Supreme Secondary Learner Government-GMATHS S.Y. 2025-2026

Supreme Secondary Learner Government-GMATHS S.Y. 2025-2026 The official page of GMATHS Supreme Secondary Learner Government S.Y. 2025-2026.

BRIGADA ESKWELA 2026: Pagkakaisa Tungo sa Maunlad na Panibagong Taon ng PanuruanSa Ika-1 ng hunyo, unang araw ng Brigad...
01/06/2026

BRIGADA ESKWELA 2026: Pagkakaisa Tungo sa Maunlad na Panibagong Taon ng Panuruan

Sa Ika-1 ng hunyo, unang araw ng Brigada Eskwela 2026, muling nating nasaksihan ang diwa ng pagkakaisa ng mga g**o, mag-aaral, magulang, at iba pang mga boluntaryong nagmula sa iba't ibang barangay sa ilalim ng temang, “BAYANIHAN SA PAARALAN: nag kakaisa para sa kaayusan at kaalaman”. Sa pamamagitan ng sama-samang pagtutulungan, naging mas magaan at mas mabilis ang paglilinis ng bawat sulok at silid-aralan ng ating munting paaralan.

Ang kanilang taos-pusong pagmamahal at kusang-loob na paglilingkod sa paghahanda ng mga silid-aralan para sa nalalapit na panibagong taon ng panuruan ay patunay ng kanilang malasakit sa edukasyon. Sa pamamagitan ng kanilang pagsisikap, Paunti-unti nating naitataguyod ang isang malinis, maayos, at ligtas na kapaligiran na magsisilbing daan tungo sa mas maginhawa at mabuting pagkatuto ng bawat mag-aaral.




Mula sa GMATHS Supreme Secondary Learner Government, Happy Pride Month! 🏳️‍🌈Ang buwan ng Hunyo ay hindi lamang isang pan...
01/06/2026

Mula sa GMATHS Supreme Secondary Learner Government, Happy Pride Month! 🏳️‍🌈

Ang buwan ng Hunyo ay hindi lamang isang panibagong buwan—kundi isang makulay na selebrasyon. Ito ay buwan ng pagdiriwang ng mga pusong naglakas loob na mag-pakatotoo at buwan ng pag-ibig—walang kundisyon, walang pinipili.

Para ito sa komunidad ng LGBTQIA+++ community na minsa‘y hindi tinanggap ng lipunan, ngunit piniling gumawa ng sariling espasyo na kasing laki ng pangarap. Nawa‘y maging simbolo ang Pride Month na ang pagkakaiba ay hindi pagkakatawak-watak kundi disenyo.




Malugod na binabati ng GMATHS SSLG si Andre Sean Llanes, dating Assistant Secretary, sa kanyang pagiging Qualifier para ...
30/05/2026

Malugod na binabati ng GMATHS SSLG si Andre Sean Llanes, dating Assistant Secretary, sa kanyang pagiging Qualifier para sa DOST-SEI Science Institute Education Undergraduate Scholarship 2026!

Ang tagumpay na ito ay patunay ng iyong pagsisikap, matinding dedikasyon, at kahusayan sa pag-aaral at paglilingkod. Ipinakita mo na sa pamamagitan ng sipag at determinasyon, ang lahat ng pangarap ay maaaring marabout. Hangad namin ang iyong patuloy pang tagumpay sa hinaharap!




Balik-Eskwela—panibagong pagkakataon, para sa mas mataas na antas ng pagkatuto!Sa pagsisimula ng panibagong taon ng kaal...
30/05/2026

Balik-Eskwela—panibagong pagkakataon, para sa mas mataas na antas ng pagkatuto!

Sa pagsisimula ng panibagong taon ng kaalaman, nawa’y maipamalas natin ang kahandaan, disiplina, at masusing pagtutuon sa mas mataas na antas ng pagkatuto. Ito ang panahon na dapat planuhin ang ating mga layunin, paghusayan ang mga kasanayan, at kilalanin ang mga responsibilidad na kaakibat ng pagiging isang GMATHSIANS!

Habang tayo ay naglalakbay sa landas ng pagkatuto, nawa mapanatili natin ang kaayusan sa pamamagitan ng aktibong pakikilahok at tapat na pagganap sa mga gawaing pang-akademiko. Ang panibagong yugto ng pag-aaral ay simula rin ng pagkakataon upang pagyabungin ang karunungang nasimulan—patuloy na lumalago, humuhubog, at nagpapatatag sa ating kinabukasan.

