual localización na ribeira da enseada de Broña, desenvolvían o oficio de carpinteiros de ribeira a poucos metros de distancia, no lugar próximo á ponte da desembocadura do río Bendimón.
A ensenada de Broña, no , posuía unhas óptimas condicións naturais que a converteron nun lugar idóneo para o asentamento de distintas instalacións como amarres de embarcacións, ramplas litorais, casetas de pescadores e carpintarías de ribeira.
Neste lugar conviviron nove estaleiros tradicionais adicados á construcción de embarcacións de madeira: Nimo, Amado, Andrés de Ciprián, Becerra, Cipriano, Patelo, Cacharulo, O Barqueiro e Ríos.
Actualmente, de todas estas instalacións só podemos percibir vestixios coma ramplas ou algún dos muros de pedra, a excepción do estaleiro de Ciprián, que chegou en perfectas condicións ata o ano 2016, en que inicia o seu declive.
O tradicional oficio da carpintaría de ribeira evolucionou a unha industria primaria en áreas onde existían bos fondeadoiros ou zonas de abrigo, así coma unha proximidade da materia prima ( grandes extensións de bosques de madeira autóctona ); esas eran as razóns principais para asentarse, modificar as súa contorna e finalmente, construír o estaleiro para realizar as súa actividade.
Galicia contou con centos de instalacións ou talleres esparexidos pola súa costa, pero foi a , e especialmente este tramo litoral de , o berce deste oficio tradicional.
