07/07/2025
🧨 إزاي تسقط في امتحان القدرات؟! (النسخة الواقعية المؤلمة)
لو حابب تدخل الامتحان وتخرج تقول: “هو أنا عملت اللي عليا والله… بس مفيش نصيب!”
يبقى تعالى شوف الخطة المحكمة عشان تسقط بأناقة:
1️⃣ احجز في أي مكان والسلام
المهم السعر… تروح مكان عدد الطلبة فيه 100، أو المهندس اللي بيشرح لسه طالب في الكلية، أو مفيش متابعة أصلًا… بس تقول “هيأدي الغرض”.
بس خليك فاكر: حضرتك مش بتشتري درس رخيص… حضرتك بتشتري مستقبل ابنك، أو بتشتري مستقبلك لو إنت اللي داخل الامتحان.
فـ ركّز! ممكن ده يكون طريقك وانت مش واخد بالك.
2️⃣ سجّل في امتحان القدرات وإنت أصلاً مش مؤهل
أول ما موقع التنسيق يفتح، تدخل تسجل وانت لا أخدت كورس، ولا عارف الامتحان بيجي ازاي، ولا حتى شوفت ورقة شكلها عامل إزاي.
والمفاجأة؟ الامتحان بيتفتح لك تاني يوم!
يعني حضرتك داخل تتصادم مش تمتحن 😅
💡 لما تاخد الكورس في حتة كويسة، اسأل بعد إذنك: “أنا ينفع أقدّم دلوقتي؟”
ابعت شغلك، وخلّي حد يقيّمك قبل ما تسجل!
📅 فترة الامتحانات من يوم 12/7 لحد 24/7 — معاك أسبوعين تختار تمتحن فيهم في أي يوم، بس لازم تسجل قبلها من خلال موقع التنسيق.
3️⃣ استنى النتيجة تطلع قبل ما تتحرك
تقول: “لما النتيجة تطلع أشوف هعمل إيه”.
والحقيقة؟ لما النتيجة تطلع… الامتحان بيكون قفــل، والفرصة راحت عليك يا فندم 🙃
4️⃣ ما تتدربش في البيت، واسمع الكورس مرة وخلاص
تيجي تقول: “هو الامتحان سهل ومش محتاج”.
حلو، بس مش كفاية!
لازم ترجع البيت ترسم، وتعيد، وتتمرّن. ولو مافهمتش، تعيد الكورس.
إنك تعرف ترسم = إنك تشتغل على نفسك بعد الكورس.
وده طبيعي… حضرتك بقالك قد إيه مش مسكت قلم رصاص؟
طبيعي تحس إنك نسيت، استمتع بالموضوع!
خلاص… إنت داخل تبقى طالب جامعي، شغل أغانيك، ارسم، وشوف الطريق ده هيوصلك لفين، ومعاك طبعًا الناس اللي بتاخد معاها الكورس…
خش اسألهم 💬
💥 عشان تهرب من كل ده؟
اعمل كده:
✔️ احجز في مكان موثوق فيه
📲 خش شوف الريفيوهات على صفحتهم
🎤 شوف الناس بتقول إيه
📄 اقرا تفاصيل الكورس
👨🏫 اسأل: مين اللي بيشرح؟ في متابعة؟ في واجبات؟
🎯 متشتريش كورس بـ فلوسك وانت مش عارف بتاخد إيه!
وأخيرًا…
الكورسات اللي بتنجح 100٪ دي؟ بتنجح اللي بيشتغل على نفسه مش اللي حضر وساب كل حاجة على “الحظ”.
