Võro Instituut

30/05/2026

🎨 Keelepesäoppajil oll' täämbä kunsti ja kiilt täüs päiv Hino talon Kanepi kihlkunnan Margna Epu puul.
🛖Teimi tsõõri Epu aian, kaimi sannan ja majan ümbre ja tsehkendimi lauajupikõisi pääle pilte.
☀️ Opsõmi tundma vannu sümboliid nurmõ, päävä, puu, tsirgu jm jaos.
🤼‍♀️ Võro keele tunnin loimi, pannimi tegosõnnu olõvikku-minevikku, arotimi sõnno tähendüisi üle, kõnõlimi.
🥰 Aituma, Evely Haug ja Triin Toom, kiä päävä kõrraldi ja Eesti Rahvakultuuri Keskus, kost tull' rahalinõ tugi.
🪴Pildi' tekk' Triin Toom.

25/05/2026

Vahtsõnõ hää kullõminõ Helüaidan om Häniläse luulõkogo "Ma pühäpääväpõllõ mõsi". Õdaguvõrokiilne raamat om avaldõt joba 2010. aastal, a luulõtusõ lugi autor sissõ seo aasta algusõn. No omma naa ka Helüaidan aadrõssil https://helyait.ee/ma-puhapaavapollo-mosi/.
Hääd kullõmist!

18/05/2026

🌿 Põnõva jutu, ehtsä as'a ja elläv kultuuriperändüs uutva kaemist Karilatsi Vabaõhumuusõumin!
Seo suvõ omma vallalõ mitmõ esimuudu näütüse:
🪵 Rahvamajan om näütüs puutüüst ja kasvõst koetuist as'ost.
🧶 Käsitüüaidan saat kaia Kiisa perre käsitüüd.
🌾 Tuulõveskin omma välän Põlva Kunstikooli latsi luudu kasvotrükin rõiva ja kuurist tettü raamadu.
🎶 Koolimajan om näütüs „Külä laul ja häll lindas“. Tulõ ja rändä läbi Vana-Võromaa tüü- ja pidokultuuri, käsitüü ja luuvusõ ilma.
Avastamisrõõmu jakkus tervele perrele! 📸

🌿 Põnevad lood, ehtsad esemed ja elav kultuuripärand ootavad avastamist Karilatsi Vabaõhumuuseumis!

Sel suvel on avatud mitmed eriilmelised näitused:

🪵 Rahvamajas
„Traditsiooniline puutöö ja taimsed punutised“

🧶 Käsitööaidas
„Kiisa pere käsitööd“

🌾 Tuulikus
Põlva Kunstikooli õpilaste loodud taimetrükis rüüd ja kooreraamatud

🎶 Koolimajas
„Külä laul ja häll lindas“

Tule rända läbi Vana-Võromaa argi- ja peokultuuri, käsitööoskuste ning loovuse maailma.
Avastamisrõõmu jagub kogu perele! 📸

14/05/2026

Mi muropäälne om elorikas! Mis hainu tan är tunnõt? 🐝🐛🕸🌼🌱🍀

12/05/2026

18. juunil kl 18 om Võrol Kandlõ aian kontsõrt “Rõõmsa lats”. Kontsõrdil laulva Laulupesa latsõ vahtsit võrokeelitsit latsilaulõ, miä omma luudu keelepesä- ja muusigaoppajidõ ütistüün paar aastat tagasi.

“Võrokeelitsit täämbädse ao sündmüisist kõnõlõvit latsilaulõ ei olõ hulga kaupa võtta. Laulu omma sündünü tarvidusõst võro keele rühmin umakiilsit laulõ laulda,” selet Võro Instituudi keelepesä projektijuht Evely Haug. Päält Laulupesa latsi om kontsõrdikavva poimit ka Võro liina keelepesärühmä latsi ülesastminõ.

Laulõ luumisõ man olli abis muusik ja lauluoppaja Triin Norman, luulõtaja Jan Rahman ja Võro Instituudi spetsiälisti Mariko Faster ja Evely Haug. Laulu pand noodikirja koorijuht ja muusigaoppaja Silja Otsar.

Vahtsit laulõ saa piä kullõlda Youtube’ist, ka fono ja noodi saa kätte Võro Instituudi kodolehe päält.

Projekt om jakk 2023. aastalõ, ku sammamuudu sai valmis 16 vahtsõt võrokeelist latsilaulu. Projektiga suurõndõdas võrokiilside laulõ populaarsust ja laendõdas võro keele tarvitusvaldkundõ.

Info:
Evely Haug
Võro Instituudi keelepesä projektijuht
[email protected]
tel: 782 8754

11/05/2026

🥰Võro Instituudi, latsiaidu keelepesäoppajidõ ja Tarto muusigastuudio Laulupesa ütine latsilauluprojekt om jõudnu kotussõhe, kon latsõ lauli minevä nädäli stuudion linti 18 vahtsõt võrokeelist latsilaulu.

🤩Pildi pääl omma (kuralt puult kaiõn) Roosi, Samuel ja Ellen. Nimä olli selges saanu laulu "Keväjälilli'". Näide oppaja om Liis Pärn.

