23/09/2026
TALLİNN RAEKODA tarixi muzey mərkəzində “SAZ VƏ BALABAN” 🇦🇿🇪🇪
19 sentyabr 2026 | Tallinn Raekoda
Milli Mədəniyyətlər Günləri çərçivəsində Azərbaycan Respublikasının Estoniyadakı Səfirliyi və “Buta” Azərbaycan Mədəniyyət Mərkəzinin rəhbəri Rövşən Nurun təşkilatçılığı ilə böyük ustad Aşıq Ələsgərin yaradıcılığına həsr olunmuş “Saz və Balaban” musiqili konserti və rəsm sərgisi keçirildi.
Milli musiqi alətlərimizin mahir ifaçıları Elnur İmanov, Mübariz Əliyev, Fikrət Əliyev və İlqar Səfərəliyev, həmçinin “Qratsia” və “Pääsuke” rəqs qrupları tamaşaçılara möhtəşəm sənət gecəsi yaşatdılar.
Tədbir böyük maraq və anşlaqla qarşılandı.
Bu gözəl tədbirin keçirilməsinə göstərdiyi dəyərli dəstəyə görə Tallinn şəhərinə və Estoniya İnteqrasiya Fonduna dərin təşəkkürümü bildirirəm.
Xüsusi olaraq Armudu, Kişmiş, Kamikadze və Meathub restoranlarına, Torudeabi şirkətinə, eləcə də bütün həmvətənlərimə göstərdikləri dəstəyə görə dərin minnətdarlığımı bildirirəm!
Azərbaycan musiqisini, incəsənətini və zəngin mədəni irsini Estoniyada tanıtmaq, xalqlarımız arasında mədəni əlaqələri daha da möhkəmləndirmək bizim üçün böyük qürur və məsuliyyətdir.
Azərbaycan və Estoniya — musiqi, incəsənət və mədəniyyət bir səhnədə! 🇦🇿 🇪🇪