Caption:

Balik-Eskwela na, GMATHSians!

Ako si (Pangalan) ng Mataas na Paaralang Teknikal ng General Mariano Alvarez. Sa muling pagbubukas ng ating paaralan, panibagong yugto na naman ang ating haharapin. Mga bagong g**o, bagong kaklase, bagong kaibigan, at mga bagong karanasang magbibigay kulay sa ating paglalakbay bilang mga mag-aaral.GMATHSians, sama-sama nating salubungin ang taong panuruan 2026–2027 nang may positibong pananaw, determinasyon, at sigasig! Huwag matakot sumubok, magkamali, at matuto, sapagkat bawat araw ay isang pagkakataon upang mas mapalapit sa ating mga pangarap at mithiin.Panibagong taon, panibagong pagkakataon. Tara na at sama-sama nating likhain ang isang makabuluhan at matagumpay na taon!

Link: https://twb.nz/gmaths-sslg-dpblast-2026to2027




Brigada Eskwela na, GMATHSians! Mga magulang, g**o, mag-aaral, alumni, at mga katuwang sa komunidad halina‘t makiisa sa ...
29/05/2026

Brigada Eskwela na, GMATHSians!

Mga magulang, g**o, mag-aaral, alumni, at mga katuwang sa komunidad halina‘t makiisa sa Brigada Eskwela 2026! Sama-sama nating salubungin ang Taong Panuruan 2026-2027 nang may pagkakaisa at malasakit para sa mas maayos at handang paaralan sa mga mag-aaral. Sa temang “Bayanihan sa Paaralan: Nagkakaisa para sa Kaayusan at Kaalaman.“ ang sama-samang pagkilos ay ang s’yang susi para sa mas handang pagbabalik-eskwela.

Ang paaralan ay hindi lamang pangalawang tahanan, dito rin hinuhubog ang mga kabataan na pag-asa ng kasalukuyang henerasyon. Sa nalalapit na pagbubukas ng paaralan, ating ipamalas ang tunay na diwang Pilipino—ang pakikiisa.

Sa bawat pagwawalis na naglilinis ng daan, sa bawat pintura na nagbibigay kulay, at bawat kamay na handang tumulong, unti-unti natin hinuhubog ang paaralan na puno ng pag-asa. Sa pagkakaisa ng komunidad, mas nagiging matatag ang pundasyon ng edukasyon at mas nagiging maliwanag ang landas na tatahakin ng bawat GMATHSians. Tara na’t magkaisa para sa mas maaliwalas, organisado, at handang pagbabalik-eskwela!




Sa pagdiriwang ng National Flag Days, ipinapakita natin ang ating pagmamahal, paggalang, at pagkakaisa bilang mga Pilipi...
28/05/2026

Sa pagdiriwang ng National Flag Days, ipinapakita natin ang ating pagmamahal, paggalang, at pagkakaisa bilang mga Pilipino sa ilalim ng ating pambansang watawat. Ang bawat kulay, simbolo, at disenyo nito ay sumasalamin sa tapang, kalayaan, at sakripisyo ng ating mga bayani na nagbigay-daan sa ating kasarinlan.

Nawa’y manatili sa ating puso ang diwa ng pagiging makabayan at patuloy nating ipagmalaki ang bandilang Pilipino saan man tayo naroroon. Isang pagpupugay sa ating kasaysayan, kultura, at sa bawat Pilipinong patuloy na nagmamahal sa bayan. Mabuhay ang watawat ng Pilipinas!




HUMABOL NA SA HULING ARAW NG PAGPAPAREHISTRO!Bukas, Mayo 18, 2026, na ang huling araw ng pagpaparehistro bilang botante ...
17/05/2026

HUMABOL NA SA HULING ARAW NG PAGPAPAREHISTRO!

Bukas, Mayo 18, 2026, na ang huling araw ng pagpaparehistro bilang botante sa General Mariano Alvarez, Brgy. San Gabriel, mula 8:00 AM hanggang 3:00 PM.

Mga kailangang dalhin:
• School ID
• Kopya ng Birth Certificate

Bilang mamamayang Pilipino, mahalagang gamitin natin ang ating karapatang bumoto para sa ikauunlad ng ating komunidad at bansa. Ang bawat boto ay may halaga at maaaring maging daan sa pagbabago.

Kaya tara na at magparehistro — maging bahagi ng mas maunlad na kinabukasan!