🤗Aituma teile, võro keele spetsialisti Evely Haug, Jüvä Sullõv ja Mariko Faster; lauluoppaja Triin Norman, Liis Pärn, Kristi Jörberg ja Marit Laur; ülesvõtja Elijah Ivanov. 17 tunni stuudion nelä päävä joosul läts nigu linnatõn!

🥳Laulõ kontsõrt tulõ 18. juunil kl 18 Võrol Kandlõ aian. Egäüts om oodõt kullõma!

07/05/2026

🥬 7. lehekuu pääväl peeti Sännä kultuurimõisan võrokeelist latsi ja nuuri luulõpäivä Adsoni Arturi avvus. Noorõ luulõlugõja täütsevä mõisa saali rõõmuga ni andsõva kimmä tiidmise, et mi kandi keelel om huugu ja elojoudu.
🤩 22. luulõpääväl asti üles 19 last ja loeti ette 10 võrokeelist luulõtust.
🧭 Luulõlugõjiid tull' Sännäle kokko Kääpält ja Haanist, Võrolt, Põlvalt ja esiki Tartost.
✍️ Adsoni Arturilt kõlasi luulõtus “Vahetunn”, mitu palla loeti Saarõ Evarilt ja Contralt.
🌱 Luulõpäiv näüdäs', et umma kiilt om joudsamb pruuki ütenkuun: kõgõ kimmämbält jäivä kõlama luulõtusõ, midä loeti mitmõkõisi.
🍓 Lisas luulõlugõmisõlõ tennäti Sännän ka kõiki "Mino Võromaa" kirätöie võistlusõlõ kirotajit. Kokkovõtõt saa lukõ instituudi kodolehe päält.

🙏 Päävä kõrdaminekit tugõsi Võro Instituut, Eesti Kultuurkapital ja Sännä Kultuurimõis. Tennämi kõiki, kiä luulõtuisi lugõsi ja kirätöid saadi, lugõjiid-kirotajiid opassi ja üten elli. 🫶
📸 Pildi pääl omma Põlva gümnaasiumi nuurmehe üten oppaja Merili Ermeliga. Pilti tekk' Triin Toom, päivä kõrraldi Triin Rõõmusoks ja Kaile Kabun.

07/05/2026

Vahtsidõ võrokiilside laulõ võistlus Uma Laul!

Vällä om kuulutõdu vahtsidõ võrokiilside laulõ võistlus Uma Laul. Võistlusõlõ oodõtas umakiilsit ja umaluuduisi vahtsit laulõ vabal teemal. Laulõ oodõtas konkursilõ 23. süküskuus 2026. Vahtsidõ võrokiilside laulõ konkursiga luutva kõrraldaja saia vahtsit laulõ, et tävvendä järgmädse võrokeelidse laulupido Uma Pido lauluvarra. Võistlust kõrraldas Võro selts VKKF, tugõja omma Eesti Kultuurkapitali rahvakultuuri tsihtkapital, Võro- ja Põlvamaa ekspertgrupp ja Võro instituut. Võistlusõ statuudi ja täpsembä teedüse löüd kodolehe umapido.ee päält.

27/04/2026

🧛‍♀️🧙Mahlakuul käve muinasjutukõnõlõja Terje Lillmaa kõikin keelepesärühmin ja kõnõl' latsilõ luu "Paabakõnõ ja teedakõnõ", mis om peri raamatust "Õnnõotsja. Õnneotsija".
🗣️Lugu om oppuslinõ, sääl om tõistsugumaidsi tegeläisi ja pall'o kõrdamist. Latsõ saava üten kõnõlda, vahtsõt sõnavarra oppi ja peräst tegeläisist pilte joonista.

👍Terje Lillmaa pupitiatri tegevüst keelepesrühmin tugõva Rahvakultuuri Keskus ja Võro Instituut.

📸Pilte tei: Kaarsalu Pille ja Abeli Marve

23/04/2026

🍓7. lehekuu pääväl kell 11.00 kõrraldadas Sännä Kultuurimõisan võrokeeline Artur Adsonilõ pühendet LATSI JA NUURI LUULÕPÄIV.

🍊Umakeelidse luulõ ettekandmisõ mõtõ om miilde tulõta suurt võrokeelist luulõtajat ja härgütä lugõma tõisigi kiränige võrokeelist loomingut.

🍒Võrokeelitsel luulõpääväl võiva luulõtuisi lukõ kõiki Vana-Võromaa kuulõ ja latsiaidu esi vannusõn latsõ. Egä lugõja kand ette üte pala – Artur Adsoni vai mõnõ tõõsõ kirotaja võrokeelidse luulõtusõ. Lugõmisõ pikkus ei või olla üle nelä minodi.

🥕Luulõlugõmist hinnatas nelä vannusõrühmä perrä: latsiaid – I kl, II-IV kl, V-VII kl, IX-XII kl. Egäst latsiaiast vai koolist oodami ekkä vannusõrühmä ütte ütsikut esinejät vai kooni nelä liikmõga rühmä.

🍍Osavõtust (lugõja nimi, vannus/klass ja kuul/latsiaid ni oppaja nimi, luulõtusõ päälkiri ja kirotaja) tulõ teedä anda Võro Instituuti Rõõmusossa Triinulõ ([email protected]) ildampa 30.04.2026.

🍎Luulõpäivä kõrraldasõ ja tukõ andva Võro Instituut, MTÜ Sänna kultuurimõis, Eesti Kultuurkapital.