Contact information, map and directions, contact form, opening hours, services, ratings, photos, videos and announcements from Salai Htain Lin Maung, History Museum, .
26/03/2024
လူတောမတိုးချင်တဲ့စိတ်
**********************
တစ်ယောက်တည်း အနေကြာလာတာများပြီး လူတွေနဲ့ ထိတွေ့ဆက်ဆံလေ့မရှိတဲ့ သူတစ်ယောက်ဟာ လူအများကြားထဲသွားရင် ရှက်သလိုလို ၊ ယုံကြည်မှုဘမရှိသလိုလို ဖြစ်ကြရတယ် ။
ရှက်ကြောက်ခြင်းဆိုတာ မိမိရဲ့စိတ်အတွင်းကနေလာတဲ့အရာ တစ်ခုပဲ ဖြစ်ပါတယ် ။ တစ်နည်းအားဖြင့်ရှက်ကြောက်ခြင်းဟာ သိမ်ငယ်စိတ်ကနေ ဖြစ်ပေါ်လာတာလို့လည်းပြောလို့ ရပါတယ် ။ ဒါဆို ရှက်ကြောက်တဲ့စိတ်က လူတစ်ယောက်ကို ဘာဖြစ်သွားစေနိုင်လဲ ။ တကယ်တော့ ဘာမှမဖြစ်သွားစေပါဘူး ။ ပြောတာနည်းနည်း ရှုပ်သွားမယ်ထင်ပါတယ် ။
ဟုတ်ပါတယ် ။ လူတစ်ယောက်ဟာ အရာရာမှာ ရှက်နေကြောက်နေတဲ့အခါ သူ လုပ်ချင်တာကို လုပ်ဖို့လည်း သတ္တိမရှိတော့ဘူး ။ အများကြားသွားဖို့ကိုလည်း အဆင်မပြေတော့ဘူး ။ အဲတော့ ဘာမှမလုပ်ဖြစ်တော့ဘူး ။ ဘာမှမလုပ်ဖြစ်တော့ ဘယ်နေရာမှ ထထမြောက်မြောက် ဖြစ်သွားတယ်ဆိုတာ မရှိတော့ဘူး ။ တစ်ချိန်လုံး ဒီရှက်တဲ့စိတ် ၊ ကြောက်တဲ့စိတ်ကသာ အချိန်တိုင်း ကြီးစိုးနေတော့တာပေါ့ ။
ဒါဆို ရှက်တဲ့စိတ် ၊ ကြောက်တဲ့စိတ်ကို ဘယ်လိုဖြေဖျောက်ရမလဲလို့ ခင်ဗျားတို့ ကျွန်တော့်ကို မေးကြမှာပါပဲ ။ အဲ့ဒီအတွက်တော့ ဝမ်းနည်းပါတယ် ။ ဖြေဖျောက်ဖို့အတွက် လုံးဝ နည်းလမ်းကို ကျွန်တော် မသိပါဘူး ။
ကျွန်တော့်တုန်းကလည်း ဒီလိုစာတွေ စတင်ဖို့အတွက်ကို တော်တော်လေး ကြောက်ခဲ့တယ် ။ လွန်ခဲ့တဲ့နှစ်တွေက ကျွန်တော်က Low profile နဲ့ နေနေကျသူ တစ်ဦးဖြစ်တယ် ။ ဘာ Post မှလည်း မတင်သလို ၊ My day တောင်မှ ကျွန်တော် တင်လေ့မရှိပါဘူး ။
အမှန်တိုင်းပြောရရင် အဲ့တုန်းက ငယ်သေးတဲ့ အရွယ်ဖြစ်တာရယ် ၊ အေးအေးဆေးဆေးနေတတ်တာရယ်ကြောင့်လားမသိ သို့သော် ကျွန်တော် Post တွေ့တင်ရင် ငါ့ကိုလူတွေ ဘာလာပြောမလဲစတဲ့ ရှက် ကြောက်စိတ်လေးကြောင့်လည်း ကျွန်တော် အတော်ကြာ ဘယ်သူမှမသိ ကိုယ့်နေရာလေးမှာပဲ နေခဲ့ဖူးတယ် ။
ဒါဆို ဘာလို့ ကျွန်တော်မရှက်တော့တာလဲ တစ်ခုခုဘလုပ်ရမှာကို မကြောက်တော့တာလဲ ။ ကျွန်တော် အထက်မှာပြောခဲ့သလိုပဲ အဲ့လိုလုပ်ဖို့ကို ကျွန်တော်နည်းလမ်းမသိပါဘူး ။
ဒါပေမယ့် ကျွန်တော် စခဲ့တယ် ။ ကျွန်တော် ဝါသနာပါတဲ့ အရာကို စခဲ့တယ် ။ စာတွေ စရေးတယ် ။ Videoတွေလုပ်တယ် ။ အဆက်မပြတ် လုပ်နေခဲ့တယ် ။ လုပ်ရင်းလုပ်ရင်း ကျွန်တော်ရဲ့ ငယ်ငယ်က ရှက်တတ်တဲ့စိတ် ၊ ကြောက်တဲ့စိတ်တွေ ပျောက်သွားခဲ့တယ် ။
နားလည်အောင်ပြောရရင် အလုပ်တစ်ခု ၊ ဝါသနာပါတဲ့အရာတစ်ခုကို စလုပ်လိုက်တာဟာ အချိန်ကြာလာတဲ့အခါ ကိုယ့်ဘဝရဲ့ ပြောင်းလဲမှုကို တကယ် တွေ့ရပါလိမ့်မယ် ။
ဟုတ်ပါတယ် ။ လူတွေဟာ အရမ်းကိုယ့်ကိုကိုယ် အပြစ်တင်ကြတယ် ။ “ ငါက အသုံးကိုမကျဘူး ၊ ဒီနေရာမှာပဲ ဒီနှစ်ကလဲ ၊ ငါက တကယ်ကို ငတုံး ” စတဲ့စတဲ့ အရာတွေနဲ့ ကိုယ့်ကိုကိုယ် ဝေဖန်ပြီးတော့ နေ့စဉ်စိတ်ဆင်းရဲမှုတွေကို ဝယ်ယူနေကြတယ် ။
တကယ်တော့ အဲ့လို အချိန်ကုန်ခံပြီး ကိုယ့်ကိုကိုယ် ပြန်ဝေဖန်နေမယ့်အစား ကိုယ့်ရဲ့ ဝါသနာပါတဲ့အရာ ၊ ကိုယ်တကယ် ရူးသွပ်တဲ့အရာတွေကို ကြိုးစားပြီး လုပ်စေချင်တယ် ။
စလုပ်တဲ့အချိန်မှာတော့ ရှက်နေ ၊ ကြောက်နေမှာပါပဲ ။ ဒါပေမယ့် လုပ်ရင်းလုပ်ရင်းနဲ့ ကိုယ့်ဘဝ ပြောင်းလဲမှုကိုကြည့်လိုက်ပါ ။ ရှက်နေကြောက်နေပြီး မလုပ်လိုက်ရင်တော့ ဆက်ပြီး ရှက်နေကြောက်နေအုံးမှာပါပဲ ။
#မင်းပြောင်းလဲနိုင်ပါတယ်
MK Book Store & စင်္ကာပူ