GMATHS SSLG Officers, dumalo sa Lasallian Youth Governance and Responsible Citizenship WorkshopNitong Ika-13 ng Mayo 202...
15/05/2026

GMATHS SSLG Officers, dumalo sa Lasallian Youth Governance and Responsible Citizenship Workshop

Nitong Ika-13 ng Mayo 2026, matagumpay na nakibahagi ang GMATHS Supreme Secondary Learners Government (SSLG) sa tatlong araw na workshop ng Lasallian Community Development Center (LCDC) na may temang “Lasallian Youth Governance and Responsible Citizenship Workshop” na ginanap sa De La Salle University–Dasmariñas.

Ang nasabing workshop ay dinaluhan ng iba’t ibang kinatawan mula sa Sangguniang Kabataan (SK) Chairpersons ng iba’t ibang lugar, gayundin ng mga youth-led organizations mula sa iba’t ibang institusyon. Tinalakay sa programa ang mahahalagang paksa tulad ng leadership development, responsible voting, at disaster preparedness and response na layuning palakasin ang kaalaman at kakayahan ng kabataang lider sa kanilang mga komunidad.

Sa kabuuan, naging makabuluhan ang nasabing pagsasanay dahil nagbigay ito ng mas malalim na pag-unawa sa tungkulin ng kabataan sa pamamahala at pagiging responsableng mamamayan. Taos-pusong nagpapasalamat ang GMATHS SSLG sa imbitasyon na makibahagi sa ganitong uri ng workshop na naglalayong hubugin ang mas handa, mulat, at aktibong kabataang lider para sa hinaharap.




Para sa lahat ng indibidwal na tumatayo bilang ilaw ng tahanan—isang mapagpalang Pagbati po ng Happy Mother’s Day! Ngayo...
10/05/2026

Para sa lahat ng indibidwal na tumatayo bilang ilaw ng tahanan—isang mapagpalang Pagbati po ng Happy Mother’s Day!

Ngayong ika-sampung araw ng Mayo, taos-puso nating binibigyang-pugay ang mga nanay na nagsisilbing tanglaw ng lipunan. Kayo ang mga tahimik na bayani na patuloy na lumalaban, nagsasakripisyo, at nagmamahal nang walang hinihintay na kabayaran. Nasaan man kayong panig ng mundo, kinikilala namin ang inyong katapangan at katatagan.

Hindi matutumbasan ng anumang salita ang sakripisyong inyong inialay para sa inyong mga minamahal na anak. Para sa bawat pangarap na inyong isinantabi upang unahin ang kapakanan ng pamilya—lubos namin kayong kinikila at pinasasalamatan!

Kaya sa espesyal na araw na ito, nawa'y maramdaman ninyo kung gaano kayo kahalaga at kamahal dahil kayo ang matibay na haligi ng bawat tahanan. Ang inyong kontribusyon sa pamilya at lipunan ay hindi matatawaran. Kayo ang aming unang g**o, unang kaibigan, at mananatiling kanlungan habang buhay.




Ngayong unang araw ng Mayo, ating ipinagdiriwang ang Araw ng mga Manggagawa—isang pagpupugay sa bawat kamay na nagsisika...
01/05/2026

Ngayong unang araw ng Mayo, ating ipinagdiriwang ang Araw ng mga Manggagawa—isang pagpupugay sa bawat kamay na nagsisikap, bawat pawis na tumutulo, at bawat pangarap na isinusulong para sa mas magandang bukas.

Ang Araw ng mga Manggagawa ay paalala na ang lakas ng Pilipinas ay nagmumula sa marangal na paggawa at pagkakaisa ng bawat Pilipino. Walang maliit na trabaho, dahil lahat ay may mahalagang ambag sa pag-unlad ng ating bayan.

Taos-pusong pasasalamat sa dedikasyon at tiyaga ng ating mga magulang, g**o, at lahat ng manggagawa. Kayo ang tunay na bayani ng ating lipunan!

Mabuhay ang manggagawang Pilipino!




Address

#688 Congressional Road
Poblacion I
4117

Website

Alerts

Be the first to know and let us send you an email when Supreme Secondary Learner Government-GMATHS S.Y. 2025-2026 posts news and promotions. Your email address will not be used for any other purpose, and you can unsubscribe at any time.

Contact The Museum

Send a message to Supreme Secondary Learner Government-GMATHS S.Y. 2025-2026:

Shortcuts

Share