15/05/2026
بوابه إلى العالم الأخر 👀🌅
أو كما يطلق عليه علماء المصريات الباب الوهمي "false door"
حسب المعتقد الديني للمصري القديم كان الباب الوهمي من العناصر الأساسيه الي من المهم جدا وجودها في غرفه الدفن الخاصه بيه وخصوصا في الجزء الغربي حيث مكان البعث والخلود او الشمالي لانه كان مؤمن ان الارواح الطيبه بتتواجد في نجوم القطب الشمالي
و لانه بيعتقد ان روحه او كما يسموا " الكا" و" البا" هتنتقل من والى جسده في الارض والي السماء و هتقوم بتناول القرابين المتواجده في مقبرته الي بتقدمها اسرته وتشوفهم وتحس بيهم من خلال المعبر ده او الباب الوهمي.
فكر بعد كده المصري القديم ان ممكن نرسم ونكتب القرابين دي ونقدمها بصيغه" الحتب دي نسو " المنقوشه على الباب الشهيره ومعناها ان دي تقدمات وقرابين مستمره للمتوفي لملايين السنين وده عشان يضمن ان حتى لو اسرته واقاربه نسيوه هتفضل القرابين تتجسد بشكلها الحقيقي المستمر لملايين السنين عشان يقدر يتغذى ويستمر بعثه واحيائه للأبد.
