03/11/2026
#ምግራም
ከምቲ ጥንታውያን ግሪኻውያን ፈላስፋታት ዝበልዎ፣ ፍልስፍናዊ ፍልጠት ብምግራም እዩ ዝጅምር።
ፈላስፋ ተገራም - ተመሳጢ እዩ። ፍልስፍናዊ ኣተሓሳስባ ኣብ ተምሳጥ ይዝራእን ይዓቢን።
ሶቅራጦስ “ፈላስፋ ቀዳማይ ዝስምዖ ነገር ኣግርሞይ እዩ። መጀመርታ ፍልስፍና ድማ ምግራም - ምምሳጥ እዩ።”
ወዲ-ሰብ ብምንታይ ክምሰጥን ክግረምን ይኽእል?
ክትፈላሰፍ ምኽኣል፣ ብስምዒት ምግራም ወይ ኣድናቖት ምምላእ እዩ። ሓደ ሰብ ሓድሽን ዘይተጸበዮን ነገር፣ ብዘገርም ጽባቐኡን ዕቤቱን ንህዋሳቱ ዝማርኽ ነገር ምስ ዘጋጥሞ ይግረም።
ኣእምሮ ኩሉ ግዜ - ብሓድሽ ነገራት ይምሰጥ፤ ብፍላይ ፍሉያትን ዘደንቑን ነገራት ጫፍ ተምሳጥ ይድይብ። እዞም ንኣእምሮ ብዘይተረፍ ዝዓብለሉ፡ ንኽገልጾም ድማ ቃላት ዝርከቦም ክስተታት ብምግራም ጥራይ ክንሓልፎም ኣይኮኑን ዘገድዱና። እንታይ ደኣ፥ ብዛዕባ ባህርያቶም፡ መበቆሎም #ክንፈልጥ # ዘነቓቕሓና ስምዒት ኣብ ውሽጥና ይነዝሑ'ዮም።
*እንታይ ኮን ክኾኑ ይኽእሉ?*
እዚ ኩሉ ድማ፡
እንታይ?
ከመይ፧
ንምንታይ፧
እዚ ከምዚ ዝበለ ኣድናቖት፣ ናብ ሕቶ ክመርሕ ይኽእል እዩ። ሕቶታት ድማ ናብ ፍልስፍና ክመርሑና ይኽእል።
ምድናቕ ~ ምሕታት ~ ምፍልሳፍ
ብሓጺሩ ከይተገረምካን ከይሓተትካን ፍልስፍና የለን።
ኣብ ኣድናቖት - ብ ኣድናቖት - ዝርከብ ፍልስፍና ንኹሉ ዝዕዘቦ ዝበለ ኣድናቖት ይመልኦ።
ፍልስፍናዊ ሓሳባት ምስቲ ልሙድ ንሓስቦ ፍጹም ዝጻረር ዝመስል ስነ-መጐታውን ሓሳባት ኣለዎም። ከመይ
ፍልስፍና ብዘገርም ፍልጠት ዝተመልአ ካብ መሰረት ዝፍልም ዓውድ እዩ። ፍልስፍና ምስጢራት ናይ ምፍታሕ ፍሉይ ክእለት ኣለዎ።
