31/05/2026
العيد خلص والموسم انفض
للواء إبراهيم ابو ليمون ورؤساء احياء المناخ والعرب والشرق وإدارة المرور والمرافق والاشغالات
عايزين بقي نشوف شارع التلاتيني الي هو اهم شارع ب وسط البلد بدون اشغالات
الشارع الي ممكن يمشي فية ٤ حارات ده غير حارتين يمين وشمال للركنات بيمشي فية حارتين بالعافيه ومفيهوش ركنة
مش عايزين حد يفرش شبر واحد في الشارع
كفاية أنهم محتلين الأرصفة
الشارع من حق السيارات والركنات والمشاه
عايزين العربيات تمشي في الشارع بدون اختناق وبدون زحام
عايزين العربيات الي محتاجة تركن تركن بمحازاة الرصيف مش في نص الشارع ولا صف تاني او تالت
عايزين سيولة مرورية في أهم شوارع بورسعيد
مش عايزين طبطبه الي كنا بنشوفها كل أمين شرطة يفضل يتحايل علي صاحب فرش أو محل عشان يرجع متر من ٤ ولا ٥ متر الي هو واخدها من الشارع
وعدم السماح بالنزول شبر واحد عن الرصيف
مش عايزين الحي ينزل بحمله وبمجرد ما يعدوا شارع بس كل الاشغالات ترجع لازم تطبيق غرامات فورية علي المخالفين بخلاف مصادرة الأشغال
اي حد واضع بلدورة حاجز بيها مكان ولا باسكت قمامة ولا استاند تفعيل غرامات فورية
مش عايزين عربيات الترمس واللب والحرنكش والذرة الي بتقف في نص الشارع دي تقف أصل ده شارع عمومي مش حارة عيد
شارع التلاتيني محتاج كاميرات ترصد الاشغال فور حدوثة ومعاقبة المخالف
محتاجين نغير سياسة القط والفار الي الاحياء بتلعبها مع البائعين ولازم يكون في فكر جديد
غرامات تصاعدية للمخالفين تصل الي التشميع إن لزم الأمر في حالة التكرار اكتر من مرة مع الإصرار علي المخالفة
المرور الدوري من اي موظف بالحي بسيارة أو مترجلا وتصوير المخالفين بالوقت وبالتاريخ لإثبات المخالفة والاشغال وتفعيل الغرامة علي سيستم
حملات مرورية لتحقيق السيولة لعدم الركن مخالف صف تاني وثالث و لضبط الموتسكلات التي تدخل عكس الاتجاة
بورسعيد بين الماضى والحاضر
